Tuesday, April 15, 2008

عن الأخوان وهايدلينا

استمعت اليوم لخبرين في نشره الأخبار لا اعتقد انهما جاءا وراء بعضهما اعتباطا
الخبر ألأول : هو حبس خيرت الشاطر ورفاقه سنوات مختلفة لكل منهم في قضية الأخوان المعروفة
الخبرالثاني : هو الأفراج عن جميع المتهمين في قضية اكياس الدم الفاسدة هايدلينا
انا لا اعرف كثير من التفاصيل في قضية خيرت الشاطرولذلك لا اريد ان اتحدث عن مدي شرعية الحكم ولكن الذي اعرفه جيدا ان خيرت الشاطر ورفاقه رجال اعمال لديهم شركات هذه الشركات يعمل بها افراد يفتحون بيوت ويصرفون علي اسر زوجة واولاد واهالي فما مصير هؤلاء الموظفين ؟ وما مصير هذه الشركات هل ستكون الشارع ام ماذا؟ .. الحكومة تختلف مع الأخوان مثلما تريد ولكن يجب عليها ألا تقطع عيش احد فإذا كنا نعاني من البطالة والحكومة تطلب من الشباب الجامعي الذي كذبت عليه وقالت له القطاع الخاص سيوفر لك عملا ثم قال له القطاع الخاص لازم خبرة اقل شيئ خمس سنين - يعني اللي ماعندوش خبرة يروح يموت - ان يذهب ويدورعلي صانعة بدل ماهو قاعد في القهوة - إن شاء الله سوف اكتب بوست مخصوص عن هذا الأعلان المستفزالغبي - فهل نزيد هذه البطالة بطالة ونعطل ناس كانوا شغالين ونغلق بيوتا مفتوحة
يجب ان نعرف ما هو مصيرالعمال الذين يعملون في هذه الشركات
الأمر الآخر : الأفراج عن جميع المتهمين في قضية هايدلينا جدير بالذكر ان رئيس المحكمة لم يسمح للإعلام بحضور الجلسة ويبدو أن الموضوع كله كان (مطبخ ) وجاهز ولا عزاء للذين ماتوا بسبب هذه الأكياس الفاسدة وقد نجد هؤلاء غدا يرفعون قضية رد شرف علي الذين ماتوا واصابهم الضرر بسبب الأكياس الفاسدة - اسف - التي كانت فاسدة
السؤال الذي يجب ان تجيب عليه الحكومة الراشدة النظيفة ماهو مصيرالذين اصابهم الضرر بسبب هذه الأكياس ؟ وإذا كان المتهمين برئيئين فمن هو المتهم ؟ ومن الذي ادخل هذه الأكياس الفاسدة ؟ ومن الذي يعطي للناس الغلابة حقهم ؟ ولماذا لم تكن الجلسة علنية ؟ وماهي مصوغات النطق بالحكم ؟
والسؤال الأهم إلي أي مصير يذهب بنا هؤلاء الذين يمسكون زمام الأمر في بلادنا؟

16 comments:

استراحة محمد said...

اكياس الدم فاسدة
واذا كانت الطيور على اشكالها تقع
فالفساد يحمى الفساد

walaa said...

عارف هما سابين الناس اللى بتفسد البلد علشان هما الفساد ذات نفسه
حكموا ناس بافزع محمكه
مدنين حكموا بحكم عسكرى
ما ذنبهم انهم قالو امنا بالله ونريد تطبيق سنة الله فى الارض
فحسبنا الله ونعم الوكييل
وعلى رأيك الناس اللى تشرددت زنبها ايه متعرفش
تحياتى ولاء

خمسة فضفضة said...

السلام عليكم ورحمة الله وبركاته

الحاجه الوحيده اللي جت علي بالي وانا بقرا الاخبار المتناقضه دي هي ان اللي مالوش ضهر في البلد دي لازما وحتما ولابد ينضرب علي بطنه

حسبنا الله ونعم الوكيل

nonoymm said...

اللي يعيش يا ما يشووووووووووووف
ويبقى انت اكيد اكيد اكيد في زحل
تحياتي

mostafarayan said...

اخواني الكرام اهلا بكم
مش عارف اقول ايه بس بجد اللي بيحصل بقي فوق كل احتمال

ابناء صاحبة الجلالة said...

ولا تحسبن الله غافلا عما يعمل الظالمون احكامهم اصلا كانت متوقعه دا حتي الصحفيين والمصورين الامن اعتقل اتنين منهم أثناء تغطيتهما جلسة النطق بالحكم اما اصحاب الصفقات المشبوهه واكياس الدم الفاسد لازم الحكومة تطلعهم وتضربهم تعظيم سلام وافسدوا كمان وكمان
تسلم ايديك يامصطفي على موضوعك

dina said...

الملاحظة حلوة جدا...و فعلا غريب اوى اوى اوىىىىى ان الخبرين دول يكونوا ورا بعض..عاوزيين ايه يعنى؟؟
انا القضية الاولانية مش عارفة حاجات كتير عنها زيك..انما فعلا قضية اكياس الدم دى اللى منتهى الاستفزاز...بس اصل احنا ماشيين بمبدأ اللى فات مات و اللى راح ماتبكيش عليه..فولا حد بص لبتوع العبارة ولا حد بص لبتوع كياس الدم ولا حد حيبصلنا اصلا

تحياتى

rovy said...

انا سعيده بمرورى لمدونتك ..
موضوع الدم الفاسد مستفز لدرجه انى مش لاقيه حاجه تعبر عن اللى مفروض اقوله .. الحاجه الوحيده اللى تقال .. حسبنا الله ونعم الوكيل
ربنا يوفقك
خالص تحياتى

rovy

مواطن مصرى نايم said...

لا بجد
هانى سرور طلع براءة
و له فى ذلك حكم
دا انا قولت حيتعدم
بجد والله
كانت ضجة جامدة
بجد حسبنا الله و نعم الوكيل
تحياتى ليك

الفرعونة العاشقة said...

تحياتى على الموضوع الجامد دة
وبعدين ربنا هو الى بيرزق
وزى ماسبب الاسباب وشغلهم عند الناس دى
قار يرزقهم فى اى حتة
اى نعم هى حاجة تحزن بجد
بس اهى نظرة تفاؤل بقى

اما بالنسبة لحكاية اكياس الدم
فربنا اقوى من الكل
وهيخلى كل الى طلعوا براءة يدوقوا من الى دقوة الى ماتوا ضحايا فى الاكياس دى

هتستنى اية من حكومة فاسدة
غير احكام فاسدة

تحياتى
الفرعونة العاشقة

Zika said...

فعلا انا اتفاجئت ان الخبرين جم ورا بعض في نشرة واحده علي الجزيره
وده طبعا بينم عن ذكاء الجزيره
هو ده الحال في مصر
الفساد هو اللي بيحكم

ابراهيم said...

هذة الاخبار هي جرس لنذار لكل من في مصر وهي في النهاية توكد علي فساد النظام وانة نظام كاذب ومنتهي الصلاحية منذ زمن ومستني زقة قوية من دون خوف من الشعب المصري همتك معانا
ادعوك لزياة مدونتي

Gannah said...

طب يفرجوا عن الفاسدين ماشى بس يسجنوا الابرياء ليه. انا لست من الاخوان و لكن ما يحدث مستفز و ليس له معنى الا ان البلد دى بقت بلد عسكر و حراميه و غلابه و ناس شرفا بيصرخوا امسك حرامى بس لا حد سامع ولا حد عايز يسمع.
بصلهم و اضحك من قلبك و متنساش سلاحك اللى لا يمكن يخيب... دعا فى التلت الأخير من الليل ربنا يورينى فيهم يوم و أعيش و أشوفهم ورا أسوار السجون...يا رب دخلنى الجنه من غير حساب دول ورونى فى الدنيا كل أصناف العذاب...يا رب خلينى صابر الصبر الجميل....
ادعى يا صاحبى و متنساش معادنا يوم الدين عند قنطره المظالم هتاخد حقك من كل مفترى و حرامى وظالم و يومها هنشوف صحيح من فينا الضعيف المسكين خليهم يفتكروك عاجز غلبان و انا و انت بس اللى عارفين و متنساش معادنا يوم الدين عند العادل اللى لا بيغفل و لا بينام.

hana said...

ولسه ياما هيحصل
مافيش حاجة تفرح ابداا

تايه في وسط البلد said...

من يعمل مثقال ذرة خيرا للنظام يره
ومن يعمل مثقال ذرة شرا للنظام يره!!!!!!ه

mostafarayan said...

الأخوة الكرام اهلا بكم جميعا وشكرا لتعليقاتكم وتواصلكم معي
ولكن عايز اقول معلومة للأخ زيكا
اني شاهدت هذا الخبر في نشرة الساعة السادسة في التلفزيون المصري وليس علي الجزيرة
خذ المعلومة دي وقول بقي واحسب وتوقع كل شيء