Thursday, April 24, 2008

لاء مصر مش كدة يا فودافون

هو اعلان اقل ما يوصف به انه اعلان غبي مشين ومسئ لسمعة مصر مش سمعة مصربس لآء سمعتنا احنا كلنا كمصرين رجالة وستات
اقصد اعلان سلفني شكرا الجديد لشركة فودافون الذي يذاع بصفة مستمرة على جميع القنوات الأرضية والفضائية
يخرج علينا شخص لا استطيع ان اصفه بأنه رجل فيقول : دة انا كنت بخاف منها اكترمن مراتي ... يقصد جملة لقد نفد رصيدكم
فهل هذه هي شكل العلاقة بين الرجل والمرأة التي تراه الشركة في مصر التي وتريد ان تصدره للخارج عن المصرين
نساء قاسيات متسلطات يعلقون لآزواجهم المشانق ورجال خائبون خائفون حتي من مواجهة نسائهم
معلوم لديكم بالطبع ان الشركة تحقق مكاسب بالمليارات .. فمصرمن اكبر اسواق المحمول في الشرق الأوسط وربما من اكبراسواق العالم – عندما اخذ دكتور زويل جائزة نوبل وزارمصر قال بالحرف : مصرمش فقيرة دة عدد الموبايلات والعربيات المرسيدس في مصر اكتر من امريكا -
قال هذا الكلام من سنين الأن تضاعف العدد اكثروبالطبع شركة فودافون تحصل علي الجزء الأكبر من كعكة المحمول في مصر فهل هي تقصد ان تشتمنا بفلوسنا ؟ وهل نحن يجب ان نقبل هذا الأمر ؟ وهل هذا الأعلان لو كان يقدم في دولة من دول الخليج هل سيظهر العلاقة بين الرجل والمرأة بهذا الشكل المخجل ؟
انا وانتم نعيش في مصر ونري بأعيننا نساء فاضلات محترمات يقدرون ازواجهم ويعملون علي راحتهم ونرى رجال افاضل يقدرون نسائهم ويحترمونهم افضل ما يكون فالعلاقة ليست علاقة القط بالفأر كما يقدمها هذا الأعلان الغبي
فكما قلت هو اساءة لنا ولبلادنا بكل المقايسس
واخيرا إذا كنت مثلي تشعر بالوجع والأهانة من جراء ذلك الأعلان فأنا ادعوكم لعمل حملة كبيرة لوقف ذلك الأعلان فلنكتب جميعا عنه ونراسل الصحف والمجلات وبرامج التلفزيون والشركة نفسها ونهددها بأننا سوف نتركها لو استمرت في إذاعته ومن كان يعمل صحفيا فاليجتهد معنا يجب ان نفكر في كل وسيلة ممكنة
لوقف هذا الأعلان الغبي لأن تعاطفك لوحده في هذا الموضوع مش كفاية لأنه اساءة لنا جميعا وللأسف نحن ندفع ثمنها من اموالنا
تحديث هام
اخواني الكرام : انا بجد سعيد قوي ان لتجاوبكم مع موضوع البوست لكن في حاجة مهمة عايز اقولها فكرة البانر رغم اهميتها لكنها لوحدها مش كفاية لازم يكون في تحركات اخري موازية ومقوية لها زي ماقولتلكم اننا نتكلم في مدونتنا عن الموضوع دة بحيث ننشر الفكرة كمان نبعت للشركة ونوضح لها مدي استيائنا نحن الجمهور المستهدف من الحملة من هذا الأعلان الغبي المشين وكمان نبعت للصحافة - زي باب بريد الأهرام وصفحات شكاوي الناس - كمان نبعت للبرامج التلفزيونية ذات الأنتشار مثل العاشرة مساء و90 دقيقة والقاهرة اليوم - ايوة نوضح لعمرو اديب اننا مضايقين من الأعلان - والبيت بيتك وغيرهم ولو عن طريق الإيميل بحيث نقدر نكون رأي عام وجبهة قوية مستاءة من الأعلان دة فالشركة تقوم بمنعه وكمان الشركات التانية هتفكر مليون مرة قبل ماتعمل اعلانات تانية تتريق فيها علينا وتسخر منا لازم يا جماعة نتحرك لأننا لو سكتنا هما هيزودوها اكتر وهنتبهدل ونتهان اكتر بس هنتهان بفلوسنا وعلي حسابنا

36 comments:

مواطن مصرى نايم said...

فعلا عندك حق
و انا ممكن اعمل بانر
زى حمله يعنى ضد اعلانات فودافون
و كل مدون متفق مع الحكاية دى يحط البانر عنده فى البلوج
(فكره على قدى)
لو فى حد عنده فكره احسن يقول
موضوع جامد بجد
سلامى ليك
ESLAM

الملكة هند said...

شىء يحزن

ناس معدومة الثقافة


تحياتى

mostafa rayan said...

اخي المواطن النايم
احييك علي فكرتك انت لما تعمل البانر هتجذب انظار الناس اللي هتدخل عندك
هيخدوا بالهم ويفكروا بس لازم كلنا نتحرك

- هند
منوراني بس زي ماقولتلك تعاطفك لوحده مش كفاية

عاشــــــ النقاب ـقــــة"نونو" said...

السلام عليكم
فكرك انه فيم يحسسك بالاهانة اكتر
تصريحات ساويرس
عن الحجاب ولا اعلان فودافون ؟؟؟
ربنا يهديهم يا يولع فيهم
نراسل الشركة ترفع اعلانها بالطرق الشرعية الاول قبل عمل حملات مناهضة
تحياتي

بنات صاحبة الجلالة said...

بوست هايل يامصطفي بجد احيك عليه والاعلان دا بيفكرني برضوا باعلان عن تنشيظ السياحه وان مصر بلد السياح مش بلدنا احنا وكانوا جايبين العديد من الفنانات بلبس فاضح اوي
بس فعلا مفروض ان دي سمعه بلدنا لازم نتصدي لوقف الاعلان الاحمق دا واحنا في جريدتنا بنعتمد علي الرسوم الساخرة ممكن نزل حاجة عنه بطريقة ساخرة يمكن يبطلو حتى اذاعه الاعلان يجبوه لما التلفزيون يقفل ههههههههههههه مع انه مبقاش بيقفل

لك تحياتنا بجد موضوع هايل جدا

canary said...

يعنى يا درش هى جت على الاعلان دة؟
ما تشوف باقى الاعلانات
اعلان مسحوق غسيل وفيه ست هتموت من الفرح عشان وفرت ربع جنيه فى كيس المسحوق
تقدر تقولى ايه اللى يفرح فى توفير ربع جنيه؟؟؟
او اعلان حبوب فياجرا فيه الست والراجل بيتعاملو بطريقه العن الف الف مرة من اللى انت قولت عليها فى اعلانك دة
والا .. والا
الف والا والف اعلان غبى هى يعنى جت علي دى
وانا مع فكرة الاستاذ المواطن مصرى نايم دى وشيفاها كويسه ولو عمل البانر دة لو سمحت ابعتلهولى
وانا عن نفسى مش هتعامل مع فودافون دى ابداااا
اصل انا اتصالات هههههه

FaceMoon said...

فعلا فى اعلانات كتير تفرس اكتر من الاعلان دة وفية اعلانات انا بتكسف وبتحرج لما بتيجى وانا قاعدة وسط اهلى او وسط ناس الافكار بقت معدومة والرقى فى التفكير راح
انا معرفش اية جاب الموبيل لعلاقة اتنين ببعض متهيألى العلاقة الوحيدة ان الراجل بقى يغير مراتة زى ما بيغير موبايلة بالظبط ههههههه
اصلى مش شايفة علاقة غير كدة
تحياتى ليك بوست جميل كالعادة

بنت النيل said...

السلام عليكم ورحمة الله وبركاتة
اخى الفاضل مصطفى
عندك حق فى كل كلامك
زي ماقولت تعاطفك لوحده مش كفاية
طيب نعمل اية
لو عندك اقتراح قول علية واحنا ننفذةعلى طول
ولك كل تحياتى واحترامى
بنت النيل

mostafa rayan said...

اخواني الكرام
شكرا لكم لتفاعلكم معي واضح ان انتوا كمان مخنوقين من الأعلان دة
قصدي ان يكون لنا حل ايجابي كل واحد مننا يكتب عن الأعلان دة في المدونة عنده بحيث ننشر الفكرة
نراسل الشركة عن طريق الأيميل او البريد العادي نوضح لهم غضبنا وضيقنا من الأعلان
نبعت في الجرايد في باب شكاوى المواطنين
او رؤساءالتحرير اوالصحفيين اللي ليهم كلمة مسموعة نبين لهم غضبنا من هذا الأعلان او نبعت لبرمج التلفزيون اللي بتهتم بمشاكل الناس علي الأقل عن طريق الأيميل ونقول ان الأعلان دة مضايقنا نفكر في حلول اخري بس نتصرف مانقفش ساكتين كدة واحنا دمنا بيتحرق
كل شويةوكل شوية بنتهان
- فاكرين اعلان موبينيل بتاع العربية المرسيدس كانوا جايبين واحد ذاكر واجتهد واخد دكتوراه واشترى مرسيدس والتاتي اشترك مع موبينيل وفاز بالمرسيدس الناس غضبت واعلنت رفضها لللأعلان اللي سخر من قيمة العلم والأجتهاد الشركة اوقفت الأعلان لأن الناس اخدت موقف بعتوا للجرايد والمجلات وبرامج التلفزيون واظهروا اعتراضهم فالشركة تراجعت انا قصدي نعمل كدة بردة نبين لهم ضيقنا من الأعلان دة
يارب اكون قدرت ابين لكم وجهة نظري وتكوني فهمتوني لأن بجد تعاطفنا لوحده من غير فعل مش كفاية

Unknown said...

تسلم ايديك مصطفى
وانا معاكو فى فكرة المواطن المصرى النايم

تقبل تحياتى

وسام حجاج said...

السلام عليكم ورحمة الله وبركاته
على فكرة والله بجد شئ عظيم ان احنا نقدر ناخد بالنا من الافكار اللى بتطرحها الشركات عن الشعب المصرى لان الافكار دى مدروسة بعناية والشركات دى مش بتهزر
انا مع فكرة البانر ويا ريت يكون بسرعة
انا مش هبطل اتعامل مع فودافون لانى شغلى هيتعطل والبلد مش ناقصة بطالة
انما ممكن ابعتلهم انا وانتم وكتير من الناس اللى عندهم كرامة ونحاول نرفع الاعلان ونعرفهم ان فيه ناس في مصر عندها كرامة واحساس وساعتها انا متاكد ان الشركة هتفكر الف مرة قبل ما تعمل اعلان مخزى زى ده

قلوب بتغنى said...

على فكره انا مشفتش الاعلان بس انت مش مكبر الحكايه شويه
يغنى ليه ماعتبرتوش نكته زى الى الرجاله بيقولوها لبعض على القهوه
هى ظابطه الشبشب على كام

dina said...

هى المشكلة مش بس فى اعلان فودافون..الاعلانات بشكل عام بتدى دايما صورة غلط عن مصر..كفاية كمية الراقصات اللى فى اعلانات نورت مصر و المفروض بقى ان دى تبع وزارة السياحة و المفروض بردو ان دى اكتر وزارة لازم تهتم بتوصيل الصورة الصح لمصر برا..اذا كانت الوزارة مش فى دماغها..شركة المحمول تفكر ليه فى مصر ولا فى شكلها؟

mostafa rayan said...

هيثم الدهشان
اشكرك علي مرورك

وسام حجاج
اشكرك علي مرورك بس انا شايف ان فكرة البان رغم جمالها لوحدها مش كفاية لازم نكتب للشركةووسائل الأعلام وعندنا في المدونات

قلوب بتغني
اهلا بيكي عايز اقولك الموضوع كبير
ولو كل حاجةهنعتبرها هزار ونكت هنبص نلاقي ان حياتنا كلها عبارة عن نكنة بس نكتة سخيفة لازم يكون لينا موقف علشان الأخطاء ماتتكررش
مرة اخري اسعدني مرورك

دينا
عندك حق بس اذا كانو هما مش بيدونا حقنا يبقي احنا بقي نمد ايدينا نأخده

استراحة محمد said...

من وجهة نظرى المتواضعة جدا ، ان الاعلان ده فى اللى ابيخ منه كتير والمفروض نوجه له عناية
وشايف ان الاعلان ده بيقدم نكتة معتادة وبنسمعها كتير فى المسرحيات ، نوع من انواع الفانتزيا يا مصطفى ، انت اكيد فهمنى
يعنى انا بصراحة لو فكرت اهتم عشان اوقف اعلان فأننا ممكن ادور على واحد اقوى من ده فى البياخة
وده رأيى يا درش
ومالوش دعوة بالتحيز على اساس انى فودافون

دكتور بهــدوء said...

فعلا الاعلان مستفز موووت
بفلوسي ي......واحنا لازم يعجبنا
ماهم ماسكيننا م ايدنا اللي بتوجعنا
بس ايدي اللي توجعني اقطعها
ولا اني اتهان

Unknown said...

فعلا كلامك مظبوط
الاعلان مدي صور كتير مغالط فيها ومبالغ فيها
ومش الاعلانات وبس
لأ ده الاعلان والافلام والمسرحيات
انا اوقات بحس اني عايش فى كباريه مش فى مصر
واوقات تانية بحس اني عايش فى مسخ اوربي
كلامك حلو واسلوبك احلى
ما شاء الله عليك
الى الامام دائما

Unknown said...

منتهى الأساءة و التحقير من شان المرآة

انا مقيدة فكرة اننا نعمل حملة

واحد وبيتكلم said...

شاركني الصراخ http://kalamser.blogspot.com/

Empress appy said...

انا مش شوفته الاعلان ده خالص
ومقدرش افيدك غير لما اشوفه
عاااااااااااااا

بس نورتنى هناك وفكرة مؤقتا حلوة

Yasser Hussein said...

فعلا اعلان سخيف
بيفكرني باعلانات الضرائب بتاعة محمدشومان
لكن ده على أسخف
واللي يزعل ظهور إعلامي زي عمرو أديب
في بداية الاعلان
فعلا
الفلوس لها تأثيرها
:(

خالص تحياتي

Anonymous said...

هو في ايه اعلان عادي بيعتمد على شوية هزار لازم تفلسفو الموضوع اوي كده ايه الفقع اللي انتو فيه ده
انا بجد مرارتي اتفقعت منكو كلكو ارحمونا بقا

mostafa rayan said...

الأخوةالكرام
اهلا بكم جميعا فهذه المدونة تزدان بكم وبأرائكم المختلفة

الأخ انومنيس
اهلا بك : انت من حقك انك تشوف الأعلان عادي ومافيهوش مشاكل لكن مش من حقك ابدا انك تستخدم ألفاظ بذيئة هنا فهذه مدونة محترمةوليست مكانا للفقع
لوحبيت تعلق تاني لو سمحت تستخدم ألفاظ محترمة ومهذبة وطبعا زي مانت عارف كلام الأنسان بيدل علي شخصيته

Zika said...

صح انا موافق علي موضوع البانر
وعلي فكره يا مصطفي ماتستهينش باللي ممكن يعمله البانر لما ينتشر بين المدونين ثم بين المواقع
تحياتي

mostafa rayan said...

الأخ الفاضل زيكا
بالطبع انا لا استهون بفكرة البانر بل أراها مهمة جدا خطوةاولي في حملتنا هذه ولكن فقط اري انه يجب ان تكون هناك خطوات اخري داعمة لها

Unknown said...

السلام عليكم ورحمة الله
حلو اوى ان يكون عندك ردة الفعل دى وكمان انك تفكر وتحاول تخلى ردة فعلك
اكثر من مجرد فكرة وضيق من الاعلان
كمان البوست حلو
بالتوفيق
ونحاول نتفق على شئ
بس اطمئنك ان الشركات الكبرى بتتحرى ردة فعل الاعلان على المستهلك
واكيد وصلهم ردة فعلك وغيرك انت وغيرك واستيائهم من الاعلان

كل الاحترام والتحية

تايه في وسط البلد said...

سلام عليكم
اسف علي التأخر في التعليق لكن والله انا سعيد اصلا بغيرتك يا مصطفي علي صورة المصري
وسعيد باراء قرائك -غيري يعني -وانا موافق علي اي اجراء هتاخدوه ومشارك فيه

Anonymous said...

مبدئيا انت مش ملاحظ مدى هيافة الموضوع اللي انت كاتبه؟
انت معترض اوي على انهم بيغلطو فينا كلاميا في اعلان بس مش معترض ان احنا بنتهان بكل انواع الطرق من طوب الارض مش عارف انت بتفكر ازاي؟
انت عندك كام سنه يا ابني ؟
بجد اكبر واخرج من دايرة التفكير الضيقه اوي اللي انت جواها
ولو على لفظ فقع فهو مش لفظ خارج لفظ عادي جدا وانا وضحته لما قلت فقع مراره مش مشكلتي ان انت تفكيرك راح لابعد من كده
بكرر بلاش طفوله في التفكير ولو ناوي تبعد ل 90 دقيقه و العاشره مساءا ياريت تبعت لموضوع بيمس كرامة الشعب بجد مش اعلان هايف مالوش اي هدف ولا اي مدلول فلسفي يستاهل انك تكتب عنه بوست او يستاهل ان اي حد يدخل ويعلق
بكرر بلاش تفكير صبياني

mostafa rayan said...

- نهر الحب
منوراني يا قمر
طبعا هما لازم يتحروا ردة الفعل علشان
كدة بقول لازم نكون سويا رد فعل قوي ونوصل لهم رد الفعل دة علشان يعروفوا اننا بجد مضايقين ومستائين من الأعلان دة

- تايه في وسط البلد
اهلا بيك يا صاحبي وطبعا مش محتاج اقولك انك منور لأنك هنا في بيتك وعند اخوك
وياريت بجد كلنا نتحرك

انومنيس
كلامك اقل من ان يرد عليه ولكن بما انك دخلت وكتبت فلازم ارد عليك
اولا : احب اقولك ان المدونةدي بتاعتي انا وان من حقي انشر فيها اللي انا عايزه بصرف النظر عن رأيك فيه
ثانيا : انا ليا مطلق الحرية اكتب في الموضوع اللي انا عايزه وان لا انت و لا غيرك ممكن يفرض عليا اكتب في ايه او ماكتبش في ايه دي حريتي الشخصية المطلقة واللي ماسمحش لحد يتدخل فيها
ثالثا : لوانت بصيت كويس في التعليقات هتلاقي ان كل الناس متجاوبة معايا ومعلنين اعجابهم بموضوع البوست وبطريقة كتابتي وماعتقدش ان كل الناس دي غلط وانت بس اللي صح
رابعا : الموضوع مالوش دعوة بالسن وانا مش هقولك عندي كام سنة لأن دة شيئ مايخصكش
خامسا : لو موضوعاتي مش عجباك ممكن تريح نفسك وماتدخلش هنا تاني
سادسا : اكيد انك عارف ان طريقة نقاشك لازم تبقي احسن من كدة وانك لما تحترم اللي قدامك هتخليه يحترمك وان العكس بالعكس

rovy said...

انت طبعا ممكن يكون عندك حق تستفز بس
استفزاز من ايه ولا ايه انت شفت اعلانات ميلودى تتحدى الملل اللى كانت اصل للملل و السخافه .. طيب ديه لوحدها كانت محتاجه لحمله . ربنا يصبرنا
وبرضه ممكن تبعت رساله للشركه بالاستياء من الاعلان اكيد ده حيكون كافى .
دمت بخير ولك تحياتى

rovy

Desert cat said...

احييك على غيرتك على الوطن ورجال الوطن
الشركة مش يهمهخاسمهة مصر ولا رجال مصر يهمها المكسب السريع وباى شكل من الاشكال
عموما انا منضمة للحملة ان شاء الله
احتراماتى

حسام الميرغني said...
This comment has been removed by the author.
حسام الميرغني said...

ردا علي اللي انت كتبته في مدونة الجاهل المخرج
احب اقولك ان قبل ما تحكم علي طريقة مناقشتي
احكم علي طريقة مناقشته لان مش واحد مؤمن بالدين والخرافات دي هو اللي هيعلمني المناقشه

CrY2DaY said...

هايل يا مصطفى وكلنا معاك فى الحملة
وبالفعل يجب وقف هذا الاعلان وكفاية إهانة بقى ... هنلاقيها منكم ولا من ...
على العموم مشكور جدا يا مصطفى لطرحك هذا الموضوع

تحياتى

Esraa Hamed said...

بوست قوي جدااا

انا سمعت الاعلان علي الاف ام مرة واحده و حسيت الموضوع شوية هزار يعني ملفتتش نظري الكلمة بالشكل ده يمكن بردو مكنوش يقصدوا بس طالما الموضوع اتفهم نم ناس بالشكل ده يبقي لازم نوصل اعتراضنا حتي لو هما مكنوش يقصدوا الاهانة و اتمني ده بس لازم بردو نطالبهم بتغيير صيغة الاعلان

تحياتي لك و لمدونتك الراائعة

Anonymous said...

ثقافة الهزيمة..أم الرشراش أرض مصرية بقلم : غريب المنسى

أم الرشراش بلدة حدودية مصرية مع فلسطين وكان يقيم بها قوة شرطة قوامها 350 ضابط وجندى. ولأنهاء حرب 1948 وقعت مصر واسرائيل اتفاقية هدنة فى رودس فى يوم 24 فبراير 1949 ولكن فى ليلة 10مارس 1949 قامت بعض العصابات اليهودية بقيادة اسحاق رابين ( رئيس وزراءإسرائيل 1992-1995) بالهجوم على أم الرشراش فى عملية بربرية اسمها الحركى "عوفيدا " ولأن القوةالمصرية كانت ملتزمة بأتفاق الهدنة فلم تطلق طلقة واحدة .. ولكن اليهود كسروا الاتفاق وقاموا بمذبحة جرى خلالها قتل جميع أفراد قوة الشرطة المصرية واحتلوا أم الرشراش وحولوها الى ميناء ايلات والذى تأسس سنة 1952.

ومنطقة رأس خليج العقبة وبلدة أم الرشراش كانت تابعة للحكم المصرى حتى عام 1892عندما اصدر السلطان العثمانى فرمانا بضم منطقة العقبة للأراضى الحجازية وبقيت أم الرشراش ورأس النقب وطابا تحت الحكم المصرى وعرف ذلك بفرمان 1892,ولكن فى عام 1906 وبسبب وجود مصر تحت الاحتلال البريطانى قامت القوات العثمانية باحتلال مثلث أم الرشراش ورأس النقب وطابا ووقعت أزمة عالمية وقتها قامت على أثرها بريطانيا بالضغط على اسطنبول وانسحبت القوات العثمانية وعادت أم الرشراش ورأس النقب وطابا لمصر, وفى سنة 1906 قام السلطان العثمانى بابرام اتفاقية مع القاهرة عرفت باتفاقية 1906 ونصت على أن تكون رأس النقب وطابا لمصر وأم الرشراش للحجاز. ومساحة أم الرشراش -ايلات حاليا - تبلغ 1500 كيلو مترمربع وهى مساحة أكبرمن مساحة هضبة الجولان- 1150 كيلو مترمربع - وقطاع غزة الذى تبلغ مساحته 350 كيلو مترمربع .

الدكتور صفى الدين أبو العز - رئيس الجمعية الجغرافية المصرية - يصف أم الرشراش كميناء رئيسى لمرور الحجاج وكانت تحت الحكم المصرى غيرأنها سقطت فى يد الصليبين أثناء الحروب الصليبية حتى حررها صلاح الدين الأيوبى وطردالفرنجة منها لكنهم عادوا من جديد ليتمكن السلطان الظاهر بيبرس من طردهم منها نهائيا عام 1267 ميلادية وأقام السلطان الغورى عليها قلعة لحمايتها كميناء مهم لمصر .. وتعود تسميتها ب 'أم الرشراش ' الى احدى القبائل العربية التى أطلقت عليها ذلك الاسم.

فى مذكرات محمود رياض - أمين عام جامعة الدول العربية الأسبق- يشير لرواية رئيس الوزراء الاردنى توفيق باشا أبو الهدى الذى أقر بها فى مؤتمر رؤساء الحكومات العربية الذى عقد فى يناير 1955 عندما قال : " انه عندما بدأت القوات اليهودية فى تقدمها جنوبا باتجاه خليج العقبة فى مارس 1949 لاحتلال أم الرشراش جاء الوزير المفوض البريطانى فى عمان ليقول له أن حكومته ترى ضرورة استمرار المواصلات البرية بين مصر وباقى الدول العربية وتقترح لذلك ارسال كتيبة بريطانية الى مدينة العقبة لمنع اليهود من الوصول الى الخليج , وفعلا وصلت الكتيبة الانجليزية الى ميناء العقبة الأردنى على أن تتحرك فى الوقت المناسب لوقف التقدم اليهودى الا أنها ظلت فى ميناء العقبة دون أن تتحرك بينما استمرت القوات اليهودية فى تقدمها لاحتلال أم الرشراش وليكتشف بعد ذلك أن جلوب باشا قائد القوات الأردنية الانجليزى قد تواطىء مع العصابات اليهودية لاحتلال أم الرشراش بهدف الوصول الى منفذ على البحر الأحمر" .. انتهى.

ويقول المستشار حسن أحمد عمر أن مصر لم توقع أى اتفاق بخصوص أم الرشراش وهذا يعنى أن الباب مازال مفتوحا أمام المطالبة بمثلث أم الرشراش وأن التضليل الاسرائيلى بغرض اثبات حقوق لها بمثلث أم الرشراش والذى تبدده نصوص الحكم الدولى الذى صدر لصالح مصر فى مثلث طابا حيث أهدرت تلك النصوص الدفع الاسرائيلى الذى يزعم بأن بريطانيا باعتبارها الدولة المنتدبة على مصر وفلسطين قد اعترفت صراحة فى عام 1926 بأن الخط المحدد فى اتفاق 1906 هوخط الحدود وأن بريطانيا قد أكدت لمصر أن حدودها لن تتأثر بتجديد حدود فلسطين .. ونظرا الى سابقة الرجوع الى اتفاق 1906 من جانب مصر وبريطانيا عام 1926 وفى غيبة أى اتفاق صريح بين مصر وبريطانيا على تعيين حدود مصر وفلسطين فأن المحكمة فى أثناء التحكيم فى طابا أهدرت هذا الدفع كلية وأكدت أن المحددات فى اتفاق 1906 المستخدمة فى التصريحات المصرية البريطانية وقتها لايحملان معنى فنيا خالصا وانما يشيران فقط الى وصف خط الحدود دون الاشارة الى تعليم الحدود المنصوص عليها أيضا صراحة فى اتفاق سنة 1906 وهى السند التى كانت اسرائيل ترتكزعلى أنها الاتفاقية التى وضعت أم الرشراش ضمن أرض فلسطين.

فى اطار سعيها لعقد صلح بين اليهود والعرب اقترحت الولايات المتحدة فى عهد كيندى ( 1961-1963 ) والذى كانت تربطه علاقة طيبة بعبد الناص( 1956-1970) اقامة كوبرى يمر فوق أم الرشراش ويربط بين المشرق والمغرب العربى مقابل سقوط حق مصر فى المطالبة بهذا المثلث الاستيراتيجى ووقتها رفض الرئيس جمال عبد الناصر هذا العرض وقال : " كيف نستبدل أرضنا بكوبرى يمكن أن تنسفه اسرائيل فى أى وقت ولأى سبب ؟؟!!

الجبهة الشعبية المصرية لاستعادة أم الرشراش وهى منظمة مصرية تأسست قبل 15 عاما وتضم مجموعة من الباحثين والحقوقيين وأساتذة قانون دولى وجغرافيين جميعهم يؤكدون على أحقية مصر فى مثلث أم الرشراش وقد طالب الرئيس مبارك الاسرائيليين فى عام 1985 بالتفاوض حول أم الرشراش التى تؤكد جامعة الدول العربية بالوثائق أنها أرض مصرية وفى سنة 1996 أعلن الرئيس مبارك أن أم الرشراش مصرية كما كتبت نشوى الديب فى جريدة العربى المصرية.

من حق مصر الأن بناء على تلك الحقائق أن تثيرموضوع أم الرشراش خاصة وأنها جزء من الأراضى المصرية وليست أرضا فلسطينية استباحت اسرائيل احتلالها.ولايوجد بند فى اتفاقية السلام مع اسرائيل يمنع مصر من حقها بالمطالبة بأم الرشراش ولذلك نرى أنه من المناسب أن تفتح الحكومة المصرية ملف أم الرشراش والتفاوض مع اسرائيل لاستردادها واذا لم يجدى التفاوض يمكن لنا اللجؤ الى محكمة العدل الدولية للمطالبة بحقنا فى استرداد مثلث أم الرشراش ولاسيما أن عدد سكان ايلات الأن 57 الف نسمة ومن المحتمل أن يزداد فى المستقبل والحل الأن دائما أسهل من الحل فى المستقبل.!!!!.... ومن الممكن كبادرة لحسن نوايا مصر أن نسمح فيما بعد بمرور البضائع الاسرائيلية من خلال ميناء أم الرشراش.