Friday, May 1, 2009

رباعيات جديدة

ملحوظة قبل القرأة
حدثت بعض الاخطاء عطلت تحقيق الحلم .. ادعولي ربنا يسهلها ويتحقق على خير ومايتعطلش اكتر
***********************
1
راجل وكما جميع الرجال طب
والبنت زي القمر ولايق عليها الحب
وسن التمنتشارات عاتى وهي عشقت والقلب دق
والناس بيلوموه على شوقه .. وهل يلام من احب !
2
لا صداقة يا حبيبتى فى العمل
ودة مبدأي من قديم الازل
عايزانى اشوف شقة لاخوكى حاضر هشوفها
لكن هطلع مصلحتى.. من غيرلا قمصة منك ولا زعل
3
حتة تمتشاراية .. جميلة عصفوراية
شافها قلبى زقزق .. وقال في جمالها حكاية
انا اصلى احب الاوزى واهرب من الكندوزٍ
واه لو انت تعوزي ويبقى هواكى هوايا
4
امورة سوريه .. وعيونها عسلية
تضحك وفي وفي ضحكتها جمال وسحر الدنيا
ماتيجى تتجوزينى .. على شرط تتدلعينى
ولايوم تلوى بوزك وتقلبي مصرية
5
كلمني ياحبيبي علي الياهو ولا علي الهوت ميل
لوكانوا مش عاجبينك كلمني علي الجي ميل
لوهو كمان مش عاجبك اسجل على مكتوب
كلمني علي الفودافون ولا علي موبينيل
6
وتعالي يا ابني شوف ازاي امك بتعمل من الفسيخ شربات
وازاي بعد شويه هتبقي واحدة تانية اصبي من البنات
لكن في الحقيقة ودي الحاجة الخنيقة
امك غفر في البيت وقمر وقت الخروجات
7
زي ما انا حبيني بزاوبعي وانفعالاتي
لو كنتي صحيح عشقاني اقبلي كل صفاتي
ليه عايزاني اتغير
وانا لو في يوم هتغير هفقد اهم صفاتى
8
وقالولي شوف منال .. قلت منال اهي قاعدة دة حتي لسة بدري
يومين وراحت منال .. قالولي شوف اميرة قلت مش داخلة قلبي
وواحدة وراها واحدة وانا واقف علي الواحدة
سنين العمر ضاعت وانا لسة عايش لوحدي
9
كان بينا زمان غرام لكن انتى نسييتيه
حبيتيى شاب نايتى وجريتيى بلهفة عليه
اوك.. انت الخسرانة وعليا اكيد ندمانه
وشوقي وحب قلبى انت ماتستاهليه
10
مش مهم تكوني انت شايفاني ايه
المهم اكون انا شايف نفسي ايه
وانا شايف نفسي حاجة كبيرة في المستقبل
فبلاش تقولي كلام عمرى ماهسمع ليه
11
بوستك الف بوسة ولسة ماكتفتش
وعايز ابوسك تانى ومنك يوم ماشبعش
وابوس امك بوستين وبكون خلاص زهقت
وانت يا بنت الإيه من بوسك مازهقش
واخيرا رباعية في حب الفاجومى:
كلام من القلب طلع واتقال فى حب مصر
زي طلقات البارود .. زي نسيم العصر
ولا عمره في يوم يخون مهما يشوف من قهر
الله عليك يا فاجومى ودمت في صحة وستر
***********
ملحوظة بعد القرأة
للناس اياهم :اللى علي لسة ماعليش وان شاء الله لما يعلى مش هيتكبر ولا يتغر ولا هيغير رقم موبايله وإيميله

28 comments:

dr.lecter said...

ان شالله يتمم لك بخير ويتنشر قريب

وحلوه الرباعيات دي

الدرعمي said...

إيه اللي حصل يا معلم ؟ طمني .. بس بعض الرباعيات عجباني طبعا مش منهم الفاجومي @ تحياتي ويارب خير @

mostafa rayan said...

dr.lecter
ربنا يكرمك يا اخى ويتقبل منك

الدرعمى
اللي حصل تترجمه رباعية انت عارفها وعارف انى للاسف مش هقدر اقولها هنا
هقولك على الشات
بس ادعيلى

dramaqueen said...

معلش كل تاخيرة وفيها خيرة

الرباعيات فى منها حاجات حلوة اوى
استمر
ربنا يوفقك دايما

رؤية said...

ليه بس كدا
ربنا معاك
بالتوفيق

تحياتى

د. ياسر عمر عبد الفتاح said...

إنت زعلتنا في الأول بتأخر حلمك
بس متيأسش
شد حيلك

الحمد لله إنك رجعت تنزل رباعيات تاني
مش عارف كنت موقفها ليه الفترة اللي فاتت دي؟

جميلة يا درش
تسلم إيدك

MǿиY El-Shreef said...

ربنا معاك كده ف الاول وحلمك يتحقق

نيجي بقى للرباعيات

عجبوني جدا معظمهم

بس دي

امورة سوريه .. وعيونها عسلية
تضحك وفي وفي ضحكتها جمال وسحر الدنيا
ماتيجى تتجوزينى .. على شرط تتدلعينى
ولايوم تلوى بوزك وتقلبي مصرية

اعترررررررررررررض واشجب واندد

قال سوريه قال

:D

ايوشة said...

ربنا يكرمك وتحقق حلمك قريب اكيد هيكون ليه طعم تانى بعد الصبر
كان عندى تعليق صغير معلش دايما بتكتب كلمة قراءة كده قرأة

salwa said...

السلام عليكم
لك دائما اطيب التمنيات و بالتوفيق ان شاء الله
رباعيات جميلة
والملحوظة رائعة
سلام

3ali said...

ensha2 ALAH 7elmak yet7a22a2 we te3la we te3'ayar rakamak we e-mailak looool

:D

شمس النهار said...

ان شاء الله تحقق حلمك
وكل شئ بأوان
لسه الميعاد ماجاش
وعلي فكره عايزه اقول لك نصيحه انا شخصيا اخدت مني عمر كبير علي ماصدقتها
ان ممكن تكون عايز حاجه وحاسس انها حلم كبير وهي دي الدنيا ولما ماتحصلش تحزن
وبعد شويه تحصل حاجه تانيه احسن منها الف مره وان الحلم الاول لو كان اتحقق ماكنتش هتوصل للحاجه الجميله دي
فاتستغرب وتحمد ربنا ان الحلم الاول ماجاش
وان ربنا ادالك الاحسن
دايما احمد ربنا علي اللي جه واللي ماجاش هتحس براحه كبيره
ودايما خاللي عندك ان مايعمل يعمل للخير وان ربنا دايما شايل لك حاجه احلا
ربنا يوفقك ويديلك كل خير

mostafa rayan said...

دراما كوين
ربنا يخليكي
لك كل التحية

-رؤية
ادعيلي
تحياتى لك

- د0ياسر عبد الفتاح
كنت مأخرها علشان كان في اخبار احلى كنت عايز اعلنها لكنها اتأخرت
تحياتى لك

- مونى
هلا بيكي خيتى مونى ليش انت معترضة على السوريات حلوين ونغشين كتير كتير وبيدلعو رجالتهن كتير كتير لو حريم مصر يبطلو لوي بوز ويدلعو ويناغشو رجالتهن كما السوريات راح نحبهن
ههههههههههه
نورتيننننننننننننننيييييييييييييييييي

- سلوى
ياريت اللى عليهم الكلام يفهمو ويبطلو يخنقونى بكلامهم دة
تحياتى لك

- ايوشة
ربنا يخليكى واشكرك على ملحوظتك وان شاءالله هاخد بيها


- 3ali
ربنا يكرمك ياصاحبى ويكتبلك الخير

-شمس
ربنا يكرمك ياشمس
انا كان قصدى الكتاب اللى كل شوية بيتأخر ولاسباب انا ماليش ذنب فيها
لكن زي ماقلت كل شيئ باوان وربنا اكيد شايلى الاحسن
تحياتى لك دايما

صفــــــاء said...

هههههههه أيه يا درش ؟
واللى فوق ال18 يروحو يدفنو نفسهم بالحيا والا ايه ؟
جميله رباعياتك
ولو انى مفهمتش اخر سطرين بتوع الايميل والموبايل
بس مش مهم

ربنا ييسرك كل أمر

مصطفى ريان said...

صفاء
ازيك سيا جميلة لاءطبعا اللي فوق ال 18نشيلهم فى عيونا لكن اتت عارفةطبعا ان كل الرجالة بتحب الستات الصغيرة
اما اخر سطر فدول ناس من ساعة ماعرفو بالكتاب وهما نازلين كلام من نوعية اللى على على وبكرة تتغر علينا وماحدش يعرف يكلمك واللى يغيظك ان الكتاب ليسة ماطلعش اصلا وانهم اصدرو احكام مسبقة وان كل ما وفاكرين انى بكسيب الشهد فسي الكتاب مش انا اللي دافع فلوس وطالع عين اهلي بقالى اكتر من 8 شهور مكالمات وحرقة اعصاب وكل ما حد منهم يقولى كدة تحصل مشاكل تعطل الصدور اكتر
ربنا يرحمنا

mohamed ghalia said...

ربنا يكرمك وتحقق كل أحلامك يا درش
متخفش ياعم محدش هيقول عليك اتغيرت ولا اتكبرت ههههههههه
بس أوعى تكون قصدك عليا ههههههههههه
بالتوفيق دايما
نستنى أقولك الرباعية هايلة

عرفة فاروق السيوطى said...

السلام عليكم

ازيك يا مصطفى اخبارك علك بخير

سمعت بشقاءك هذه الايام

كان الله فى عونك

الرباعية الوحيدة اللى لقيت المزيكا بتاعتها عالية بتاعت الفاجومى

يمكن علشان تنسابة

بس الباقين حلويين برضو

تحيتى

mostafa rayan said...

محمد غالية
اهلا بيك يا جميل
والله يامحمد اللي مايعرفش يقول يا محل العلافة كله مش عدس بس لكن المصيبةانهم حتى مش عايزين يفهمو
تحياتى لك

عرفة
اهلا بالجندى الهمام
هقولك ايه بس
الحمد لله على كل حال
تحياتى لك

كيــــــــــــارا said...

ابن منطقققققققققققققتى ليه بس الحلم هيتاخر ربنا يكتبلك اللي فيه الخير

**********

كان بينا زمان غرام لكن انتى نسييتيه
حبيتيى شاب نايتى وجريتيى بلهفة عليه
اوك.. انت الخسرانة وعليا اكيد ندمانه
وشوقي وحب قلبى انت ماتستاهليه

**********

جااااااااااااااااااااااامده

ملكة بحجابى said...

ايه الرباعيات الجامدة دى ؟؟
يالله خلينا نشوف حد مننا صلاح جاهين الجديد
فرحانة بيك جدا
وعجبتنى خربشاتك الرباعيه

ربنا يوفقك
تقبل مرورى
ملكة بحجابى

مصطفى ريان said...

كيارا
بنت منطقتى ادعيلى الله يكرمك
ادعى من قلبك .. محتاج دعوات حد برئ ونضيف زيك
تحياتى ليكي دايما ياجارتى العزيزة


- ملكة بحجابى
اميرة,, بجد كلامك عن الخربشة مفرحنى قوى لأنى الاديب لازم يسكون له حوافر ينبش بيها ولانى دايما كنت بتخنق من كتابات عقيمة بحسها كما الطعام البايت اللى من غير طعم واللى يغيك اكتر اطراء بعض النقاد عليهم
على فكرة فى رباعيات اخرى نشرتها هنا اكثر خربشة واقوى تأثسير بس اخوكى مشغول فى الكتاب اللى ماضي عقده من تسع شهور ولسة ماطلعش
ادعيلى ربنا يتمها على خير ويطلع قريب وينجح ويكسر الدنيا
تحياتى ليكى ولدماغك الواعية

كيــــــــــــارا said...

والله بدعيلك ربنا يفرجها عليك وسيبها علي الله ياجاري العزيز

mostafa rayan said...

كيار
بنت منطتى
ربنا يخليكي يا قمر
ويقدرلك الخير

كيــــــــــــارا said...

مصطفي مبروك علي ايه في ايه بعد بكرا ؟؟؟؟؟؟؟

كيــــــــــــارا said...

الله يبارك فيك وربنا ماكنت اعرف

الله يبارك فيك ياابن منطقتششششىىىىىىىىىى

hamada said...

جروب جريدة الصباح العربي بيت المدونين العرب
http://www.facebook.com/group.php?gid=14171147534#/group.php?gid=78080770039

حكاية لا تنتهي said...

رباعيات عاميه مع بعض الجمل العربيه الفصحي
ولكنها معبره عن الحال يكفي انها تعبر عن نبض هذا الشارع

محبة الرحمن said...

ربنا معاكم وتحققوا حلمكم

رباعيات جميله ماشاء الله

مع ان المصريين احسن ناس


بس يلا

منقدرش نتكلم

جزاكم الله خيرا

إيناس حليم said...
This comment has been removed by the author.