Wednesday, October 22, 2008

امير الاحزان وندب النسوان ودرشاوي اللي كان هيبقي في خبر كان

تحديث مهم جدا
دة يا جماعة لينك مدونة اهلاوية جديدة عليها كل اخبار النادي الأهلي والكرة المصرية
لازم تدخلو عليها
قبل القرأة
_____________________
1- بخصوص حملتي ليلى وفوزي احب ان اقول انني لست فوزي ولن اسمح للأي ليلي ان تجعلني فوزي فالأمر عندي امساك بمعروف او تسريح بأحسان .
2- إذا اصبحت في يوم من الأيام كاتب سيناريو محترف واصبحت هذه مهنتي التي اتكسب منها ... ان شاء الله لابد ان اكتب مسلسلي سيرة ذاتية عن عباقرة القصة القصيرة في العالم العربي والعالم (يوسف ادريس وزكريا تامر ) .
..........................................
كانت ساعة من اسوء ساعات حياتي تلك الساعة التي قادني فيها حظي العسر ان اركب يوم السبت ذلك الميني باص المتوجه من الهرم للأسعاف ورمسيس وكان السائق يدير شريط للأمير الأحزان مصطفي كامل وانا من هنا اعلن انه ليس فقط اميرا للأحزان بل هو ملكها وصاحب التوكيل والموزع الوحيد لها لكم ان تتخيلو كمية المأساة وانا لمدة ساعة كاملة لااسمع سوى شخص يندب( ويولول ) مثل النساء في المأتم ولا يتحدث إلا عن الجرح والأحزان والنار والغدر والدعا على اللي خانه ان شاالله ينحرق يولع حتى انني صحت بين وبين نفسي (ان شاالله تولع انت يا بعيد هي ناقصة حرايق)
بجد يا جماعة انا خفت العربية تولع بينا من كتر الحرايق اللي كان عمال يقولها
ويدعى بيها حتى لما قولت بركاتك يا اهلي لما ادار المبارة بينه وبين انيمبا .. إلا ان فرحتي لم تدم طويلا فبعدها بدقائق معدودة اطفأ المبارة واعاد وصلة الندب مرة اخري
إلا ان بركات مصطفي كامل ابت إلا ان تكن معي حتى النهاية فعندما تنفست الصعداء وانا انزل في الأسعاف تحرك السائق وانا لم اكن نزلت بعد فكدت ان انكفأ على وجهي وحمدت الله على ستره خصوصا ان ورائي مباشرة كانت سيارة تعدي مسرعة – كنت هبقي في خبر كان بسبب صاحب توكيل الأحزان –
نصيحة لكل قارئ يقرأ هذا البوست والحاضر يعلم الغائب حفاظا على روحك وعلى صحتك النفسية والمعنوية لا تركب مع احد يدير شرائط مصطفى كامل ابدا ابدا
.
............................
نقاط مهمة بعد القرأة
_____________________
1- موقف غريب استفذني عند عودتي ليلا يوم الأثنين كانت هناك امرأة في اواخر العشرينات تقف على محطة المترو مع ابنائها ولد وبنت – سنهم حوالي 5و3سنوات – ويبدوان البنت اخطأت فكان عقاب امها لها بانها تحملها من يديها وتلوح بها ناحية المترو وكلما بكت وصرخت البنت فزعة كررت الأم هذه الحركة
هذا مثال واضح على الجهل بأبسط مبادئ التربية وان هناك امهات كثيرات لا يستحقون هذا اللقب إلا انني بقدر ضيقي منها تضايقت من نفسي للأنني نظرت لها شذرا ومشيت دون ان اتكلم كان يجب ان اذهب واخبرها إلا تفعل هذه الحركة لأنه لا قدر الله البنت ممكن ان تسقط من يدها فتصاب
اوتفقدها للأبد .
2 - على هذا اللينك
http://arabic.arabia.msn.com/Entertainment/musicnews/2008/october/Tamer-Hosny-Countries-Relations.aspx
موضوع يتسأل كاتبه هل يمكن ان يسبب تامر حسني مشكلة بين مصر والدول العربية بسبب صعود بعض الفتيات له في حفلاته
في الحقيقة هذا الموضوع اكبردليل على تفاهة بعض الصحف الألكترونية في مصر فما يحدث مع تامر يحدث مع اي مطرب يغني اغاني عاطفية مثل عمرو دياب وهاني شاكرومصطفي قمر وراغب علامة ... نحن يمكن ان نتهم تامر بأي تهمة اخري ونتقده في اي شيء اخر اما ان يقال ان حفلاته يمكن ان تحدث مشكلة بين مصر والدول العربية فدة مش اكتر من غباء وتخلف عقلي متحكم .

20 comments:

صبرني يارب said...

بالنسبه لمصطفى كامل عادي انا مش باطيقه اصلاااااااا
وشايفه ان كلماته اصلا مبتذله جدا

اما الاخت الى كانت بترمي بنتها خد من الغباوات دي كتير وكويس انك ما روحتش تكلمها كنت هتاخد كلمتين فى جنابك

وبالنسبه لتامر حسني فبعيدا عن كوني مش باحبه اصلاااااا ومستغلسه اهله الا انى شايفه ان مش هو الى هايتسبب فى المشكله
لا قلة تربيتنا احنا كعرب لبناتنا هى المشكله الاساسيه
لو كنا ربيناهم ما كانوش عملوا كده
الله يحرقهم يا سيدى على تامر حسني فى يوم واحد بس مش عندنا عشان على رايك مش طالبه حرايق

كـــيــــــــارا said...

اول نقطه انا اتفق فيها معك

-----

امير الاحزان

ههههههههههههههههههههههه

بجد مت من الضحك من كلامكم عنه

عامه انا بحب اغانيه بس في الوثت اللي انا مخنوقه فيه

هو فعلا لو مودي كان كويس جدا مع اول ثواني تلاقيني سح سح سح

علي ايه معرفش

عاااااااااااااااااااااااا

------------

بالنسبه للام فمش معقول تكون تعمل كده ايه ده مش خايفه ان بنتها يجرالها حاجه ساعتها مش هتعرف يوم تنام

ياساتر

ده في ناس هتموت علي ضفر طفل

----------

اما عن تامر

فبلاش اتكلم

عشان انا خلاص

الضغط ارتفع ومش ينفع اتشل اكتر من كده
قمه في السخافه اللي بيحصل اصلا

ال مشكله ال

---------
ربنا يكون في عونك

تحياتي

mostafa rayan said...

صبرني يارب
دايما منورة المدونة بتعليقاتك الجميلة
تحياتي ليكي

- كيارا
والله دة اللي جه في بالي وانا بشوف الموقف دة في ناس بتصرف مئات الألوف علشان ضفرعيل صغير وناس بترمي ولادها ناحية المترو
المفروض يكون في دورات لتربية الامهات
والأباء اللي مقبلين على الجواز
بالنسبة لتامر زي ماقولت نقول عنه اي حاجة لكن حفلاته هتعمل مشكلة بين مصر والدول العربية لاء طبعا
لأن في بنات من مصر بيغمى عليها في حفلات كاظم وراغب علامة
تحياتي ليكي ودمت بخير

canary said...

يالهوىىى يا مصطفى
تموت شهيدا تحت عجلات ميكروباس معفنه؟؟
دى لا عاشت ولا كانت يا اخويا
وانا يبقى ليا من هنا غيرك؟

والوليه الغبيه دى اللى طوحت بنتها على شريط المترو كنت زقها انت تحته وقولها هااا ايه رأيك فكدة سخافه؟

مصطفى كامل؟؟ انت هتقولى عليه اللهى وانت جاهى يولع هو وبيتهم والاستديو اللى بيسجل فيه

رايق النهاردة يا درش

mostafa rayan said...

كناريتي الجميلة
اه يا ختي تخيلي لنا اموت شهيد مصطفي كامل اكيد الشهادة دي مادخلش الجنة
لا والولية اللي بترمي بنتها ناحية المترو .. النسوان يا ختي بعيد عنك اتجننت خالص
ماتحرمش منك يا كناري ولا من تعليقاتك عندي

mony said...

ولا يهمك يا فندم

اهم حاجة صحتك


و لما تسمع اغاني نكد بعد كده حاول تطنش ولا فكر في حاجة تانية

Khaled said...

ههههههههه
علشان تحرم تركب تانى مينى باصات يا مصطفى .. وانا موافق على تخلف بعض الناس فى الحفلات و مغالاتهم فى التعبير عن نفسهم

mahasen saber said...

مصطفى كامل ده لا انا ولاا ودانى بنكنله اى معزه ..
.....اما فوزى معتقدش حد زيك وروحه عاليه كده واستشف انه عنده دماثة خلق يبقى فوزى ..احسبك على خير..
....اما الام والمترو فانا لو مكانك كنت معدتش الموقف بسلام هو الولاد ساعات بتغيظ بس العقاب ليه حدود يعنى متكلمهاش مثلا تعلى نبرة صوتها شويه فالبنت تحس انها عملت حاجه غلط اما لو الغلط ممكن يتسبب باذيتها مثلا فممكن تردعها بخبطه على ايديها وده يكون فى غلط زى اللعب فى الكهربا اللعب بالكبريت بس يكون بعد ما تكون كررته مرتين مثلا
.........
اما العرب يتخانقوا فاحنا يا مصطفى مش هنظلم الغلبان تامر فى الموضوع هما اصلا قاعدين لبعض على الواحده يعنى بتامر من غيره العلاقات بايظه حتى ولو لابسه ملون دلوقتى اصبر بس كده وستتشح بالسواد..وربنا يخيب ظنى..

عاشــــــ النقاب ـقــــة"نونو" said...

ههههههههههههههههههههههههه
اللام عليكم
حمد الله على سلامتك
الام دي بقى اللي غريبة فعلا وغلط فادح بتعمله
لانها ممكن تهدد اخوها مثلا وتحدفه
ولا المرض النفسي اللي هتعمله لها الله يهديها يارب
الحفلات والعرب وووووو
ربنا يشفي بجد يا مثبت العقل
دمت بخير
تحياتي

كاميليا said...

يعنى انت يا مصطفى رايح الاسعاف
يعنى عايز تسمع ايه؟
:D

اهو سائق السيارة كان بيعملك جو برضو

اما بالنسبة لموقف الأم وتصرفها
هنا اقول .. انها سيدة غير مؤهلة لأن تكون أم خُلقياً

كل التحيات

كاميليا

mostafa rayan said...

- موني
ربنا يخلكيي بس بجد كان صعب قوي افكر في حاجة تانية وسط كمية الحرايق اللي كان عمال بيسمعهلنا دي
تحياتي ليكي ودمت بخير

- خالد
منور يا صاحبي

- محاسن صابر
ربنا يخليكي يا محاسن ويخليني عند حسن ظنك فيا
اسلوب العقاب اللي انتي بتقولي عليه دة للناس العاقلين لكن بجد يظهر ان في امهات كتير مجانين ولا يستحقو هذ اللقب اصلا
تحياتي لك ودمت بخير

- عاشقة النقاب
ربنا يكرمك يارب
بالنسبة للأم طبعا ممكن تجيب للبنت عقدةنفسية مش بس كدة ممكن تكرهها اصلا تخيلي لما تقعد تفكر بينها وبيننفسها ان امها كانت بتحدفها ناحية المترو بجد دي كانت اخر حاجة ممكن اتخيلها ولولا اني شوفت الموقفدة بعيني انا ماكنتش صدقت
تحياتي لك ودمت بكل الخير

- كامليا
الف مبرك الجواز يا عروستنا الجميلة وعقبال ماتجيبلنا اولاد حلوين قوي زيك ويكونو كلهم شعراء وفنانين جامدين
تحياتي لك ودمت بكل الخير

mohra said...

موضوع الحملات ده زاد قوى
بقى عامل زى بلاها ليلى خد فوزى
ادينا بنتفرج
خالص تعاطفى معك على فتره الحبس الاجبارى مع مصطفى كامل
تحياتى

مصطفي ريان said...

مهرة
ربنا يخليكي ومانجلكيش في حاجة وحشة ابدا

funckydoctor said...

مصطفى ده أعوذ بالله منه
والأم اللى عايزة تتربى من أول وجديد ده بقت كتيير دلوقتى
صدقنى الواقع مظلم والمستقبل أظلم
أما موضوع تامر ده فأنا هبقى محترم ومش هتكلم علشان ماأقلش أدبى

__—¤¤AhMeD.3LaM¤¤—__ said...

مصطفي كامل احسن شاعر تسمع كلماته من مطرب اخر
وبخصوص الندب والويل
فانا بحب قوي حسن الاسمر
وهيه بتكون حااله مذاجيه شويه نكد وشويه رومنسيه
السوق مليان واسمع الي علي مذاجك
وممكن تهزر مع السواق وتقله ما تنقلب بينا يا اسطي في اقرب ترعه وتخلص
هههه
حمدله علي سلمتك يا استاذ مووصطفي

__—¤¤AhMeD.3LaM¤¤—__ said...

لاحظت في التعليقات كلها
انهم بيتبرو من حاجه اسمها مصطفي كامل
وكانه عنده جرب ولا حاجه

طب اسمعو ليه اغاني زي دي
احساسي بيقولي
ان انت اكيد مشتاقلي محتاجلي سهران قلبك بيفكر فيه بتحن لهوي لياليه للحب وللايام


يا جماعه مش قوي كده يعني
الراجل ليه حجات حلوه كتير
والمجاريح بيحبوه
والعشاق بيحبوه
ومش شرط اسمع فضل شاكر ولا كاظم الساهر عشان ابقي صاحب اذن موسيقيه وواد رومنتيكي

عادي قولو مش بنسمع لمصطفي كامل وخلاص

mostafa rayan said...

funckydoctor
اهلابيك يا جميل نورت المدونة اتفق معاك ان الواقع مظلم بس احنا مش لازم نيأس لازم يكون عندنا امل ان بكرة ان شاء الله اجمل واحسن
تحياتي لك ودمت بخير

- احمد علام
اولآ : انت منور الدنيا كلها مش المدونة بس

- ثانيا : انا متفق معاك ان مصطفي كامل احسن وااحد تسمع اغانيه من غيره وهو فعلا كتب حاجات حلوة لغيره زي الحب الحقيقي لمحمد فؤاد ويا تري و3 دقايق لبهاء سلطان وغيرهم كتير
لكن بجد اغانيه انفسه مليانة حزن وكأبه ملهاش حد واحد طول الأغنية عمال يدعى على اللي جرحة ( انامش هبكي عليه ان شالله ينحرق يولع ) الكلام صعب قوي بجد
وزي مانت قلت كل واحد له رأيه ويسمع اللي على ذوقه ورغم كدة بردو مصطفي كامل مطرب مطلوب بكثرة في الأفراح والحفلات يعنى الراجل له جمهوره ومحبيه
ارجو تكون متفهم رأيي
تحياتي لك ودمت بخير

عايش علي الهامش said...

عالم يا رب بحالي.. أسير الألم والهم
عالم يا رب بحالي.. بجرحي اللي ما بيتلم

مش عارف ده مصطفي كامل بيطين عيشه حد من جيرانا ..... ماعلينا

لا الف سلامه ليك بجد واحمد ربنا انك مرحتش للام دي والا كنت سمعت عن واحد اترمي تحت المترو مهي غالبا كان نفسها ترمي حد وبما انها اكيد ماضيه لابو الواد علي استلام الواد فمش هتقدر ترميه بس للاسف هي مش ماضيه عليك خالص فلت يا ابني

جرايد الغد ...... قطع العلاقات بين مصر وهرهوربا الكبري نتيجة قصة شعر تامر حسني الجديده نتيجه للشبه الشديد بينها وبين قصة شعر رئيس دولة هرهوربا الكبري مما اعتبرته الدوله اهانه لها و....... انا بقول ايه ما علينا
مصطفي كامل عند الجيران مش راضي يخرس ...بجد انا مذهول ان الميكروباص فلت من اي حادثه وهو مشغل مصطفي كامل انت لازم تدور في جرايد اليوم ده وتتاكد ان الميكروباص منقلبش لاقدر الله بعد ما انت سيبته .... ايه ادور انا ؟؟
لا ياعم مش هينفع اصلي بكلمك وانا بحط راسي في مشنقه صغيوره كده .....اتفضل معانا انا اعيش مع مصطفي كامل للصبح ده لا يونكن ابدا

سلام بقي لحسن مش فاضي

شكرا ليك

mostafa rayan said...

عايش علي الهامش
انت زي العسل بجد
نورت يا صاحبي ومستني زيارتك القادمة

محمد ابراهيم said...

هو بالنسبة لمصطفي كامل
انا لا اطيقه بتاتا
مبحبوش
و حاسس انه بيتكلف الكلام الي بيقوله
و بيحاول يخلي صوته مناسب للغناء مع انه مينفعش يغني
ما علينا
و الي بترمي بنتها ادام المترو
بجد
متستحقش اللقب ده اساسا
طب يحصل ايه لو المترو شاط البنت معاه
هل هي هتبقي مسرورة و فرحاهنه عشان ادبت بنتها ادب عمرها ما تتأدب بعديه ؟
منتهي الغباء
اما بالنسبة لتامر حسني
يا جماعة متلوموهوش علي حاجة مش ذنبه و لا بايده
و بعدين عينيكم غفلت عن كل الناس و جابت تامر ؟
طب راح فين كاظم الساهر لما البنت طلعت باسته من هنا و من هنا ؟
حاجة غريبة جدا
هل بوس البنات ليه يسبب مشاكل بين الدول و بعضها ؟
لو سمحتوا يالي بتقولوا كدة
كبروا دماغكم شوية