Sunday, October 12, 2008

قرأة في اعمال رمضان ... فشل ذريع للكبار ونجاح كبير للصغار

هدية قبل القرأة
كان بعض السلف يقول : ليس بيني وبين حل اي مشكلة تعترضني إلا الثلث الأخير من الليل
وفي الحديث الشريف أن الله عز وجل ينزل إلي السماء الدنيا في الثلث الأخير من الليل يسأل عن سائل يعطيه مسألته وطالب حاجة يعطي له حاجته ومستغفر يغفرله ... جربو يا جماعة تحلو مشاكلم بالحل دة
. ...............................

كثيرا ما كنت اسأل نفسي عن سبب التراجع الكبير للدرما المصرية كنت اجد اجابة واحدة يثبت لي صحتها مرور الأيام وهي ان كتاب ومنتجين هذه الدراما مجموعة من العواجيز الذين تعدو الخامسة والستين ... منفصلين عن الحاضر ومازلو يعيشون في الماضي بكل تفاصيله فهاهو محمد صفاء عامر واسماعيل عبد الحافظ وصلاح السعدني يقدمون لنا مسلسل عدى النهار يتحدثون فيه عن حال مصر في منتصف الستينات لأنهم يرون أن هذه الفترة لم يتم تناولها كما ينبغي وكأننا نعيش الأن في منتهي الرخاء ولايوجد لدينا اي مشاكل حتى نتحدث عن الماضي بكل مشاكله
نفس الأمر يتكرر مع مسلسل (شرف فتح الباب ) لمحمد جلال عبد القوي ويحيى الفخراني الفكرة معادة والأحداث مكررة والتناول ليس فيه اي جديد حتى يحيى الفخراني الذي كنت تراه كما الساحر في حمادة عزو يخطف قلبك منذ اللحظة الأولي تفقد هنا اي حماس لتتابعه وكأن هناك حاجزبينك وبينه ... تشعر وكأن الساحر فقد سحره ... تراه باهتا منطفأ بعد ان كان متوهجا مضيأ
- نفس الأمر يتكرر بشكل اكثر بؤسا مع مسلسل ( قصة الأمس ) لنفس المؤلف والمخرجة انعام محمد على فالفكرة معادة ومكررة والتناول سطحي جدا والأحداث طويلة ومترهلة والحوار عقيم اشبه بحوار افلام الأبيض والأسود في اربعينات القرن الماضي حتى الهام شاهين التي تدخل تحت جلد الشخصية تراها هنا ممثله باهتة وانعام محمد على تشعر انها تعمل بدون روح ولا حماس عمل من اجل العمل وكسب الرزق فقط فليست هذه انعام التي اخرجت حكايات الغريب والطريق إلي ايلات وام كلثوم
اما سميرة احمد فهي مازالت تعيش في دورالقديسة التي لا تخطئ ابدا الذي قدمته منذ
عشر سنوات في ( امرأة من زمن الحب ) ومازلت تفرض سيطرتها على كل تفاصيل العمل فهي التي اختارت النص والمخرج والممثلين واختارت الشاعر والمطرب والملحن لتنفيذ التتر واتصلت بهم واتفقت معهم رغم ان هذا من صميم عمل المخرج حتى لو كان معه نجم من الصف الأول ولكن يبدوان دور احمد صقر هنا كان فقط مجرد الدخول ( زوم ان ) على سميرة فهو مخرج حلو وبيسمع الكلام ومابيعملش مشاكل بالطبع لن تستطيع ان تفعل سميرة ذلك مع مخرج له شخصية مثل محمد فاضل او نادر جلال – ربما لن تفكر اطلاقا في التعامل مع شريف عرفة او خالد يوسف –
- اما يسرا فهي مازلت تعيش في دور المفتش كولومبو وتقدم لنا عملا اكثر كوميدية من مسلسلها في العام الماضي فكل من يعمل في مجال الصحافة يعلم تماما ان ماقدمته
في المسلسل غير منطقي ولا يحدث في الواقع فلا يوجد صحفي يذهب ليعيش بالشهور مع اللصوص وقطاع الطرق ولا يوجد رئيس قسم يستطيع ان يقف امام رئيس التحرير ويفرض رأيه عليه فكل رؤساء التحرير وخصوصا في الصحف الخاصة عندهم قدر غير متناهي من التضخم والشعور بالذات حتى انهم يعتبرون انفسهم الهة داخل الجريدة
ويمكنكم ان تتأكدو بذلك من صحفيو الدستور ( فاللي مش عاجبه يمشي وباب الجرنال يفوت جمل وزي ماجبناكم من الشارع هنقدر نجيب غيركو من الشارع بردو )
- اما تيسير فهمي تلك العجوزالتي قاربت الستين فهي مازلت تعيش في دور المرحوم ادهم صبري الوحش المطارد للعصابات ولا احد يستطيع ان يقهره
-
على الجانب الأخر برع الصغار في مسلسلات السيت كوم والتي اصبحت ملاذا كبيرا للشباب للأظهار مواهبهم بعد ان سيطر الكبار على المسلسلات الطويلة
فيقدم لنا المؤلف الشاب عمرو سميرعاطف وفريق كتابته عملا جميلا يستعرضون فيه مشاكل الأطباء وانواع البشر المختلفه الذين يتعاملون معهم من خلال مسلسل العيادة
ايضا يقدم لنا خالد النبوي فكرة المقهي اوالكافيه كملتقي تتجمع فيه كل انواع البشر تستطيع ان ترصد من خلاله افكارهم وطموحاتهم ونوازعهم واطماعهم من خلال مسلسل ( كافيه تشينو ) اما مسلسل
( شريف ونص) فهو يقدم لنا نموذجا لحياة اسرة مصرية عصرية نراها ونعيش فيها في مجتمعنا فالأب والأم يعانون من حالة الملل والفراغ العاطفي والأبن مثل معظم الشباب لا يجد عمل والأبنة تعيش في عالمها الخاص وكيف تتغير حياة هذه الأسرة عندما يدخل عليهم طفل صغير يقلب حياتهم رأسا على عقب
- هذا بالأضافة إلي تامر وشوقية وراجل وست ستات التي لولا نجاحها مافكر ممثلين كبار مثل مرفت امين واحمد السقا وكريم عبد العزيز ومنة شلبي في الظهور فيها كضيوف شرف
- هناك ايضا نوع مختلف من السيت كوم – سيت كوم مسرحي - تمثل في ( بدون مقص ) الذي قدمه لنا المخرج خالد جلال و ناقش فيه سلبيات كثيرة بطريقة ممتعة وجذابه انا شخصيا استمتعت جدا بحلقة الأعمال المدبلجة
البعض يرى ان السيت كوم كان فيه استظراف من اجل الأضحاك اقول ان هذا القول يمكن ان يكون صحيحا بعض الشيئ ولكن من حق الصغار ان يجربو وان يسخرو من الكبار الذين صدعو رؤوسنا لسنوات طويلة بأعمال عقيمة من حق هؤلاء الشباب علينا ان نشجعهم ونسامح بعض اخطائهم لأن دول بكرة ايوة بكرة مش بتاع اسامة انور عكاشة ومحمد جلال عبد القوي لكن بتاع عمرو سميرعاطف وولاء شريف وباسم شرف وعمرو الطاروطي .. بكرة بتاعنا احنا يا جماعة فلازم نفتح قلبنا لينا
- اريد هنا ان اشير انه في زحمة المسلسلات- 45- هناك اعمال جيدة جدا تعرضت لظلم كبير على رأسها مسلسل ( الأمام عبد الحليم محمود) الذي كان يعرض في اوقات ميتة قبل الأفطار على الاولي والناس مشغولة بأعداد الطعام وبعده مباشرة على الثقافية والناس مشغولة بالطعام ومشاهدة البرامج الترفيهية والأستعداد لصلاة العشاء المسلسل اندبح رغم انه عمل جميل جدا ويستحق المشاهدة ويقدم لنا نموذجا لشخصية جليلة لا يعلم معظمنا عنها شيئا وان كانت المشكلة في سن الممثلين التي بدت غير منطقية فعمر حسن يوسف يظهر في المسلسل كصديق لوالده حسن يوسف ويظهرجيدا فرق السن بينهم مهما حاول المكياج تكبير لأول وتصغير الثاني نفس الأمر حدث مع عفاف شعيب وميار الببلاوي فألاولى زوجة الشيخ والثانية اخته والمفروض ان سنهما متقارب رغم انه في الحقيقة بينهما اكثر من ضعف عمر الثانية نفس الأمر حدث مع مديحة حمدي هي المفروض ام الشيخ رغم ان سنها مقارب لسن حسن يوسف مما قلل من مصداقية العمل ولكن هذا لا يمنع ابدا انه مسلسل جميل ويعرض سماحة الأسلام وعظمته وكيف ان الدعوى بالحسنى يمكن ان تحقق المعجزات ايضا ابدع بهاءالدين محمد في كتابة التيترات خصوصا النهاية :
وعاش كأنه عابر وقابلته الحياة ... عاشها بقلب صابر وساجد للإله
- من الأعمال التي ظلمت ايضا ظل المحارب وإن كان هذا الظلم يرفع بعض الشيء فيعاد عرضها الأن على شاشة الدراما
-
اهم ظواهر هذا العام
من اهمها وجود مجموعة كبيرة من الوجوه الجديدة في الأعمال الدرامية ليس في التمثيل ولا الأخراج فقط ولكن ايضا في الكتابة فاحمد عبد الفتاح يكتب لنا ( قلب ميت ) وبلال فضل يكتب (هيما)
- ايضا في التيترات وجود اسماء جديدة مثل بهاء الدين محمد في (عبدالحليم محمود وجدار القلب ) ومحمد عاطف في الهاربة وتامر حسين وعمرو مصطفي في شريف ونص

................................
ملاحظات اخرى غير جانبية على الإطلاق:
1- ضحكت من كل قلبي وانا استمع إلي اتصال تليفوني جاء للدكتورة سعاد صالح في برنامج (عم يتسألون ) على دريم تشكو فيها المتصلة من ان زوجها متزوج من اثنان غيرها ويعاشر الثلاثة في نفس الوقت ... طيب بالعقل هو السرير هيساع اربعة ازاي وهو هيجيب صحة لثلاثة ازاي خصوصا ان الحاجات دي بتهد الحيل وبتحتاج لتركيز جامد جدا
2- منذ سنوات قليلة نمنا واستيقظنا على ضجة اسمها برنامج ستار اكاديمي وان الفائز فيه شاب مصري اسمه محمد عطية هاجت الصحف ووسائل الأعلام و قتها واتهمت البرنامج والمشاركين فيه بأنهم مجموعة من العيال الصيع اللي ماحدش رباهم ..الأن محمد عطية مطرب مشهور له شرائط كاسيت وكليبات وممثل تنتج له الأفلام وسيقدم برنامج في التلفزيون المصري .. اكرر التلفزيون المصري اسمه ( اجمد واحد ) ... يارتني كنت قليل الأدب
3- ناريمان لسة ماجتش من لبنان وانا مش عارف هتيجي امتى

31 comments:

سمكه وحده said...

محمد عطيه ياسلاااااااام
اسم النبي حرصه شرف مصر دي البلد كانت حطه اديها علي قلبها لحد مرجع ننوس ماما ياختشي كميله رجعلنا بالسلامه ياخواتي عليه
اسكت بقي الواحد مفقوع لو يجبولنا ملايين من دول بس من الحلال علشان تبقي حلاال ده الواحد يعمل بيهم ياااااااااه
اولا اشتري قفص منجه وبعد كده شوالين بطاطا
وكرتونه شبسي من بتاع هتفك ما هتسك
شوفت بقي

نأسف للتطويل بس حاجه تفرس

تحياتشي اختشك سمكمك

عمر said...

ازيك يا باشا

يااااااخبر

إيه ده كله !! بجد كولكشن جامد

بصراحة انا موش بأحب أتابع مسلسلات عربي للأسباب المعروفة للجميع
بأحس إنها مسلسلات للأطفال بالاضافة الى تدني مستواها

بس فيه حاجة من ناحية ردائة أو عدم رقي الاعمال المقدمة للمستوى المطلوب فده أنا شايف انه راجع برضه لتدني الحس الفني لدى اغلبية الشعب
او بمعنى اصح الجمهور موش فارقة معاه
الناس بتتفرج على أي حاجة
مفيش الثقافة اللي تخليهم يعترضوا ويقولوا ايه التفاهة دي
ايه اللعب بالعقول ده
...........
ومعاك فعلاً ان مسلسلات السيت كوم السنة دي لذيذة
يمكن كمان انا شايفها أقيم من المسلسلات الطويلة عالأقل بتجيب واقع الشباب شوية بصورة فانتازية
ولو اني برضه موش بأتابع مسلسلات على الاطلاق
............
ومن الحجات اللي كرهتها اوي برنامج حسين الامام بتاع العفاريت
أصل شعبنا ناقص خرافات عشان واحد يجي يقنع الناس بالعفاريت
وياريت حتى فيه ذكاء في حبكة الحكايات
واتنقطت لما الراقصة المحترمة دينا قالتله قومت من النوم يا حسين وبأحط ايدي عالمنبه لقيت ايدي دخلت في الحيطة وعدت من الجدار
يقولها دخلت في الحيطة ؟ تقوله في الحيطة يا حسين
هههههههه
والله حاجة تنقط بجد وبيستعبطوا الناس
برضه "برنامج ريا وسكينة" لم تتألق فيه غادة عبد الرازق ولا هالة فاخر بالعكس انا شايف انهم بوخوا منظرهم بالبرنامج ده
مكانوش عارفين يحبوكوها كويس
..................
حاجة بقى عاوز اتكلم عنها موووووووووت
وهي ان مستوى الديكوراشن عموماً في لمسلسلات وخصوصا البرامج كان جامد
بجد حاجة فرحتني عالاقل نبقى فالحين في حاجة
ومن المسلسلات اللي كنت حأموت وأشوفها بس للأسف مشوفتش ولا حلقة منها مسلسل اسمهان
الديكور والاخراج في المسلسل حاجة جامدة
ولاّ الازياء والميك اب
بجد تحفة
.............
معلش يا باشا انا عارف اني صدعتك
انت اللي فتحتها على نفسك
.............
وشكراً عالهدية
وايه كمان
!!!
آه بالنسبة للملاحظة الاخيرة
بلاش احراج
هههههه
..........
تحياتي يا جميل

mostafa rayan said...

سمكةواحدة
نورتشي يا اختشي
ومتظر زيارتك القادشمة

mostafa rayan said...

باشا انت
بتضغط انتر لتعليقك في نفس توقت ردي على سمكة
منور الدنيا يا قمر
انا زيك بردة ماشابف ان السيت كوم افضل واوقع من المسلسلات الطويلة
واتفق معك في رايك عن مسلسل ريا وسكينة
وانت ياعم تتطول زي مانت عايز
نورتني يا جميل

صبرني يارب said...

طول رمضان وانا قاعده اقول عواجيز الفرح دول حاطين اديهم على المسلسلات باعتبرها البقيه الباقيه لهم بعد ما السينما ولت


وكالعاده المسلسلات المصريه بقت عامله زي الطبيخ البايت

وكالعاده الفنانات متحكمين فىكل حاجه يا راجل اصلهم بيتكلموا من مركز قوه

عشان تبقى عارف الرقاصين فى البلد دي لهم كلمه عن اتخن تخين فيها

وبالنسبه لمحمد عطيه
اه يا اخويا ياما قلنا عليه
بس عارف مره شوفت حلقه من استار اكاديمى الاخير ده يا لهويييييييي

قلت اتاري محمد عطيه كان مؤدب اخر ادب

وبالنسبه للتلفزيون المصري عادي ما احنا كده نحب نجيب ال... هما مش نضاف يعنى ونلمعهم ونطلعهم للشباب عشان نكمل على ضلالهم .

برضه يا ريتنى كنت اعرف اشتم شتيمه قليلة الادب كنت قلت شويه كمان
خساااااااااره ما باعرفش

انا حره said...

احسن حاجه تشترى دماغك ومتتفرجش على المسلسلات اساسا

بالنسبه بقى لبرنامج عم يتسائلون فاانا بصراحه كنت بتابعه وبحترمه لكن مش عارفه ليه الفتره اللى فاتت مبقتش احسه برنامج دينى احمد عبدون مشغول باللوك بتاعه وانهارده يعمل شعره ازاى والبدله يكون لونها ايه

والاتصالات بحسها بتتعمد كدا تتكلم فى مواضيع محرجه زى المثال اللى انت قلته والنبى دا سؤال ولا حاجه تعقل اساسا ليه متجوزه هيركليز مثلا هههههههه والله حاجه تشل وتجيب المراره

انا حره said...

اه صحيح نسيت اقول ان عجبنى جداااااا كافيه تشينو يالهوى بجد مسلسل ممتع حتى ولو كان معمول بس عشان يضحك الناس

mostafa rayan said...

صبرني يارب
اسعدني مروروك جدا واتفق معك في رأيك
دمت بكل الخير

- انا حرة
اهلا بيكي دايما هنا
انا اتفق معك في رأيك صراحة في حاتجات بتيجي في البرامج الدينية تشل بجد
تحياتي لك ودمت بخير

عازفة الأوتار said...

تقييمك جميل و موضوعى
و بصراحة كدة انا مشدنيش غير مسلسل بعد الفراق مع ان نهايته تشل و تجيب العصبى بس اداء خالد صالح فيه كان جدير بالإحترام و الإشادة
و غير كدة الدراما السورية تفوقت على الدراما المصرية بكل المقاييس
و انا مش بتكلم عن الدراما السورية فى رمضان 2008 بالتحديد
بس عامة الدراما السورية اقرب للمجتمع العربى و هادفة
لكن ينقصها الحبكة الدرامية او انهاء الأحداث بشكل متوافق مع حجم الأحداث

دمت بكل ود و خير

بنت الماضي said...

السلام عليكم
حلو اويي تشريحك للمسلسلات بجد هههههه
انا متابعتش ولا مسلسل كامل بجد يمكن قلب ميت وحسيت البيت هيتهد علينا والعربيه هتقلب بينا ونخلص من كتر السواد اللي في المسلسل

بس بجد وصف رائع
وفعلا الست كم على الاقل فيها ضحك
تحياتي ليك

علاء سالم said...

السلام عليكم

أتفق معك فيما كتبت وخصوصاً رأيك في مسلسل يسرا وتيسير فهمي حاولت أتابعهم لكن فعلاً كنت بتخنق

وفعلاً المسلسلات القصيره دي كانت الأفضل والأجمل

خالص تحياتي

علاء سالم said...

نسيت أقول

محمد عطيه دا أنا مابقبلوش ولا بينزلي من زوووووووووور.

جسر الى الحياة said...

بصراحة يا مصطفى انا ما تابعتش كل المسلسلات تقريبا بعد الفراق شفت منه حلقات كتير بس مش كله واسمهان برضه شفت منه حلقات وهو مسلسل حلو قوى ومسلسلات السيت كوم كانت خفيفة ولطيفة افضل بكتير من مسلسلات كبيرة وملاحظة السنة دى ان كم البرامج كمان زاد ومش بطال ومعظمها برامج لطيفة اما بالنسبة لمحمد عطية فللاسف انا مبحبوش وباحس انه مالوش لزمة يغنى فما بالك يمثل كمان
دمت بحب ومودة وباشكرك لذوقك وطبعا انا بيشرفنى ازورك دايما هنا لان بجد مدونتك حلوة ومفيدة والاجمل انك انت صاحبها

mostafa rayan said...

عازفة الأوتار
منورة المدونة والمدونات الأخري كمان
صراحة انا ماشفتش مسلسل خالد صالح بس اتفق معاكي الدراما السورية دلوقتي طبعا تكسب
نورتيني

- بنت الماضي
نورتني طبعا طبعا
بس اضيف لكلامك ان السيت كوم مش بس فيها كوميديا لاء فيها كمان روح العصر بيتكلمو زينا ويتصرفو تصرفاتنا لأن اللي بيكتبوها ويشتغلو فيها شباب من سننا في العشرينات والتلاتينات مش عواجيز بيهربو من عصرنا لعصرهم
نورتيني بجد

- علاء سالم
منور يا جميل وانا اتفق معك في رأيك بخصوص يسرا وتيسير ومحمد عطية لكن ياعلاء اللي عايز اقوله من عطية هو قبح ونفاق هذا المجتمع الذي نعيش فيه
او دعني اقول لك القبح الذي يصنعه الكبار الذين يتهمونا دوما بشتي التهم
مرة واحدة تحول محمد عطية لنموذج معترف به من قبل الإعلام الرسمي وبيقدم برنامج في التلفزيون الرسمي .. يعني لما اي حد يفكر يروح البرنامج ويسيب دراسته هنا في مصر ويهزر ويغلط مع البنات زي ماشوفنا في البرنامج ماحدش يقدر يقوله انت بتعمل ايه لأن نتيجة الغلط اهة مطرب وممثل ومقدم برامج معترف به رسميا وحكوميا
ياعلاء للأسف الكبار اللي احنا عايشين
معاهم دول ممتلئين بكل صفات القبح ولكن للأسف مش بس كدة لكن كمان عمي مش شايفين قبحهم
نورتني يا جميل

- جسر الي الحياة
نورتني واسعدتيني
واذا كانت المدونة جميلة الأجمل انك بتدخليها وبتعلقي على موضوعتها
دمت بكل خير

mony said...

فعلا عندك حق في كل اللي علقت بيه علي كل المسلسلات


انا ماتبعتش كتير بصراحة


اصل محوشة المرارة بتاعتي للاولاد


مش هخلي مسلسل ملوش لزمة هو اللي يفقعهالي


انا تابعت بعد الفراق و كان يعني
و مافهمتش اخره

اما اسمهان كان حلو بحد


و طبعا مسلسلات السيت كوم كانت متألقة في رمضان السنة دي

كيارا said...

مصطفي

تحليل طوويل وسلس جدا ويمكن اقولك عرفني علي حاجات انا مش اعرفها

اصلي منقطعه علي التليفزيون من سنتين كدا
عشان الشلل بعيد عنك الواحد صحته راحت من كتر الاستخفاف اللي بقي فيه

التليفزيون بقي يجيب ضغط وسكر قلت لا كفايه لحسن تقلب واتنقل علي المستشفي عدل

تحياتي

canary said...

طبعا انت عارف يا مصطفى انى مش بتفرج

على مسلسلات عربى

مش مستوايا خاااالص

بس ممكن نتكلم فى جرايز اناتومى مثلا

أوcsi فيجاس
ولا حتى سيت كوم عشان اوقات بتبقى

معظمها سخيف

ولو عاوز الحق بقى مش بتفرج على

التلفزيون خالص ..أعتزلت

اة صحيح هو أسمه ايه بتاع استار

أكاديمى دة لسه عايشه؟

عارف يا درش مشكلتك انك بجد بتكتب

حلو لكن مفيش فرصه ودة شئ مؤسف

mostafa rayan said...

كيارا
وليه دة كله بلاشه التلفزيون احسن وخلينا بصحتنا
كل سنة وانتي طيبة يا جميلة

- كناري
صديقتي العزيزة ... قريب جدا جدا جدا سيعبر درشاوي عن نفسه وبقوة وفي اكثر من شيء
كل سنة وانتي طيبة يا جميلة وربنا مايحرمنيش منك ولا من سؤالك عليا

اهو ده عيبه said...

ازيك
بصراحه تحليلك هايل لشكل ومستوى الدراما فى رمضان
لو كل نجم منهم يعيش سنه والواقع فى نفس الوقتالوضع حيختلف
كمان المشكلة الاكبر عندنا ان الدور بيتفصل على النجم بالمللى وعلى مزاجه فبالتالى مبيكونش فيه مصداقية
علشان كده انجح الاعمال هى اللى قامت على نصوص مكتوبة مسبقا وبدون تحديد شخصيه النجم
تحياتى لك

mostafa rayan said...

- اهو دة عيبه
اتفق معك في هذا الرأي
بس المشكلة ان معظم كاتبي السيناريو دلوقتي تحولو لترزية سيناريوهات تلاقيه يصرح بأنه بيشتغل دلوقتي في مسلسل فلان او فلانة مش عندي فكرة وانا بشتغل عليها ودة اللي بيعملو للأسف كتاب كبار وفنانين كبار فالأمر بقي شللاليه اكتر منه فن ودة نتج عنه صعوبة وجود كتاب جدد فكل فنان عنده كتابه
وبما ان دة الفكر اللي بنشتغل بيه
إذا توقعي المزيد من السوء في الأعمال
- تحياتي لك ودمت بخير

mahasen saber said...

انا مش هقدر اتكلم كتير فى الموضوع ده لانى متابعتش مسلسلات كتير فى رمضان هوشويه تخاطيف من باب الحاره لانى بعشق كل ما هو سورى...
والمنصور شويه من حلقاته برضه وده عشان ضيق الوقت فى رمضان
بس بالنسبه لمسلسلات السيت كوم دى ادت روح جديده للمسلسلات المصريه الناس ملت من الاحاث الطويله الممطوطه واليى مبتهدفش لحاجه فى الغالب الا التمجيد فى البطل...
بس تحليلك للمسلسلات ظريف وتناولت الموضوع بطريقه حلوه ...

mostafa rayan said...

- محاسن صابر
والله انا بفرح قوي بزيارتك دي واحب انك تكوني موجودة هنا دايما وعلي طوووووووووووووول
- بالنسبة للمسلسلات السورية انا ماشفتش منها حاجة في رمضان علشان اقولك رأيي بس دلوقتي هي عامة احسن كتير من المصري
نورتيني ودمت بكل الخير

كرانيش said...

انا معاك جدا فى ان الدراما المصريه فى قمه تدهورها دلوقتى بعد ماكانت هى الدراما الاقوى بالنسبه للدراما الخليجيه والشاميه
لكن مش معاك ابدا ابدا فى انك توصف الممثلين باوصاف تبين سخريتك منهم زى انك توصف تيسير فهمى بالعجوز التى قارب عمرها على الستين ولا انك توصف سميره احمد بالقديسه
انا شايفه انك كان ممكن تناقش الموضوع بشىء من الحياديه من غير ماتتهم حد باى اتهامات لازم تفتكر ان الناس دى كانت سبب فى يوم من الايام فى ان الدراما المصريه تبقى الدراما الاقوى

تحياتى

canary said...

مصطفى

ليس هناك ما يسعدنى أكثر من أثباتك لموهبتك وتثبيت أقدامها حتى ولو عاندتك الظروف
أنتظر بالفعل رؤيه نجاحك
وأصفق له بشدة
وأنتظر ان اكون اول المدعوين وأول المهنئين أن شاءالله

mostafa rayan said...

كرانيش
اولا : انتي منورة ويارب تكرر ز يارتك دايما
ثانيا : انا مش بسخر انا فقط بقول رأيي سميرة فعلا عايشة في دور القديسة وتيسير فعلا عجوز قاربت الستين
تحياتي لك ودمت بخير

- كنارييتي الجميلة
عارفة اجمل حاجة ان الواحد يكون له اخت جميلة زيك كدة تسأل عنه وتفرح لفرحه وتنشغل لمواجعه ربنا مايحرمنيش منك ابدا ولا من سؤالك عني
وطبعا لما المشاريع اللي ماشي فيها دلوقتي تكمل اكيد هقولك
لأني متأكد انك بتتمنيلي كل الخير
زي مانا بتمنى ليكي كل السعادة والفرح
تحياتي لك ولسؤالك الدائم عني

تايه في وسط البلد said...

هههههههههههه
الله يجازي شيطانك يا مصطفي
لا استطيع الا ان ابدأ بملحوظة السؤال الذي ورد للدكتورة سعاد صالح واعتراضك عليه انا بصراحة مش عارف اكتب من الضحك
اما البانوراما دي فتدوين هايل جدا يا درش وانت ابدعت في مد عناصر التقييم وتوضيح وجهة نظرك وابالطبع لا يحتاج الامر اي تشكك في ان الدراما المصرية اليوم في معظمها تعاني من نضوح عرق التخلف والمصيبة انها بتغذي بالتخلف ده كل بيت في مصر
تدوين رائع رائع يا درش كما تعودنا منك دائما

دمت بكل خير وسعادة

zOzO said...

طبعا حاجه تفرس
وحاجه كويسه انك تلفت نظر كتير الي الموضوع دا

وتسلم ايدك ع الموضوع دا
بس ابقي قلل البوست شويه
حرام كدا وربنا
هههههههههههههههههه

دمت بخير وحفظ الله دايما

خمسة فضفضة said...

السلام عليكم ورحمة الله وبركاته

ازيك يا مصطفي كل سنة وانت طيب ولا ونها متاخره شويتين
بس والله فتحت المدونه كذا مره اول ما البوست نزل ومش عارفه ايه يحصل ويخليني اخرج من غير ما علق
معلش بقي حقك عليا
:)))))


اما موضوع المسلسلات فامعلش برضو ما تفرجتش علي اي اجه منهم الا كام حلقه من الدالي واحنا بنفطر قبل ما اسافر

اصلا في رمضان المفروض الواحد ما يتابعش التليفيزيون حفاظا علي الصحه العامه والمراره
هههههههههه
الي جانب انه اصلا مابيبقاش في وقت تتفرج علي حاجه

كل سنة وانت طيب كمان مره

ويلا بقي نزل البوست الجديد

mostafa rayan said...

تايه في وسط البلد
حبيب قلبي والله انا فرحان قوي ان البوست عاجبك وانه رسم بسمة على وجهك .. صراحة يا اخي انا بردو لما سمعت الموضوع انغرقت في الضحك اصلها حاجة مجرد تخيلها شيئ مش معقول واللي يضحك اكتر تفعال د. سعاد مع الموضوع وانها اخدته على محمل الجد وقالت كلام من نوعية لا يصح ولا يجوز رغم ان الموضوع مش كتر من فانتزيا ضاحكة ... تصدق ضحكني اكتر بكتير من مسرحيات محمد صبحي وعادل امام
طبعا يا جميل فرحان ان موضوع البسوت الأساسي عاجبك
نورتني يا جميل دايما ودةمش غريب عليك

- زوزو
ايه بقي نظام ماطولش والحاجات دي .. بقولك ايه.. اللي بيحبنا مايضربش نار عندنا
هههههههههههههههههههههههههههههه
منورة يا جميلةويارب دايما تكوني بخير واحسن حال

- دكتورة خمسة فضفضة
اهلا بيكي يا دكتورة وحمد لله على سلامتك ويارب زيارة مقبوله وعقبال العودة وعقبالنا كلنا احنا كمان
انا موافقك في موضوع التلفزيوندة وان كنتعايز اقول ان الدالي بردو بدأ يسخف وياخد شكل الافلام العربي اللي عفى عليها الزمن
تحياتي لك يا دكتورة ودمت بكل الخير

عمر said...

فين الجديد؟

mostafa rayan said...

عمر
الجديد نزل
تعال واقرأه