Thursday, December 27, 2007

الجزء الثاني من الرباعيات

(11)
ويا مصر يا اللي انت ساكنة في سواد النني
يا اللي انت اغلي عليا من روحي ومن ابني
وحياة عنيكي السود بلاش تقسي عليا
بلاش تخليني اهاجر وابعد عنك غصب عني
(12)
الدنيا مستنية تكتب شاهدتك عنها
الدنيا بنت جميلة وانت فارس احلامها
وازاي يسيب الفارس حبيبته في نص الطريق
يلا قوم من مكانك وضمها واحضنها
(13)
شاعر وبكتب شعر للحب وللحياة
لحبيبتي اللي نسياني وسايباني اقول الأه
وبنادي عليها يمكن في يوم لقلبي تعود
ونكمل طريق حياتنا ونوصل لمنتها
( 14)
عايش علي الدليفري واكل برة البيت
اصل مراتي فنانة ودايما برة البيت
ودي غلطة اكيد حلها
اتجوز واحدة تانية مابتخرجش من البيت
(15)
22سنة وماشية تتمخطر
وكانت من كام سنة ضفايرها بتتنطور
وتاعبة كل الشباب وماحدش بيعجبها
ولما تفوت كام سنة عليهم هتتحسر

16
خلصتي خلاص كلامك طيب اسمعيني
عاشق وبجدعايزك تعيشي معايا سنيني
ولو كان ليا ماضي زي جميع الرجال
نسيت انا كل الماضي اول ما شفتك بعيني
(17)
بيني وبينك عشر سنين ودة فرق مش كبير
اناعندي 35سنة وانت كمان 25
لكن بعد 10 سنين تبدأ انت مشاكلك تظهر
وابدا انا كشاب في العشرين
(18)
اتوبيس السياحة بيعدي وصاحبنا كان بيبص
علي واحد اجنبية تضاريسها واحد ونص
وكل حاجة باينة ومافيش ولا بس وهص
لكن ماخدش باله من اللي جاي بسرعة
ومات صاحبنا في ثانية مات شهيد البص
(19)
- ميلك ايه .. ماعنديش ميل
- معقول في حد في الزمن دة ماعندوش ميل
- اه في ناس كتير تعبانين وشقيانين
لا بيشيتوا علي الياهو ولا عندهم ايميل علي الهوت ميل
(20)
ساعات بحس اني مش شاب في العشرين وراجل عجوز جدا
وساعات بحس اني لسة طفل صغير واني ماكبرتش ابدا
وبين حكمة واندفاع وعند واقتناع
بعيش ايام حياتي واتمني الفرح دايما

No comments: