Saturday, October 18, 2008

لقاء والزمالك وتفكير المجتمع الخاطئ

تحديثات مهمة جدا
1- بعد ان عادت اختنا العزيزة د. خمسة فضفضة http://5fadfada.blogspot.com/
من العمرة كتبت اول تدوينتها عن زيارتها للكعبة والمسجد الحرام والحرم النبوي الشريف
ادعوكم يا اخواني ان تذهبوا وتقرؤا هذا البوست الرائق عن تلك الزيارة الرائعة
رزقنا الله جميعا الحج والعمرة وتقبل منا جميعا صالح العمل
2- مبروك للنادي الأهلي الفوز وصعوده لنهائي افريقيا .... الف مبروك يا كبير وعقبال
الكأس
.......................................
هذا البوست بمناسبة هزيمة الزمالك امس من طلائع الجيش
._______________________________
كنت اريد ان اكتب عن هذا الموضوع من فترة طويلة بسبب خبر قرأته في موقع محيط في شهر رمضان ولكني كنت أوأجله .. ما جعلني اتشجع في كتابته هزيمة الزمالك امس امام طلائع الجيش وظهوره بمستوي ضعيف المبارة التي اعقبت قرأتي لموضوع كنت قرأته في موقع (ام اس ان ارابيا ) ان هناك حملة الكترونية على الفيس بوك موجهة لعبد المنصف بسبب ملابسزوجته لقاء الخميسي تطلب منه ان في يجعلها ترتدي ملابس اكثرحشمة
- رغم ملابسها بالنسبة للأخريات محتشمة جدا - وانهم يفعلون ذلك من باب العشم والحب فمن يحب احد ينصحه .. وفي الحقيقة انا لا اري في ذلك اي عشم بل اراه نوع من قلة الأدب وتدخل الأنسان فيما لايعنيه ليس من حق احد ان يفرض على احد مايرتديه خصوصا اذا كان لا يعرفه وليس بينهما علاقة وحتى ان كان من باب العشم والنصيحة فالنصيحة في مثل هذه الأمور لا تكون هكذا ولكن تكون شخصية وبالين والرفق حتى تؤتي ثمارها خصوصا ان عبد المنصف عندما تزوج من لقاء كان يعرف انها ممثلة وكان يرى ملابسها ..احبها هكذا ووافق عليها هكذا ( يعني ماحدش ضحك عليه ولا فهمته إنها شيخة وبعدين فوجئ انها ممثلة )
اما ماقرأته في محيط فتفاصيله في هذا اللينك
http://moheet.com/show_files.aspx?fid=162422
وفيه ان عبد المنصف اضاع فرصة ان يكون حارسا كبيرا للزمالك بسبب تذبذب مستواه
المشكلة ليست في الموضوع ولكن في التعليقات التي جائت عليه والتي تظهر تفكيرنا كشرقيين في اي موضوع فعادتنا اننا نترك اساس الموضوع ونتحدث في الفرعيات والفرعيات هنا تركت كل مشاكل الزمالك وخناقات وتشابك اعضائه وحملت المسؤلية على لقاء وعلى ملابسها في ( راجل وست ستات ) وطالبت عبد المنصف بأن ( يلم ) زوجته لأنها السبب في تراجع مستواه واحد المعلقين طالبه بذبح عجل من مال حلال ليس من مال الكرة والتمثيل – بالطبع هو يراهم حرام - حتى يتفك النحس عن عبد المنصف
– حذفت ادارة الموقع بعد فترة هذه التعليقات التي تجرح في لقاء ولكنكم يمكن ان تلاحظوها في تعليق (16)- كماقلت لكم حملت التعليقات لقاء مشكلة الزمالك وبالطبع هي بريئة من كل ذلك فحتى لو اعتزلت لقاء وارتدت النقاب وجاء الكابتن بيليه بذات نفسه ليدرب الزمالك سيظل يخسر ويقدم نتائج متواضعة لأن ازمة الزمالك في ادارته التي تنظر له على اعتبار انه تكية او بيت ملك كل واحد يعمل فيه اللي هو عايزه .. مشكلة الزمالك ان اعضائه ينظرون لمصلحتهم هم فقط ولا يعيرون اي اهتمام بالزمالك نفسه مشكلة الزمالك ان الاعبين يلعبون تحت ضغط نفسي وعصبي من الأدارة والجماهير التي تلعنهم وتلعن اهلم في اي لحظة – موقع يوتيوب ملئ بالفيديوهات التي يشتم فيها جماهير الزمالك لاعبيه شتيمة اقل ماتوصف به انها قذرة ويعاقب عليها القانون – مشكلة الزمالك انه يحتاج من مسؤوليه ان يحبوه وان يقفو بجوراه وليس في ان ترتدي لقاء ملابس محتشمة والدليل انه حتى عندما يترك عبد المنصف الحراسة فالزمالك يخسر ايضا .. فهل يفهم اعضاء وجماهير الزمالك ذلك ... اتمنى

ملحوظة بعد القرأة
في هذا اللينك نساء العرب يصرفون اكثر من 8 ملياردولار على شراء مستلزمات التجميل من الخارج ... والله العظيم جمال المرأة في تدينها وعقلها واخلاقها وحبها وعطائها وحنانها على زوجها ومن حولها ليس في تلك المساحيق التي تجعلها في كثير من الأحيان تبدوكما البلياتشو في السيرك

23 comments:

عادل said...

اخي الفاضل
استاذ مصطفي
عاجز عن الشكر لمرورك بمدونتي البسيطة
وعرفت مدونتك عن طريق مدونة اخواتي بنات
صاحبة الجلالة عجبني جدا تعليقاتك العقلاانية
اعتقد بالنسبة لموضوعك فقد اصابة الهدف
بس من راي ان كلام زي دي المقصود تعب
عبد المنصف نفسيا من هذة الاشعات الصاخبة
والاعلام الاصفر او التشوية
وبرضة ذكرت مجتماعنا هو فعلاا بنسيب
الشي المهم ونتبع التفاهات وبالنسبة
لموضوع عبد المنصف وزوجتة فا هما احرار
في حياتهم الخاصة مش من حق اي حد يدخل
في حياة شخص وزوجتة دة مش عشم صدقني
يامصطفي هو المقصود بية تشوية
تقبل مروري
تحياتي

canary said...

مش هكدب عليك واقولك انى خبيرة كرويه فشر الكابتن لطيف
لكن الكلام عن اللبس معاك ومش معاك فيه . ومع انى والله العظيم من اشد انصار الحريه الشخصيه للفرد بس برضه حريتك تقف أمام حدود حريه الاخرين
والله يا مصطفى انى بتكسف بجد من بعض الملابس اللى بشوف البنات لابساها مش هقولك انى شيخه الاسلام ولبسى شرعى لا بس فيه حدود للبس اللى بيحصل او اللى بيتلبس عيب بجد
كمان الماكياج .. دة لوحدة مصيبه سودة تلاقى الوحدة لما تشوفها بعد كدة من غيرة والمصحف ما بعرفها
وزى ما قولتلك انا واحدة عاديه وبلبس حاجات فى المناسبات لكن مش المفروض ان الواحدة تفضل طول عمرها عايشه فى فرح كدة

Desert cat said...

هو انا لا اهلاوية ولا زمالكاوية
بس مريت من هنا فحبيت اواسى الزمالكوية واقولهم هو من امتا غلبوا يا حسرة علشان تعزعلوا لما تتغلبوا المرة دى
ده انتوا لو غلبتوا مرة مش بعيد القيامة تقوم تانى يوم
الحق امشى بقى يا مصطفى قبل ما حد يحدفنى بالطوب
ما انا قولت انا مش ليا فى الكورة يا جدعان
فوتك بعافيه

ضــى القمــر said...

أزيك يا مصطفى

يارب تكون بخير ..

يخصوص موضوعك فطبعا انا ماليش فى الكورة نهائى .. يعنى مش هقدر اجاريك فى الحوار ..

اما عن ما يهمنى طبعا وهو مستلزمات
المرأة

فالجمال الأبقى هو جمال الروح .. والجمال الطبيعى .. وطبعا ده مش معناه ان نبتعد عن مستحضرات التجميل ..
ولكن لكل شىء حد أوسط .. بيكون هو افضله دوماا

أشكرك يا مصطفى ..

دائما متجدد فى بوستاتك

تحيتى لك

رندا said...

انا مش ليا فى الكرة خالص
بس قلت اجى اسلم عليك
اصل الكرة بقت سياسة وانا مش ليا فى السياسة خالص بتاعة الكرة
اخبار حضرتك اية يار ب تكون بخير

تحياتى

رندا

خمسة فضفضة said...

السلام عليكم ورحمة الله وبركاته

هههههههه
والله عندك حق الناس دي علي طول كده بتدور لها علي شماعه تعلق عليها اخطائها واخطاء مجلس الاداره والجمهور بتاعها
هما عاوزين ايه من فريق الخلافات بين اعضاء مجلس ادارته بتوصل للضرب بالجزم والجرجره للمحاكم وعلي صفحات الجرايد ، ولا جمهور بيشتم اللاعيبه ليل ونهار وبيقاطع الماتشات
طيب قارن كل ده كده بالاهلي -ماشاء الله ماشاء الله -عمر ما اي خلاف خرج بره اودة مجلس الاداره وممكن يكونوا مقطعين بعض بس ولا حد فيهم بيتكلم ولا يقول كلمه ولا حد يعرف عن اللي حصل حاجه ،والجمهور عمره ما شتم لاعب ولا قاطع ماتشات دا بالعكس لما بعد الشر بعد الشر تحصل اي كبوه تلاقيه واقف ورا فريقه لحد ما يطلع منها

والله يا مصطفي فكرتني بحسن شحاته ايام ما كان الجمهور بيعايره بعايده رياض اخت مراته لما كانت ليها قضية آداب

تقريبا يابني العالم دي متعودين علي كده
:))))))))))))
ربنا يصلحلهم الحال شويه بس مش قوي
ههههههههه

اما الستات اللي بيصرفوا 8 مليار علي المكياج فالكلام ده مش عندناالكلام ده في دول الخليج اللي فيها اهم حاجه في دماغ الست هي المكياج واحدث صيحاته واحدث الموديلات اللي المفروض تبقي سينيه ولام تبقي اغلي واحلي من بتوع صحبتها

اما عندنا فالست دلوقتي بتوفر تمن علبة المكياج عشان مصاريف البيت اللي بتستلف اصلا عشان تقدر تكفيها

مش بقول ان عندنا مابيحطوش مكياج لا بيحطو بس ما بياخدش من ميزانيتهم زي الخليجيات ومايغركش النقاب ولا العبايه دا ما خفي كان اعظم



سلام

كـــيــــــــارا said...

صراحه مليش في الكوره

بس هعلق علي موضوع الميك اب


كل دي فلوس بتتصرف

يانهار ابيض


ليه يعني

mahasen saber said...

اولا عجبنى الجزء الاخير ووصفك لجمال المراه الله ينور عليك ويرزقك بواحده كده ولا انتا متجوز ...
الثانيا بقه احنا شعب منجيش الا فى الهايفه ونتصدر وعندنا خصوصيات وحرية غيرنا مباحه وكاننا معصومين بسلامتنا ومبنغلطش
...كل واحد حر يعمل اليى عايز يعمله ويلبس اليى عايز يلبسه طالما حريته واقفه عنده ومش بتيجى على حريتى
...اما اليى بيحصل ده اسمه زى ما قلت قلة ادب وكانهم بيقولوله يا طرطور مثلا وبيهزأو فى شخصه وكرامته للصبح ويجعوا يقولوا قال ايه من باب الحب
..طب فرضنا باب الحب ده اتقفل فى وش الراجل ودب خناقه مع مراته من اليى بيتكتب ده هيبقا فين الحب ده حبهم برص كل واحد يخليه فى نفسه
ويلزم مكانه ويرفع ايده فوق...

Samar El Menoufi said...

am here to tell u that i really miss reading ur posts...i hope ur all fine my friend!

mostafa rayan said...

- اخي الكريم عادل
هذه اول زيارة لك وان شاء الله مش الأخيرة لأن دة من دلوقتي بيتك ومطرحك تيجي فيه دايما وكل وقت
وانا اوافقك على رأيك صراحة دة مش عشم دي قلة ادب
تحياتي لك يا جميل ودمت بكل الخير

- كناري الجميلة
ازيك يا قمر بصي انا معاكي ان اللبس لازم يكون محدد
بالحدود الشرعية لكن يا كناري هو اتجوزها وهي كانت بتلبس اللبس دة ماحدش ضحك عليه هو وافق وهو ومراته حرين ماحدش يتدخل مابينهم وكمان اتفق معاكي في موضوع المكياخ خصوصا ان كتير بيحطوه بغباء ومن غير تنسيق ومش بيكون لايق عليهم خالص
دمت بخير يا كناريتي الجميلة

- قطةالصحراء
كان يا ماكان في سالف العصر والأوان كان في فريق اسمه الزمالك كانت كل الفرق بتغلبه لكنه في الحقيقة كان مغلوب في الأول من غولة حولة اسمها ادارة نادي الزمالك

- ضي القمر
ازيك ياجميلة ويارب تكوني بخير
الموضوع مش موضوع الزمالك اساسا لكنه بيطرح قضيتنااحنا لما بناقش اي مضوع نسيب المشكلة الرئيسية ونتخانق في الفرعيات
بالنسبة لموضوع التجميل اوافقك الراي بشدة
دمت بخير يا صديقتي الغالية

- راند الجميلة
ازيك .. انا الحمد لله بخير وان شاء الله هتسمعي عني اخبار كويسة قريب ادعيلي بقى محتاج حد زيك قلبه نضيف يدعيلي
دمت بخير يا صديقتي الجميلة

- دكتورة خمسة فضفضة
اولا : الف مبروك العمرة وعقبال العودة وجزاك الله خيرا على تدوينتك الرائعة عن هذه الزيارة الجميلة ومتظرين باقي الحلقات بتلهف
ثانيا : بخصوص الزمالك والمكياج انا متفق معك في الرأي .. صحيح ماخفي كان اعظم .. نراه عندما ينزلون مصر
دمت بخير يا اختنا العزيزة

- كيارا
اهو دةالسؤال اللي مجنني ليه يعني ؟
لو عندك اجابة ياريت تقوليلي عليها
تحياتي لك ودمت بخير

- محاسن صابر
انا مش متجوز وربنا يتقبل منك الدعاء ويكرمني بواحدة كدة وتبقى حنينة وطيبة معايا ومع اهلي .. خصوصا امي
وطبعا معاك مش من حق حد يتدخل في حياة حد والنصيحة تكون في السر مش على النت
تحياتي لك ودمت بكل الخير

- سمر المنوفي
صديقتي الجميلة وانا ايضا افتقدك وافتقد قرأة كتابتك الخاصة جدا
انا بخير واشكر لسؤالك عني
جزاك الله خيرا يا صديقتي الغالية

عمر said...

صباح الخير .. عودة طيبة يا باشا

"فعادتنا اننا نترك اساس الموضوع ونتحدث في الفرعيات"

فعلاً هي دي المشكلة

وعجبتي أوي كلمتك اللي انت قولتها وهي إن عبد المنصف لما اتجوز لقاء كان عارف ان ده طبعها
لأن أنا بأشوف بعض الشباب يقولك دأنا أتجوز واحدة من اياهم اللي بتلبس عريان عشان أغطيها وأعمل فيها ثواب

طب صلح نفسك وسيب الناس تصلح نفسها

كمان هي المرأة يعني مالهاش عقل تفكر بيه !! هي يعني حيوان محتاج اللي يسوقه ويقوله يعمل ايه وميعملش ايه !! ماهي الكارثة ان بعض الناس لما بتغطي بناتها غصب عنها بنلاقي البلاوي اللي بتحصل بعد كده ويقولوا المحجبات موش محترمين و بيعملوا وبيخلوا
اللي زي دول أو اللي بيتغطوا عن عدم اقتناع بيشوهوا سمعة المتدينات أو المحجبات

دي حرية شخصية كل واحد عارف الصح فين والغلط فين سواء راجل أو ست

أنا موش ضد الحجاب ولا مع الحجاب برضه دي حرية شخصية وموش بأتكلم من منطلق ديني لأ .. بأتكلم من منطلق عقلي

إنت إو إنتي إنسانة ربنا أعطاكي عقل وعارفة ان فيه جنة وفيه نار خلاص مع نفسك بقى واعملي اللي انتي شايفاه صح

ونفس الكلام للراجل انت قدامك الست اللي بتعمل كده واللي بتعمل كده إختار بس تحترم حياتها وقرارتها موش تقول اتجوزها وهي كده وبعد كده أغصبها عاللي انا عاوزه

الاحترام والشرف والعفة موش بالعافية لازم تكون عن اقتناع

وبأكرر برضه "من رأيي الشخصي" أن الحجاب أو الملابس في شكل معين ليست في كل الأحوال مدلول على أخلاقيات الشخص
..............
بس انت شكلك يا مصطفى عاوز تشمت في الزمالك :)
أنا الحقيقة ماليش في الكورة خالص
..............
في بلدنا أحسن حاجة الناس بتعملها هي الإنتقاد
حب الانتقاد غريزة اساسية فينا
..............
بالنسبة للمبالغ اللي نساء العرب بينفقوها على مستحضرات التجميل فبغض النظر عن المبلغ فياريت حتى بيجيب نتيجة لكن اللي بيحصل انه زي مانت بتقول بيكونوا عاملين زي البلياتشو "في أحيان كتيرة"
وبغض النظر عن لموقف الديني للميك أب
أنا شايف إن المرأة فعلاً بتمتهن نفسها بالمظهر المبهرج الزايد عن الحد ويمكن أنا موش متفق مع أراء د.نوال السعداوي في حجات كتير إلا أنني معجب بيها في حتة ندائتها المتكررة للمرأة بأن لا تجعل من نفسها سلعة وتخلي اللي ما يشتري يتفرج
بنات كتير جداً بيبقوا أحلى من غير ميك أب
الجمال جمال الروح
جمال أناقة
تناسق ألوان
جمال معاملة بإحترام
جمال ألفاظ
إتيكيت

وبالرغم من المبالغ الرهيبة على مستحضرات التجميل دي والإكسسوارات فأنا شايف إن فيه إنحدار بشع لمستوى الموضة في مصر

ماشيين بسياسة الكم او الثمن

اللي يلبس حجات كتير يبقى شيك
واللي يلبس غالي يبقى شيك
في حين ان دي مفاهيم غلط خالص

متهيألي أنا خرجت من الموضوع وطولت أوي

"فعادتنا أن نترك أصل الموضوع ونتحدث في الفرعيات"
ههههههههه

بجد أنا سعيد من لفتاتك الإنسانية دي يا مصطفى
بتقع على حجات حساسة وبتوجع في مجتمعنا

تحياتي ليك يا جميل

mostafa rayan said...

عمر
- اختلف معاك في نقطةواحدةانا مع الحجاب
الشرعي للمرأة - كما حددته كتب الفقه والدين مش البدي ستومك والجينز الأستريت -
وزي ماقولت هو اتجوزها وعارف ان دة لبسها ولبس مهنتها ووافق على كدة يبقي احنا ماندخلش في خصوصياتهم اضف لذلك ان الزمالككان بيخسر حتة قبل الجوازةدي
انا مش شمتان في الزمالك والله بالعكس صعبان عليا حاله وزعلان عليه
- بقية النقاط اتفق معك فيها

عمر said...

متشكر يا مصطفى على ردك

بس أنا مقولتش إني ضد الحجاب أنا قولت إن دي حرية شخصية وموش من حقي إني أجبر حد عليها

دي الفكرة

خالص تحياتي

مصطفي ريان said...

عمر
مافيش مشكلة
تحياتي لك

واحدة مفروسة said...

اولا انا اهلاويه
ههههههههههههههههه
ثانيا حروح لخمسة فضفضة اقرأ

مصطفي ريان said...

- واحدة مفروسة
اوك

دعاء مواجهات said...

ازيك يامصطفى

ايه الاخبارات

والحوارات

؟؟؟؟؟؟

يارب يكونكلو تمام

سيبك م الزمالك بقى

دا بقى فيلم محفوظ ياعم
اد انا متهيألى لوكسب مرة لاجمهورهيعتصمويطالب باعادة النظر فى نتيجة المباراة

بيس

Ahmed El-Agouz said...

انا بس مش عاوز اعلق علي التدوينة دي اصل انا بصراحة مليش في الكورة اوي
بس عجبني اخر اربع سطور اللي بيتكلموا علي مساحيق التجميل

انا نفسي اعلق علي تدوينة الاعمال الرمضانية بجد دي مش تدونية ده نقرير تحليل رائع بجد

تحياتي لك
العجوز

mostafa rayan said...

- دعاء مواجهات
الحمد لله انا كويس خالص وفي احسن حال
بالنسبة لجماهير الزمالك حالها بجد يصعب على الكافر
بيحبو ناديهم قوي وناديهم دايما بيعذبهم
تصوري لما واحد زي الشاعر عنتر هلال يقول
انا بحب ابني والزمالك كذلك
ودةيبقي الحال يبقي الجمهور شكله عامل ازاي
نورتيني كعادتك يا دعاء

- احمد العجوز
الموضوع مش موضوع كرة على قدماهو ثقافة مجتمع طريقة تفكيرنا في الكرة تنصب على جميع نواحي الحياة
وطبعا فرحان ان نقد المسلسلات عاجبك
دي شهادة اعتز بيها يا جميل
تحياتي لك ودمت بكل الخير

المحارب المتيم said...

بص يا مصطفى

ان معاك فى أانملابس لقاء مش من تخصصنا
ودى حاجة حرة فيها هى وجوزها

دى ناحية وكمان مشاكل لزمالك مش بسسب ملابس لقاء

يعنى الزمالك ولا مؤاخذة فى اللفظ كله عربجية سواء ادارين أو لاعبين
مفيش حد مهتم بالنادى خالص
أخر المحترمين كان حازم
وخلاص راح لحالة

تحياتى

mahasen saber said...

ماشى يا مصطفى مع انى مليش فى اكساح المصرى..قصدى الكوره المصريه بس مبروك للاهلى لانى طبعا بحب اهلى والاهلى ...
....انا كنت من اشد مشجعى النادى وبعدين بئه عادى زى حاجات كتير كنت بحبها بهبل وبقت عادى
.........
اما البوست فهروح اشوفه ربنا يتقبل منها ويوعدنا جميعا
اللهم امين.....

عاشــــــ النقاب ـقــــة"نونو" said...

السلام عليكم
موضوع الكورة بفضل الله ماليش فيه
هكلمك على الجزء بتاع لقاء الخميسي
اللي بينصح حد وخايف عليه وحابه مش هيلم عليه الدنيا وكل من هب ودب يتكلم
دي نقطة والنقطة التانية جميل وصفك الاخير للمراءة اياك النا تفهم
حاجة اخيرة الله يبارك فيك

mostafa rayan said...

المحارب المتيم
نورت ياجميل وطبعا متفق معك في رايك

- محاسن صابر
امين

- عاشقة النقاب
ربنا يكرمك ويتقبل منك