Sunday, May 11, 2008

دعاء شاب من العهد المباركي


هذا البوست بمناسبة عيد ميلاد الغالي ولوانها متأخرة شوية

يارب ولدت في عهد مبارك وراهقت في عهد مبارك واصبحت شابا في عهد مبارك .. يارب يارب لا تقبضني إليك وانا مازلت ايضا في عهد مبارك
......................................

ملحوظات مهمة
1- ألا تلاحظون معي ان كل اضراب يصحبه رياح وعاصفة ترابية تفتكروا دة معناه ايه ؟
2- استغربت كثيرا من هؤلاء الذين صفقوا لقرار الرئيس بوقف انشاء مصنع البتروكيماويات في دمياط بعد ان وقف لهم الشعب الدمياطي البطل بالمرصاد لماذا لم يتحدث احد عن وجوب محاسبة الذين وافقوا علي انشاء المصنع في دمياط منذ البداية ولماذا لم يفكر احد في ان الغرامة التي ستدفعها الحكومة للكنديين باليمين ستأخدها منا نحن الشعب اضعافا مضاعفة باليمين والشمال
الحكومة الأن تريد انشاء المصنع في السويس والسواسية يعلنون حالات المقاومة والأضراب ياتري السيناريو هيمشي ازاي ؟ وبعد السويس هيكون الدور علي مين ؟
3- جزى الله التلفزيون خيرا فبعد انتهاء اسطورة صلاح الدين يعرض لنا الأن فيفي عبدة في اقوي عروضها سوق الخضار بالتأكيد التلفزيون يفعل ذلك خصيصا ليعطينا دروسا عمليه في كيفية تلقي الصدمات بهدوء واتزان وايضا ليعرفنا الفرق بين الثريا والثرى .... بجد من قلبي بقولك شكرا يا تلفزيون
4- لاحظت ان كثيرا من اصدقائي المدونون اتجهوا لعمل نظام الرقابه علي التعليقات وذلك بعد انتشار السباب والشتيمة وليس التعليق علي الموضوعات اتمنى إلا اضطر يوما لاتخاذ ذلك القرار الذي اكرهه خصوصا ان الشتائم لا تأتي إلا من مجهولين وما اكثرهم في فضاء التدوين الأن


47 comments:

خمسة فضفضة said...

السلام عليكم ورحمة الله وبركاته

اللهم آمييييييييييييييين يارب

--------
هو لسه في حد بيتفرج علي التليفيزيون بتاع الحكومه
:-)
الحمد لله لسه ما اضطرتنيش الظروف لعمل رقابه
هو مش كفاية الرقابه اللي علينا ،ولا اللي بيتعمل فينا هانعملوا في الناس
:-)
بس اضطريت اني اشيل الشات بوكس لان لقيت ناس تقريبا كانوا ضاربين بانجو وكاتبين كلام سافل وحاطين اميلاتهم ال ايه بيدوروا علي صديقات تونس وحدتهم




سلام

mostafa rayan said...

- خمسة فضفضة
ازيك يا دكتورة
بفرح قوي لمابفتح المدونةولاقيكي جاية وبتعلقي عندي دة شرف كبير قوي لينا يا فندم
بالنسبة للدعاء ربنا يتقبل مني ومنك ومن كل شاب بيدعي الدعاء دة
وبالنسبة للتلفزيون اناشوفت صلاح الدين علي قناة النيل ( للديشراما)
لكن فيفي عبدة لاء انالسة بحترم نفسي
اما مجهولي التدوين ربنايستر
نوراةنجم وعايزة اتجوز وعاشقة النقاب ورئيس جمهوريةنفسي وغيرهم كتير عملو كدة بسبب موضوع الشتايم دة بصراحة عندهم حق
ربنا يستر علينا
تحياتي ليكي

مشمش said...

السلام عليكم
ان شاء الله متحتاجش للرقابة دي سيبها علي الله زي انا كمان والي يشتم ميستاهلش لحظات الي بتضيع في الرد عليهم ومدونة جميلة وان شاء الله يزيح الغمة ونموت في عهد حاكم عادل
هبقي اتابع مدونتك ان شاء الله دايما صديقتك مشمش
نسيت حاجة انا بحب الشعر اوي وبشجع كويس ربنا معاك

mostafa rayan said...

مشمش
ازيك يا قمر
منورةالدنيا كلها
ربنا يتقبل منك ونموت في عهد حاكم عادل
انا فرحان انك بتحبي الشعر بردة زيي
وعلشان كدة في قصيدة في الصفحة دي اسمها ( صرخة امرأة عاشقة ) احب انك تقرأيها وتقوليلي رأيك
دمت بكل الخير يا صديقتي الجميلة

مصــــري said...

عزيزي مصطفي

والله كلنا هذا الرجل
ندعوا نفس الدعاء ،اللهم تقبل يارب

ان من يسمح لراقصة ببطولة مسلسل،لهو احمق يحتل منصب كمعظم المناصب في بلادنا.
فلا تحزن وأرضي بالنصيب.

يارب ما أضطر يوم لعمل الرقابة علي الردود,وإن كان مرض توريت تفشي في الناس كما لم يسبق من الزمان

تحياتي
أسامة

كاميليا بهاء الدين said...

يارب ولدت في عهد مبارك وراهقت في عهد مبارك واصبحت شابا في عهد مبارك .. يارب يارب لا تقبضني إليك وانا مازلت ايضا في عهد مبارك
............

ههههههههههههههههههههههه

اومال فى عهد مين؟؟

جمال مبارك ولا هيثم جمال مبارك؟؟؟؟

ههههههههه

تخيلاتى
قصدى
تحياتى

رحــــيـل said...

اميييييييييييييييييين يارب

شوف بالنسبه للتلفزيون فأنا قطيعته من زمان جدا ولا اعرف اللى بيجى فيه

اما التعليقات فانا شايفاها حرية شخصيه
اوقات فعلا لاناس بتضطر تقفل التعليقات لاسباب تبدو لهم مهمه
فعادى يعنى
انا شخصيا مش بحب الخاصيه دى
بس لو ظروف جدت انى اعملها اكيد مش هتردد

تحياتى لك

رباب كساب said...

ازيك مصطفى

تعرف إني سعيدة بإن في أربع سنين من عمري مش في عهد مبارك

بس حقيقي تعبت فبقية عمري في عهده طيب أعمل إيه ، نعمل إيه كلنا شكلنا بجد هنموت وهو لسة موجود يكفي أنه قتل بنا الأمل

رحمنا الله وتاب علينا

تقبل تحياتي

رباب

mostafa rayan said...

مصري
يا اخي الفاضل تسعدني زيارتك دائما وافرح بها اسأل الله ان يديم الحب والتواصل فيما بيننا

كامليا
منور يا قمر
بس يا قمر انا لو هكملالدعاء فهيبقي واحد من غيرعائلة مبارك كفاية قوي علينا مبارك واحد ماعدناش متحملين مزيد من المباركيين
تحياتي ليكي يا قمر ودمت بكل الخير

- رحيل
منورة يا قمر
واحسن حاجة عملتيهاانك قاطعتي التلفزيون المصري حفاظا علي صحتك واعصابك احسنلك تقاطعيه
اما التعليقات انا قصدي اللي بيشتم ويقولك كلام زي السم المفروض ان المدونة دي بيتك والقارئ بمثابة الزائر فيجب ان يحترم الزائر صاحب البيت وان اختلف معه يكون بأدب ولياقة علي الأقل حتي يسمع منه ويتقبل وجهة نظره ولكن في الحقيقة احنااحسن ناس نقول كلام ولا ننفذه
ربنا يكرمنا جميعا
تحياتي ليكي يا قمر


- رباب كساب
انا فرحان قوي بزيارتك دي وان شاء الله نفضل في تواصل دائم
اما بقي بخصوص الغالي فربنا يرحمنا برحمته تعرفي انا اعرف ناس صحابي اصغر مني في السن اتولدوا وعاشوا وماتو وهما في عصر مبارك واصحاب تانين اتولدوا واتجوزو وخلفوا عيال عندهم دلوقتي 3 و4 سنين وهما لسة بردة في عصر مبارك
الواحد بجد اتخنق نفسنا نشوف وش تاني
التجديد حلو برضة
تحياتي لك ولقلمك المبدع

الدرعمي said...

السلام عليكم


يا سيدنا

ولا تدري نفس ماذا تكسب غدا وما تدري نفس بأي أرض تموت


فلا تقلق

لو مكتوب لك تموت في عهده هتموت غصب عنك في عهده

ولو مكتوب لك تموت في غير عهده يبقى حظك حلو إنك هتعيش في عهد جمال



تحياتي




آدم

الدرعمي said...

مصطفى

معلس ابعت لي إيميلك عالميل ده

ADAM4LOVERS@GMAIL.COM

ابعت لي فيه ميلك عالياهو

للأهمية


تحياتي



آدم

مرجانة said...

دا شعب فقرى

نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد 'غازه' لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد 'مستوطنة '
(متسلطنة بالسرطنة)
إيه اللي خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
بخيار حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم
.......................
أحمد فؤاد نجم

دي بمناسبة عيد ميلاد الريس

تايه في وسط البلد said...

الشاب الثائر
انت فين
مش ممكن نعمل رابطة للشباب المباركي؟
المقر طبعا معروف...ترب الغفير!!ه

PrInCeSS BeRy said...

اولا كلامك فى الجون ثانيا اسمحلى ابدى اعجباى باللى انت كاتبة عن نفسك فى البروفايل بتاعك كلام بيط اما عن العهد الحالى فا مفتكرش ان حد فينا سعيد وايام وبنعيشها هنعمل اية يا قلبى فى ناس معنجهاش............

احم احم استر يارب

اشكرك

mostafa rayan said...

ادم
منور دايما يا صاحبي وبعتلك الميل كما طلبت مني لو الميل ماوصلكش قولي وممكن ابعتلك من علي الجي ميل
بس ياعم طمني

مرجانة
كلام من القلب طالع واتقال في حب مصر
زي طلقات البارود .. زي نسيم العصر
ولاعمره في يوم يخون مهما يشوف من قهر
الله عليك يا فاجومي ودمت في صحة وستر

دي كانت رباعية كتبتها في حب الراجل دة
نورتنيني مرتين مرة بزيارتك ومرة بشعر عمناالجميل احمد فؤاد نجم

- تايه في وسط البلد
منور يا جميل
وانا ياعم تحت النظر اما بخصوص الرابطة فدي هتكون اكبر رابطه في مصر كفايةانها هتضم من مواليد 81 ل2008 شوف بقي دول يجوا كام مليون

PrInCeSS BeRy
اولا : منورة المدونة
ثانيا : بشكرك علي كلامك الجميل عني وفرحان ان المدونة عاجبتك
ثالثا : انا اكملك
هنعمل ايه ياقلبي في ناس
مافيش مشاعر ولا احساس
راكبين علي نفسنا ومش عايزين
يسيبونا ويمشوا
مهما نقول زهقنا حلاص
رابعا : احب اشوفك هنا دايما لأن البيت بيتك يا اميرتي الجميلة

عاشــــــ النقاب ـقــــة"نونو" said...

السلام عليكم
امين يارب العالمين
انا كمان عملت زي خمسة فضفضة وشيلت الشات بوكس وعملت موديريشن بسبب ضعف الاخر ولجوءه للي بيقدر عليه وهو السباب ربنا يعافينا
انا بتفرج على التليفزيون بتاعنا بس اللي هو الحكومي يعني لما بروح شبرا بس علشان ما فيش دش هناك بس قررت اشتري علشان لما بقعد اتفرج بحس اني بروح رحلة للعصر الحجري وما بارجعش الا لازم اخد كورس عصري الاول
هههههههههههههههههههههه
تحياتي

Darsh said...

1.أقطع المشوار كده في ثواني و خد التاج من البلوج عندي


2. و الله يا أبو درش أنا من بعد صلاح الدين ما شفتش سوق الخضار ... مش ناقصين تلوث ...


3. أنا عايز اعرف ما عملوش مصنع أجريوم ده ليه في أي مدينة صناعية زي العاشر و لا أكتوبر بدل الدوخة دي

4. نفسي اعرف الفايدة اللي بتعود على الواحد لما بيشتم و يجري .... أكيد داخل ماراثون

Empress appy said...

هههههههه هتروح مارينا يا عم الشوباب معانا
المهم موقف بتوع دمياط انا عارفاه من الاول ولولا الناس وقفت كان المصنع تم اصل اللى وافق عليه من الحزن الوطنى فتفتكر يعنى هيحاسبوا نفسيهم

وبعدين اعمل زى ومتتفرجش على برامج حرقه دم ولا واضح اننا ادمناها ههههههههههههه

mostafa rayan said...

nonoymm
منورة دايما ودايما بسعد بكلامك وبرنا يتقبل منناالدعء دة وبخصوص شتامي المدونات فدةان دل يدل علي انهم اشخاص عديمي الثقة في انفسهم وان في قلوبهم امراض كثيرة ... ربنا يعفينا

درش
ازيك يا قمر
طبعا بقي مش محتاج اقولك نورت وكدة لأنك في بيتك وماحدش بيرحب بحد في بيته
بخصوص التاج فأنا يا قمر جاوبته قبل كدة بشكرك انك فاكرني وان شاء الله تتعوض في المرات الجاية بخصوص الست فيفي
فطبعا بعد صلاح الدين ماينفعش اشوف سوق الخضار مش بس علشان الفرق بين العملين والشخصيتين
- صلاح الدين وصباح طبعا الفرق فرق السما من الأرض- ولكن لأني بحترم نفسي وبرفض اهانتها
اما عن المصنع فأكيد في ايدي قذرة كثيرة وراء الموضوع
وبالنسبة للشتائم فأكيد هذا المارثون كل من فيه خاسر
تحياتي ليك يا درش

mostafa rayan said...

appy
منورة يا قمر وبفرح دايما بزيارتك وكلماتك ليا
بخصوص المصنع طبعا انا معاكي لولا وقفة الدمايطة الجدعان كان المصنع اتبني ولاكانوا سألوا فينا وطبعا مش معقولة هيحاسبوا نفسهم
اما برامج التلفزيون المصري انا مش بتفرج عليها حفاظا علي البقيةالباقيه من اعصابي انا كان قصدي مسلسل سوق الخضار اللي بيتعرض دلوقتي علي قناة النيل للديشراما
تحياتي ليكي ياقمر ودايما منورة الدنيا كلها

سلوى said...

بوست جميل

4 نقط مهمه
إن شاء الله نشوف مصر في عهد ملك عادل

وإن شاء الله لا تضطر لوضع رقابه ع التعليقات
طالما الإنسان صح يبقى المفروض لا يتأثر بالكلام التافه

دمت بكل خير

Samar Ali said...

er7amnaaa ya raaaaaaaaaaaaaaaaaaaaaaab!!
post to7fa!

استراحة محمد said...

لأن الحقبة اللى انت اتولدت وكبرت فيها ، حقبة غير واضحة المعالم ، مليئة بالتناقض ، كان يجب ان يتبع مسلسل صلاح الدين ، بوصلة الرقص الدرامية لفيفى عبدو

mostafa rayan said...

سلوى
ربنا يتقبل منك دعائك دة
نورتي المدونة ويارب فضل الزيارات دائمة ومتصلة

سمر المنوفي
منورة يا قمر وبفرح قوي بزيارتك ليا

استراحة محمد
منور يا جميل
وطبعا عندك حق في كل اللي
قولته
تحياتي ليك

canary said...

ادينى رجعتلك اهو يا عم المبدع
اسسسسكت يا مصطفى مش يوم عيد ميلاد الريس انا كنت فى القاهرة
والاضراب مقولكش عليه
لما كدة وكان فيه اضراب امل من غيرة فيه ايه؟؟ الناس راكبين على قفا بعض؟
حكايه الرقابه دى دمها تقيل وبصراحه انا مش بحبها
وبينا وبين الحظر ربنا يا سيدى
دة لما كان فيه حظر بس على مدونتك جانى اكتئاب
وان كان على الشتيمه خبى فردة جزمه ورا باب المدونه بتاعتك واللى يقول كلمه متعجبش اديله بيها على دماغه لكن ربنا ما يحوجك للحظر عشان متبقاش انت والحكومه
شكرا جدا على سؤالك عنى كلك ذوق
وبتفتكر العشرة

mostafa rayan said...

كناريتي الجميلة
منورة يا قمر وحمدلله علي سلامتك وماتبقيش تغيبي عننا تاني دي كل البشرية سألت عنك يا شيخة
مرة تانية منورة

Gannah said...

أخى الكريم
عندك حق لامتى هنفضل فى عهد مبارك المصيبة بقى لو توفاه الله و تولى نجله الكريم هيفضل اسم مبارك ورانا ورانا
قراره بالنسبه لدمياط معناه ان الناس كانت مؤثرة و برافو عليهم انا على فكرة من المعجبين جدا بشعب دمياط لانهم ناس شغالة بجد و بتحترم قيمة العمل فمبروك عليهم استعادتهم لحقهم فى مدينة نظيفة غير ملوثة

اما بالنسبة للست فيفى فالظاهر هما فعلا قاصدين يوروك الفرق بين كفاح صلاح الدين و كفاح الست فيفى الله يهديها

اعرف زميلة اضطرت للاشراف على التعليقات بسبب المضايقات ومش عارفة ايه الناس دى ربنا يهدى

تحياتى

بنات صاحبة الجلالة said...

مصطفي
بوست جميل طبعا الرئيس هيفضل كاتم علي انفسنا الي اجل غير مسمي واصبر علي رئيسك السو ههههههههههه بالنسبة لموضوع مصنع اجريوم واللي الدنيا قامت ولم تقعد في دمياط بسببه وانهم هينقلوه للسويس احب اقولك ان السويس مش هتثور ولا هتتاثر لان بها كم مصانع ملوثة اضعاف اضعاف اجريوم احنا كنا عاملين احصائية قبل كدا علي الموضوع

بالنسبة للرقابة فعلا بدات ناس كتيرة تسيب رسايل سخيفة ومش ظريفة الواحد بيلجا للتحكم في التعليق وربنا ميجبيش رقابة عندك يارب

موضوعك هايل وجميل

اسعدنا حقا التواجد في مدونتك

لك خالص التحية والتقدير

ضــى القمــر said...

والله معاك حق .. فى كل اللى وقلته .

وخاصة دعائك الله بدعى الله به دائما ..

وربنا يتقبل منا ..

أما بخصوص نقاطك .. ففى سياسيه بتتعبها حكومتنا كويس اوى وهى توجيه عقولنا لأتجهات مختلفه تماما .. سواء بالتليفزيون أو بالقرارت المعذبه أو بالأختلاف الدينى .. المهم تشغل بالنا بأى أمور آخرى بعدا عن السياسه وبراثنها ..

شكرا لك واتمنى الا نضيف رقابه على التعليقات ابداا

FaceMoon said...

صديقى الصدوق مصطفى
بعد التحية
ببعتلك مليون سلام
وبشكرك على سؤالك عنى فى غيابى وعلى تعليقاتك اللى دايما منورانى
بس يامصطفى ليا سؤال هو فين الاضراب اللى حصل اصلا اصلى مخدش بالى والله يمكن كنت نايمة ولا حاجة بس اقدر اقولك يوم الاضراب محصلش اى حاجة جديدة الدنيا زحمة والجو حر والتلوث فى كل مكان والناس بتاكل عالطول والمحلات مليانة يمكن هو دة الاضراب وانا معرفش
تحياتى وتقديرى

mostafa rayan said...

الاخت الكريمة جني
بفرح قوي بزيارتك ليا وبكلامك
ربنا ييسراللي فيه الخير
سلامي وتحياتي لكي

- بنات صاحبة الجلالة
منورني ياقمر
وبفرح دايما بكلامك بخصوص المصنع انا كنت قرأت في المصري اليوم ان السوايسة اعلنوا حالات الرفض لأقامةالمصنع في ارضهم لأن السويس زي ماقولتي بها الكثير من المصانع التي ينتج عنها الكثير من التلوث فمش ناقصة زيادة
وبالنسبة للأشراف علي التعليقات بصراحة عندك حق لو عملتي كدة عارفة
انا بحترم اللي بيختلف معايا لكن يختلف بذوق وبأدب لكن يدخل يشتم ويمشي دي منتهي قلة الذوق ربنا يبعدهم عنا
نورتيني وتحياتي وسلامي ليكي يا قمر

mostafa rayan said...

ضي القمر
منورة يا قمر
وربنا يتقبل منا جميعا
تعرفي انا بحس ان اهالينا اسعد حالا منا شافوا 3 رؤساء لكن احنا ياولداه واحد بس وخانق علي نفسنا ومش عايز يفارق
بالنسبة للحكومة فأنا معاكي في رايك دة
زي مايكونوا ولا اليهود
ربنا يعافينا من هذا النظام بكل عيوبه ومساوئه
نورتيني يا قمر واحب اشوفك دايما كتير

فاسمون
شايفة ضي القمر ووجه القمر قمرين في وقت واحد ووراء بعضهم دة كتير قوي عليا
بصي لماتقوليلي
( صديقي الصدوق مصطفي )
الكلمة دي كبيرة قوي عليا ومش عارف اقولك قد ايه مفرحاني وطبعا لما تغيبي شوية لازم اسأل عليكي لأنك اخت وصديقة غالية
بصي سيبك بقي من الأضراب والريس
والتلفزيون
المهم انك بخير وانك رجعتي تنوري
بلاش تغيبي علينا تاني ياحسن البيت من غيرك مضلم خالص

Ahmed El-Agouz said...

انت عارف انا انهاردة الحمد لله مخنوق علي الاخر
في حاجة غلط جماعة انا مش عارف افسرها
عارف الجملة الشهيرة بتاعة مفيش فايدة حتي دي مش بتعبر عن اللي جوايه
حالة اكتئاب مش ممكن معروف عني ان ضد الماء والنار والصدمات طب ايه مش عارف
قلت يمكن عاوز انتحر بس رجعت وقلت لا مش ممكن انا مش عاوز اتدفن علي هذا الكوكب

عارف الاحساس ده البوست بتاعك ده ضاعف عندي الحالة دي... انت فاهم حاجة لو فاهم قول لاني بجد مش فاهم
العجوز

مدحت محمد said...

هههههههههههه

كلنا زيك والله

وربنا يتقبل منك ومنا
هههههههههههه

التلفزيون انا عامله مقاطعة من زمان
الا بس لو مباريات الاهلى
والمنتخب

اما بالنسبة لموضوع حجب التعليقات انا عملتها

ومكنتش بلاحق
قمت شلتها

وشفت انه من الافضل اسيبها تظهر وخلاص

تحياتى لحضرتك

كوارث said...

والله نفس دعوتي
انا بدعي اني فعلا اموت في عهد رئيس تاني
حرام فعلاً
من يوم ما وعيت عالدنيا وهوا ماسك مصر
بس انا محظوظ .. قعدت برّه حكمه اتناشر سنه
عامةً كلامك جميل ونقاطك منظمة ومختصرة في الوقت نفسه
بس كالعادة ده مواضيع مفتوحة ميعرفش نهايتها الا الله
لك الله يا مصر

الربان said...

تحياتي

أخي الكريم موضوعك جميل و تسؤلاتك في محلها....موضوع المصنع عليه أكثر من علامة استفهام.

لكن أخي الكريم ارجو منك ان تمحو ما كتبته اعلا الموضوع...لانه به تهكم علي
شخصية شئنا ام ابينا تحكم مصر...و لا يصح او يجوز ان نتناول الرجل بسوء.
انت في موضوعك اشرت الي المجهولين الذين
يسبون و يشتمون..., وانا أنأ بك من
ان تنحو نحوهم...

تحياتي و تقديري

alzaher said...

معركة الدمايطة لم تنته بعد
لازالت مستمرة وراجع صحف اليوم
الدمايطة أثبتوا انهم بنتجون ما هو أكثر من السفن والأثاث المنزلي
ينتجون الكرامة والرجولة

mostafa rayan said...

- اخي الفاضل احمد العجوز
بص انا مش عارف اقولك ايه افرح ان كلامي اثرفيك للدرجةدي ولااعمل ايه
بص يااخي الحالة دي احنا بنصاب بيها كلنا بتبقي مخنوق من كل شيء واي شيء ومش طايق اي حد
بس يا اخي دي حالة وقتية هتاخد وقتها وتروح
اقولك علي نصيحة :
(ألا بذكر الله تطمئن القلوب ) بس بعد كدة مافيش كلام
ربنا يكرمك يا اخي ويصلح لك الأحوال

- مدحت محمد
منور يا جميل ومبسوط انك معايا بتدعي الدعاء دة ربنا يزيح الغمة ياحسن طالت قوي
منتظر زياراتك القادمة

- كوارث
منور يا قمر ويابختك ب ال12 سنة دول
ربنا يزيح
مبسوط ان المدونة عاجبتك وتقدر تعتبرها من دلوقتي مدونتك

الربان
اخي الفاضل اهلا بك وانا سعيد بزيارتك هذه جدا
ولكن يا اخي السطور الأولي هذه هي اساس البوست يمكن ان ازيح السطور الأخري ولكن هي لاء فهذا يا اخي شعوري بالفعل انا منذ ان ولدت وهذا الرجل يحكمنا منذ 27عاما ولعلك لاحظت في التعليقات ان هذا دعاء القراء ايضا يعني ان كلامي مس شيئا عندهم اخي في كل بلاد العالم المتقدمة الرئيس له فترة حكم معينة بعدها يترك الحكم إلا عندنا يظل باقي ابد الدهر مهما سائت احوال البلاد في عهده
بالنسبة للتهكم فانا يا اخي لم اتهكم فقط قلت مابداخلي
وان كانت الأحوال في بلادنا تتدعو للتهكم والرثاء ايضا
ولا اظن ان في كلماتي اي سوء تجاهه
بينما انت معي ان افعاله وافعال حكومته تجاهي وتجاه الشعب لا تضمر إلا السوء والأمثلة اكثربكثير جدا من ان تحصى
اخي ارجو ان تكون تفهمت وجهة نظرى ومرة اخري ارحب بك وبأرائك وارجو ان تعتبر هذه المدونة بيتك تأتي فيه في اي وقت
تحياتي لك

- اخي الزاهر
اهلا بك وانا معك الدمايطة وعمال المحلة هم الدليل الوحيد الباقي علي انه مازال يوجد رجال حقيقيون في هذه البلد
دمت بخير يا اخي الفاضل

Desert cat said...

ادعى من قلبك اوى يا مصطفى علشان ربنا يبعد عننا شر التوريث واحنا حنصدق ونقول آمين
بالنسبة للموديريشن فمعلشى كل مكان لازم نبتلى فيه بشوية عاهات والحل قفل كل الطرق فى وجوههم
تحياتى

mostafa rayan said...

Desert cat
انا عن نفسي بدعي من قلبي
ربنا يزيح الغمة قولي امين
تحياتي ليكي

ليكوريكا said...

انا قاطعت التيليفزيون خالص

:)))

وبعدين رقابة ايه بس

علي فكره الستيمه وصمه في جبين اللي بيشتم

مش اللي بيتشتم

----------------------
كل البلوجات مغلقه عدى مجرد مشاعر ... وهل يمكن ان نغلق مشاعرنا ؟

Tamer Nabil Moussa said...

لولا كلمة الشعب الدمياطى كان المصنع اتبنى واتكمل واشتغل عادى

وحد منهم بيسمع لحد

ربنا على الظالم والمفترى

قول امين

تحياتى

mostafa rayan said...

ليكيوركا
منور يا قمر
وطبعا انا معاك ان الشتيمة وصمة عار علي الشاتم .. بل دليلا علي فشله ومرضه ودليلا علي نجاح المشتوم
ربنا يحفظنامن الشتايم وذوي العاهات
نورت يا جميل

- تامر نبيل
طبعا انا معاك في رأيك دة وبدعي نفس دعائك وقولت وراك امين
نورت يا قمر واحب اشوفك دايما وتفضل منورني

Ahmed Kamal said...

كلنا في الهم مواطنين ، و متفرجين ، و مدونين !

أحييك على مرورك و إن شاء الله أتابع مدونتك

mostafa rayan said...

- احمد كمال
- سعدت بمرورك يا اخي الفاضل
واتمني تنورني دايما

Zika said...

ولا الضااااااااليييييين
آاااااميييييييين

mostafa rayan said...

زيكا
اميييييييييييييييين