(21)
(رباعية في حب الفاجومي)
كلام من القلب طالع واتقال في حب مصر
زي طلقات البارود زي نسيم العصر
ولا عمره في يوم يخون مهما يشوف من قهر
الله عليك يا فاجومي ودمت في صحة وستر
(22)
كل شيء حواليا بيتحرك وانا اللي واقف سر في مكاني
حتي الشمس بتشرق وتغرب والعصافير بتبني بيوت وتغني اغاني
يا هذا الشيء اللي جوايا امتي هتتحرك
ضاعت سنين كتير من غير ما احقق حلم من احلامي
(23)
بصيت في المراية بصيت شوية كتير بجد ماعرفتنيش
دة انا شكلي واحد تاني واحد مايشبهنيش
مش بس البدلة جديدة متغير من جوايا
آه .. انا اصل همومي قالتلي هرتاح منك شوية واسيبك من غيري تعيش
(24)
وقالولي شوف منال قلت منال اهي قاعدة دة حتي لسة بدري
يومين وراحت منال قالولي شوف اميرة قلت مش داخلة قلبي
وواحدة وراها واحدة وانا واقف علي الواحدة
سنين العمر ضاعت وانا لسة عايش لوحدي
(25)
قلبي يا مسكوك بالضبة والمفتاح
امتي النور هيدخل ونشوف الأفراح
امتي نحب واحدة امورة زي الوردة
نعيش معاها حياتنا وننسى كل الجراح
(26)
كلمني ياحبيبي علي الياهو ولا علي الهوت ميل
لوكانوا مش عاجبينك كلمني علي الجي ميل
لوهو كمان مش عاجبك اسجل على مكتوب
كلمني علي الفودافون ولا علي موبينيل
(27)
وياموج البحر قولي حبيبي عامل ايه
فاكر هوايا ولا غرامي خلاص نسيه
سكت الموج شوية وقالي ياعم انساه
دة حب واحد تاني وعايش معاه لياليه
(28)
انا مش شاب نايتي دة انا شاب جامد قوي
واعرف اجيب التايهة وامشي في طريق ملتوي
واذا كنت ابان قصادك طيب وابن حلال
مابينضحكش عليا ولا دراعي دة بيتلوي
(29)
لو كنتي ياعين هتبكي على كل شيء راح
هنعيش العمر كله في ألم ودموع وجراح
لكن هقولك كلمة وخديها مني نصيحة
انسي امبارح دة بكرة مليان بالأفراح
(30)
وتعالي يا ابني شوف ازاي امك بتعمل من الفسيخ شربات
وازاي بعد شويه هتبقي واحدة تانية اصبي من البنات
لكن في الحقيقة ودي الحاجة الخنيقة
امك غفر في البيت وقمر وقت الخروجات