Monday, May 25, 2009

اعترافات رئيس سابق ... نورت الدنيا يا كبير







الحمد لله الذي بنعمته تتم الصالحات





اخيرا وبعد طول صبر وانتظار صدرت مجموعتى القصصية


( اعترافات رئيس سابق ) بالتعاون مع دار اكتب

الحلم يا جماعة اخيرا اتحقق وبقي مسموح للجمهور انه يتعرف على الرئيس السابق ويقرأ اعترفاته


اخيرا يا جماعة تعديت مرحلة الكتابة على الانترنت وبقيت كاتب معترف به في دنيا الادب الرسمية ليا كتاب في السوق والناس بتقراءه حتى لو اصلا ماكانوش بيدخلو على النت


المجموعة تضم 19 قصة قصيرة ينتمى معظمها للادب الساخر والفانتزيا وهي قصص :

هناك فرق – ناسيا العالم من حولي – الحل الامثل – فيلم الموسم – جلسات


المزاج - بث مباشر من حياة شاب معاصر - الذي حدث في مساء ذلك اليوم –


زوجة بنت اصول - سارة الخنيقة – مظاهر خداعة – صديقة من لبنان – حدث في سيتى ستارز - قرار هدير –


اعلان في اهرام الجمعة – طلاق شهادة دكتوراة – الحياة السرية لنجلاءالسيد – اغنية وردة بيضاء


ومسك الختام اعترافت رئيس سابق


تتميز المجموعة بعصرية الموضوعات حيث تناقش اهم القضايا والمشكلات التى نعشيها في حياتنا اليومية مثل البطالة ورتفاع سن الزواج ومواقع الانترنت والمدونات وتأثيرها على حياتنا قصة ( قرار هدير )

انا اول واحد يكتب قصة في الموضوع دة وبقول الكلام دة بس للتاريخ

والمناغشات الزوجية التى تحدث في كل يوم ، والمولات التى اصبحت واقعا ملموسا في حياتنا وتأثيرها على ثقافتنا ، ايضا محاولة استخدام الحيوانات فى الحكي والسرد ( الذي حدث في مساء ذلك اليوم ) حيث البطلة قطة


وظاهرة الدروس الحصوصية ومحاولة التجديد في شكل السرد والحكي القصصي وذلك من خلاله مزجه بالسيناريو السينمائى قصة ( فيلم الموسم )


وايضا القصة الرومانسية التي طلبتم منى كثيرا ان اكتبها وكل ذلك من خلال اسلوب شيق بسيط يدخل القلب من اول وهلة وبلا حدود او حواجز


وطبعا ياجماعة انتو لكم دور كبير في الكتاب دة و انا قلته قبل كدة ومافيش مانع اقوله تانى


- طبعا تقرؤ الكتاب وتقولو رأيكم عنه


- حضور حفلة التوقيع لان انا اخوكم ولأنها هتكون حفلتكم قبل ماتكون حفلتى


- الدعاية المكثفة للكتاب من خلال وضع البانر في مدوناتكم والحديث عنه في بوست منفصل من خلال المدونات وجروبات الفيس بوك


- ارسال رسالة لأصدقاكم من خلال الماسنجر والفيس بوك



- الاشتراك في جروب المجموعة على الفيس بوك وارسال دعوة للاصدقائكم للاشتراك



- الدعاية الفردية ودي اهم نقطة عايزكم يا جماعة تتكلمو عن الكتاب مع اهلكم واصدقائكم وفي كل مكان تكون وموجودين فيه

- كمان لو حد بيشتغل معد برامج او صحفي في جرنال او موقع الكترونى او عارف
واحد معد برامج او بيكتب في موقع او جرنال يكلمه او يبعتلى ايميله وتليفونه وانا اكلمه لأن الاعلام دلوقت بقي مهم جدا في الدعاية للكتب وياما طتب كتير ضعيفة المستوى نجحت لأن اتعملها دعاية مكثفة والعكس ياما كتب جميلة وممتعة ماحدش سمع عنها لأن ماحدش اتكلم عنها ولا عرف الناس بيها


- ولو اي حد عنده اي اقتراح تانى يقولى عليه انا عايزكم يا جدماعة تفننو ازاي نعمل احلى دعاية للمجموعة


حاجة اخيرة عايز اقولها ان انتو احد اسباب ظهور الكتاب لأن تشجعكو ليا خلانى اتحمس للكتاب واصبر على العذاب والشقى اللي شوفته علشان الكتاب يطلع


وبهذه المناسبة عايز اشكر كل من ساهم وساعد في ظهور الكتاب


- والله سبحانه وتعالى اللي اعطانى الموهبة وكان كريما معي في رزقي منها


واللي اعطانى الصبر والتحمل على دور النشر والناشرين وتحمل الصدمات الكثيرة التى جائت منهم ( والصبر اكثر على الذين لا يفهمون )


- ابي رحمه الله اللي توفى من 9 سنين لكنه ساعد بشكل مباشر في ظهووره


- امى اللي حببتنى في القراءة من ايام ماكنت طفل صغير بقرأ قصص الاطفال اللي بتجبهالى وبعدها اقعد اعيد صياغتها بطريقتى انا


- اصدقائي الكتاب اللي تمتلىء بهم حجرتي والتى لن يتسع المقال هنا لذكرهم


- حجرتى العزيزة اللي شهدت جلسات الكتابة


- مكتبي والكمبيوتر والكي بورد اللي طلع عينها معايا صراحة


- نظارتي العزيزة اللي ساعدتني كتير وعملت معايا الواجب واكتر


- الماج الاصفر اللي مرسوم عليه الفراشة اللي شهد كميات كبيرة جدا من الشاي


والنساكفيه والكابتشينو وغيرها اثناء الكتابة على الورق والكمبيوتر والتعديل

والاسال لدور النشر المختلفة والذي رحل منذ ايام قليلة بعد ان شعر ان مهمته قد انتهت معى – بهذه المناسبة ادعوكم للوقوف 5 ساعات حدادا على روح

الفقيد الغالى -


واخيرا اماكن توزيعه الكتاب
عمر بوك ستورز - 15 ش طلعت حرب – أعلى مطعم فلفله – 0103361217

مكتبة البلد - 31 ش محمد محمود . التحرير . أمام الجامعة الأمريكية - 27922768

نون للنشر والتوزيع – 12117 ش السد العالي . ميدان فيني . الدقي - 37601041

مكتبه ليلى – 17 شارع جواد حسنى من شارع قصر النيل – 23934402

مكتبة آفاق – 75شارع القصر . أمام دار الحكمة -279538


وقريبا بمكتبة ديوان ومدبولى والشروق في القاهرةوالمحافظ


وفروع دار اكتب في المحافظات :


1- الاسكندرية
سان ستيفانو مول

تليفون: 4690370/03- 1633685/010

معرض الكتاب السكندري
:
شارع صفية زغلول – امام ماكدونالدز – محطة الرمل
( 2 )
مكتبة سونة بمحطة الرمل :
أ. سونة
العنوان : صينية محطة الرمل بجوار فيشار جوجو0124609082ت

( 3 )
مكتبة روايات الشباب
أ.محمد قطب

رقم 67 ش مسلم بن الوليد - الموازى لمصطفى كامل – محطة قطار السوق

ت: 0121731008 ، 5759865


( 5 )
مكتبة أمير
:
خلف سينما أمير – محطة الرمل

- 3
المنصورة

بوكس اند بينز – المنصورة : ش جزيرة الورد أمام نادى الجزيرة – 2242285/050

4
- بورسعيد
مكتبة درغام - ش صفية زغلول - بجوار فندق انتركونتننتال - 0113699903


5-
طنطا

المكتبة القومية

مكتبة العز خلف سينما مصر

مكتبة الصحافة بشارع أبو فريخة


والان يمكنكم ان تقرؤ فصة حدث في سيتى ستارز على هذا اللينك


http://www.facebook.com/inbox/?ref=mb#/inbox/readmessage.php?t=1185615119646&mbox_pos=


واخيرا اتمنى ان يعجبكم الكتاب وفى انتظار رأيكم عنه

46 comments:

د. ياسر عمر عبد الفتاح said...

الف مبروك يا مصطفي
إنت تستاهل أكثر من كده
وأول الغيث .. كتاب إن شاء الله

Kiara said...

الف الف الف الف مبرووووووووووووووووووووك

Kiara said...

عااااااااااااااااااااا

موش لحقت اول تعليق

Kiara said...

هقرا اكتاب وهقول رايي

ومبسوطه اوي بعرفانك بجميل كل اللي ساعدوك

انت حد ابيض من جواه

ربنا يوفقك ياابن منطقتىىىىىىىىىىىىىى

mostafa rayan said...

د. ياسر
الله يكرمك ويعزك يا اخيى
ويارب الكتاب يعجبك

- كيارا
بنت منطقتييييييييييييييييي
الله يكرمك ياجميلة
ويارب الكتاب يعجبك
ويا ستى ماتزعليش ان شاء الله بكرة اخبار الرئيس السابق هتملى المدونة
وهتتلحقى اول تعليق
ثم مين اللي قال انك مش الاولى
انتى الاولى مقرر
تحياتى ليكي يا منى يا بنت منطقتىىىىىىىىىىىى

Adam said...

مبروك يا مصطفي بجد انت اكيد تستاهل كل خير الف الف مبروك

عقبالي يارب ما احقق انا كمان حلمي في كتابي يارب

تحياتي

ادم

Kiara said...

ايوان ايوان انا الاولي هيييييييييييييييييييييييييييييييييييييه

وحدد بقي معاد حفل التوقيع عشان نظبط الدنياااااااااااااااااااااااااااا

mostafa rayan said...

ادم
اله يبارك فيك وعقبالك اتنت كمان ياعم بس لبقي قولى قبل ماتاخد الخطوة دي

كيارا
بنت منطقتى
ان شاء الله حفلة التوقع هتكون على نص 7 يكون الكتاب ثبت رجله شوية في السوق
بس الاهم من الحفلة يا منى اننا
نعمله دعاية صح والتاس كلها تقراءه وتتكلم عنه
والاهم انك انت بالذات يا بنت منطقتى تقراءيه وتقوليلي رأيك
تحياتى ليكي دايما

Kiara said...

بكرا ان شاء الله لما اجي من الشغل هاخد البوست دا كوبي بست ونزله عندي

وهجيب نسختين من الكتاب ان شاء الله نسخه ليا ونسخه امررها علي الناس اللي اعرفها

وان شاء الله نكون فكرنا ازاي نعمله دعايه كويسه

mostafa rayan said...

كيارا بنت منقطتىىىىىىىىىى
انا وبسسسسسسسسسسسسسسس
الله يخليكي ليا يا جميلة
وياريت كمان بقي وضع البانر على المدونة عندك وارسال رسالة للناس اللي على الماسنجر
عايزين احلى شغل للكتاب
وبجد بجد بجد ... تلاتة بجد ... لاء كدة اربعة .. انا متشكر قوي ليكي
وربنا مايحرمنى منك ابدا

موناليزا said...

الف مبروك
والبقية تأتى:)

Kiara said...

انا هقوم انما دلوقت عشان الشغل بس فهمني البانر اعمله ازاي يعنى

اما المسج ان شاء الله هجهزها بكره وابعتها

وبتشكر بنت منطقتك لااااااااااااااا انا زعلت بجد دا احنا ولاد منطقة واحده

يلا تصبح علي خير

KHALED said...

يادرش أنا واقف بقالى تلات ساعات على الفقيد الغالى حج كمبيوتر إللى وافتة المنية منذ أيام .. مش كفاية بقة كدة
ههههههههههههههههههههههه

ألف مبروك

إيناس حليم said...

مبروووووووووووك يا مصطفى
ربنا يكرمك يا رب
ياريت تعمل حفلة توقيع في اسكندرية بقى
مش كله القاهرة
:)
هنستناك

شمس النهار said...

درش
الف الف الف الف الف الف مبروك
انا هبارك دلوقتي بس في الاوام اوام
وبعدين اعلق بعدين

بس عايزه اعرف الاول حفلة التوقيع امتي ان شاء الله

والبلوجر كله جاي
اصلا مش بمزاجهم
النهارده فرحتي فرحتين بيك انت ومدونة شخابيط اللي بتدرس في الالسن
بجد اي فرحه لمدون بتبقا فرحه للبلوجر كله
راجعه تاني

mostafa rayan said...

موناليزا
دايما بتيجي على اخبار حلوة
الله يبارك فيكي وادعوكى لكثرة المجئي لعل الاخبار السارة تكثر
تحياتى لك

- كيارا
بنت منطقتى
الله يخلكي بصي هتحطيه من خلال اضافة اداه
تحياتى ليكي دايما

- خالد

حبيبي
ممكن تقعد بس تكون ماسك في ايديك كتاب اعترافات رئيس سابق بتقرأه وتقولى رأيك عنه
تحياتى ليك يا جميل


- ايناس حليم
صديقتى الاسكندرانية الجميلة
الله يخلكي ويكرمك وان شاء الله المتاب ينجح ويسمع وننعل احلى حفلة عندكو


- شمس النهار
مستنيكي يا شموسة
تحياتى ليكي

الدرعمي said...

مبارك عليك الكتاب بإذن الله يا حبيبي و ربنا يوفق خطاك @ تحياتي @

ضــى القمــر said...

الف الف مليون مبروك يا مصطفى
أسماء القصص مشوقه جداا للقراءة
ان شاء الله اول ما اجيبه واقراه بعطيك الرأى
وبجد مبروك مرة تانيه يا مصطفى
ربنا يكتب لك التوفيق دائما

القمر الساهر said...

الف مبرووك

سمعت عن الكتاب من المدونات

ومتوقعة انه جميل .. واتمنالك المزيد من النجاح ..ويكون هذا النجاح في ميزان حسناتك ..وتاريخ يذكر لك

تحياتى

mostafa rayan said...

الدرعمى
الله يبارك فيك

- ضي القمر
الله يابك فيكي يا ضي
وان شاء الله الكتاب يعجبك

- القمر الساهر
الله يخليكي وييتقبل منك
الكتاب ان شاء الله سيباع في المنصورة في مكتبة بوك اند بينز
ومنتظر رأيك فيه

شمس النهار said...

ايه الاخبار يادرش
امتي حفل التوقيع

البوست اصلا جميل
والاجمل ان الانسان يفتكر لحظة النجاح كل اللي ساهموا معاه في النجاح ده
صحيح ان هو اللي كتب وابدع مش حد تاني
بس بيكون في عوامل بتساعد في الموضوع ده ممكن مايحسش بيها
الحلو فيك انك افتكرتها حتي المج

كمان عايزه اقول لك ان اللحظه اللي انت فيها دلوقتي لحظه جميله جدا ومشاعرك فيها صاحيه وحلوه
ياريت ماتفوتهاش من غير ماتكتب او علي الاقل تبدي في حاجه جديده وانا واثقه انها هتكون جميله

اوعي النجاح يغرك ويقلل من ابداعك
خليه دافع اكتر لتثبت انك قد النجاح ده واكتر

فرحانه بيك جدا يامصطفي
ربنا يكرمك
وفين الشربات
وكمان فين موعد الحفله
:)

الدرعمي said...

حبيبي أنا بعتتلك رسالة على الإيميل اللي كنت باعت لك عليه القصايد المصححة ياريت ترد النهاردة @ مبارك عليك للمرة الثالثة @

dr.lecter said...

ان شالله نجيب الكتاب ولينا مناقشه عنه بعد مانخلصوه

محمد حلمي مخلوف said...

يا كبير من غير ما تقول الغلاف عندي علي المدونه كان نفسي أكتب اماكن التوزيع بس للأسف معرفتش فعملي اللي يضغط علي صورة الغلاف يروح للمدونه بتاعتك
الف مبروك يا مصطفي وعقبال الروايات والمجموعات والأفلام وخلافه
ربنا معاك
سلااااااااام يا صاحبي
واظهر مش باين خالص أنت

MǿиY El-Shreef said...

الف مبرووووووك يامصطفى

بجد تستاهل كل خير

يارب يكون فاتحه خير عليك

mostafa rayan said...

شمس النهار
شموسة يا جميلة... انا عارف طبعا ان كلامك دة حب وخوف ليا وعليا
بس يا شموسة ان شاء الله مافيش غرورو اصل مش معقول اتغر على الناس اللي حاولت تساعدنى على قد ماقدرت الغرور اول بداية للسقوط والكتابة بالذات مايتفعش حد يتغر عليها
وطبعا لازم الواحد يفتكر كل من ساعده خصوصا النظارة وصديقى الماج الاصفر الراحل والكي برود اللي بصراحة لو كانت بنى ادم كان زمانه طفش منى هههههههه
بالنسبة لحفلة التوقيع ان شاءالله هتكون على نص 7 يكون الكتاب ثبت رجله في السوق حبة
وتكون الناس فاقت من الامتحانات وان شاء الله هقول قبلها علشان الناس كلها تيجي وتفرح معابا
بس الاهم يا شمس انك تقرأى الكتاب وتقوليلي على رايك
تحياتى ومحبتى ليكي يا شمس



- الدرعمى
رديت .. كل سنة وانت بالف صحة وخير


- dr.lecter
انتظر تلك المناقشة بفارغ الصبر
كل تحياتى ومحبتى ليك يا اخي


- محمد حلمى مخلوف
مبروك روايتك ( المدينة التائهة)
ويارب تنجح وتكسر الدنيا
تحياتى لك يا اخى


- مونى
يارب يا مونى لأني بجد بانى امل كبير قوي على الكتاب دة
تحياتى لك وان شاء الله تنزلى مصر في الاجازة وتحضري حفلة توقيعه معانا

z!zOoOo said...

السلام عليكم

مصطفي العزيز بجد الف مبروك علي اول كتاب

انا مبسوط إننا حضرنا ظهورك الأدبي
الاول

ها الكتاب مش هينزل عندنا حضرتلي

نسختي ولا لسه ( انا مش بهزر )موصلش حاجه

وبإذن الله نسمع عن سلسله كتب

وعن كاتب كبير

اسمه مصطفي ريان

عقبالنا يارب ( بقر مش بحسد :) )

تحياتي

mostafa rayan said...

z!zOoOo
حبيبي الله يبارك فيك
بص يا عم انت قدامك حل من الاتنين
- ياما تخلى حد قريبك من القاهرةاو المحافظات اللي هيتباع فيها يشترهولك
- يا اما تبعتلى عنوانك وانا ابعتلك نسخة وامري لله بقي
تحياتى لك يا جميل

mohra said...

الف مبروك يا مصطفى
نقرا و نقولك رأينا

هراءات منطقية said...

ألف مبروك...المهم الكتاب يكون سعره حنين

:))))

mostafa rayan said...

مهرة
اهلا بيكي دايما وفي انتظار رأيك عنه

- اياكش تولع
اطمن الكتاب سعره حنين قوي 8 جنيه فقط لا غير
اه لو تعرف انا ضحيت قد ايه علشان سعره يوصل كدة
المهم انه يعجبك تحياتى وفى انتظار رايك

اسماء said...

ياااااااااااااه
اخيرا بقا
ظهر الكتاب
الحمد لله
الف مبروك يا مصطفي
هجيبه ان شاء الله
قريب
بجد مبروووووووك

moory-mero said...

السلام عليكم و رحمة الله وبركاته

برغم انها اول زيارة ليا انا
بس مبسوطة اوي اني جيت في خبر زي ده
وحبيت اقولك ان اكيد ربنا راضي عنك بجد
فلكل مجتهد نصيب وده ثمرة صبرك وربنا ينولك اللي ببالك يارب

ومبارك عليك نجاحك ويارب دايما في نجاح مستمر
في رعاية الله

تايه في وسط البلد said...

كلاكيت تاني وان شاء الله اخر مرة بالنسبة لهذه المجموعة:ه

الف الف مبروك يا درشاوي وقريبا ان شاء الله تري كل احلامك تحيط بك

انتظر اخبارك بالطريق المباشر

salwa said...

السلام عليكم اخ مصطفى
لك اطيب التهاني
و يا رب دائما من حسن الى احسن
سلام

رحلتنا في الحياة said...

الف مبروك عقبال الكتاب المليون باذن الله

الوردة البيضا said...

الصديق مصطفى ريان
السلام عليكم
مجموعتك القصصية "اعترافات رئيس سابق" هي موضوع باب كتاب جديد اليوم على موقع جودنيوز فورمي ، واللينك كما يلي:
http://www.gn4me.com/gn4me/inner.jsp?art_id=3388528

مع تمنياتي لك بكل التوفيق بإذن الله

alzaher said...

الف مبروك
عقبال ما تتحول لفيلم بعون الله تعالى
:)

mahasen saber said...

اخيرا انا لا اكاد اصدق عقلى

بس تعالى هنا هيا الشرقيه مش موجوده فى العناويين دى ليه

حد قالك عليهم مبيعرفوش يقروا

mahasen saber said...

مليون مبروك يا درش

السوق الادبى كسب اديب جديد

بـِصَمتـِـ أميرة ــــى said...

الف مبروووووك يادرش
والله فرحت جدا
لما يكون بينا حد صبر اوى وتعب اوى وربنا كافئه
ربنا يوفقك والكتاب يبقى خطوه اولى لطريق نجاح وحب من الناس
بس اوعى تنسانا هنا زى كتير من المدونين بعد صدور كتاب واحد ليهم بيختفو او بيهملو شوية المدونة اللى صوتهم طلع من قلبها

:)
لك خالص تمنياتى بالتوفيق

ملكة بحجابى

Anonymous said...

مصطفى الغالى

كيف حالك

الف مليوم مبروك على الكتاب

وعقبال اللى بعده

انا عرفت بقصتك مع دار النشر

والحمد لله انها خلصت على خير

الف مبروك يا حبيبى

وهتشوفنى ان شاء الله فى حفل التوقيع

تحيتى

!!! عارفة ... مش عارف ليه said...

الف مبروك يا درش

وربنا ويفقك للخير دايما

وزي ما قولت لك زمان

انت حد جامد وإن شاء الله هيكون لك مستقبل أجمد إن شاء الله

ومع الاسف مش هقدر احضر حفل التوقيع زي ما انت عارف إنما بإذن الله أول ما انزل مصر لازم اجيب اعترفات رئيس سابق
وخصوصاً انه معروض في مكتبه قريبة جدااا من البيت عندي

وإن شاء الله ربنا يوفق للخير دايماً


اخوك
وليد

بنت مصريه said...

لو لو لو لو لىىىىىىىىىى
مبروك يا مصطفى
الف الف مبروووك
وعقبال رئاسه التحرير يا عم

mostafa rayan said...

اسماء
متشكر قوي
ربنا يخليكي يارب ولايحرمنى منك


- ميرو الله يخليكي واكون عند حسن ظنك دايما
ابقي تعالى على طول بقي .. مجيك بيكون مع الاخبار الحلوة


- تايه في وسط البلد
الله يخليك يا جميل ويتقبل منك دعائك دة ولا يحرمنى من صداقتك ابدا
تحياتى الخالصة ليك


- سلوى
الله يخليكي .. تحياتى لك


- ايوشة
الله يكرمك يا ايوشة .. تحياتى لك


- الوردة البيضا
علا العزيزة كل كلمات الشكر عاجزة عن شكري ليكي
ربنا ما يحرمنى ابدا منك


- الزاهر
ربنا يتقبل منك .. والعملية تجري مع اخوك .. تحياتى ليك يا جميل


- محاسن صابر
مين اللي قال كدة الشرقية احسن ناس
وانا هكلم الناشر يفتح سوق هناك
تحياتى الخالصة ليكي يا محاسن العزيزة


- ملكة بحجابي
اه لو اقولك انا تعبت وضحيت قد ايه علشان الكتاب دة يخرج للنور
بس كله يهون
ربنا يتقبل منك دعائك ليا
ويكرمك ويفرحك دايما


- عرفة
الله يخليك يا عرفة
دي قصتى مع النشر دي تنفع فيلم سينما ميلودراما عالية قوي
تحياتى ليك يا جميل
وطبعا انت تنور


- وليد
الله يخليك بس والنبي تقولى على المستقبل الجامد دة .. مش شايفه لحد دلوقتى
ان شاء الله الكتاب يعجبك
تحياتى ليك يا اخي


- بنت مصرية
الله يبارك فيك
منتظر رأيك في الكتاب
كل التحية لك

Anonymous said...

ياالله يارب يوفق بنيتي ويفرحها بفوزها عند الله أولا ثم في دنياها ويوفق جميع المتسابقين والمتسابقات ويجعل عملهم خالصا لوجه الله