Friday, March 13, 2009

مش عارف ليه

عايز اكتب حاجات جديدة بس مش عايز ...... ومش عارف ليه ؟!

23 comments:

صبرني يارب said...

عادي دي حالات بتيجيلى ساعات

اشربلك فنجان قهوله بالقرنفل

وصليلك ركعتين

وعليهم اياتين ودعوتين حلوين لك ولنا بظهر الغيب

وقول بسم الله واشتغل

هاتلاقيها تجيب معاك يعنى ما تقلقش

د. ياسر عمر عبد الفتاح said...

يا درش اكتبلنا حاجة تطلعنا من الحالة اللى أنا فيها دى

قلق وزهق وانتظار
اكتب أى حاجة بالله عليك

د. ياسر عمر عبد الفتاح said...
This comment has been removed by the author.
mohamed ghalia said...

امممممممممممم
ملل تدوينى جايز
بس انت تقدر تنتصر عليه يامصطفى
دمت بكل الود

هاني النجار said...

الظاهر اني جيت لك في وقت مش مناسب يا درش
عموماً بلاش تخلي الحالة دي تأثر عليك لأننا كلنا بنمر بيها

شوف يا عم مصطفي
أنا جاي لك دلوقتي في طلب ويا رب ما تكسفني

انا عاوز انقل موضوعات من مدونتك لمدونة ملامح
هاتسألني ايه هى ملامح هاقولك ادخل كده شوفها ولو وافقت وده اللي باتمناه من صديق قديم وعزيز فراجع موضوع موافقات النشر فيها علي الرابط ده
http://malamh2009.blogspot.com/2009/03/blog-post_1303.html

أجمل تحية .. وارمي حمولك على الله
-------------
شيء أخير وهو انك طبعا مش عارف انا مين
أنا أخوك المهاجر

الي لقاء

mahasen saber said...

ده طبيعى لانك انسان مرهف الحس وكاتب موهوب فطبيعى الموهبه مش بتطيع صاحبها فى اغلب الاحيان

يعنى ساعات هتلاقى نفسك ممسك عن الكتابه ومش بارادتك فى الغالب بس بمزاج الموهبه

إيناس حليم said...

ممممم معلش دي حالة بتجيلنا كلنا عادي جدا وعندي نصيحة بقولها لنفسي ولأي حد في الوضع ده ونجحت كام مرة
:)
بص اقف في بلكونة بيتكم لو ساكن في دور عالي.. ولو مش كدة اطلع اقف على السطوح..
بص للناس من فوق وتنح في أدمغتهم على اختلاف الوانها واشكالها وقرعتها..
وتنح كمان في أسطح البيوت واختلاف ارتفاعاتها.. وأكيد هتلاقي حاجة تكتبها

اذا مش كدة تنح في الناس والشوارع طول ما انت ماشي وركز في الحاجات البسيطة قبل الكبيرة

بص خليك مقتنع مدام انت موهوب.. طول ما انت عايش على وجه الأرض هتلاقي حاجة تكتبها

جربها بس ومش هتندم :))

لك أجمل تحياتي

صفـــــاء said...

صديقى الكاتب الموهوب
عقله بيعند معاة وبيستمرئ الكسل
بس ولأن مصطفى ريان اخويا وصاحبى كاتب وله موهبه مميزة فأنا متأكدة انه هينتصر على الملل والكسل المؤقت دة وهيكتب احلى حاجه

Khaled said...

خد أجازة من مصطفى .... !!!!؟
أعمل زيى و خد أجازة من نفسك

تحياتى يا جميل

فتاة ضائعة في زمن الأوهام والأحلام said...

حالة عادية جدا وانا كنت لسه كاتبة في مدونة محاسن اني لسه مش عارفه اعبر عن اي حاجه خالص تحياتي

الدرعمي said...

طيب تفتكر الموضوع ده بيستمر كام يوم ؟ أنا بتمر علي شهور ما أكتبش حرف ، بس بكون تعبان ومخنوق لأني فيه حاجات جوايا مش عارف إيه هي مش عارفة تطلع ، بسيبها تعذبني لحد ما تستوي وتسويني وأجيبها بالعافية وبفتح البطن زي الولادة القيصرية بقفل النور وأشغل فيروز وأقعد أفكر ازاي ممكن أخرج الشحنات دي بس ربنا يعافيك ويبعد عنك شر اللي بيحصلي بكون زي المجنون بحس إني هموت بعد آخر حرف .. الحالة دي من أسباب إني مقل جدا في الكتابة حتى إنك تقدر تعد كل إنتاجي على صوابع إيديك المهم إني عاوز أوصلك معلومة ; كل إنسان له طريقته في التعامل مع حالة الجدب الإلهامي فتعامل وجاهد عشان تستمتع بلحظة الولادة ،، مولود مبارك مقدما

dramaqueen said...

عادى بتحصل مع احسن المدونين
بس هيجى وقت لازم الكلام يخرج باى طريقة

شمس النهار said...

كل الثوار والمفكرين والمبدعين كده
لما تتزاحم الافكار في دمغهم مايبقوش عارفين يكتبوا في ايه
اصطاد كده فكره وسم الله
وهتلاقي فوووووووووووررررررررررررر
بتكتب كلام جميل جدا

سومه...مجنونه فى بلد عاقل said...

كلنا عندنا نفس الاحساس متزعلش عادى

Khaled said...

انت بتقول إنك مش عارف لية أنت مش عايز تكتب حاجات جديدة .. صح

علشان مصطفى بيضغط عليك إنك تتفوق على مصطفى بتاع إمبارح .. و دة تقريبا عاملك تشويش ذهنى .. ماتخليش همك إنك تكتب .. فالأسلم إنك تنساك شوية و إشغل نفسك بحد تانى إنتا تختارة .. يمكن يكون صاحب أو حد قريب منك و صدقنى حاتلاقى نفسك عايز تكتب
فهمتنى ياصاحبى ولا أوضح تانى
ربنا يوفقك و يقدرلك الخير

ســـهــــر said...

حاله بتيجى كتييييييييير للكل
المهم انك تتغلب عليها
تحياتى

سوبيا said...

فيه كلمة حلوة ل /احمد خالد توفيق بتقول ان الافكار دي زي البيض لو ماأبعدتهمش عن بعض هايكسروا بعض
دور ممكن تكون في افكار قديمة مركونة في دماغك
اكتبها حتى لو عادية
وفضي دماغك
ووسع مكان لغيرها
وهاتلاقي
افكار كتييييييييييييييير بتخبط عليك

وزي كل الناس
تقبل مروري زي كل الناس
سلااااااااااااااااام

عاقلة علي ارض الجنون said...

واحد من اقرب الناس ليا .. قاللي ف مره ..

فيه حاجات كتير ميعبرش عنها غير السكوت .. لإن السكوت فيه كلام أكتر

mostafa rayan said...

اشكر جميع اصدقائي على اهتمامهم وردهم

- عاقلة عل ارض الجنون
احيانا يبقي ماينفعش تسكتي لأن كلامك بفلووس ولأن في شغل وارتباطات وناس
مستنية كلامك علشان تاكل عيش

Sweet Violet said...

حاله بتيجى كتيير للبعض

بس حاول تغيير الروتين بتاعك و ان شاء الله هتبدأ تكتب

!!! عارفة ... مش عارف ليه said...

لما تامر حبيب كتب سهر الليالي وحقق النجاح الكبير دة تامر حبيب فضل ورا الفيلم مدة طويلة مهرجانات وندوات
ولقاءات وحيد حامد قابله في لقاء اخده من ايده قاله بص هقولك كلمتين وحطهم حلقة في رقابتك ( طظ ) في سهر الليالي .. انساها خالص .. دي انت اللي كتبتها وتقدر تكتب حاجة احسن منها ودةاللي عمله تامر بعدها وكتب حاجات احلي
ولما علاء الاسواني كتب يعقوبيان ونجحت النجاح دة سألوه ايه بعدها
قال انا مش هعيش اسير ليها انا اللي كتبتها واقدر اكتب احلى منها وبالفعل كانت شيكاجو
-------------------

ده كان تعليقك عندي على البوست اللي فات

أجي انا بقى النهاردة الاقيك بتتناقض مع كلامك

ازاي ده بقى


مش هقول حاجة تانية

مستني جديدك قريب إن شاء الله

سلام

مصطفي ريان said...

Sweet Violet
عندك حق يمكن يكون الروتين السبب فيها
تحياتي ليكي


- وليد
ازيك يا صاحبي
عارف يا وليد ايه المشكلة ساعت بحس برغبة في الانطواء والبعد عن الناس حتى اقربهم ليا وبحس برغبة في عدم مممارسة اي شيئ حتى لوكان عشقي الاول وهي الكتابة
ماتصدقش اللي يقولك بكتب علشان الناس تنبسط الكاتب الحقيقي بيكتب علشان نفسه الاول .. علشان ينبسط هو بنفسه الاول وبعد كدة يأتي او لا ياتي
انبساط الناس
ساعات بقي بكون مخنوق من كل حاجة ووشوش الناس اللي ممكن تجبلك الف قصة وقصة
ساعت تحس انها وشوش كالحة قاسية تحس انك اصلا مش عايز تبص ليها ولا تشوفها اصلا
بس تحس انك عايز تصرخ من غير ما حد يقولك مالك
مش عارف هل هي حالة من الاكتئاب
ولا الزهق ولا الملل او طبيعة شخصية مش عارف
سيبك من كل دة المهم انك انت منور الدنيا يا جميل

ملكة بحجابى said...

حالة تراودنا جميعا حينما يملأنا عالمنا الخارجى والداخلى بحاله تفوق قدرة حبر أقلامنا ولكنها سرعان ماتسفر عن كلمات تستحق وقفة

تقبل مرورى
ملكة بحجابى