الجزء السابع من الرباعيات

(61)
من سابع المستحيل اسيبك تروحي مني
دة انت نور العين وساكنة جوة قلبي
بحبك وبغير عليكي حتي من الفستان
ونفسي يجي يوم تكوني دايما جنبي

(62)
يغور اللبن يا حبيبي من وش القرد
دة انا عشت معاك ايام كانت صعبة وكرب
عايز تمشي ماتمشي
وياريت حتي لو تمشي من دلوقت
(63)
انا جايز اكون مش احلي شاب في الدنيا دي
واكيد كمان مش اغني شاب في الدينا دي
لكن اكيد اكيد اكيد
انا اكتر شاب بيحبك في كل الدنيا دي
(64)
بقالك خمس ساعات واقفة قدام المراية
وعملتي 100مكياج وغيرتي 100قصاية
وقولتي مليون مرة ايه الجمال دة
ماتنجزي بقي يلا عايز ألحق اللي ورايا
(65)
انا وانت مقضينها دايما كدة مسيدات
والعلاقة مابينا زي مانكون اخوات
واناعايز اقولك كلمة فصيحة صريحة مريحة
ماتيجي نفضها سيرة وكفاية الوقت اللي فات
(66)
كل واحد فاكر نفسه روميو وبيغني علي النسوان
وكل واحدة فاكرة نفسها جوليت ودة فارس الاحلام
عالم عبيطة ودماغها فاضية
مش عايزين يصحوا من الأوهام

(67)
انا عايزك جنبي بجد
دة انا شوقي دة مالوش حد
وعايزاني اقولك ايه
اكتر من اني بحب
(68)
خايف عليكي مني
من انفعالاتي وظني
وفي لحظة طيش قلبك
للأبد يهجرني
(69)
خليكي جنبي ماتبعديش
دة انا من غيرك ماقدرش اعيش
عاشق وقلبي بيدوب فيكي
ومهما اقولك كلامي ما يكفيش
(70)
شوفت بنوتة حلوة قاعدة في حجر بابها
كان عمال يعاكسها بس دة علي هواها
احلي حاجة في الدنيا ابنك

تزرع الزرعة وتفرح بيها وترعاها