Monday, October 27, 2008

رباعيات تهيسية...وليس على التهييس حرج

تحديث (2) - عن كناري
مش عارف ليه صديقتي العزيزة كناري
حذفت المدونة بتاعتها ..بس يارب يكون المانع خير
كناري ايا ما كانت الأسباب هفضل دايما افتكرك بالخير وابقي طمنينا دايما عليكي
تحديث مهم:
دة يا جماعة لينك مدونة جديدة لصديقنا محمد ابراهيم اسمها قلم مشاغب
بيتكلم فيها عن موضوعات مهمة ومختلفة ادعوكم لزيارتها وقرأة موضوعتها
____________________
قبل القرأة
......................
1- بخصوص البوست السابق انا اعرف جيدا ان الناس جميعا لا تستوي .. في ستات ورجالة حلوين قوي وزي الفل وفي كمان ناس سيئين جدا والتعميم مرفوض
واعرف ايضا انه ليس من الحكمة او العقل ان نحكم على تجاربنا بالفشل المسبق لمجرد ان غيرنا فشلو فلكل تجربة ظروفها الخاصة بها .. كان البوست مجرد تنفيس عن حالة من الغضب الشديد انتابتني عندما قرأت الخبر
2- بخصوص وثيقة التدوين احب ان انوه انني لست مشتركا فيها والقائمون عليها وضعو اسمي في اللجنة التأسيسية دون ان اعلم اي شيئ عن الموضوع من الأصل ربما فعلو ذلك نوعا من العشم منهم
اما عن رأيي في الفكرة فأنا معترض عليها ولن اشارك فيها رغم اهدافها النبيلة للأنني اري ان التدوين نوع من الحرية المطلقة التي يجب ألا تقيد بأي قيود حتى لو رأى البعض ان في ذلك نوع من المصلحة
3- بخصوص هذا البوست المفروض انه كان هينزل مكان البوست السابق اتمنى ان تعجبكم هذه الرباعيات وفي انتظار رأيكم عنها
واخيرا ...........
دمتم يا اصدقائي - رجالا ونساء - بكل الحب والود
(1)
حسني مبارك زعيمي وأنا به افتخر
والدنيا في عصره فل والشعب مزدهر
واللي يقول غير كدة كداب وابن كلب عميل
وتحية لحبيب العادلي وزير كفاءة بيشتغل
(2)
حبيبتي محجبة لكن من غير حجاب
بتلبس جينز وبادي وبتسمع عمرو دياب
واكتر مابيضايقني فيها ألوان حجابها
احمر واصفر واخضر وميكب من غير حساب
(3)
احلى ما في البانجو انه مافهوش بذر
واحلى ما في شعر الحداثة انه مافهوش شعر
واحلى ما في حماتي لما بنتها تروحلها
واقعد يومين تلاتة من غير خناق ولا نبر
(4)
فداك عيل من عيالي يا ريس
فداك حماتي والمدام
دة انت رئيس والنعمة كويس
كلك طيبة ودفا وحنان
(5)
عاكست البنت الحلوة وانا ماشي مع اصحابي
قالتلي لو عجباك تعال ودق بابي
سكت انا ماعرفتش اقولها ايه
ومن ساعتها ماعاكستش بنات تاني
(6)
طلعت غلط في المترو في عربية النسوان
اول ما شافوني صوتو ماعرفش ليه يا جدعان
حتى انتي يا نرمين يا بنت الاوغاد
مش بس صحاب في الجامعة دي ياما نامت في حضني ايام
(7)
في يوم الحكومة كبست ولمت الملتحين
وكان الواد ابن اخويا بادئ بقاله يومين
الواد بجد اتخض .. سكت ماحطش رد
وتاني يوم حلقها وبقي بيسهرعلى القهوة بالليلة والأتنين
(8)
اتوبيس السياحة بيعدي وصاحبنا كان بيبص
على واحدةاجنبية تضاريسها واحد ونص
وكل حاجة باينة ومافيش ممنوع اللمس
لكن ماخدش باله من اللي جاي بسرعة
ومات صاحبنا في ثانية .. مات شهيد البص
(9)
لوكنت يوم ابقي وزير شئون مالية
وكل فلوس الدولة تيجي تصب عليا
وانا مش طماع ولا حاجة .. انا عايز بس 800 مليار
افك بيهم برة .. ويبقو يدوروا عليا
(10)
دخلت مراتي عليا وانا بتفرج على الدش
كانت قناة اوربية عليها نسوان إش إش
غضبت قوي الولية وطلبت الطلاق
وبعد محايلة طويلة وافقت ترجع تاني
على شرط ما اصعبه .. لازم اشيل الدش
(11)
ماعرفش ايه بيجرالي لما بشوفك بروح في المتاهات
وابقى واحد تاني غيرى كأني شارب مخدرات
انا اللي عشرة في لساني بيتوه الكلام مني
وابقى بنوتة مكسوفة اول مرة تكلم ولاد

39 comments:

mohamed ibrahim said...

الرباعيات دي بتفكرني باغاني الراب بجد
بس كلماتها حلوة
و معبرة
خصوصا الجزء لخاص بالعهد المبارك

mohamed ibrahim said...
This comment has been removed by the author.
mohamed ibrahim said...

اول كومينت
فرحان بجد
تعالي قول رأيك في اول تدوينة
في قلم مشاغب
ترتيبها التاني في البروفايل
احب اسمع راي كل الناس بجد

mostafa rayan said...

محمدابراهيم
حبيبي قلبي كل سنةوانت طيب وانا فرحان انك اول تعليق وان الرباعيات عاجبتك
بس يا محمد ايه وجه الشبه بينها وبين الراب ؟
عارف انا نفسي اتعرف على حد بيلحن ونحاول نلحن الرباعيات دي بأي شكل موسيقي
ونحطها هنا او الفيس بوك او المنتديات التانية هتبقي تجربة جديدة ومختلفة
تحياتي ليك يا جميل ودمت بكل الخير

Ahmed Mohamed said...

بصي يا سيدي بخصوص الوثيقه رغم انها كلها اهداف نبيله زي ما حضرتك بتقول انا كنت معترض عليها بس بيني وبين نفسي
بس السبب مكنش عشان التدوين حريه
كان سبب رفضي الغير المعروف
ان الاهداف الي في الوثيقه اساسيات وضروريات
والي ميعرفهاش من نفسه يبقي ولا مؤخذه جاهل او حجات تانيه
وعشان انا مش بحب افرض الفروض او اسس الأسس الاساسيه
.............
بخصوص الربعيات عجبتني جدا
فيهااسقاط علي احوالنا
وبطريقه حلوه

تحياتي وانتظر الجديد

mohamed ibrahim said...

مش عارف
بس هي فكرتني باغاني الراب
علي مقاطع حلوة
و كلماتها يعني متناغمة
اول مقرأتها حسيت ان بقرأ كلمات راب
بس علي فكرة
انا مش ملحن و مليش دعوة بالمزيكا غير اني سميع بس
لو كدة حاول تشوف علي المنتديات الكبيرة
و باذن الله تحقق الي في بالك
و اديك فرحان انك اول رد في المدونة كلها
انا بقي اول كومينت في البوست
اي خدمات
و كل سنة و انت طيب
دمت بود

تحياتي
محمد

KHALED said...

يخرب عقلك يا مصطفى

هههههههههههه

واضح ان الصنف كان مضروب بالجذمة
عجبتنى بس حسيت إن رقم 6 مش قد كدة
و أتجوز يا صاحبى ولا يهمك .. كاس و داير

تحياتى

mostafa rayan said...

احمد علام
منور يا نجم وانا فرحان ان الرباعيات عاجبتك جدا
يارب دايما اكتب حاجات وتعجبك
تحياتي لك ودمت بخير

- محمد ابراهيم
كون انها تفكرك بأغاني الراب فدة يفرحني لان اغان يالراب مختلفة ومعنى كدوة ان الرباعيات دي بردو جديدة ومختلفة
بس مواقع زي ايه اللي ممكن ادور فيها ؟ لو عندك فكرة قولي
منور يا صاحبي ومانحرمش من تعليقاتك ابدا

- خالد
والله عندك حق .. كاس وداير
بس ياترى نصيبي هيكون ايه ؟
نورت يا صاحبي كعادتك دائما

mohamed ibrahim said...

اعتقد يا مصطفي ممكن تامر لوفرز او ماي ايجي او الديفيدي
دي اكبر مواقع منتديات عربي شفتها
اعمل موضوع بحيث انك عاوز واحد له في التلحين
و لما تظبط مع الي تلاقيه الكلام و تثق فيه
ابقي اديله الكلمات
و ربنا يوفقك

دمت بود و خير
تحياتي
محمد

صبرني يارب said...

تحياتي على البوست الجميل يا مصطفى

وارجع البوست الى فات عشان فى كلمتين لك هناك

Anonymous said...

- محمد ابراهيم
شكرا على المعلومات يا جميل وان شاء الله هدور هناك
تحياتي لك ودمت بخير

- الأخت الكريمة صبرني يارب
مبسوطان الرباعيات عاجبتك
وبخصوص البوست السابق انا قرأت تعلقيك ورديت عليه .. ارجو انك تتفهمي ردي
تحياتي لك ودمت بخير

كـــيــــــــارا said...

ايه ده

كناري حذفت مدونتها

طب ليه

مش ممكن ايه ده معقول

طيب لو مضايقه تبعد شويه

يارب تكون بخير

كـــيــــــــارا said...

اسفه نسيت اعلق علي البوست
-----

والدنيا في عصره فل والشعب مزدهر

---------

جداااااااا

حال شعب وجسدته ببراعه

تحياتي

خمسة فضفضة said...

السلام عليكم ورحمة الله وبركاته


لا انت لازم تقدم ابداعاتك للفنان القدير شعبولا يمكن يغنيها وتشتهر وماحدش يعرف يكلمك

هههههه

سلام

mostafa rayan said...

- كيارا
اهلا بيكي دايما
بخصوص كناري ماعرفش السبب ايه وبجد انا حاسس اني فقدت حد غالي عليا جدا في عالم التدوين
وبخصوص الرباعيات مبسوط انها عاجبتك
نورتيني

- خمسة فضفضة
انا بردو مستوايا شعبولا .. انا مستوايا عمرو دياب
منوراني دايما يا دكتورة

elsha3er said...

بص ياسيدى اما عن الاولى فهى حلوة بس انت ما خلتش ليه كله قافية واحدة كدة انت بوظت النغمة على فكرة

الثانية نفس الكلام

التالتة حرام عليك فى رباعية للبانجو بجد مش عجبانى خالص وبعدين ماله الشعر الحديث متحرر من كل القيود انا افتخر ان انا واحد بكتب للشعر الحديث وعلى فكرة انت رباعياتك دى تعد من الشعر الحديث اللى انت بتقول عليه من غير شعر خلاص ما بقاش فى كلاسيكى والكلام دة


اكتفى بهذا القدر

احمد الشاعر

elsha3er said...

على فكرة يا مصطفى انا بقرأ جدا انا بنصحك ان انت اللى تقرأ رباعيات كويس فى حد بس يقول فى رباعية دى نامت يا ما فى حضنى
لالا طبعا

ماتزعلش منى بصراحة يمكن اللى عجبونى 1ولا2

انا اسف بس من حقى اقول الحق وما ضحكش عليك

احمد الشاعر

mahasen saber said...

ايه الجمال ده دى رباعيات الريان هههههههه بس رائعه انتا رصدت ظواهر بارزه فى المجتمع بمنتهى الجمال وخفة الكلمه والشياكه....
شئ رائع يا اسامه رائع فعلا
تسلم كيبوردك واحساسك وموهبتك
.................
وبخصوص الموضوع اليى قلتلى عليه فى مونتى موضع الاغانى عنيه انا هشوف اميلك حالا واه انتا سالتنى عرفته منين انا ليا صديقه مخرجه فهيا اليى عرفتنى بيهم
.......
انتا تامر مش تطلب يا مصطفى وربنا يوفقك

mahasen saber said...

مصطفى انا مش لاقيالك ايميل
........
سيبلى ايميلك لو سمحت عشان ابعتلك المعلومات اليى طلبتها
........

صفــــاء said...

.
يخرب عقلك بجد المرة دى
يا بنى هو انا عيل تايهه

بس طبعا تشكر وربنا يخليك انك بتفتكرنى وتسئل عليا ومتخفش انا على قلبك برضه بس مختفيه شويه
بس سؤال يا مصطفى هو انت بتسئل عليا عشان احنا اصحاب والا عشان طمعان فى العروسه؟؟ أذا كنت طمعان فى العروسه يبقى لازم تحترمنى وتنافقنى وتتمحلس وكدة ومن هنا ورايح تقولى يا طنط

عايش علي الهامش said...
This comment has been removed by the author.
عايش علي الهامش said...

انا بقول مدخلش المدونه دي تاني احسن .... لا ياعم انا مليش في السياسه وانت شكلك كده ميريحش ياعم

عجباني يا ابو درش اول سطر نخيت واضح ان جمعية ليلي ضغطوا عليك حبتين انا سمعت ههههه

وماله ياعم لما يبص بصه ....مات وهو راضي لا وانت عملته شهيد يجوز يا ابني يجوز

اما بقي حماتك فامسح الجمله دي مش عاوز اسمع عنك لما تتجوز ان حماتك قطعتك ارع تربع في ثلاثه وحطتك في اكياس بس متخفش وزارة الصحه اليومين دول مانعه الشنط السمره يعني هتتشاف هتتشاف بس الي انا بفكر فيه يا تري هتاخد حماتك اقصد جايزه المراه التشجيعيه بعد البوست الي فات ولا هيطلعوها برائه بعد البوست ده


اشوفك بعدين يا درش ولا شكلي مش هشوفك وهقفل انا كمان المدونه قال سياسه قال

سلام ياباشا

تايه في وسط البلد said...

حبيب قلبي
ايه دا كله ايه دا كله
دي طلقات في جميع الاتجاهات!!ه

احسنت يا صديقي ويجب ان تعرف انني لم اتوقف عن الضحك والمتعة

mostafa rayan said...

elsha3er
طبعا من حق اي حد يقول رأيه .. نورت

- محاسن صابر
طبعا فرحان ان الرباعيات عاجبتك وانك شايفها حلوة وشيك
بس مين اسامة دة .. انا مصطفي يا محاسن
انا بعتلك ايميل يارب يكون وصلك
ومتشكر قوي انك متعاونة معايا
ربنا يوفقك وييسرلك كل الخير

mostafa rayan said...

صفاء جلال
حمد لله على السلامة وماتبقيش تغيبي عنا تاني
طبعا بسال علشان العروسة بس ايه طنط دي ماقولك يا ابلةاحسن
نورتني يا ميس

- عايش على الهامش
والله انت دمك زي العسل
وتعالى ياعم في اي وقت ولا يهمك

- تايه في وسط البلد
اكثر ما يسعدني ان ترسم كلماتي بسمة صادقة على وجه وشفاه قارئها
نورتني يا جميل ويارب اقدر اسعدك اكتر واكتر

كلام على بلاطة said...

ايها المبدع الثائر
تحياتى

صفــــاء said...

طلعت غلط في المترو في عربية النسوان
اول ما شافوني صوتو ماعرفش ليه يا جدعان
حتى انتي يا نرمين يا بنت الاوغاد
مش بس صحاب في الجامعة دي ياما نامت في حضني ايام
رباعياتك كويسه يا مصطفى بس فين مصطفى اللى اول حاجه قرئتها له كانت قصص قصيرة ولا اروع بقالى كتير مشوفتهاش
طلب خاص يا مصطفى من فضلك عاوزة اقرأ عندك شئ مميز جدا من أبداعك شئ أول ما اقرئه أشعر بيه بشدة
محتاجه قصه رائعه من صديق ..ممكن؟

!!! عارفة ... مش عارف ليه said...

أنا شايف إنك بعدت شوية عن القصص
ياريت تظبطنا قريب بحاجة حلوة كده زي رباعياتك الجامدة دي ... بصراحه جميل يا مصطفى كالعادة

والاجمل هو فلسفتك في التدوين

وأتفق معاك بصراحه في كل اللي قولته


وسامحني على التأخير الكام يوم اللي فاتو

وشكراً جزيلاً على سؤالك يا درش
هو ده العشم بردو :)

اخوك
وليد

mostafa rayan said...
This comment has been removed by the author.
mohamed ghalia said...

ماعرفش ايه بيجرالي لما بشوفك بروح في المتاهات
وابقى واحد تاني غيرى كأني شارب مخدرات
انا اللي عشرة في لساني بيتوه الكلام مني
وابقى بنوتة مكسوفة اول مرة تكلم ولاد
حقيقى كلمات رائعة أيها الشاب الثائر
تقبل تحياتى وإعجابى
دمت بود

Anonymous said...

مصطفى

جميل قوى ما تكتب

وإن كنت أخذ عليك الصراحة الزائدة

هى زائدة \يا أخى عن الحد

ولكن غير ذلك فأنت تكتب روائع

وأعذر لى تقصيرى فلست ناقدا للشعر العامى

اعجبنى ذلك جداا
واحلى ما في شعر الحداثة انه مافهوش شعر

تحياتى

حسن ارابيسك said...

درش
رباعياتك كما تعودنا عليها قنابل عنقودية كل وحدة منها بمناسبة بوست لوحده يحمل فكرة وموضوع الرباعيات ده أنا بعتبره عبقرية من مؤلفه انه يملك القدرة في ضغط موضوع ياخد صفحات في رباعيات
ده غير خفة الدم في معظمها ساعات بيموت من الضحك
سلمت لنا وسلمت بوستاتك
وبخصوص رأيك في موضوع ميثاق المدونات بالطبع لك كل الحق ورأيك يوافقك عليه الكثير
وبالنسبه لبوست ليلى وفوزي أعجبني أيضا ردك الصريح والواضح دون أي مجاملة أو تحيز
تحياتي
حسن ارابيسك

م/ الحسيني لزومي said...

شارك في الحملة الشعبية للقيد بالجداول الانتخابية وادعو غيرك.
ضع بنر الحملة من علي مدونتك البنر موجود علي مدونتي

mostafa rayan said...

- كلام على بلاطة
وتحياتي لك انت ايضا

- صفاء - وليد
منورني والرد اكيد وصل
دمتم بكل الخير

- mohamed ghalia
ربنا يخليك وانا فرحان ان الرباعيات عاجبتك
منورني

- عرفة
نورتني يا جميل وطبعا رأيك له كل الأحترام

- حسن ارابيسك
ربنا يخليك يا حسن
وانا فرحان انك معجب بالرباعيات
هي ممكن تكون بتضحك فعلا ودة لأني بطبعي اميل للكتابة الساخرة
دمت بكل يخير يا اخي

Anonymous said...

استاذ مصطفي
رباعيات جميلة
تقبل تحياتي

مجدي حسين

mostafa rayan said...

- مجدي حسين
شكرا يا جميل
يارب اكون عند حسن ظنك دايما

Hannoda said...

بتعجبني فكرة الرباعيات لإنها فيها قدرة بستغربها على اختصار مشهد و معني في كام كلمة وزنهم مظبوط بشكل بجد غريب

موسيقى الكلمات جميلة و اسلوبك السريع كمان جميل
مشاهد كتير جبتها.. كلها مشاهد مدايقانا و مشيلانا الهم على البلد و اللي فيها

بس انت بجد قلتها بسرعة و لمتها كلها كده مرة واحده بشكل يفكرك بالهم بس يخليك تشيله من دماغك بسرعة
يسعدني التعرف عليك و تسعدني المتابعة

أما موضوع ميثاق المدونات ده فأنا مافهمتوش

ايه حكايته

mohamed ghalia said...

أخى العزيز
ليك تاج عندى ياريت
تقبله
تحياتى
فى إنتظار إجاباتك

Anonymous said...

محمد غالية
ان شاء الله هحله ولكن بعد البوست القادم ان شاء الله