وصقت التوقعات ... يا سلام ياواد يادرش يا جامد

وصقت التوقعات ... يا سلام ياواد يادرش يا جامد

ازيكو يا جدعان عاملين ايه ... يارب تكونو جميعا بخير

في البوست السابق انا قولتلكم انه بعد تدخل الرئيس في موضوع عصام الحضري

الأهلي هيلم الحورات ومش هيعملها مع عصام الحضري وزي ما قولتلكوا الأهلي

فعلا كشكشها ومعرضهاش مع الحضري واكتفي بوقفه 3 اسابيع وغرامة مالية

250 ألف جنيه وطبعا دة اقل واجب الأهلي عمله هو بس عمل كدة علشان حفظ

ماء وجه النادي امام الاعلام والجماهير ..دة الأهلي بردة يا جدعان وإلا لو ماكانش

في تدخل من فوق الأهلي كان هيبقي له تصرف تاني ولعلكم تذكرون حادثة ابراهيم سعيد لما كان بيلعب في الأهلي وسافر ا بلجيكا الأهلي وقفه 6 شهور غيرالغرامة المالبه الكبيرة اللي دفعها

طيب السؤال هوالموقف ايه دلوقتي

الموقف إن عصام هيعتذر للأدارة ولزملائه وهينتظم في التدريبات لكنه مش هيلعب هيكتفوا انه يجلس احتياطي ليكون دة

اكبرعقاب له بعد ماكان هو الحارس الأساسي واللي بيلعب كل المباريات دة من ناحية .. الناحية التانية عصام دلوقتي نفسيا مش مستعد يلعب للأهلي تاني بعد كل اللي حصل ولو لعب مش هيكون مركز والجماهير كمان هتكون ساخطة عليه وممكن تهتف ضده فحتي لو هو عايز يركزمش هيقدر وطبعا الأدارة عارفة كل دة وعامله حسابه لكن كل دة لو حصل مش هيستمر وقت طويل لأن عصام جي زي ما ما قولتلكوا علشان يمشي ومسؤلين سيون هيجوا الأهلي ويخلصوا الصفقة والحضري هيسافر

والأهلي هيحاول يكسب من الصفقة دي اكبر شيء ممكن لأن خلاص الحضري اصبح بالنسبه له كارت محروق وممكن كمان يحط شرط ان يكون له نسبة في حالة بيع الحضري لنادي اخر وزي الكابتن عدلي القيعي ماقال انهم في الأهلي لما استفسروا عن سيون عرفوا ان موضوع شراء اللاعبين وبيعهم بيمثل للنادي سبوبة كبيرة بيمصلح منها والحضري اكيد كان عارف كدة مسبقا انه رايح سيون علشان ينتقل لنادي اكبر بدليل انه لما كان لسة في سويسرا وكان بيتكلم في البرنامج بتاع شوبير صرح ان في كلام عن اندية اخري طالبت انه يوقع معاها اهم حاجة دلوقتي ان عصام يركز في تدريباته والكابتن حسن شحاته يفصل بين اللي حصل وبين ان عصام هو حارس المتخب الأساسي واكيد الكابتن حسن راجل

واعي وبيعرف يفرق بين الحاجات دي كويس قوي

بقي شيء ان لسه في ناس في الأعلام عمالة تتكلم عن الحضري ومش عاجبها عقوبة الأهلي وكأن الأهلي كان لازم يعلق لعصام ل مشانق و يصدروا قرار بتحويل اوراقه للمفتي

ولهؤلاء انا عايز اقول كلمة واحدة حرام عليكوا اتقوا الله وسيبوا الرجل في حاله

لأنه من حقه يشوف مصلحته ولأنه لو جري له حاجة ماحدش هينفعه لا انتو ولا الأهلي ولا اي حد

اما بقي الحاجة الأخيرة اللي عايز اقولها لنفسي .. يا سلام عليك يا ولد يا درش يا جامد قوي توقعت واللي توقعته حصل بالظبط ... الله عليك يا بني