الجزء السادس من الرباعيات

(51)

عاشق عنيكي السود .. عاشق وبحب بجد

وشوقي مالوش حدود .. واصل لأبعد حد

وانت ليه بعيدة وقلبك مش حاسس بيا

بنادي عليكي عودي مش قادر علي البعد

(52)
تعالي بس انا عايز اقولك كلمة
بجد عيونك حلوة حلوة
وليه مخبياها بالنضارة الغبية دي
مش حرام عليكي تحرميني من اني اسمع احلي غنوة
(53)
ياعيني علي العجوزلما بيدلع
بيبقي عامل زي الباب المخلع
لكن من حق الراجل يعيش حياته كمان
انا رأي يعمل اللي عايزه واياكش تولع
(54)
اول بنت عرفتها كانت اسمها دينا
كانت شوية متختخة لكن كانت جميلة
واتفرقناوبعد سنين قابلتها في الجامعة
ماعرفتهاش اصلها كانت شبه نينة
(55)
غيرت موبايلي الدمعة لn73
ولبست البدلة الكاملة وهجرت الكاجول وير
وبقيت واحد تاني لاجل اقدر ارضيكي
ويبدوا ان رضاكي من سابع المستحيل
(56)
بالصدفة قابلت صاحب ماشفتهوش من زمان
وكنت عايز اجري اخده بالأحضان
لكنه سلم عليا بمنتهي الفتور
انا مش زعلان منه ماهو دة حال الزمان

(57)
تعبت بقي من الوحدة ومن مؤمن وجاد
واشتقت للقمة حلوة ولست وللولاد
لحد يفرح لفرحي ويبكي معايا في حزني
ومافيش مانع بردة نمسك في بعض ساعات
(58)
عاكست البنت الحلوة وانا ماشي مع اصحابي
قالتلي لو عجباك تعالي ودق بابي
سكت انا ماعرفتش اقولها ايه
ومن ساعتها ماعكستش بنات تاني
(59)
ايوة بحبك انت يعني بحب مين
وكل كلامي عليكي يعني هيكون علي مين
عارف انك مجنونة ودماغك مش معاكي
لكن بردة بحبك مااحنا الأتنين مجانين
(60)
ازاي تقولي عليا بصباص وفارغ العين
وهتجوز واحدة تانية وابقي جوزالاتنين
انا مش هتجوزتاني .. مش هغلط نفس الغلطة

مصيبة واحدة كفاية عليا مش هيبقوا اتنين