الثوار عملو تغيير يا جدعان

السلام عليكم ورحمة الله وبركاته

ازيكو يا جدعان .. عاملين ايه .. يارب تكونوا جميعا بخير وصحة وسعادة

بصوا بقي

التغيير من طبيعة الثوار وبما ان المدونة دي ثائرة وبما اننا في فصل الربيع فصل التغييروالثورة وبما ان دلوقتي في حركات بتدعوا للتغيير وبما اني اصلا انسان ملول وعاشق للتغيير فأنا قولت اعمل نيولوك للمدونة
ولعلكم تلاحظون ان اللوك الجديد فاتح ورايق وسيمبل والحياة وردية ودة له عدة اسباب
اولا : للأننا فصل الربيع فصل تفتح الزهور
ثانيا ودة الأهم : إن انا بطبعي انسان متفائل وعندي امل دايما ان رغم قسوة الواقع إلا ان بكرة لازم يكون احسن واحلي واجمل وكما في الحديث (تفألوا بالخير تجدوه)
ثالثا ودة الأخطر : كلامكوا ليا شجعني وخلاني اتأكد ان اللي بكتبه دة له اهمية وفي حد بيقرأه وبيهتم بيه وسواء اتفق او اختلف معاه كفاية قوي انه حرك شيئ جواه وخلاه يفكر وماعداش عليه مرور الكرام ودة في حد ذاته اكبر شيئ يفرحني
رابعا ودة بالمنطق : اغمقها عليكو ليه يعني ؟ ما انتو اكيد جواكوا اللي مكفيكوا الأحسن نصدر التفاؤل لبعض
حاجة اخيرة عايز اقولها : انا بحبكوا كلكوا قوي