Saturday, May 3, 2008

سارة الخنيقة


- قشطة يانجم كدة معاك كل المطلوب مش ناقص بس غير انك تشوط وتجيب جول
- اطمن علي اخوك .. اخوك هداف كبير
- يا خوفي يا بدران يا تطلع اوت
- عيب عليك يا جدع بقولك اخوك هداف كبير
- اه يابن المحظوظة مانت معاك قمر
- هنبدأ بقي من اولها
- خلاص ياعم ابقي طمني عليك .. يلا سلام
كان هذا هو نص الحوار الذي دار بيني وبين صديقي رعد عندما اعطاني إيميل سارة
بدأت القصة عندما دخلت علي احد المواقع التي تقدم خدمة الزواج علي الأنترنت ورأيت صورة سارة وانا اقلب في صفحات الموقع .. عنما رأيتها لفت الدنيا بي إذا انني في الحقيقة لم ارى صورة انسان طبيعي مثلنا ولكني رايت قمرا بل مخلوق اجمل من القمر ... رأيت ملاكا من السماء يخرج لي من علي شاشة الكمبيوتر .. وجه ابيض وعيون عسلية رائعة وسبائك ذهب حريرية تنسدل علي كتف رائع وابتسامة تجمع بين براءة الأطفال ورقة الملائكة وجسد ممشوق ليس به أي غلطة
كانت فتاة احلام اجمل بكثير مما تخيلت اوتمنيت .. شعرت انني اعرفها منذ وقت طويل وان هذه الفتاة يجب ان تكون لرجل واحد هو انا ليس احد غيرى في هذه الدنيا
لم اعرف كم من الوقت قضيت وانا انظر إلي صورتها ولكن كل ما اعرفه انني قضيت وقتا طويلا
دخلت بعدها علي بيانتها عرفت ان اسمها سارة انسة عمرها 23عاما حاصلة علي بكالريوس تجارة من اسرة ميسورة تسكن في المعادي وترغب ان ترتبط بشاب ليس اكبر منها بكثير يحبها ويحترمها وتجد معه الدفئ والحنان الذي تبحث عنه كل امرأة
عندما قرأت ذلك لم تتملكني الفرحة اذ ان كل هذه المواصفات تطابقني وكأنها تناديني فعمري 27 عاما فقط وسأوفر لها الحب والحنان والدفئ الذي تبحث عنه .. ليس هذ فقط أنا لن ارى احدا غيرها في هذه الدنيا
كانت الخطوة التالية ان احصل علي ايميلها لأراسلها وهنا بدأت التفت للمشكلة فلكي احصل علي الأيميل يجب ان اشترك في الموقع وقيمة الأشتراك اكبر من امكانياتي – 100دولار اميريكي - وانا لن استطيع ان ادفعهم اشتراك لموقع زواج
ولكني لم ايأس جربت ان اخمن الإيميل من خلال الأسم الذي ظهرت به في الموقع ولكن كل مرة تأتي رسالة بأن الأكونت هذا غير موجود وبعد محاولات عديدة اغلقت الجهاز حزينا وانا مازلت افكر في حل للوصول لها
في اليوم التالي فتحت الجهاز وظللت انظر للصورة فكرت ان اذهب للمعادي وابحث عنها بين وجوه الناس ولكن المعادي كبيرة وهي لم تذكر في أي شارع تسكن .. في هذه اللحظة اضاء ذهني بالحل ووجدتني انطق فرحا
- احمد ازاي ماجاتش على بالي غير دلوقتي
فصديقي احمد أو رعد هو الوحيد الذي يملك الحل فهو من اكبر الهكر علي الأنترنت ولذلك فهو معروف علي الشبكة باسم رعد
اتصلت به واخبرته بالموضوع وبالفعل لم تمضي دقائق معدودة حتي اعطاني كل المطلوب اخبرني انه اخترق الموقع ولكنه وجد ان الإيميل المشتركة به فيه لا تدخل عليه كثيرا ولذلك فقد فقدت الأكونت الخاص به
فاخترق جهازها وعرف الأيميل الذي تعمل به حاليا ولكنه طلب مني ألا اخبرها بذلك حتي لا يفسد الأمر قبل ان يبدأ
– قولها خمنته ولا اي حاجة
وبالفعل فبمجرد ان انهيت معه راسلتها علي الفور اخبرتها بكل ظروفي وانها الأميرة التي ظللت احلم بها طوال عمري وانها لو وافقت فأنا على استعداد ان اخذ اهلي ونذهب لخطبتها الأن .. ولم يمضي وقت طويل حتي جائني ايميل منها اخبرتني انها سعيدة جدا بصراحتي هذه وبرغبتي الواضحة في دخول البيت من بابه ولكنها طلبت مني ان نؤجل خطوة الخطوبة بعض الوقت حتي يتسنى لنا ان يعرف كل منا الآخر
شعرت في هذه اللحظة انني اسعد انسان في هذه الدنيا شعرت اني حققت احلامي كلها في لحظة واحدة وارسلت إليها ان خطابها لي هو اسعد شيء حدث لي طوال حياتي وانني ظللت احلم بهذه اللحظة منذ اول مرة رأيتها في الموقع
وفي اليوم التالي وجدت رسالة منها تسألني فيها مندهشة كيف عرفت إيميلها هذا رغم انه غير الذي كانت تشترك به في الموقع وطلبت مني ان اصارحها فصارحتي هذه اكثر شيء تحبه في .. فكرت لحظتها ان اخبرها اني خمنت الإيميل ولكن شيئا ما بداخلي جعلني اخبرها بالحقيقة ربما رغبة ان اظهر امامها بصورة الفارس الذي يضحي ويمتطي الصعاب
من اجل حبيبته فهذا الأمر لو عرفه الموقع قد اتعرض للسجن والغرامة المالية اوربما رغبتي ألا ابدأ علاقتي معها بالكذب خصوصا أنها اخبرتني ان صارحتي هذه اكبر شيئ تحبه في .. لم اخبرها بالطبع اني اخترقت جهازها فقط عرفته عن طريق الموقع
وهنا بدأت المشاكل ارسلت إلي غاضبة : (لا تماطلني كيف عرفه وانا غيرمشتركة به) فأجب : ( عن طريق الموقع ) فترد : ( لا لقد اخترق جهازي )
ارد (لا) فترد ( لقد سمحت لنفسك ان تخترق خصوصياتي ) وهكذا استمرت المرسالات بيننا احاول ان اقنعها انه لم يكن هناك طريقة غير هذه
وهي تصر انني اقتحمت عالمها حتي عندما سألتها مندهشا بعد ان استبد الأمر بي ( ولماذا تضعين في موقع يأتيك الخطاب منه ايميل انت لا تفتحيه )
ردت في اصرار ( هذا لن يغير امر انك اقتحمت جهازي) حتي فوجئت بإيميل منها تطلب مني اسم صديقي هذا وإيميله حتي تعرف ماذا عرف عنها ايضا وهنا كان صبري كله نفد ارسلت إليها بأنه لم يعرف شيء غيرالإيميل وانني ضقت ذرعا بالحديث في هذا الأمر فنحن رغم كل هذه المرسالات لم نتحدث عن انفسنا بعد اخبرتها ايضا انني لن اعطيها إيميل صديقي ولا اي معلومة عنه فأنا اريدها لي انا كما انني لست مسؤلا عن توريد نساء لأحد فهذه اهانة لا اقبلها ..اخبرتها ايضا انها إذا كانت تريد ان تكمل معي فلا تتحدث في هذا الأمر ثانية . لم يصلني منها الرد لعدة ايام فظننت انها تركت الأمر برمته ولم احاول الأتصال بها إذ ان المرسالات هذه اوضحت لي جانبا من شخصيتها لم يكن واضحا لي وانا منشغل فقط بشكلها الجميل .. فيبدو ان فتاتي هذه مدللة اكثر من اللازم توفر لها اسرتها كل ماترغب مما جعلها تتعامل مع الأخرين بكبر واستعلاء يبدو ايضا إنها عنيدة تحب فرض ارائها وسيطرتها على من حولها وهذه بالطبع صفات لا احبها في شريكة حياتي .
وبعدحوالي اسبوع جائني صديقي رعد وسألني عن اخباري معها فحكيت له ماحدث فأخذ يضحك وقال جملة واحدة
- لاء بسيطة افتح الميل
فأرسل إليها علي لساني خطابا بإلانجليزية يطلب منها ان تسامحني فيما تظنه تصرف خاطئ مني وان تجعلنا نبدأ صفحة جديدة فأنا احبها واريد ان اكمل معها ..وفي اليوم التالي وجدت رسالة ساخرة منها تخبرني فيها ( إني حلو وبعرف اكتب بالأنجليزي اهو) وتطلب مني ان ارسل لها بالانجليزية حتي ترد علي .. فأرسلت إليها رسالة اقل ماتوصف انها عاصفة وحادة
اخبرتها انني اعرف جيدا ( اني حلو وحلو قوي كمان ) ولست بحاجة لشهادتها لكي اعرف اخبرتها ايضا انني اعرف الأنجليزية قبل ان تجئ هي إلي الدنيا . اخبرتها ايضا انني لي مطلق الحرية ان اتحدث كيف اشاء عربي اوانجليزي وافعل ما اشاء ولا احد يستطيع ان يفرض علي اي شيئ مهما كان وانها إذا ارادت ان تكمل معي يجب ان تعلم انني انا الرجل وهي المرآة فيجب ان تحترمني وتسمع كلامي وان هذه اول واخر مرة تتحدث معي فيها بهذه الطريقة فلن اسمح لها ان تتعدي حدودها معي ثانية
لم تصلني اي رسائل منها بعدها إذ يبدو انها ايقنت انني لست الشخص المناسب لها ووطدت نفسي انا ايضا علي ذلك وان انسى الموضوع كأنه لم يحدث وبالفعل قمت بمسح إيميلها وكل رسائلها المرسلة والمستلمة من عندي
بعد ايام جائني صديقي وسألني عن الأخبار اخبرته بـأنني تركتها فسألني بدهشة لماذا .. فرددت بضيق
- يا عم دي بت خنيقة ويتفات لها بلاد
فضحك وسألني لماذا فحكيت له ماحدث
بعدها بأيام قليلة وجدت مالم اتوقعه وجدت رسالة منها تخبرني بباينات رعد كاملة مع تعليق قصير منها : ( بيانات صديقك كاملة كما اخبرني هو .. مع تحياتي ..سارة)
اتصلت به واخبرته فرد ضاحكا
- معلش انت عارف غيرة الحريم
وعندما طلبت منه ان يفهمني الأمر اخبرني انه منذ أن رأي صورتها لأول مرة في الموقع شعر نحوها بمثل ما شعرت ولكنه بالطبع لم يكن يستطيع ان يظهر في الصورة فهي تخصني ولكن بعد ان اكدت له في المرة الأخيرة انني تركتها ونسيت الأمر كله قرر ان يبدأ معها ولكنه طلب مني ألا تتأثرصداقتنا بهذا الأمر فطمأنته بأن صداقتنا اكبرمن كل شئ ولكني خائف ان تكرر نفس السيناريو معه فضحك وهو يطمئني
- لا صوابعك مش زي بعض
فأنهيت معه متمنيا له ان ينجح فيما فشلت فيه
بعدها بدأت ألاحظ ان صديقي بدأ يتغير فهو دوما عصبي قلق حزين تشعر وكأنه يحمل هم الدنيا فوق رأسه في البداية عندما كنت اسأله عما به كان يقول لا شئ
ولكن بعدها أخبرني ان علاقته معها متوترة دوما وانها دائما تتصرف تصرفات خاطئة وانه عندما طلب منها ان يتقدم رسميا لخطبتها رفضت بحجة انهم لم يأخذا الوقت الكافي ليعرفا بعضهما وعندما سألها ما الوقت الكافي ردت بعدم اكتراث مثلما يستغرق
اخذتني بعدها امور الحياة ولم اري صديقي لفترة ثم اتصلت به فوجدت صوته عاد كما كان ضاحكا متفائلا فسألته عن اخباره مع سارة فرد
- لا ما اناسيبتها
سألته مندهشا
- ليه
رد في ضيق
- ياعم دي بت خنيقة ويتفات لها بلاد
................................
ملحوظة علي الهامش :
اطلب منكم ان تقرأو اهرام الجمعة يوم امس - 2مايو 2008- ص 10
سترون وجها صارخا للفساد الأعلامي والسياسي والديني وستتأكدون بأنفسكم ان في مصرهناك اشخاص اكثر ملكية من الملوك انفسهم

59 comments:

Bella said...

اسلوبك في الحكي شيق جدا وممتع لاقصى درجة

لم استطع ان امنع عيني من الابتعاد عن السطور حتى انتهيت من القصة بالكامل

اسلوبك جميل جدا

ملحوظة على الهامش

ياترى اي مقال تقصد في الاهرام
لقد توقفت عن شراءه واقرأ النسخة الالكترونية اذا كان هناك مايستحق القراءة فياريت تعرفني اي مقال تقصد

تحياتي

سمراء said...

كنت اقرأ ما تكتب بلهفة وللحظة تخيلت ان صديقك هيجيب الديب من ديله هههه بس طلعة اووت
استمتعة كتير بالقرأة
اسلوبك فى سرد الاحداث شيق

تمنياتى لك بالتوفيق والتقدم ومزيد من القصص الناجحة

ملحوظة: انا لا اقرأ الجرائد نهائى

mostafa rayan said...

اهلا بيكي
وطبعا بشكرك علي كلامك الجميل
قصدي الحوار اللي كان مع رفعت السعيد والشيخ يوسف البدري
وذكر الأول ان شباب الفيس بوك مش اكتر من شوية عيال لاسعة وذكر الثاني ان الداعون للأضراب مفسدون في الأرض

Bella said...

ايوة عرفت الحوار الخنيق اللى كاتبه واحد صحفي غريب كده اسلوبه ركيك اسمه عاطف حزين

تقريبا يعني

اعتقد اني عملت نسخة من المقال

وقريت تدوينة عند نوارة نجم لهذا الحوار العبقري

اصل رفعت السعيد خلاص خرف من زمان ومش لاقي وسيلة ارتزاق يتنطع بها الا على حسابنا احنا

حاجة تعل والله

اما سي البدري فده حكاية لوحده

الساحرة said...

للاسف كثير من الشباب

ينخدعوة بالجمال الخارجي

الجمال الحقيقي هو داخلنا وليس في الشكل


وبعدين مواقع زواج ايه من قله البنات يعني

ما البلد مليانه بنات ولاد ناس محترمين

طريقتك في سرد القصه ممتع

تحياتي

mostafa rayan said...

سمراء
ازيك يا قمر منورة الدينا كلها ومنورة المدونة كالعادة بس يا قمر مالراجل اقتحم الموقع وعرض نفسه للأخطار علشانها اهو
تحياتي ليكي ولمرورك الجميل وكلامك دايما بيفرحني ويشجعني ... انتي حد جميل قوي

-بيلا
اهلا بكي مرةاخري طبعا الحوار دة علشان اعتصام يوم عيد ميلاد الريس وطبعا رفعت ويوسف عايزين ياخدوا نصيبهم من كعكة الرضا الحكومي
- دايما بقول ان كل واحد في البلد دي مش بيفكر غير في مصلحته وبس وبيصدروا الخداع والكذب لينا -

- الساحرة
اهلابيكي يا جميلة
مواقع الزواج دي افتكاسة من افتكاسات النت تقدري تقولي سبوبة مش اكتر في صورة خاطبةالكترونية
سعدت بكلامك واحب اشوفك هنا كتير قوي

Gannah said...

حقيقى مش قادرة اقولك ان الحكاية شيقة جدا و من اول سطرين قلت خلاص هنبارك بس الظاهر خيرها فى غيرها الشكل طبعا مهم لو انت عايز تتجوز واحدة جميلة بس مش هو كل حاجة و انا سمعت قصص ناجحة لناس تزوجت عن طريق الانترنت بس الظاهر انها محتاجة خبرة لانك بتعرف عن الشخص مجرد بيانات زى الخاطبة يعنى الحقيقة ممكن تكون شىء تانى فلازم تحط احتمال للفشل زى احتمال النجاح و يا ريت تشوف موقع مجانى و لا موقع يكون ارخص علشان تكون الامور اسهل
ابقى زرنا
تحياتى

FaceMoon said...

هيا دى قصة ولا حقيقة ولا اية بقى
عشان لو حقيقة قولى وانا اخطبلك ست ستها على رأى الناس الكبار
اما بقى لو قصة فهى جميلة جدا وشدتنى جدا وحقيقة جدا لانى اعرف ناس كتير بدور على الجواز والحب من الانترنت ومعظمهم مش بيكونوا جديين بيكون وسيلة للتسلية وخلاص
تحياتى وتقديرى

Anonymous said...

قصة جميلة,
بس خيال ولا حقيقة(ربطك بين الكلمات شيق)
مستحيل أقنع بشغلة الارباط عن طريق النت
كمان بعمري ما نظرت لمواقع بتخص هاد الشان بصورة جدية
يعني كله تسلاية بتسلاية,وناااادر ما يكون في جدية بالمواضيع

الدرعمي said...

جمييييييييييييييلٌ أسلوبُك

مع إنك الموضوع طويل بس قريته حرف حرف وبعض الفقرات قريتها مرتين

موهبة بقى هنقول إيه

بس

بلييييييييييييز

اسمح لي أعترض يا صاحبي

أنا بحب البنت العنيدة

بس لو كنت أقوى منها في القدرة على إقناعها بما أريد أنا

يعني تعاند براحتها طالما أنا قادر على ترويضها

ممكن أنفذ كلامها بس لو كان صح

البنت المتكبرة أحسن عندي من المدلوقة زي الجردل لا مؤاخذة

واللي عنده دم أحسن من اللي معندوش

يعني مكنتش عايزها تتعصب لما تعرف إنك دخلت على جهازها وهكّرت معاها

وحتى لو معاندتكش ولا اتكبرت ولا طلعت خنيقة
مينفعش تروح تخطب واحدة لقيتها على موقع زواج صورتها عجبتك

ولا إيه صديقي


مع تحياتي


آدم

mostafa rayan said...

جنى
منورة وطبعا الجمال مهم ولكنه ليس كل شئ وبالنسبة لمواقع الزواج علي مااعتقد كلها بفلوس يعني الهكر هو الحل الوحيد

- فاسمون
مش عارف اقولك قد ايه زيارتك وكلامك ليا بيفرحني انتي انسانة جميلة قوي وصاحبة صاحبها بجد يابخت صحابك الواقعيين بيكي

- ايناس
منورة وبفرح قوي بزيارتك واحب اشوفك دايما .. دومت بكل الخير

ادم
ازيك يا صاحبي
وطبعا مش محتاج اقولك نورت وشرفت لأن ماحدش بيرحب بحد في بيته ودة بيتك انت قبل ما يكون بيتي
بص بقي يا معلم واضح ان صاحبتنا كانت واخدة الموضوع لعب بدليل انها حطت ايميل في الموقع وهي مش بتدخل عليه فماكانش حل غير حل الهكر دة وكمان هي خنقت الراجل التاني لحد ماطفش بردة
اما بالنسبة ليا انا شخصيا فمش بقتنع بجواز النت دة
تحياتي ليك يا صاحبي

Unknown said...

ياااااااااااااخبر
شدتنى بشكل كبير على فكرة
اسلوبك فى السرد رائع
بس عارف النظرة الاولى والانبهار بالشكل ممكن يؤدى لعواقب اكثر من الخنقة بكتير



كل الاحترام

nana said...

حكاية جميلة جدا

في انتظار حكاياتك الشيقة

klmat said...

ماشاء الله عليك ماكتبت ابداع
فعلا لأن اللى يبدأ فى قرأه اول
حرف بيقرأ بسرعه علشان يعرف حصل ايه. اسلوبك مشوق وجميل جدا

الشكل مهم لكنه مش كل حاجه ودى حقيقه جمال العقل والروح هو اللى بيحافظ على دوام الحب
تمنياتى لك بعروسه جميله ومتوافقه معاك

اما عن وصف شباب الفيس بوك بانه شباب لاسع فلا يليق ابدا .يعنى الشباب محروم من ممارسه حقه فى التعبير فى الجامعه ووضع
الاحزاب معروف .عبر بالطريقه المتاحه
فى الحقيقه اللى لسع حد تانى
خالص تحياتى وتقديرى
عميق تحياتى

Empress appy said...

اسلوبك حلو قوى
بس ليه الجرايد انا مش بحبها خالص عاااااااا بتجيب ليه الضغط وهما نوعين بمبى قوى وسوده طيب لما تشوف اللونين دول جنب بعض يحصل لك ايه

رحــــيـل said...

ايه ده تصدق كل اللى اسمهم ساره خنقين كده
حاجه ايه وحشه بجد

بس انت فعلا اسلوبك حلو قوى قصه جميله فعلا
ادى الرجاله ياسيدى اول حاجه تشد انتباهم شكل البنت

وتلاقيها فى الاخر اساسا مكنتش صورتها

تحياتى لك

عـــفـــراء said...

السلام عليكم

فعلا زى ماكتير قال اسلوبك شيق جدا لدرجة انى حسيت انة سناريو لفيلم عربى
اصلى بجد مش متخيلة بس معلش احنا فى زمن العجايب يعنى اى شئ جائز التوقع

جميل جدا ان تكون صادق وصريح والاجمل ان تواجه مهما كانت العقابات
ولكن عجبت "صداقة وحب" على الرغم اننى لما اجدهما فى حوراك
تمنياتى لك بكل ماهو افضل من ذاك

دكتور بهــدوء said...

الحكايه اد كده ممتعه وشيقه بس
انا كليا وجزئيا رافض الزواج م المواقع ع الانتر نت

mostafa rayan said...

نهر الحب
منورة وانا فرحان قوي زيارتك وبكلامك
واحب اشوفك هنا دايما

- نانا
اشكرك علي كلماتك وانك شايفة ان القصة شيقة ويارب اقدر اكتب قصص احلي وتعجبك اكتر واكتر

- كلمات
اسعدتني زيارتك وكلماتك وانا طبعا ان جمال الشكل لا يدوم وانه ليس كل شيئ
وان العقل والروح هما اللى بيحافظوا على دوام الحب

appy
عايز اقولك ان لوكانت اقصة جميلة والأسلوب حلو فالبتأكيد انك انتي الأحلي
نورتيني يا قمر

- رحيل
منورة يا قمر وانا فرحان ان القصة عجبتك وانك شايفاها مشوقة وشايفة ان يبكتب بأسلوب حلو بجد
وعلى رأيك تلاقيها كانت صورة حد تاني مش هي وكانت صورتها بعد اجراء عمليات التجميل انتي عارفةالفوتوشوب دلوقتي مش مخلي
احب لشوفك هنا علي طول

- عفراء
نورتيني وانا سعيد بزيارتك

mostafa rayan said...

- دكتور بهدوء
نورت يا صاحبي وفرحان ان الحكاية عاجبتك وانك شايفها شيقة
وانا شخصيا بردة مش بقتنع بحوار النت دة

شهرزاد said...

قصة ممتعة
واسلوب جريء وجميل

يا ريت بس ما تكونش انت وصاحبك اتعقدتوا من البنات..
لأن مش كل أصابيعك زي بعض
ومش كل البنات زي بعض

تحياتي لك وإلى الأمام
أسلوبك شيق وممتع

شهرزاد

بنات صاحبة الجلالة said...

هههههههههههههههههههههه بجد عجبتني جدا بس انا توقعت في النهاية حاجة تانية انك تكون قابلتها طلعت غير الصورة خالص فعلا للاسف اي شاب دلوقتي اول حاجة بيبص عليها شكلها وكان الجمال هذا سيدوم الجمال جمال الروح والاخلاق وكيفية تربية ابنائها على الاسلام ناس كتيرة بنتخدع بالشكل بس انا كان نفسي تقابلها يامصطفي تقولي شكلها اية سارة الخنيقة اللي يتفات لها بلاد

بجد يامصطفي هايل ضحكت من قلبي بجد

تسلم ايديك ياباشا في انتظار جديدك دايما
طبعا بما ان البيت اصبح بيتنا هتلاقينا هنا كل شوي

استراحة محمد said...

اولا صاحب بطل القصة غلطان انه رضى يكلمها بعد صاحبه
ثانيا بطل القصة غلطان انه سامحه واعتبر الموضوع عادى ، لأنه مش عادى
ثالثا البنت اللى تعمل كل اللى حصل فى القصة دى ، تبقى بت خنيقة فعلا
******
دايما عندك حاجة فى مواضيعك يا درش ، تحياتى ليك

mostafa rayan said...

شهرذاد
نورتنين وشرفتيني وانا بجد فرحان ان القصةعجبتك وانك اتشديتي ليها
وانامعاكي طبعا ان صوابعنامش زي بعض
واحب اطمنك ان انا وصاحبي ماتعقدناش من البنات ولا حاجة دة انا حتي دايما بقوله ان البنات دول احلي حاجة في الدنيا واحنا مانقدرش نعيش من غيرهم يقولي والله عندك حق يا درش
نورتيني ياقمر

- بنات صاحبةالجلالة
نورتيني يا قمر وطبعاالبيت بيتك وانت تيجي في اي وقت
بصي لوانا قدرت اوصل بيكي لشيئ غير متوقع يبقي انا كدةنجت لأن الكاتب الأصيل هو الدي يستطيع ان يصل بقارئه لأخر حدود الغير متوقع
وطبعا متفق معاكي ان الجمال الحقيقي هو جمال الروح والأخلاق وان نربي اولادناعلي الإسلام
وطبعا فرحان قوي اني قدرت ارسم بسمة علي وجهك في وقت الضحك فيه بقي صعب قوي وصدقيني الكلمة دي كفاية قوي عندي اما بخصوص شكلها فالبت فعلا زي القمر
نورتيني وفرحتيني

استراحة محمد
شرفت يا صاحبي واحب احييك علي الموضوعات الجامدة اللي انت بتتطرحها في مدونتك
بص هو طبعا صاحب البطل غلطان لأنه ماتعلمش من صاحبه بس انت اكيد عارف عشق الأنسان للتجربة الشخصية وشغفه انه يجرب حظه
اما البطل سامحه لأن الصداقة اكبر من كل شيء ولأن لما انا يكون معايا لقمة واسيبها ويجي حد بعدي ياخدها المفروض مازعلش لأن انا اللي سيبتها بمزاجي
اما بقي بخصوص انها بت خنيقة فهي فعلا خنيقة ... خنيقة قوي كمان ومتناقضة مع نفسها واضح انها من الأصل كانت داخلة علشان تتسلى مش اكتر
شرفت ونورت يا صاحبي

ياأبت...إني رأيت said...

مدونتك جميلة يا مصطفي
وشكرا علي زيارتك لمدونتي المتوضعة
انت قلت لي في المدونة ممكن تشيل الكلمة من التعليقات
انا اسف انا مش فاهم قاصدك ممكن توضح ليتقصد ايه
وشكرا لك

مصطفى عثمان said...

مصطفى باشا
قرأت مدونتك بالصدفه
اهم ما تتميز به هو البساطه في الاسلوب
رغم التطويل في الاحداث بعض الاحيان
و تباطئ انهاء القصه
زادت شويه
لكن اسلوبك جمله سهله
يوصل بسرعه للقارئ
شكراااااااا

mostafa rayan said...

- يا ابت اني رايت
سعيد جدا بمرورك وان المدونة عاجبتك
انا قصدي من تأكيد الكلمة الصندوق اللي بيكون فيه حروف انجليزي دة عند صندوق التعليقات ولازم تكتبه علشان تقدر تنشر التعليق هو احيان كتير بيخنق انك تكتبي التعليق عربي وبعدين تحولي انجليزي علشان تكتبي الحروف وبعدين ممكن تتطلع غلط ولا مش واضحة فتضطري تعيدي الكتابة تاني
متهيألي حذفه بيسهل الأمرشوية علي القارئ وعلي المدونلما يجي يرد علي التعليقات
تحياتي ليك

- مصطفي عثمان
انتاول حد يعلق عندي ويكون اسمه زي منور يا درش
وانا معاك في رأيك دة ساعات بحس بردة ان الموضوع زاد حبتين رغم ان الأصل في القصة القصيرة التكثيف والأختصار لكن احيانا تدفق الافكار لا يجعلك تستطيع التحكم في امر التطويل هذا لأنك بتكون مركز في افكارك قوي ومش عايز حاجةتانية تشوشرعليك
اوعدك اني هخلي بالي في المرات القادمة
مبسوط قوي بمرورك واعجابك ونصيحتك

Samar Ali said...

طريقتك في الحكي تشد

Unknown said...

السلام عليكم اولا
بجد شرفتني في مدونتي يانجم
وزيارتك اسعدتني

بالنسبه للموضوع ده انت بجد انت وصاحبك ممكن ترتبطوا بالطريقه دي
انا مش ضد الارتباط عن طريق النت لكن ضد البنات اللي هم عرض كده للجواز لحم رخيص يعني

سامحني وسامح صراحتي بس اختلف معاك في دي
ممكن تتعرف علي بنت مؤدبه وترتبط بيها علي من النت بعد ماتعرفوا كل حاجه عن بعض
لكن كده ماعتقدش

لكن بغض النظر عن القصه انت اسلوبك حلو اوي
وبجد ممتع ربنا يوفقك


برقش

mostafa rayan said...

سمر المنوفي
اشكرك دي شهادة اعتز بيها

برقش
منور يا نجم
ومبسوط انك شايف اسلوبي حلو قوي وممتع
لكن عايز اقولك دى مجرد قصة قصيرة
وانت لوقرأت تعليقاتي هتلاقيني قولت
ان انا شخصيا مش مقتنع بحوار جواز النت دة
بجد نورتني واحب اشوفك هنا كتير

ليكوريكا said...

بجد يا مصطفي اسلوبك جميل جدا

وبتجيد تفصيل الاحداث بحيث تجبر اللي قدامك انه يوصل للنهايه من غير ميحس بملل ابدا

بقيت مدمن وجودي هنا وقراية مواضيعك الجميله

منتظرين منك المزيد ... واتمني التواصل دائما :)

mohamed said...

merciiiiiiii على تعلايأك.أسلوبك جميل أوي عشان تحكي حاجه بتخللي اي حد عايز يأره

أنا حر said...

طلبتم من الانترنت ان يخدعكم وبالفعل قد تم ذلك سافر بكم بعيدا مبتعدا عن ارض الواقع ليصدمكم في النهاية بواقع بعيدا عن الاحلام والامنيات
قصة شيقة
تحياتي

mostafa rayan said...

- ليكوريكا
منور يا جميل واحب احييك علي تدوينة النشرة الليكوريكية انا ضحكت من قلبي بجد وبالنسبة لموضوع ادمانك دخول المدونة عندي فأنا اتمني لك المزيد والمزيد من الأدمان
نورت ياصاحبي


- cenotaph
منور يا قمر وانا اللي بشكرك علي كلماتك دي

- انا حر
عندك حق كثيرا ما يخدع الانترنت واطءنك اننا استوعبنا الدرس تماما
واشكرك علي اطرائك
واذكرك بانك نورت المدونة واني باسعد بيك وبكل كلامك ليا

zOzO said...
This comment has been removed by the author.
zOzO said...

البوست حلو
بجد تسلم ايديك

عندك حق فعلا
تعرف ان علي الشات
ممكن نكون اصحاب
اوكي
بعد شويه انا معجب بيكي
ممكن نرتبط
وتلاقيهم هما الاتنين بيوصوفوا نفسهم كانهم ايه بقي
نانسي عجرم

بجد انا من علي الشات يمكن اكتر من مره ومن اول كلام
انا مرتاح ليكي ومعجب
ممكن نرتبط
ولما يعرف اني ملتزمه يقول ادخلها ازاي
يقولي طب ما انا هاجي وهخطبك

لكن بالنسبه لمواقع الجواز فانا مش باخد بالي منها اوي مش مهتمه بيها اوي
لكن هي مليانه في اي موقع تقريبا
ربنا يهدي
بس تعرف في ناس برده بياخدوا بالجمال الظاهري
والفلوس برده

تحياتي ليك في اول زياره ومش هتكون الاخيره
بس لو هقصر شويه الايام الجايه عشان الامتحانات

عارفه انا طولت عليك اوي
سوري بقي
بعوض الايام الجايه
سلام

خمسة فضفضة said...

السلام عليكم ورحمة الله وبركاته

جميل جدا اسلوبك في السرد ، بصراحه فضلت الهس وراء الكلمات حتي وصلت الي نهايتها

جميله جدا ، وكمان الساله اللي ورا الكلمات مهمه اوي

فالازم ماننخدعش بالمظهر واهم حاجه هي الجوهر والطباع والشخصيه
-------
بالنسبة للاهرام بطلت اشتريه من زمااااان بعد ما كنت مواظبه عليه كل جمعه بس خلاص زهقت

والحوار قريته عند نواره ومش لاقيه حاجه اقولها عني الناس دي الا انها ناس باغت ضمايرها من زمان عشان المناصب وحب الشهره حسبنا الله ونعم الوكيل


سلام

walaa said...

فعلا غندك حق
معظم الشباب بينبهروا وراء الجمال وبيتركوا الجوهر
مما ادى الى ارتفاع نسبة الطلاق فى المجتمع
يارب يكونوا اتعلمو الدرس ولما يفكروا فى الزواج يفكروا على اساس التربيه والجوهر
حته على جنب هو فى ايه فى الحرنال
تحياتى ولاء

mostafa rayan said...

- زوزو
منورة يا قمر ومبسوطان القصة عجبتك
وانتي براحتك تتتطولي زي مانتي عايزة ماحدش يقدر يقولك حاجة
وربنا يوفقك في امتحناتك وتجيبي اعلي تقدير

- خمسة فضفضة
منورة يا دكتورة وانا فرحان قوي بكلامك دة وبوصفك انك كنتي بتلهثي وراء السطور كلامك دة وسام علي صدري افتخر بيه
اما بالنسبة الأهرام ورفعت السعيد ويوسف البدري فدة اوجه متعددة لعملةواحدة اسمها الفساد وخراب الذمم
اخيرا ... بجد بفرح قوي بمرورك واحب اشوفك دايما عندي

- ولاء
فرحان بزيارتك قوي واكيد هما اخدوا درس لا ينسى من الموقف دة
بالنسبة للأهرام فدة كان تحقيق في صفحة كاملة قال فيه رفعت السعيد ان شباب الفيس بوك شوية عيال لاسعة ويوسف البدري قال ان الداعون للأضراب مفسدون في الأرض وان هذا الأضراب السلمي يسمي في الأسلام خروج سلمي علي الحاكم وهو ضد الأسلام وضد الشريعة
وطبعا دة زي ماقولتلكوا ان التحقيق كله مش اكتر من اظهار وجه فج وقبيح للفساد الأعلامي والسياسي والديني
ولكن ما يدهش هو موقف الشيخ يوسف وكلماته هذه ولكن يبدوا انه هو الأخر يقدم قربان التقرب للحاكم ولكن مافاته شئ واحد كثير ما وعظ به هو جمهوره ان الدنيا منفاته والأخرة خير وابقي ولكن يبدو انه هو وامثاله اخر من يطبقون اقوالهم
ربنا يحفظنا من شرهم
نورتيني وشرفتيني يا ولاء

تايه في وسط البلد said...

مش عارف اكتب ايه ؟
كل اللي كنت عاوز اقوله اتقال
عموما احنا مع بعض

وبخصوص رفعت السعيد
لسه ما كانتشي تدوينتي بردت لما قال الكلام ده

بالتوفيق

dramaqueen said...

اسلوبك حلو اوى فى الحكى
ومدزنتك بشكل عام رائعة وفى تعبير عايزة اقوله بس مش لاقية بس معناه انها مش تافهة او مش كلام فاضى والسلام لا كله كلام جميل وفى افكار
على فكرة اجاباتك على التاج حلوة جدا وعرفتنى بيك اكتر وخلتنى احترمك اوى
زيارتك لمدونتى اسعدتنى ويارب مش تكون الاخيرة
واكيد هازور مدونتك تانى لانها بجد جميلة
تحياتى لقلمك وفكرك

ghoneem said...

اهلاً بيك

انا اتشرفت بزيارة مدونتك القيمة
في مواضيع كتير عجبتني

عجبني جدا صرخة امرأة عاشقة
بوست متميز وفيه تأثير حلو

بس البوست بتاع سارة الخنيقة ده بصراحة مش عجبني
اسلوبك في الكتابة متميز وطريقة السرد بالرغم انك طولت بس الواحد محسش بملل
لكن الموضوع اصلاً مش حلو من وجهة نظري طبعاً
كلمة زي جسد ليس به أي غلطة مش حلوة
وبالذات اني حسيت انه واقع مش هزار

يعني انت عارف اكتر مني طبعاً ان العلاقات اللي بتعتمد علي الشكل بتيقي فشنك ولازم تبقي سارة ف النهاية خنيقة

انا بحييك علي اسلوبك وآسف اذا كانت وجهة نظري مخالفة ليك بس طبعاً انت قلبك كبير واحنا ضيوف عندك يعني نتكلم براحتنا

أشكر ليك مرورك واتمني دوام الزيارة

تحياتي

بالتوفيق........

alshared said...

كالخيال
كانت أصل الجمال
وروح الحياه
ولأجلها تعلمت القتال

ولكن
وأه من لكن
كانت تملك أسوء الطباع
تسكن في قصر عاجي وتراني من الرعاع
تدفعني دفعا الي هاوية الضياع

لم تعلم من أنا
لم تعلم أنني عزيز
لم تقدر صدق الحديث


حكايه رائعه
وأسلوب متميز للغايه
أرقي ما فيه البساطه

خالص تحياتي

mostafa rayan said...

-dramaqueen
انا بشكرك علي كلامك الحلو دة وانك شايفة ان المدونة وصاحبهاعايزنين يقولو حاجة وطبعا فرحان انك حبيتي المدونة وناوية تكرري الزيارات تاني فالمدونة لا تزدان إلا بقرائها وبارائهم
مدونتك بجد وتستحق الزيارة
تحياتي ليكي

ghoneem
منور يا باشا وانا سعيد جدا بزيارتك ورايك
انت ماغلطش علشان تعتذر دة رأيك ومن حقك تقولوا وانا لازم اسمعه واستوعبه واتعلم منه ودة الهدف الأساسي من انشاء المدونة
لكن عايز اقولك انك لما بتيجي تكتب قصة بتنفصل عن شخصيتك انت وبتبقي انت اشخاص القصة بتتكلم بلسانهم وبتعبر عن اراهم كلمة ( جسد ليس بعع غلطة ) مش انا مش مصطفي اللي قايلهادة بطل الصة هو اللي قايلها
لكن انا شخصيا كمصطفي مقتنع تمام الاقتناع بعدم صدق مواقع النت وان دة حوار فاشل من اساسه وان الغلاقات التي تبني علي الجسد كثيرا ما تفشل فالجمال جمال الجوهر والاخلاق والمشاعر وليس جمال الجسد فالجمال الخارجي يذهب بعد مرور الوقت ولكن يبقي الجمال الداخلي مع الأنسان طوال عمره
سعيد جدا بزيارتك وبأرائك وباكدلك تاني اتكلم براحتك وقلي رأيك بكل صراحة وانا اعدك اني سأسمعه وافكر فيه

- alshared
اجمل ما في هذه القصةانها اخرجت لنا هذه المقطوعة الشعرية الجميلة فرحان قوي بزيارتك ومستني اشعارك القادمة
تحياتي لك

Desert cat said...

اسلوب سلسل وشيق فى طريقه السرد
وللاسف النت مليان من نفس عينة سارة وفى الاخر اله اعلم بيهم بيكونوا مين او منين
او هدفهم ايه اساسا من دخلو النت
بالنسبة للملكية فمصر فيها اغنى اغنياء العالم واسمهم موجود فى القائمة
تحياتى

mostafa rayan said...

تايه في وسط البلد
منور يا صاحبي
وانت ياعم تقول كل اللي في قلبك حتي لو كان اتقال لأن دة بيتك وماحدش بيحاسب حد علي الكلام في بيته
ويارب يديم الحب بيننا ونفضل مع بعض
وبالنسبة لرفعت ويوسف فزي ماقولت دول وجهين صارخين وفجين لعلمة قبيحة
اسمها الفساد

Desert cat-
منورة يا قمر وسعيد انك شايفة ان الأسلوب مشوق وسلس
ربنا يقدرني واكتب قصص احلي وتعجبك اكتر
سعيد بزيارتك
وتحياتي وسلامي ليكي

Hanan Said said...

بجد المدونه اكثر من رائعه
والقصه فعلا جميله جدااااا
وفعلا ليك حق تسمي المدونه ابداعات شاب
ونورت مدونتي
وخلاص عملت الي طلبته عشان اسهل التعليق

rtrcbh said...

السلام عليكم
جزاكم الله خيرا اخى الكريم على هذه القصه لرائعه بحق والتى بها الكثير من العبر لكل من بارض الاحلام
أسال الله عز وجل ان ينفعنا دائما بتجارب غيرنا
وفقكم الله اخى الكريم وجزيتمم عنا خيرا اسلوبك فى الكتابه رائع وهذه اول زياره لى لمدونتك الرائعه
وفقكم الله والسلام عليكم
د/أحمد دجمال

mostafa rayan said...

- نانو
اهلابيكي يا قمر
سعيد جدا بزيارتك وان القصةعاجبتك واتمني انك تعتبري ان هنا مكانك وبيتك
وتيجي تزرريني كتير قوي
تحياتي ليكي

د. احمد جمال
اهلابك يااخي الفاضل هذه اول زيارة وان شاء الله لن تكون الاخيرة
كلماتك هذه يااخي اكبر مني بكثير ولو انك رأيت ان في هذه القصة عبرة اكونانا قد وصلت لمنتهي املي من الكتابة فما اجمل ان يستمتع الناس بفنك ويستفيدو ويعتبروا منه
اخي كلماتك وسام علي صدري اعتز به
سعدت جدا بزيارتك واسأل الله ان يديم الحب والتواصل فيما بيننا

كلام على بلاطة said...

ايوة يا شاب
انت فى سارة ولا فى الاهرام
ركز شويه فى سارة علشان تفوز بيها وتجمع ال100دولار اشتراك باب الزواج
وبعدين اقرأ الاهرام والجمهورية واخر ساعة ....ولا بتتسلى على ما تجمع ال100دولار
وكل دولار وانت طيب

Rania Lelah said...

سلم قلمك عزيزى

Unknown said...

علشان كده مسمى نفسك
شاب ثائر
ومتحمس ومتسرع دى من عندى كيف تحب صورة

الحب مشاعر واحاسيس وتوافق ولايكون من وراء جهاز او شاشة ممكن تسميه اعجاب بصورة لا اكثر اما الحب فسوف ياتى ان شاء الله عندما يحين الوقت لذلك وتقابل من يدب قلبك لرؤيتها على الطبيعة وليس من وراء الشاشة ..سعيد بزيارتى هذه واتمنى ان نتواصل دائما
شكرا لك ابداعك ولن اضيف اكثر مما قاله من سبقنى اسلوبك فى السرد شيق جدا

mostafa rayan said...

- على بلاطة
منور وانا سعيد بزيارتك

- رانيا
دمت بكل الخير يا عزيزتي وشكرا لأطرائك دة

أ- محمد حسن توفيق
اشكرلك زيارتك واعجابك بطريقةالسرد وانك تراها شيقة
وبالطبع انا كمصطفي متفق معك تماما بأن الحب مشاعر واحاسيس وتوافق ولايكون من وراء شاشة
اللي اتسرع مش انا دة بطل القصة وصاحبه وبعد كدة اتأكدوا انهم بالفعل اتسرعو
انت تعرف يا عزيزي ان التجربة خير معلم
سعيد جدا بزيارتك
وتقبل تحياتي وسلامي

رحاله said...

هى فعلا ابداعات شاب ثائر
تقبل تحياتى

mostafa rayan said...

رحالة
اشكرك لزيارتك وتعليقك ويارب دايما تفضلالزياراتدائمةومتصلة
دمت بكل الخير ياعزيزتي

مشمش said...

معلش خدت الشر وراحت

mostafa rayan said...

مشمش
مانا قولت كدة بردة
تحياتي ليكي يا قمر

سارة البحر said...

كنت بتفرج على عناوين قصصك لقيت العنوان ده لفت نظري اوي
ساره الخنيقه ههههههههههههههههههههه يارب بس ما اكونش خنيقه انا كمان ههههههههههههههه
لا بجد منغير هزار القصه جميله اوي واسلوبك في القصص بيشد جدا
مكنتش قادره ارفع عين لحد ما وصلت لنهايتها
بس بجد تحفه اوي يا مصطفى
تحياتي الخالصه ليك

mostafa rayan said...

سارة البحر
منورةيا قمر وانا بجد فرحان قوي ان القصة عاجبتك وانتي طبعا زي العسل مش خنيقة ابدا وإذا كنت بتحبي القصص في هنا قصص تانية زي حدث في اجازة زواج والحل الامثل والحياةالسرية لنجلاء السيد وجلسات المزاج وقصص تانية ممكن تقلبي فيهم لوعندك وقت
بجد ياسارة كلامك ليا دة انا فرحان بيه قوي
دمت بكل الخير يا سارتي الجميلة