Friday, March 6, 2009

وسع يا عم للقمر


(الحمد لله الذي بنعمته تتم الصالحات)
**************************
الاسبوع دة يا جماعة حصل حاجتين حلوين قوي وبجد انا فرحان بيهم قوي
حاجة خاصة بصديقتي العزيزة والجميلة صفاء وحاجة خاصة بيا انا ودة اللي مزود فرحتي انه حصل مع حد انا بحترمه قوي هو صفاء
اول شيئ ان هذا الاسبوع شهد الظهور الاعلامي الاول لصفاء وذلك من خلال الحوار الصحفي الذي اجرته معها الصحفية الجميلة اسماء رمضان في جريدة العالم اليوم ودي فرصة علشان اتكلم عن صفاء المدونة والانسانة الموضوع اللي كنت عايز اتكلم فيه من زمان قوي
اولا صفاء المدونة : تعتبر صفاء نموذج تدويني شديد الخصوصية فهي في مدونتها الاولى (مقتطفات ) http://safagalal.blogspot.com
تتحدث عن احوال الصعيد ومشاكله بطريقة ساخرة .. اسلوب الكوميديا السوداء
فنحن هنا امام نفس ساخر شديد الخصوصية ربما لو اتجهت صفاء لكتابة الدراما لأجلست الكثيرين ممن يملئون الساحة الان في بيوتهم ... وفي مدونتها الثانية
(عصفور في الاسر) تكتب صفاء اشعار وخواطر باسلوب رومانسي غاية في الرقة ربما تكون هي العصفور الذي يرغب في فك الاسروالتحليق بعيدا عن كل ما يقيده من طغوط العادات والتقاليد والمجتمع ونظرة الناس ربما يرغب هذا العصفور في الفكاك من القيود التي يضعها هوعلى نفسه .. تتملكك الحيرة عندما تقرأ المدونتين كيف لهذا القلم الضاحك لدرجة البكاء ان يكتب هذه الكتابة الموجعة لدرجة البكاء ولكن لا عجب فهما وجهان لعملة واحدة لكاتبة كبيرة الموهبة .. مشكلتها انها لا تقدر حجم موهبتها ولا تأخدها مأخذ الجد
اما صفاء الانسانة فحدث ولا حرج فهي انسانة جدعة وشهمة جدا وصاحبة صاحبها بجد وتدافع عنه لدرجة قد تصل احيانا للتهور وهذا شيئ حدث معي انا شخصيا
( تعرضت لهجوم شديد ودافعت عني هي بكل قوة )
صفاء ايضا شخصية واقعية ولا تعرف اليأس وتعرف كيف تتصرف في المشاكل مهما تكون حجمها تعرف متى تسكت ومتى تتكلم , صفاء ايضا شخصية مشجعة تتدفع من
معها للأمام ، تتصرف بطريقة مش مهم حصل ايه المهم هنعمل ايه ونبص لبكرة بدل
ما نبكي على اللبن المسكوب .
صفاء يا صديقتي العزيزة قد لا تتصوري مدى فرحتي
أني كنت
سببا في ادخال فرحة لقلبك اعرف انك تحتاجينها في وسط مشاكل كثيرة تحيطك ... مشاكل اعرف انك لست السبب فيها ولكنك فجأة اصبحت يجب ان تواجيهها
وقد يكون هذا التحقيق هدية بسيطة ارجومنك ان تتقبليها
وفي النهاية يجب ان اشكر صديقتنا العزيزة اسماء التي اجرت الحوار وايضا صديقتنا العزيزة بدرية طه - التي عرفتنا باسماء - صاحبة مدونة قلب ينبض بالحب وكتاب
البنات عايزة ايه( ومن هنا اهنيها بالكتاب وبحفلة التوقيع ويارب ينجح ويكسرالدنيا
لأنه تجربة جديدة وتستحق الاهتمام ان تعرف ماذا تريد المرأة بقلم وصوت المرأة )
- اما الامر الاخر الخاص بي فقد يكون من الافضل ان اذكره في بوست اخر حتى لا اطيل عليكم وحتى لا اوشوش على صديقتي الجميلة

32 comments:

mostafa rayan said...

طبعا مناسبة زي دي لازم اكون انا اول تعليق
مبروك يا صديقتي العزيزة الجميلة
ويارب من تقدم لأخر
لأنك بجدانسانة جميلة وتستحق كل الخير

د. ياسر عمر عبد الفتاح said...

الف مبروك
بفرج جداً لما بشوف مدون نجح فى حاجة
مدونات صفاء جميلة بجد

والف مبروك يا درش على الحاجة الخاصة مقدماً

mohamed ghalia said...

أنا متابع صفاء
وهى فعلا إنسانه هايلة ربنا يكرمها
وتستاهل كل خير

Kiara said...

الف الف الف مبرووووووووووووك ياصفاء

فرحت اووووووووووووووووووووي ليكي


بجد هي احلي من القمر

AHMED SAMIR said...

يعني انت يا عم مصطفى علقتنا
قلت لنا ان في موضوعين
وفرحتنا بالموضوع الاول الخاص بصفاء وقلنا هتفرحنا اكتر بالموضوع الثاني الخاص بيك
بس اتبعت اسلوب التشويق
ماشي ياعم
و ان كنت استطيع ان اخمن
مب.........ولا بلاش
في وقتها بقى
تحياااااتي

Anonymous said...

الرد على تعليقات الموضوع يا جماعةهيكون مشاركة بيني وبين صفاء لأنها نجمةالحدث
وشكلها كدةالرد على التعليقات هيكون اكتر من التعليقات نفسها

د. ياسر
الله يخليك يا دكتور وفعلا نجاح صفاءنجاح لينا كلنا
لك كل التحيةيا اخي

- محمدغالية
الله يخليك يا محمد وفعلا زي ماقلت هي تستاهل كل خير

- بنت منطقتي
عندك حق يا كيارا مش بس جمال الشكل لكن هي جميلة قوي في روحها وصفاتها

Anonymous said...

احمد سمير
صاحبي ازيك يا جميل
مش قصدي ابعتكو قصدي بس اشوقكو
وياعم مصلحة ليا انك تيجي البوست الجاي وتابع اخوك باستمرار
لك كل الود يا اخي

صفــــاء said...

مصطفى والنبىىىى كسفتنى جداا والنبى كفايه ربنا يخليك انا محرجه بجد كلامك دة كتير جدا عليا والنبى ربنا يخليك
عشان خاطرى كفايه عليا كدة
رد انت بالنيابه عنك وعنى
مكسوووووفه كفايه كدة
.

رؤية said...

خبر جميل
واتمن ان نسمع اخبارك

تحياتى

شمس النهار said...

الف مبروك لصفاء
انا كمان بنبسط جدا لما موهبه من المدونيين تطلع تنور خارج التدوين وتتعرف
مبروك لصفاء ولينا كلنا

rovy said...

السلام عليكم

الف مبروك لصفاء..
و ان شاء الله موفقه دائما

جميل منك يا مصطفى انك تكون انسان و اخ جميل جدا كده .. بارك الله فيك و
وفقك دائما

و مبروك ايضا لما يخصك مقدما..
دمت بكل خير

تحياتى

mostafa rayan said...

ملحوظةعلى جنب : واضح ان صفاء يا جماعة نيتها كويسة ومرزقة بدليل زيادةالتعليقات في يوم الجمعة الذي يخلو تقريبا من تعليق على مدونات
ولكن لا عجب فكما قلت لكم انها فعلا مرزقة
***************************

صفاء
يعني ينفع كدةالناس جاية تهنيكي انتي وانا اللي ارد.. لا يا ستي ماليش دعوة انتي تيجي تردي على قرائك ومعجبينك بنفسك وبعدين مافيش احراج نجمة صحفية وبترد على قرائها ايه المشكلة بقي
بجد البوست دة انتي لازم تردي عليه معايا
مستني ردودك على الناس

- رؤية
اشكرك ولعل غدا يحمل لي اخبارا سارة تمحو حزنا عشت فيه كثيرا
والحمد لله في كل حال

- شمس النهار
كلامك كله صح مش بس مبروك لصفاء مبروك لينا كلنا

- rovy
اشكرك وبارك الله لك واكرمك بكل الخير

عروسة said...

مبروك يا صفاء الف مبروك برغم اني معرفكيش ولسة مزورتكيش
وربنا يفرحك كمان وكمان يا مصطفي اخي العزيز
انا مين؟؟؟؟؟؟؟؟؟؟؟؟؟؟؟
تعالي زورني وانت تعرف
هههههههههههههههههههه

وردشان smilyrose said...

اولا الف مبروك ليها

سعدت جدا لما حضرت اللقاء واخذت نسخة الكتابين

ويارب دايما يفرح قلبها وقلبك

اختك

smilyrose

روح الحب الصادق

salwa said...

السلام عليكم
ما اجمل الصداقة و الاخلاص
اطيب التمنيات لصفاء
ادراج رائع
سلمت يدك
سلام

Samar Ali said...

moustafa...send me ur mail plz...i need to ask u bout sth

Empress appy said...

مبروك ليك وليها يا مصطفى مع انى معرفهاش
وبجد بتبسط بالحاجات اللى بتكون نتيجتها ايجابيه دي اوي

mostafa rayan said...

ملحوظةتانية على جنب بردو: صفاء يا جماعة جابت الناس الجديدةواللي كان بقالهم فترة غايببن عن المدونة
عروسة وسمر وابي .. اه بركاتك يا صفاء

*****************

عروسة
الله يبارك فيكي يا عروسة وحاضر هاجي
ازورك ان شاءالله


- smilyrose
ربنا يسعد قلبك دايما
بس انا مش فاهمك انتي بتتكلمي علي لقاء واي كتابين ( انا كتابي لسة مانزلش )
منتظر ردك ولك كل مودتي واحترامي


- سلوى
صديقتي البيروتية الجميلة
ربنا يخليكي وفعلا ما اجمل الصداقة خصوصا لما يكون مع حد جميل قوي زي صفاء


- سمر
الايميل وصل

-Appy
اهلا بيكي بس لازم تزريها لأنها حد جميل
قوي
لك كل التحية

مـجـنـووون said...

ألف مبررررررررررروك لصفاء

ويا رب دائما تبدعنا بمقالتها الجميلة

تقبل مروري
مجنووون

ضــى القمــر said...

اخى مصطفى ..
انا للأسف الشديد مكنتش اعرف صفاء خالص .
لكن بجد خلتنى اتمنى ان كنت دخلت مدونتها من زمان
من طريقه كلامك عليها
وبجد شكرا على البوست ده
اللى عرفنى على اخت جديده جميله فعلا.
وبجد بتمنى ليها كل خير .
ويارب تنتهى اى مشاكل ولو بسيطه فى حياتها .
ويظل النجاح رفيقا لها دائما وابدا
وتقبل تحيتى لك

!!! عارفة ... مش عارف ليه said...

الف مبروك لصفاء
وتحياتي لقلمك المبدع والذي وصف مدونتها بأبدع ما يكون

ولقد تعرفت على مدونة صفاء منذ فترة عن طريقك يا مصطفى

لإشادتك الدائمة بها وهذا ما لفت إنتباهي لأني أدرك انك قارئ جيد وبالقطع

سأجد هناك ما يستحق القراءة

وقد كان فأنا مدين بمعرفتي بهذا القلم
لشخصك الجميل

وفي إنتظار الأمر الآخر
الخاص بك ;)

وإن شاء الله يكون كما اتوقع
ومفيش داعي أسبق الأحداث بس متطولش الغيبة يا درش


تحياتي
وليد

Anonymous said...

مجنون
الله يبارك فيك
تحياتي وتحيات صفاء لك

- ضي القمر
اهلا بالقمر بعد غياب ( واضحان صفاء سرها باتع جابت كل الناس اللي كانت غايبة من فترة)
وبجد انا فرحان اني عرفتك عليها
وهي انسانةجميلةوتستحق الخير
تحياتي لك

- وليد الجميل قوي
ازيك يا قمر يارب تكون بخير وفي احسن صحةوحال
وبجد زي ماقلت لضي انا فرحان انك اتعرفت عليها عن طريقي لأنها بجد حد جميل قوي
بالنسبة للخبر بتاعي حاضر مش هطول
بس يا تري انت توقعك ايه ؟
قول وانا هقولك صح ولا لاء
تحياتي ليك يا جميل

!!! عارفة ... مش عارف ليه said...

صباح الفل يا درش

توقعي بخصوص

اعترفات رئيس سابق:)

ومش عارف احساسي صح ولا غلط

إنما إن شاء الله يكون صح

تحياتي
وليد

صفــــاء said...

مصطفى العزيز والغالى
شكرا ليك ولكل أصدقائك اللى فوجئت بكل رقتهم وطيبه قلبهم دول
انت اخ طيب وشهم يا درش
شكرا ليك وشكرا لدكتور ياسر , محمد , كيارا , احمد سمير , رؤيه , شمس النهار , روفى , عروسه , سمايلى روز , سلوى , سمر على ,أبى , مجنون , ضى القمر , ووليد مش عارف ليه
والله يا جماعه ليكم كلكم الشكر وللعزيز مصطفى

Anonymous said...

وليد
حبيب قلبي بص يانجم بالنسبة لعترافات الرئيس السابق فهي مازلت تحت اسر الناشر ادعيلي بقي ربنا يفك اسرها دة
وان كنت اخدت وعدانها هتروح مع الناشر معرض عدن في الاردن من19 ل 1 ابريل
ههههههه هحقق العالمية قبل المحلية
- الجديد-
بالنسبة للخبر الحلو هوشيئ ان شاء الله هيحقق لي انتشار اكبر بكتير من اعترافات الرئيس السابق ادعيلي يكمل على خير واجتهد فيه اكتر وابطل دلع
تحياتي ليك يا جميل

kochia said...

الحمد لله الذي بنعمته تتم الصالحات
جميل الدعاء ده
وان شاء الله دائما يتم عليك نعمه

تحياتي

اسماء said...

الف مبروك ليك يا صفاء انت بجد تستهلي كل خير وربنا يوفقك دايما ويكرمك يا جميلة
ومبروك مقدما ليك يا مصطفي ع كتابك ربنا يفك اسره ان شاء الله قريب
والحمد لله انكم فرحتوا وفرحتوا كل صحابنا المدونين معاكم
سلاااااااام

Ahmed Hishmat said...

مبسوط قوي إني شفتك امبارح
يا مصطفى
مبسوط قوي اني اتعرفت عليك

Anonymous said...

kochia
ربنا يخليكي يا كوشيا
تحياتي لك ودمت بخير

- اسماء
ربنا يخليكي يا اسماء


- احمدحشمت
انا اللي فرحان اكتر اني شوفتك واتعرفت عليك

ســـــــمــــكة said...

جميل اوي......وكويس ان فيه صوت من الصعيد ظهر...مدونة جميلة جدا
تحياتي

بنت الغربة said...

ازيك يامصطفى...
عامل ايه ؟؟اولا انا باحييك على البوست الجمييل ده ...دى معنى الصداقه الحقيقيه..وخلتنى اتعرف على مدونه رائعه هافضى نفسى مخصوص علشان ااقراها كلها ..
وعايزه اغرف الخبر الحلو الخاص بيك ايه..؟؟؟علشان نفرحلك كلنا ان شاء الله.......................
تانيا انا رديت على تعليقك عندى ..ادخل ااقراه..
وشكرا ليك
تحياتى

kalamfady said...

الف مبروك