Friday, December 21, 2007

عن عودة عبير صبرى

لم استغرب كثيرا عندما قرأت خبر خلع عبير صبري للحجاب وعودتها للتمثيل
مرة اخري فقد كان ذلك شيئا متوقعا علي الأقل بالنسبة لي ولكني لم استطع
ان امنع نفسي من الأستنكار والاندهاش عندما قرأت انها اخذت ذلك القرار
لأنه لم يعد لديها عمل اذ ان عبير بالفعل كانت تعمل كمقدمة برامج وكانت
تقدم برنامجين في قناة اقرأ وروتانا وكان البرنامجان يعودان عليها بعائد
مجزي
لم استطع ان امنع نفسي من ا ايضا لضحك وانا اذكر ذلك التحقيق الصحفي الذي
كنت قد قرأته وأنا في الجامعة والذي اجرته معها مجلة التيار الأسلامي
وقالت فيه عبير انها لن تعود للتمثيل مرة اخرى وان التمثيل صفحة وانقضت
في حياتها وانها الأن متفرغة للعبادة - نفس الكلام ايضا قالته مني عبد
الغني و سهير البابلي
في تحقيقات معهما مع نفس المجلة -
ان المتأمل للأمر يجد ان السبب الحقيقي لعودة لعبير وغيرها من الفنانين
الذين اعتزلوا وعادوا ليس المال فقط ولكن هو نفس السبب الذي يجعل غيرهن
يتحجبن ثم يخلعن الحجاب وهو الذي يجعل كثير من الشباب يتدين ويطلق لحيته
ثم بعد فترة يحلق اللحية ويعود لما كان عليه قبل ذلك
ذلك السبب هو الفتور وعدم الوقوف علي اقدام ثابته في التدين
معظم هؤلاء يكون سبب تدينهم موقف عاطفي تعرضوا له
- موت صديق او عزيز أو حضور موعظة مؤثرة مثل ماحدث مع عبير – يؤثر فيهم
ذلك الموقف ويقرروا تغيير حياتهم ثم عندما تهدأ العاطفة يعودن لما كانو
عليه قبل ذلك ، الخطأ الذي يقع فيه معظم من يتدين ويترك التدين انه لا يحال
ان يتعلم دينه بطريقة صحيحة فالدين مثله مثل اي مجال لابد للأنسان ان

يتعلمه كي يفهمه ويثبت اقدامه فيه فمعظم هؤلاء لم يحاول قرأة ولو كتب
بسيطة عن السيرة والتفسير والفقه وفروع الدين المختلفة لكي يصنع من نفسه
مسلما فاهما مستبصرا عالما بشؤن دينه معظمهم يكتفي فقط بسماع دروس
الموعظة ممن اطلق عليهم الدعاة الجدد ولو قرأ فكتب بسيطة معظمها في
الرقائق والترغيب والترهيب وهذا بالطبع وحده لا يكفي فالسبيل الوحيد
للنجاح والثبات في اي مجال والدين من باب اولي هو العلم والفهم وليس مجرد
سماع عمرو خالد ورفاقه

8 comments:

رطلين مــــــــــــخ said...

مش عبير صبرى بس اللى خلعت الحجاب فى قبليها كتير
والسبب الاساسى ان الاسلام و التدين ما هو الا موقف قوى من انسان حكيم
بمعنى ان معظمهم بيتدين فى حاله ضعف وبيكون منكسر ومحتاج ربنا فعلا
ساعتها بنعرف ربنا ونرجعله
وسبحان الله ربنا بيقبلنا
لكن علشان نستديم فى التدين لازم نكون محتاجين ربنا و لأبد و فى مواقف القوه و
العزه قبل مواقف الضعف و الوهن
ويكون عندنا قدر من الثوابت للثبات عليها فمهما تغيرت الدنيا من حولنا سنظل متمسكين بمبدأنا
واخير قليلا دائم خيرا من كثير منقطع

mostafa rayan said...

رطلين مخ
اشكرك ياجميلة علي مرورك الكريم
وانا متفق معاكي في كلامك دة
وياريت ماتحرمنيش من زيارتك

مرجانة said...

هو اولا مش عيب ان الانسان فى حالة انه يمر بكرب او محنة او ماشابه يعود اله الله
لكن التسرع فى القرارات هو المشكلة
و ارتداء زي مجرد زي لا ينم عن تحول جوهر الانسان باكمله
فكلنا يعرف ان انتشار الحجاب الان غالبيته مرده الى نظرية العقل الجمعي
الطريف ان من ترتدي الحجاب يتم حثها بضرورة حث اصدقاءها على ارتداتءه وكانه عرض تجاري او offer
على الرغم ان الججاب له رمز ديني كبير من سمو روحي و الرغبة فى عدم التزين وبل و الانتصار على الرغبة الغريزية للمراه فى التزين و ارتداء الحجاب الحقيقي
, على الرغم من كل هذا غير ان الحجاب الان للاسف -واقول للاسف فقد مصداقيته و معناه عندما انتشر وكانه بوابة للجنة وانتشر معه الدين الزائف و اختلاف الجوهر عن المظهر حتى ان البعض يحض على ارتداءه لمجرد اثبات الهوية الاسلامية رغم ان اليهود يرتدونه و الراهبات يرتدونه
اما الفنانات فلالله اعلم بكل واحدة و قادر على ان يحاسبهم بما سببوه من رداءه للقيم
تحياتي

Eslam Samir said...

لمحة جميلة منك مناقشة اسباب
التراجع عن الحجاب
المشكلة تفوق اسباب كثيرة
و لكن من به عادة صعب أن يتركها ..
شكرا لك

د. ياسر عمر عبد الفتاح said...

أنا لسه قارى البوست ده دلوقت
والسبب فعلاً الفتور فى الإلتزام بعد فترة
لكن سبب الفتور مش لازم يبقى قلة العلم والإلتوام المصاحب للمواقف الصعبة بس

ده سبب مهم لكن مش كل حاجة

لأن الفتور فى حد ذاته شىء طبيعى جداً ومش محتاج أسباب وفيه أحاديث واردة عن النبى صلى الله عليه وسلم بكده

وكمان ضغوط المجتمع المتتالية فى الأول بتقدر تواجهها بمنتهى السهولة لأن إيمانك بيبقى قوى لكن الإيمان بيزيد وينقص ولما بينقص الضغوط دى بتبقى أكبر واشد.

وحاجات تانية كثير زى عدم وجود صحبة صالحة ووجودها فى نفس الوسط مرة تانية واصلاً هيه إلتزامها كان مهزوز جداً وكانت بتخبط جامد.

على العموم الخبر رغم إنه كان متوقع الى حد كبير لكن كان برضه محزن.

شكراً يا درش .. وأسف على الرغى الكثير

dr.walaa said...

انت عندك حق ميه بالميه دى بقت موضه دلوقتى بس ياريت بقت العواطف بس هى اللى ممكن تخلى واحده تاخد قرار لبس الحجاب للاسف الشديد بقى فى حاجات كتير اهيف من كده ذى الموضه مثلا او ان البنت مش فاضيه تهتم بشعرها او شعرها مش حلو ياااااااه بجد مش قارة اكمل دى حاجه تكسف ياريت نفهم بقى ان كفايه بعد عن ربنا بقى كفايه اللى احنا فيه كل يوم والتانى بنسمع عن مصيبه والسبب بعدنا عن ديننا

dr.walaa said...

انت عندك حق ميه بالميه دى بقت موضه دلوقتى بس ياريت بقت العواطف بس هى اللى ممكن تخلى واحده تاخد قرار لبس الحجاب للاسف الشديد بقى فى حاجات كتير اهيف من كده ذى الموضه مثلا او ان البنت مش فاضيه تهتم بشعرها او شعرها مش حلو ياااااااه بجد مش قارة اكمل دى حاجه تكسف ياريت نفهم بقى ان كفايه بعد عن ربنا بقى كفايه اللى احنا فيه كل يوم والتانى بنسمع عن مصيبه والسبب بعدنا عن ديننا

dr.walaa said...

انت عندك حق ميه بالميه دى بقت موضه دلوقتى بس ياريت بقت العواطف بس هى اللى ممكن تخلى واحده تاخد قرار لبس الحجاب للاسف الشديد بقى فى حاجات كتير اهيف من كده ذى الموضه مثلا او ان البنت مش فاضيه تهتم بشعرها او شعرها مش حلو ياااااااه بجد مش قارة اكمل دى حاجه تكسف ياريت نفهم بقى ان كفايه بعد عن ربنا بقى كفايه اللى احنا فيه كل يوم والتانى بنسمع عن مصيبه والسبب بعدنا عن ديننا