ولد الهدى

ازيكو يا جماعة عاملين ايه يارب تكونوا بخير
البوست دة بمناسبة المولد النبي الشريف انا عايز اقولكوا كل سنة وانتوا طيبين
ويارب يعيد علينا الأيام دي بكل خير
عايز اقول لكم كمان ان ياريت احتفالنا بالنبي صلى الله عليه وسلم يكون عملي
اننا نحاول نطبق سنته في جميع شئون حياتنا.... نحاول نقتدي به فقد كان صلي الله عليه وسلم قرآنا يمشي على الأرض كما قالت عنه امنا عائشة رضي الله عنها
نحاول كمان اننا نتعلم العلم الشرعي على قد مانقدر .. نتعلم دينا علشان نكون مسلمين فاهمين نكون واقفين علي قدم راسخة شديدة مش اي كلمة تودينا وتجيبنا
لأن اللي بيسمع الأسئلة اللي بتتسأل في الفضائيات يتأكد قد ايه المسلمين وصلوا لدرجة متدنية من العلم في شئون دينهم فإذا كنا بنحاول نوصل للعلوم الدنيوية لأعلى الدرجات - وطبعا دة شيء مهم ومطلوب ان المسلمين يتقدموا في علوم الدنيا- من باب اولي اننا نحاول نتعلم دينا ونتعب في تعلمه زي مابنتعب في تحصيل علوم الدنيا
قد يكون الكلام دة كلام معاد لكن اعتقد انه مهم لأنه هيكون اكبر رد عملي على كل من يحاول ان يتطاول علي نبي الإسلام صلوات الله وسلامه عليه وايضا على كل من يتهم المسلمين بأنهم جهلة ومتخلفين وارهابين
وخير عايز اقول لكم كل مرة تانية كل سنة وانتو جميعا طيبين وبكل صحة وسعادة وخير