Sunday, June 7, 2009

نشاط اعلامى مكثف للرئيس السابق .. اهلا بيك يا كبير

" الحمد لله الذي بنعمته تتم الصالحات "



ازيكم يا احلى اصدقاء في الدنيا يارب تكونو في احسن صحة وحال



في الحقيقة يا جماعة الفترة اللي فاتت ماكانتش فترة راحة بالنسبة للرئيس السابق هو والمتحدث الرسمي والقائم بجميع اعماله السيد مصطفى ريان كاتب هذه السطور
حيث كانت مليئة بالشحن والظهور الاعلامى




"استمد قصصي من الواقع المعاصر للشباب "


دة كان عنوان الحوار اللي اجرته معايا الصحفية الجميلة اسماء رمضان في جريدة العالم اليوم وفي الحقيقة يا جماعة انا فرحان قوي بالحوار دة لأن اول ظهور اعلامى للرئيس السابق قبل النشر كانبردو مع اسماء رمضان وفي العالمك اليوم ودلوقتي بعد ما صدر الحمد لله اول ظهور اعلامي بردو معاها


وفي الحققية انا عايز احيي اسماء اللي اتحمست قوي للحوار واول ماعرفت ان الكتاب نزل طلبت مني اننا نعمله وقالتلى ان شاء الله هينزل الاسبوع دة وفعلا اجلت كل اللي كانت بتعمله علشان تعمل معايا الحوار وانا في الحقيقة بشكرها جدا


كمان اللي مفرحنى في الحوار دة انى اكتشفت ان جرنال العالم اليوم مطلوب جدا وبيتباع قوام لدرجة انى شخصيا تعبت جدا على بال مالاقيت نسخة وسالت في حدائق حلوان


- حيث اسكن - وفى حلوان وفي المعادي وكله كان بيقولى خلص ومالقتهوش غير في وسط البلد قدام فراشة الجرايد الكبير اللي قدام الامريكين والراجل فعلا قالي الجرنل دة بيخلص بسرعة ودة معناه ان في قراء اكتر هيطلعو علي الرئيس السابق ويعروفو اخباره
الظهور الاعلامى التانى كان في جريدة اليوم السابع
http://www.youm7.com/News.asp?NewsID=104606&SecID=94&IssueID=0
حيث كتب الروائي الكبير وجدى الكومى خبرا مطولا عن الكتاب كان عنوانه
( مصطفى ريان يدون اعترافات رئيس سابق )
تحدث فيه عن قصة اعترافات رئيس سابق وتناول قصص المجموعة بشكل عام
اما الظهور الاعلامي الثالث فقد كان في موقع جود نيوز
حيث نشرت صديقتى العزيزة علا الشربينيى خبر مطولا عن الكتاب ذكرت فيه مجموعة كبيرة من قصص المجموعة ومن موضوعاتها وذكرت ايضا ان القارئ ولابد سيجد نفسه في احدى قصص المجموعة
وانا من هنا اود ان اشكرها واحيها
وان شاء الله انتظرو اخبارا اخرى عن الرئيس السابق
لكن قبل ما انهي عايز اشكر صديقتى الغالية والعزيزة جدا بنت منطقتى منى الشهيرة بكيارا اللي نزلت بوست مخصوص عن الكتاب في مدونتها
http://mulan22.blogspot.com/2009/05/blog-post_26.html
وكانت تقريبا الوحيدة اللي عملت كدة وكتبت عنوان حلو قوي
( اخيرا حلم ابن منطقتى اتحقق )
واستفاد الرئيس السابق من قراء مدونة مشهورة قوي زيها
طبعا لازم اشكرها مرة تانيه وعاشرة ومليون
كمان بشكر كل اصدقائي اللي نشرو غلاف الكتاب عندهم في المدونة .. ربنا يخليكو ليا ولا يحرمنى ابدا منكم
واخيرا مازال الرئيس السابق ينتظر منكم الكثير
ومازلت اتمنى ان ينال اعجابكم وف يانتظار رأيكم عنه
تحياتى لكم جميعا ودمتم بكل الخير

14 comments:

كيــــــــــــارا said...

اووووووووووووووول تعليق هيييييييييييييييييييه

كيــــــــــــارا said...

الف الف الف مبروووووووووووووووووووك علي النشاط دا برغم اني عارفه اد ايه انت تعبت لكن كله يهون في سبيل الكتاب وان شاء الله ينجح ويكون مشهوووووووووووووووووووور اوي

كيــــــــــــارا said...

ايييييييييييييييه دا بقي وربنا اتحرجت ووشي جاب الوان

ليه بس كدا يامصطفى انا موش عملت حاجه عااااااااااااااااااااااا ايه الاحراجات تي

mahasen saber said...

ربنا يوفقك دايما يا درش

واستنى يا ريس هو انتا لسه شوفت حاجه
ان شاء الله التركيز الاعلامى هيبقى اكتر والكتاب هينجح وهبفرقع اكتر بكتير مما تتخيل


ربنا يوفقك با مصطفى وييسرلك كل خير ان شاء الله

تايه في وسط البلد said...

كيفك يا درش

مستني تليفونك يا بطل

والف الف مبروك

!!! عارفة ... مش عارف ليه said...

الف مبروك يا مصطفى

وإن شاء الله ربنا ييسر ويكلل كل تعبك ده بالنجاح

والحلم يستحق ما تلاقيه من عناء

وإن شاء الله بالتوفيق دائماً


اخوك
وليد

z!zOoOo said...

السلام عليكم

ارجو الرجوع الي اخر موضوع عندي

لرؤيه التحديث في اخر الصفحه للأهميه

وعذرا للإزعاج

الدرعمي said...

مبااارك و بالتوفيق يا رب يامصطفى تخلص الطبعة الأولى قبل ما آجي عشان في حفل التوقيع توقع لي عالطبعة التانية @ تحياتي @

إيناس حليم said...

مبروووووك مبروووووووووك مبروووووووك
3 مبروك :)

ربنا يكرمك ويفرحك ويديك على قد تعبك بإذن الله

mostafa rayan said...

كيارا
بنت منطقتى ربنا يسمع منك
وبعدين مافيش احراج دة حقك يا بنت منطقتى


- محاسن
اهلا بيكي يا جميلة
والله يا محاسن انا مستنى بقالى كتير قوي
دعواتك انت بس وربنا يكرمك
تحياتى ومحبتى ليكي يا صديقتى الغالية


- تايه في وسط البلد
باشا ازيك يا جميل هكلمك قريب يا غالى ان شاء الله


- عارفة مش عارف ليه
الله يخليك يا وليد ويتقبل دعائك الحلو ليا
تحياتى ومحبتى ليك يا جميل



- زيزو
تم المطلوب ولا ازعاج
تحياتى لك


- الدرعمى
يارب يا احمد يارب يتقبل منك الدعوة دي
كل تحياتي لك



- ايناس حليم
الله يخليكي ويتقبل منك
كل تحياتى لك

z!zOoOo said...

السلام عليكم

اسئل الله ان تكون بخير

وفقك الله وإيانا لما يحبه ويرضاه

سعيد من أجلك أخي

ومن نجاح إلي نجاح

وأسعد الله قلبك

وعذرا مره أخري علي القلق والازعاج

في رعايه الله

Israa El-sakka said...

مبروك و إن شاء الله من نجاح لتاني
إسراء

د. ياسر عمر عبد الفتاح said...

الف مبروك يا درش
وإن شاء الله حلمك يتحقق وتبقي كاتب كبير

mostafa rayan said...

z!zOoOo
الله يكرمك يا اخى
وان شاء الله مافيش ازعاح
لك كل المحبة


- اسراء
الله يبارك فيكي
تحياتى لك


- د. ياسر
ربنا يخليك يا اخي
وان شاء الله الكتاب يعجبك