Sunday, March 1, 2009

حاجة بجد تفرح





اليوم الاحد ان شاء الله تعالى سوف يتم استضافة صديقي العزيزين سحر غريب صاحبة
كتاب حماتي ملاك وحسام مصطفي ابراهيم صاحب كتاب (يوميات مدرس في الارياف)
و(من غلبي ) و(لولا وجود الحب) على قناة النيل الثقافية في برنامج الاجندة الثقافية
في تمام الساعة الواحدة .... طبعا كلكم لازم تشوفو

*********************
والله العظيم يا جماعة انا بفرح قوي باي حاجة زي كدة ... باي ظهور اعلامي او نجاح اوكتاب جديد لاي شاب فينا - رغم اختلافي مع بعضهم في التوجهات والاراء ودة شيء
طبيعي - .. لأن دة مش نجاح له هو بس لآء دة نجاح لينا كلنا كشباب بيحاول ينحت
في الصخر علشان يحرك بحيرة الادب الراكدة ويبني له مستقبل ويكون له اسم في العالم
الكبير دة.. شباب كبر على ان الكبير بيساعد الصغير ويعطي له الفرصة ويقدمه للناس
( قدم رجاء النقاش الكثير جدا من الكتاب وقدم صلاح جاهين فؤاد قاعود وقدم فؤاد حداد جمال بخيت والامثلة اكثر من ان تعد ) ولكنه عندما جاء ليأخذ فرصته فوجئ بان هؤلاء الكبار اول من يحاربه ويتهم ما يقدمهه بأنه ادب الكلينكس وانه غلطة مطبعية خارج السياق وانه شيء ليس الغرض منه سوى التسلية وفقط فأصبحت اليد التي توقع ان تساعده اول يد تحاربه وبشدة ولكن رغم ذلك لم يستسلم وظل يحارب بقوة حتى استطاع ان يثبت نفسه بل صنع جمهورا شابا من سنه استفاد منه الكبار الذين يحاربونه
اصدقائي الصغار سنا والكبار قيمة احبكم واؤيدكم واشجعكم واقول لكم استمروا فإن غدا ان شاء الله لنا

29 comments:

انت تسال والكمبيوتر يجيب said...

دعوه
الأخ العزيز/
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://dear.to/cairo

حررررررررروف said...

انا اول تعليق نقول الووووووووو
لالا صباح الخير طيب يارب يوفقك ويوفق كل صحابنا واللي مش صحابنا كمان حاجه حلوة بجد
دمت بالف خير

صفـــــاء said...

.
دة عشان انت بنى ادم كويس وقلبك أبيض فبتفرح لفرح كل اللى حواليك سواء تعرفهم او متعرفهمش
عقبال كدة اما اشوفك انت كمان منور فى احلى برنامج تلفزيون
.

مصطفي ريان said...

انت تسال والكمبيوتر يجيب
ان شاء الله سوف اذهب وان كنت احب ان تشارك في موضوع البوست

- حررررررررروف
حاجةحلوةبس انتي احلى
ونقول صباح النور
وصباحك فل ورود وكمان ياسمين

-صفاء
القمر الجميل جدا نور المدونة يا جماعة
ربنا يخليكي ليا يا صديقتي الغالية
ولا يحرمني ابدامنك ولا من سؤالك عني

د. ياسر عمر عبد الفتاح said...

ربنا يوفق كل المدونين
طالما بيكتبوا بشرف وضمير وخلق

حلوة الروح دى منك يا درش

صبرني يارب said...

ايوووووه انا قاعده اهو قدام البرنامج لسه ما جوش ومش هانطبخ النهارده باااااااااين

هههههههههههه

تحياتي لحضرتك وربنا يوفق الجميع يارب

أحمد سعيد بسيوني said...

عندك حق والله

كلنا بنفرح لما نشوف النجاحات دي لشباب زينا

العقبى لكم

mohamed ghalia said...

أنا متفق معاك تماما نجاحهم نجاح لينا كلنا
دمت بكل الود

mostafa rayan said...

د. ياسر عمر عبد الفتاح
ربنا يخليك يا جميل ويفقك لكل خير

- صبرني يارب
معقول يعني بيت الطبيخ التدويني ما يطبخش
انشاء الله هتعملي احلاكل النهاردة وهيطلع جميل قوي لانه هيكون بمزاح رايق لفرحك باصدقائك
لك كل الودوالتحية

- أحمد سعيد بسيوني
اهلا بيك يا جميل وربنا يكرمنا كلنا
لك كل التحية والود

- محمد غالية
صح كلامك
لك كل تحيتي ومحبتي

حسام مصطفي إبراهيم said...

صديقي العزيز جدا مصطفى ريان..
شكرا يا باشا على دعمك وفرحة قلبك اللي واثق انها من القلب
ربنا يخليك للغلابة اللي زينا
وعقبال ما نفرح فيك غي التليفزيون قريب

قوس قزح said...

تصدق فعلا الواحد بيفرح بهم كانهم حد من اهله
انا كمان عندى فرحة شبه دى فى البلوج بتاعى :)
يارب كل البلوجات تكون فيها فرحة كده


تحياتى

كيــــــــــــارا said...

والله انت جدع ياابن منطقتي

بجد حاجه تفرح ويارب صوتنا وقلمنا يوصل لكوووووول العالم

Khaled said...

دمت محبا للأخرين و دامت عليك محبتهم .. إية الحيلاوة بتاعتك دى

مصطفي ريان said...

حسام مصطفي ابراهيم
الله يخليك يا جميل واللي انا عملته دةاقل شيء لأن زي ماقولتلك نجاحك ونجاح اي شاب فينا هونجاح لينا كلنا
يعني انا مش بس بحتفل بيك لاءيا صاحبي دة انا بحتفل بنفسي كمان
بالتوفيق ومن نجاح لنجاح يا جميل

- قوس قزح
انا شوفت فرحتك بغزالي وبقيةالناس بالتوفيق لينا كلنا
لكي كل الود والتحية
ودمت بكل الخير

- كيارا
ان شاءالله هنوصل وهننجح وهنكسر الدنيا
طول ماحنا مؤمنين بنفسنا وبموهبتنا هنوصل وهنكسر اي سدود قدامنا
لك كل الودوالتحية يا بنت منطقتي

- ربنا يخليك يا خالد وييسر لك كل الخير

الدرعمي said...

والله يامصطفى ياخويا احنا بنفرح لما الإعلام يهتم بحد مثقف أو أديب أو أي حد بيقدم عمل جاد ومفيد ، إنما زي ما قلنا ليس كل مايقدمه الشباب يستحق النشر وليس كل رفض لعمل شبابي هجوما على الشباب والجيل الجديد ، أيضا ليست مياه أدبنا راكضة إنما تتحرك بقوة وتتجدد بنضارة ليس لها مثيل وعصرنا هذا هو العصر الذهبي للأدب بعد جيل الرواد الذين أسسوا للأدب الحديث في القرن العشرين ، ولكن ذلك كله يتم بعيدا عن ساحات الإعلام المهتم بالكرة والرقص والغناء والتمثيل فحسب ، وسأكمل معك حديثنا هذا ولكني في العمل فاسمحلي أن أستأذن ،، سلام على أمل اللقاء

norahaty said...

للاسف ما شفت التدوينة الا النهاردة
حظى مش اد كده لانى فعلا كان نفسى اشوف (الاستاذة سحر )و(الاستاذ مصطفى )
ربنا يوفقهم ومن نجاح الى نجاح
ياصاحب مذكرات الرئيس السابق.

اسماء said...

سلام عليكم
ازيك يا مصطفي
حلوة الروح الطيبة دي اللى بينك وبين صحابنا المدونين
يارب يوفق الجميع
ويا ترى ايه اخر اخبار كتابك
يا ريت تطمني
يلا سلاااااام

mostafarayan said...

اخي العزيزادم
اتفق معك في رأيك
وان كنا الان نحاول ان نجد لنا مكانا تحت الشمس
لك تحياتي يا اخي

نوراهاتي
ربنا يكرمك يارب يانورا
وتنجح اعترافات الرئيس السابق


اسماء
امين يا اسماء
بالنسبة للكتاب استاذ يحي دلوقتي في معرض اسكندرية وبعد كدةعنده توقيع انا انثي
وان كنت اخدت وعد انه هيروح معرض عدن من19 مارس ل 1 ابريل
ادعيلي بقي يا اسماء ويتم الافراج عن الاعترافات ليتداولها كل الناس
تحياتي الكتير ليكي

Eman Hashim said...

هى فعلا حاجة تفرح و تشرف
ربنا يوفقهم و يكبرهم كمان و كمان

mostafarayan said...

ايمان هاشم
اول زيارة ليكي هنا
نورتي المدونة
وربنا يتقبل دعائك
لك كل الود والتحية

salwa said...

السلام عليكم
الاخ مصطفى
الكفاح بالحياة للوصول على اي صعيد
هو قمة النجاح,يكفي المحاولة........
سلام

!!! عارفة ... مش عارف ليه said...

الف مبروك

لنا جميعا بالنجاح ده

وكل ده بيقول اننا صح


وعقبال ما نشوف حفل توقيعك يا مصطفى

وكمان نشوفك على الشاشة صوت وصورة كمان


ويتحقق حلمك وحلمنا


خالص تخياتي
وليد

مصطفي ريان said...

سلوى
صديقتي البيروتية الجميلة
اتفق معك ولكن هذه السعادة تزيد عندما تجدي نتيجة تعبك امامك
تحيتي لك وكل ودي

مصطفي ريان said...

وليد
صاحبي الجميل قوي
ايه دة ياعم توراد الخواطر الفظيع دة
انا وانت بنبعت تعليق في نفس اللحظة
ربنا يا اخي يكرمك
ويحقق لنا كل احلامنا
اخوك المحب لك
مصطفي ريان

مشمش said...

دي حاجة حلوة جدا ويارب تكرمكو اتر كمان طول ما انتو تستحقو دة ويارب نبقي اصحاب كمان سلام انا ليا الشرف طبعا

مصطفي ريان said...

مشمش
دةانا اللي ليا الشرف اننانبقي اصحاب واخوات
اهلا بيكي هنا دايما على طول

شمس النهار said...

انت ماقلتش الساعه واحده الظهر والا بليل
طيب وهيتعاد امتي ان شاء الله
انا كمان بفرح جدا لما بشوف حد من المدونيين بينتشر وبينجح كده
بصراحه في مواهب كتير في عالم التدوييين وبدعلهم كلهم ياخدوا فرصتهم

بس خلاص ... said...

السلام عليكم
شعورك تجاه الاخرين ينم عن شخصيه جميله ندر وجودها ... ورؤيتك للامور فيها الكثير من العمق والنضج الفكرى
عجبتنى جدا رسالتك الى السيده / جميله اسماعيل
اشاركك التحيه اليها والى كل ام وزوجة مصريه تعرف المعنى الحقيقى للامومة ولعائلة

mostafa rayan said...

شمس النهار
القاء كان الساعة واحدة الظهر
بصراحة مش عارف امتى هيتعاد
وانا معاكي في مواهب كتير في التدوين تستحق الظهور وهي فعلا بدأت تظهر
تحياتي لك ودمت بكل الخير

- بس خلاص
ربنا يخلكي كلامكم اكبر مني بكتير قوي
لك كل التحية والود