(هذا البوست بمناسبة العام الجديد)
ازيكوا ياجدعان عاملين ايه يارب تكونوا بخير
بعد ساعات بسيطة بيهل علينا عام جديد وبنودع
عام مضي بحلوه ومره
سنة كاملة ياجماعة مرت من عمرنا
عارفين الايام يا جماعة بتجري بسرعة قوي
انا فاكر من لسة كنت قاعد جنب امي بنتفرج
علي شريف في برنامج( من كل بلد اكلة) وهو طالع مع الشيف حسن
وكانوا بيحتفلوا بعام 2007وبعملوا تورتة كان شكلها حلو قوي
الموضوع دة مر عليه سنة كاملة
انا فاكره زي مايكون امبارح
- فاكر كمان ساعة كاس الأمم الأفريقية
اللي كانت في مصر وكانت التذاكر بتبتاع
ب500 في السوق السودة بعد نفاذ التذاكر
الراجل رئيس القسم كان بيهزر معايا قالي
مش هتروح تشجع مصرقولتله ادفع مرتب
شهر في ساعتين قالي وماله كله يهون علشان
خاطر مصر
رديت الأحسن اشوفها في التلفزيون وهشجعها بردة
وبعدها بحوالي 6شهورمشيت انا من الشركة
انا لسة فاكر موقف رحيلي زي مايكون
امبارح واهو مر عليه سنة ونصف
اللي عايز اقولوا ليا وليكوا
ياريت لوكل واحد يقعد مع نفسه قاعدة
صراحة كدة يحدد ايه الأنجازات
اللي عملها في 2007وايه الأخفاقات
اللي حصلتله وايه اسبابها ويحدد لنفسه
خطة لمشاريع 2008 بس يحاول يتلافي اخطاء 2007
بلاش يا جماعة السنة اللي جاية تبقي زي
اللي عدت تعالوا نحاسب نفسنا ونقف معها وقفة بجد
تعالوا نتغير علشان لما ربنا يلاقينا بنغير
من نفسنا يغير من حالنا ونبقي احسن
تعالوا بجد نحاول ونبدأ
ربنا يوفقنا كلنا
وكل سنة وانا وانتوا طيبين
3 comments:
اولا احب اشكرك على تعليقك الحكيم عن بلوجاوى سيندروم
و اتمنى لك سنه سعيده
و لكن بعد ان حاسبت نفسى عن السنه الماضيه وجدت انها كالتى قبلها و اننا لا نتدخل فعليا فى مجريات السنه و حتى عندما نحدد اهداف معينه لتحقيقها تحدث اشياء خارجه عن اراده الانسان و تعدى السنه
تعلمت ان اعيش كده بالبركه و اسيب نفسى للحياه تاخدنى لمصيرى
happy new year
اشكرك لمرورك الكريم
بس عايز اقولك ماينفعش نفضل سايبنها كدة للظروف يعني لازم نفكر وناخد بالأسباب ونسيب النتايج علي ربنا
I аm not sure where уou are gеtting your
info, but good toρic. I nеeԁs to spend sοmе time lеarning moгe
oг understаnding mοrе.
Thanks fοr exсellent infогmаtion I was
looking for this infoгmation for my misѕion.
Reνiеw my weblog: payday loans
Post a Comment