رباعيات الشاب الثائر ..الجزء الأول

هاي

ازيكوا ياجماعة

بصوا انا كان ليا محاولة في كتابة شعر الرباعيات

دة الجزء الأول

وان شاء الله اوافيكوا ببيقة الأجزاء

ويارب تعجبكوا

(1)
في يوم بعد الغداء لمحت نملة
بتلم فتافيت الطعام بنشاط وهمة
انا قلت يا مصرنا دة لو كان شعبك نمل
دة انت كنت من زمان وصلت للقمة
(2)
وقالوا ايه مبتغي الأعمي قا ل يا جماعة افة عيون
وقالوا ايه مبتغي الشابة قالت راجل طيب وحنون

وقالواللي ايه مبتغاك من الدنيا
قلت اخرج منها سالم مأمون
(3)
قطعت كل علاقتي بالشيئ اللي اسمه شات
وركزت معاك انت ونسيت كل اللي فات
وقلت اعيش معاك حياة ودنيا جديدة
لكن لاقيتك زيك زي غيرك من البنات

(4)
انا حبي ليكي مش بس كلام
انا حبي فعل وعيون ماتنام
لكن انتي قاسية وقلبك اناني
ومهما بعمل دايما ألام
(5)

حاضن ايديها هو وهي حاضنة ايديه
وناسين كل الدنيا ويفكروا فيها ليه
نط انا قلبي من جوة وصرخ بأعلي صوت
وانا امتي يكون لي حبيب احضن واضم ايدي
(6 )
برنسيس اوف ايجيبت بنوتة عرفتها علي الشات
وطلعت اسمها تامر ودي كانت اشتغالات
انا قلت دة زمن العجايب دة يا ولاد
بتسمي الرجالة نفسها اسامي البنات
(7)
علي القهوة كنت قاعد بتفرج علي النسوان
في حريم زي القمر وحريم كما الغربان
في حريم بتفتح نفسك للدنيا وللحياة
وحريم تسد نفسك وتخلي قلبك يكره زمانك والمكان
(8)
الحب مش علي الشات الحب في الشوارع وفي الحياة
تبص في عين حبيبك وتمسك ايديه وتحس هواه
لكن حب الماوس والسماعات وبيني وبينك الاف المسافات
دة كلام فارغ يا صاحبي واحسن ليك تنساه
(9)
دخلت علي النت في ساعة صفا
ولضمت معايا بنت حلوة اسمها سها
وبعد كتير قالتلي سلام ياحمار
قولتلها في ايه يا جميل قالتلي انا ولد واسمي خالد ياقفي
(10)
القضية يا حبيبتي انه اصلا مافيش قضية
القضية اني بايع وانت كمان بايعة القضية
القضية اني هسيب وانتي كمان قلبك هيغيب
واني عمرى ماكنت ليكي ولا انت عمرك هتكوني ليا