Saturday, October 25, 2008

فالتحيا العزوبية للأبد لو ان كل النساء هكذا

اهداء
لحملة كلنا ليلي والمتشدقون بحروق المرأة
.................................................
مازلت لا اصدق ما حدث وكلما تخيلته ارتعدت اوصالي فهل يمكن ان توصل كلمة الأنسان لقتل نفسه وزوجته واولاده هل يمكن ان توصل كلمة من امرأة رجل لهذه الدرجة
ان يهون عليه حياته وحياة من حوله ...اتحدث هنا عن ماقرأته عند صديقتي كناري
ان مدرس عندهم في المنيا عمره- 45- خسر امواله في البورصة فطلب من زوجته -40 عام - ان تساعد معه في مصاريف البيت فرفضت ونهرته وحدثت بينهما مشاده فقد فيها اعصابه ووصل لحالة من الهياج جعلته يقتلها ويقتل ابنته الكبرى -16عام- ويغلق الباب في وجه جيرانه ويرفض دخولهم الشقة للأنقاذهم ثم يأتي بالكورسين فيلقي به على نفسه ويشعل النيران فيها وفي كل البيت ولولا ان ابناءه الصغار اختبئو تحت السرير لكانت النيران طالتهم ايضا
بالتأكيد هذا الرجل مخطئ ولكن تخيلو معي ما فعلته هذه الحرباء المسماه زوجته لتجعله يخرج عن شعوره ويفعل كل ذلك ... بالتأكيد كان في حالة هياج ولا يدري ما يفعله وبالتأكيد هو صل لهذه الحالة لأنها اسمعته كلام مثل السم جعله يفقد اعصابه ويصل لهذه الحالة هو لم يفعلها إلا تحت ضغط عصبي رهيب ضغط لا يتحمله احد اوصلته له هذه الحرباء فبالتأكيد انها لم تكن تتحدث معه مثل البشر ولكن تبخ سما مثل الحيات والثعابين والأفاعي
ثم بعد ذلك تجد البعض يتشدق بأن النساء هم الجنس اللطيف والجنس الضعيف اي ضعف هذا واي لطف انها اكذوبة كبري بدليل هذا الحادث
انا لست متزوجا ومثل كل الشباب في سني اريد الزواج ولكني الأن وبعد ان قرأت ماقرأت صرفت نظر عنه بالكلية
ومثل كل الشباب في سني اشتهي النساء وارغبهم ولكن بعد ان قرأت ماقرأت اظننى لو شاهدت ملكة جمال العالم تمشي بجوارى عارية في الشارع كما ولدتها امها فلن انظر إليها لن اري لحظتها إلا وحش كاسر يشر بأنيابه في وجهي وحش يريد ان يمتص دمائي ويقتلني اظنني سأهرب واطلق ساقي للرياح
باختصار لو ان كل النساء مثل تلك الحرباء فالتحيا العزوبية للأبد

30 comments:

AHMED SAMIR said...

مصطفى....ازيك يا باشا
ان كيدهن عظيم
بس بجد والله وعن تجربة
مش كلهن كدة يا مصطفى
زي ما في رجالة شياطين في نساء برضة كذلك
التعميم هنا لا يجوز على الاطلاق
في منهن القادرات على اخراجك عن شعورك تمامااااااااااااااا
وفي منهن اللي بتملى حياتك حب وتخليها لك جنة فعلاااا
ربنا يوفقك
تحياتي

mostafa rayan said...

- A.SAMIR
اناعارف كدة بس بجد جوايا مشاعر عن اللي حصل اكبر من اي كلام مجرد تخيل الموقف نفسه يصيبك بالذعر
واذا كان في واحدة زي مانت بتقول ممكن تخلي حياتي جنةوتملأها بالحب فربنا يوفقني وألاقيها
تحياتي لك ودمت بخير

أمل حمدي said...

ليه بس كدا
فيه الحلو وفيه المر
ودا بيرجع لاختيارنا الصحيح
وكما اوصانا رسول الله ان نختار ذات
الدين لانها سوف تراعي ربها في زوجها
ربنا يوفقك ومتخافش

mostafa rayan said...

ماما امولة
- تفتكري اللي حصل مايخوفش ؟
تحياتي لك ودمت بخير

صبرني يارب said...

ده كلام ده ؟؟؟

ده انا هانشر البوست ده من ضمن حملة كلنا ليلى
عشان ده اثبات حقيقى لان كلنا ليلى

والله الحمد لله يا سيدى انك مش هاتتجوز ده رحمه من ربنا

بقى واحد حيوان اقل ما يقال عنه راح لعب فى البورضه وخسر فلوسه وبقت البورصه فى رايي الايام دي اشبه بالقمار

وبعدين يجي طلب من مراته تساعده ولما تقوله لا

قوم هو بقى حرام يا مسكين اعصابه رهيفه قوم قتلها وقتل بنته وحرق نفسه

وده بسبب الحيه والحرباء مراته ؟؟؟

ليه هى الى قالتله يعيش مقامر
ماهو الى يعمل كده عشان خسر فى البورصه
يبقى كان واخدها قمار حضرتك

والى مش قد البورصه يتلهي على عينه ويقعد على جنب

وده واحد اقل مات كافر حضرتك
لك ان تتخيل الى يستحق الموته دي يبقى هو ايه

وعموما الحرباء الى انت بتتكلم عنها دي هى وبنتها ممكن يكونوا شهداء عند الله

اه ما تستغربش ممكن جدا حسب نيتهم يكونوا شهداء عند ربنا

اما حضرتة المسكين المظلوم الغلبان فهو مات كافر

حقيقى حرام يعنى

يعنى الى بتقتل جوزها بقى ما بتقولوش عليها مسكينه واكيد هو الى وصلها لكده ليه ؟؟؟

كل حاجه فى رقبة ليلى حتى الجريمه الى من طرف واحد

على فكره انا مش من المتشدقين بحقوق المرأه
لكن انا مع تطبيق الشرع
بينى وبنكم كتاب الله

mostafa rayan said...

الأخت العزيزة صبرني يارب
اهلا بك زائرةكريمة للمدونة
ثانيا :نحن لسنا في حرب علشان تقولي بيني وبينكم نحن في نفس الساحة
- حضرتك بتقولي انه راح وقامر
حضرتكجبتي منين ان البورصةفي حكم القمار وهل كل واحد بيضارب في البورصة يكون مقامر
وهل كل واحدة بتضارب في البورصة بتكون مقامرة بردو ؟
بالطبع لاء
انتي بتقولي انها رفضت لكن هل ياتري شكل الرفض كان ازاي ؟
هل قالتله لاء مش هساعد بكل ذوق وادب راح مموتها اكيد لاء
هي سمت بدنه بالكلام وخرجته عن شعوره علشان يعمل كدة وزي ماقولت اللي
تهون عليه نفسه ونفس اللي حواليه يكون تعرض لضغط عصبي ونفسي كبير جدا ضغط وصله لدرجة انه ماكانش شايف قدامه ولا حاسس هو بيعمل ايه
هو دلوقتي بين ايدين رب كريم ممكن قوي يعفوهنه فاحنا مش من حقنا ابدا نقول انه حيوان او مات كافر او كذا لأننا مش هندخل في حكم ربنا كل مانقدر نقوله ربنا يرحمه ويرحمهم ويرحمنا جميعا اموات واحياء
- اما بخصوص زواجي فزي ماقولت للأخ احمد في اول تعليق اني عارف ان مش كل الستات كدة بس لما دي تكون العينة اللي قدامنا يبقى لازم نفكر كويس قوي قبل مانختار ونحدد وناخد قرار لأن العمر مش بعزقة والست اللي ممكن توصلني للمرحلة دي بلاشها احسن
- انتي عايزة تاخدي البوست اوك براحتك بس أوكدلك اننا مش في حرب علشان بس الأخوات بتوع ليلي مايجوش ليا هنا او في مكان تاني ويقولو كلام مالوش لازمة لأني من ساعة ماقرأت الخبر المشئوم دة وانا في حالة نفسية لاتسمح بأي تجاوز معي او عني في الحديث
تحياتي لك ودمت بخير

Hanan Said said...

بص يا مصطفى
انا في العموم بحب كتباتك جداا جداا
بس مش عارفه البوست ده ..(واختلاف الرئي لا يفسد للود قضيه )
حاسه انك مبالغ فيه حبتين تثلاته
....
ماعلش يعني انت ايه الي عرفك الحوار الي دار بينهم
مش يمكن الست الي بتقول عليها حرابيه وي كذا وكذا
تكون حذرته بدل المره مليون مثلا
انه مش يدخلش كل فلوسه في لعبه
وهو ماكنش بيسمع كلمها
وكاتن زي كل الرجاله بينفض لكلامه مراته
ويعتبر سماعه لكلمها اهانه
بغض النظر اني شايفه ان الست المفروض تساعد جوزها في محنته
بس وارد مثلا تكون هي قالتله لا
لانه كان مثلا معارضها
ويمكن كان هنها عشان بتعارضه
انا طبعا مش بقول انه ده الي حصل
بس وارد جدا كمان
ياريت يا مصطفى مانعممش بالطريقه دي ابدا
او اننا نتكبر الموضوع للدرجه دي
اساسا والله لو هي عملت ايه يعني
مستحيل يكون هو انسان طبيعي
عشان يعمل الي عمله ده
يعني اساسافي حياته دخل لعبه انا وجه نظري حرام ..والله اعلم
وانهى حياته وهو كافر وقاتل
لا بصراحه ونعم العقل
سوري يامصطفى
بس انا بحب كتباتك وكان لازم اعلق
وياريت بجد نصيحه من اخت يعني
بالاش تعمم ابدا
في اي شيء فيحياتك
وبلاش في داخل عقولنا نكبر المواضيع ونحطلها سيناريو من عقلنا
وخلي بالك انهم دلوقتي الاتنين في علم ربنا ...
انا بس قصدت اقولك سينناريو تاني من دماغي
عشان اقولك انه كلنا مش عارفين حاجه
وكل واحد ممكن يشوف الموضوع من ميوله هو
بس في الاخر احنا بنظلم ناس هما في رحمه ربنا
ربنا يرحمنا كلنا
تحياتي لك دائما

mostafa rayan said...

حنان سعيد
اهلابك يا اختي الكريمة
انا مبسوط اني كتابتي عاجبتك
وطبعا انتي كلامك منطقي جدا
وانا والله مش بعمم ودة اللي قولته للأحمد سمير في اول تعليق
وعارف كمان ان مش معني ان شيئ غلط حصل يبقي الكل كدة اواني اترهبن طول عمري لأن حد قتل مراته بعد مشادة بينهم لأن مراتي ممكن تكون ست كويسة قوي وتحت طوعي والعيبة مابتتطلعش منها
انا فاهم كل دة بس زي ماقولت ان مجرد تخيل الامر مفزع جدا
ربنا يرحمه ويرحمهم ويرحمنا كلنا
فرحان بزيارتك ومستني تكرريها
تحياتي لك ودمت بخير

عايش علي الهامش said...

انا كنت جيت بس ناوي اخلع تاني ايه الكلام المتنطور في كل حته ده
ايييييييييييي .... ولا يهمك دي كلمه دخلت في عيني تقريبا
كلنا ليلي ....انا بالفعل ليه تحفظات علي الحمله دي لانها شايفه ان كل راجل حيوان خرافي بشنب وكل بنت جان دارك.....وان كل رجل بتصرفاته يعود للعصر الفحلقي الاول احد العصور الحجريه وان كل امراه ملاك هبط من السماء وبعدين تقريبا مركبته الفضائيه عطلت واتصلوا بكوكب عطار رفض يديهم اتوبيس فأتزنقوا هنا واحنا بقي ياولداه طول النهار بالجرباك والسيخ
ماعلينا .....اما من جهة الحكايه فانا هتكلم جد شويه لاني معترض علي كلمات صبرني ياربي والي وصفت فيها المتوفي بالحيوان ياجماعه ده في ذمة الله وانت برضه اخص عليك اذكروا محاسن موتاكم بهدلت الست ياراجل كده ازعل منك خالص

الحقيقه بالتاكيد الرجل اخطا وفي لحظه من الذهول الست مقدرتهاش كويس اخطأت فحصل الي حصل
بس ده لا ينفي ان المراه كائن لطيف وهن نصف الحياه بل الحياه كلها

اما بقي كونك طلعتهم ام سحلول وامنا الغوله والنداهه وريا وسكينه فدي وجهة نظر محتاجه دراسه

وبصراحه الست مكنتش ضربت الراجل علي ايده وقالتله روح ضارب في البورصه ....((اوعي تكون من النوع الي بيربط المنديل ويقول انت جيت يا منيل دي تبقي نصيبه )).... بس هو يتحمل الخطأ الاكبر

كفايه كده بقي رغي استأذن انا بقي قبل ما جمعية حقوق المرأه تعمل لكل الي في المدونه اعدام جماعي انا عاوز افهم هو انا كل ما ادخل مدونتك لازم اتشنق ياعم

اه صحيح انا سمعت ان ملكة جمال العالم نازله مصر بعد يومين في الشيراتون .... هاروح اسال عليك بكره والبواب هيقول انك خلعت علي الشيراتون من دلوقتي

شكرا لك

mostafa rayan said...

عايش علي الهامش
حبيب قلبي انا مش عارف انت ليه حظك معايا كدة مابتجيش غير في البوستات اللي فيها حرايق رغم ان والله في هنا بوستات كلها ضحك وهزار واحتمال البوست الجاي ان شاء الله يكون كدة
( قصدي ضحك وهزار يعني ماتقلقش )
انا اتفق معك في رأيك في ستات كويسة قوي وفي رجالة بردو مش كويسين خالص
والرجل والست ماحدش فيهم يقدر يستغنى عن التاني
- اتفق معاك بردو في كلامك عن اذكرو محاسن موتاكم
ليا ولغيري
نورت يا جميل ومستني زيارتك الجايةوان شاء الله تلاقي الدنيا كويسة ورايقة

canary said...
This comment has been removed by the author.
mohamed ibrahim said...

فعلا
ان كيدهن عظيم
مقدرش اقول اكتر من كدة
و عشان كدة
انا كمان بقول زيك
تحيا العزوبية

حاجات جوايا said...

يظهر ان الناس بقت بتلكك عشان تقتل ولادها وزوجاتها
زى اللى قتل ولاده التلاتة
بس مش معنى كده اننا نعمم ونظلم .. مش كل الناس تقدر تستحمل الضغوط النفسية ده بيختلف من شخص لآخر .. فيه ناس ممكن تعمل اى حاجة فى لحظة انفعال عادى .. فما بالك بمذبحة البورصة دى

احنا الحمد لله الذى لا يحمد على مكروه سواه خسرنا كل فلوسنا فى البورصة .. كلها بمعنى كلها لاننا كنا داخلين بتحويشة العمر .. والحمد لله انا لسه عايشة اهه جوزى مقتلنيش ولا حاجة

وبرضه اكيد فى الدنيا فيه ناس قليلة الاصل مش هقولك لا
بس متعممش الدنيا فيها كل الانواع
وان شاء الله ربنا يرزقك بواحدة اصيلة وبنت حلال .. لان الطيبون للطيبات

دمت بخير أخى

سالى

Ahmed Mohamed said...

اسمحلي اناديك زي ما أحب
بص يا مووصطفي

بغض النظر ان النساء مش كلهم زي بعض وكمان الرجاله مش زي بعض
هتلاقي ليلي وهتلاقي عبدو
وهتلقي ليلي مظلومه
وعبدو ابن ستين في سبعين
والعكس

والغضب سيدنا محمد قالنا في حديث في ما معناه
انه اسوء ما يشعر به المراء
ولو كنت غاضب اقعد ولو كنت قاعد نام
محاولاة في السيطره علي الغضب حتي لا يحدث مالا يحمد عقباه

وبعدين با سيدي ما في رجاله كتيره قتلت ولادها وكانت الزوجه مش طرف في
الموضوع

وبعدين ممكن الستات يطلعو فينا ويقولو ادي الي خدناه مع الرجاله
اخرتها بيولعو فينا هههه

هيه حالت هيجان
ولو صبر القاتل ع المقتول

دمت بود

mostafa rayan said...

canary
طبعا لماتقوليلي الله يحرقك .. اكيد بتهزري ... صح ؟


- حاجات جوايا
طبعا الدنيا فيها كل الأنواع وطبعا الطيبون للطيبات
تحياتي لك ودمت بكل الخير

- محمد ابراهيم
في ظل ظروف هذا البوست
طبعا اتفق معك ان كيدهن عظيم وتحيا العزوبية الف مرة
تحياتي لك أيها الزميل ودمت بكل الخير

- الأخ العزيز احمد علام
اهلا بيك يا قمر وانت يا عم تقول زي مانت عايز لأن المدونة مدونتك
انا معاك ان في الحلو والسيئ سواء رجالة او ستات
معاك كمان انها كانت حالة هيجان بس مين اللي وصله لهذه الحالة ؟
تعرف الستات دول ينطبق عليهم ايه .. المثل القائل ( ضربني وبكى وسبقني واشتكى )
ربنا يكرمنا بواحدة كويسة
تحياتي لك ودمت بخير

mahasen saber said...

مصطفى يا درش ..وهل انتا شايف ان فيه شئ فى الدنيا ممكن يدفع انسان لارتكاب خطيئه بشعه ومن الكبائر زى ازهاق روح بشروانسان اخر ..ومين كمان ناس هوولى الامر ليهم وقدام ربنا مسئول عليهم قلبا وقالبا
...لو كل واحد او واحده تعمل او يعمل كده دى هتبقا مجزره وغابه
........
الجواز موده ورحمه ومش معنى سوء تفاهم اودى نفسى جهنم مع الشغل
........
وبس كفايه انا حزينه قوى قوى وحاسه ان بلطه استقرت فى قفصى الصدرى
.....
لا اله الا الله

Anonymous said...

- الأخت العزيزة محاسن صابر
والله العظيم انا بردو حسيت بنفس الأحساس دة لما قرأت الخبر عند كناري حسيت ان حد شق قلبي بسيف
قسم ضهري
وانتي لو لاحظتي البوست هتلاقيي واحد مزعور اللي بيكتبه
دةماكانش انا في حالتي الطبيعية
ماكانتش اكتر من تنفيث عن حالة من الرعب والفزع انتابتني عندما قرأت الخبر
واحد في لحظة كل حاجة تهون عليه مش بس مراته وبيته وعياله لاء دي نفسه كمان
دي حالة تستحق التفكير والدراسة والتمعن تستحق اننا نحط نفسنا مكانه ونتخيل شكل السيناريو اللي كان بينهم مشي ازاي وهي قالتله ايه علشان يعمل كل دة
ماقدرش اقول في الأخر غير ربنا يرحمه ويرحمهم كلهم ويتجاوز عن سيائتهم
ويرحمنا احنا كمان
فصدقيني الأحياء احق بالرحمة من الموتى
تحياتي لك ودمت بكل الخير

كاميليا بهاء الدين said...

ليه زمان مش كان بيحصل الحاجات دى؟؟

تعرف ليه؟؟

علشان كان فيه رحمة

رزقك الله بزوجة صالحة
تكون لها علياً وتكون لك فاطمة
يارب

تحيات

mostafa rayan said...

كامليا
يا صديقتي العزيزة دائما كلماتك تكون بلسما على الجرح
بارك الله في زوجك وفي حياتك الجديدة
تحياتي لك ودمت بكل الخير يا صديقتي الجميلة

تايه في وسط البلد said...

هي تحيا بس مش قوي يعني يا مصطفي
سئل حكيم عن النساء والزواج فأخذ نفسا عميقا ثم بهدوء قال:

شر لابد منه!!!ه

تحياتي

mostafa rayan said...

تايه في وسط البلد
حبيب قلبي منور الدنيا كلها يا جميل
شر لابد منه ..ام قتل لابد منه ؟
خلي بالك بقي من بتوع ليلى
ههههههههه
منور الدنيا يا صاحبي
تحياتى لك ودمت بكل الخير

canary said...

وبلاها التعليق اللى زعلك يا عم

حقك علينا . أحنا منقدرش على زعلك

ولو على العروسه تعالى فاضل عندى اخت

تعالى اجوزهالك

ومن غير ما تتفزع من الستات ولا حاجه

وهو أحنا لينا بركه غيركو يا برنس
تحياتى ليك

mostafa rayan said...

كناري
ايوة كدة لمي الدور واعقلي
وبلاش تخبطي في الحلل تاني
اه صحيح : هي اختك عندها كام سنة ؟

Mony said...

استاذ مصطفي


اظاهر انك كتبت البوست بعد قرائتك للخبر مباشرة

و ده واضح من انفعالك في البوست

بس يا سيدي حط واحده بنت مكانك هي اللي قرأت الخبر و كان لها نفس الانفعال

هتقول

فلتحيا العزوبية
هو انا هتجوز علشان لما جوزي يفلس هصرف انا علي البيت و اشيل الليلة لوحدي
و لما اقول لاء اتقتل انا و العيال

لا يابا خليني في بيت ابويا معززة مكرمة و اهه اللي يخرج من داره يقل مقداره





صح الكلام ده ولا غلط

لكلٍ وجهة نظر


كتاباتك و اسلوبك فعلا بيعجبني

بس برضه مانخليش انفعالاتنا تتحكم في كتاباتنا

و انفعالك ده واضح انه اثر علي اللي قرأ
اصبحت معظم الاراء متطرفة
مابين مؤيد بشدة و معارض بشدة



بس بيني و بينك في قصتك الراجل و مراته غلطوا
هو ماقدرش يتحكم في غضبه و هي ماقدرتش تمتص غضبه



و بعدين يا سيدي المثل بيقول نصيبك لاااازم يصيبك

بس دقق اوي في نصيبك

و ربنا يريح بالك و يرزقك باللي تريح بالك و تقر بها عينك و ترضيك

mostafa rayan said...

موني
صح كلامك انا كتبت البوست بعد قرأتي مباشرة حسيت اني لازم اكتب البوست دة كان جوايا مشاعر ضيق وغضب مش قادر اوصفهالك كان لازم تخرج
- بس انا عايز اقولك الست لازم تساعد جوزها في الكبيرة والصغيرة هو مش الجواز مشاركةو على الحلوة والمرة بردو
طيب يعني لو ابوها هو اللي كان خسر مش كان هو لازم يساعده وهي كانت هتتضايق لو كان رفض ومش بعيد كانت تاخد من وراه وتدي للأبوها
- وبعدين اللي مجنني انه طلب منها تساعده في مصاريف البيت يعني عليها هي وعيالها
هو ماقالش شيلي الليلة لوحدك ولا هاتي اضارب تاني
- بالنسبة لدعائك ليا اشكرك واطلب من الله ان يتقبله منك
وييسر الخير لنا جميعا
اشكرك مرة اخرى ايتها الأخت الفاضلة
تحياتي لك دمت بخير

mostafa rayan said...

كناري
انتي مسحتي التعليق بتاعك .. انا مالاحظتش غير دلوقتي بس
كويس انك حسيتي انه ضايقني ... لأنه بجد ضايقني
اشكرك لرقة مشاعرك

mohamed ibrahim said...

متشكر جدا جدا لك علي اهتمامك يا مصطفي عندي
بس ادخل بعد كدة علي المدونة بتاعت
قلم مشاغب
ترتيبها التاني عندي في البروفايل
هي دي الي هشتغل عليها بعد كدة باذن الله

mostafa rayan said...

محمد ابراهيم
مبروك المدونة يا نجم
وهي بجد جميلة وتستحق المتابعة

صبرني يارب said...

يا اخ مصطفى

عيب لما تقول الكلام ده اوي
على فكره البوست بتاعك بجد عصبني وقتها

وانا مش باقول بينى وبنكم على اساس الحرب لا طبعا انا بينى وبين كل الناس كتاب الله وسنة نبيه

وحضرتك انا مش بالف لما قلت على الاخ الى قتل نفسه وقتل مراته وبنته ده انه كافر
ده قتل نفس التى حرم الله بغير حق

ومافيش اي مبرر ممكن نديهوله ابدا
الا لو كان مجنون

وبعدين اساسا هى كست وكزوجه مش ملزمه تصرف عليه خالص ولا على بيته حتى لو كان خسر فلوسه فى البورسه

وانا ما قلتش برضه ان البورصه مقامره
الا ان احيانا باحس فى كلام الى بتعامل فى البورصه بدون علم كفايه بنغمه فى كلامه زي نغمة المقامره بالظبط

الى فاهم البورصه كويس يعرف ان ده ممكن يحصله عادي ويتقبله

والاخ ده واي واحد زي مالوش اي اعذار عندي
زيه بالظبط الى بتقطع جوزها او تقتله حتى لو قتلت نفسها فهي برضه ما لهاش اي عذر عندي
قاتله
لا تعد غير قاتله
لا تعفى من الذنب الاجتماعي الا لو كانت مجنونه
وما بينهم وبين ربهم ما لناش دخل فيه
وعلى فكره احنا عندنا واحده فى المنصوره وكنا نعرف جوزها شخصيا كمان قطعت جوزها وعملته قوالب اسمنت وحطته تحت السرير 6 شهور وفى بيت اهله

تفتكر برضه هى كان عمل فيها ايه قبل ما تعمل كده ؟؟؟؟؟؟

مالهاش اي عذر من وجهة نظري طبعا
واعتقد كمان هى دي وجهة نظر الشرع

وقلي كمان بنته كانت عملت له ايه عشان يقتلها ؟؟؟؟
هى كمان مارضيتش تساعده فى المصاريف ؟؟؟
انت متعاطف مع واحد اوك براحتك
بس ما ترميش الذنب على واحده بريئه من الذنب ده تحديدا
ما تبررش الجريمه لواحد قاتل من فضلك
تحياتي لك
وانا ما خدتش الرابط ولا اديته لحد
عشان بتوع جمعيه المرأه المتوحشه على راي كريم يوميات مطلق ما يجوش هنا يعملوا جرايم بقى هههههههههههههههه

Anonymous said...

- صبرني يارب
بصي انا عايز اقولك حاجة
طبعا اما ماببرش غلط الراجل دة هو اكيد غلطان ودة اللي قلته في البوست بس اكيد هو ماعملش كدة من فراغ
انتي لو قرأتي البوست عند كناري بتقولك نهرته وحصلت بينهم مشادة
هي اكيد وصلته لحالة من الغضب الشديد لدرجة انه مابقلش شايف قدامه او حاسس هو بيعمل ليه مابقاش عاقل وقتها
بدليل انه قفل الباب في وجه الجيران يعني كان في قمة الغضب
- وطبعا الست مش المفروض تصرف علي البيت بس لما جوزها يكون في ضيقة مش المفروض تساعده دي حتى لو هتديله من فلوس الزكاة تديله وكان سيدنا بلال يأخذ من زكاة زوجته وكان الرسول الكريم صلى الله عليه وسلم يري ذلك ويقره
هوماقالش هاتي اضارب في البورصة ولا اصرفي انتي لوحدك انا ماعيش هو طلب انها تساعده في المصاريف .. مصاريف البيت يعني اكلها وشربها واحتياجتها هي وعيالها
يا صبرني الست الكريمة هي اللي تقف مع جوزها في وقت محنته هي اللي تساعده
هي اللي تمسح دمعته مش تتخلى عنه تنهره وتسم بدنه بالكلام وبعدين تسيبه وتروح للأوضة العيال
يعني لما انا اكون واحد صاحب شركةوكان الأول معايا فلوس والأشية معدن هل لما الشركة تخسر مراتي تسيبني وتقولي سلاموز طلاقني مش طايقة اعيش معاك ؟
كلنا بنحب الفلوس وهو لما ضارب في البورصةاكيد يعني كان شايف ان دي وسيلة لتأمين مستقبل العيال يعني بردو اكيد عندة نيه خير في الأمر
- وبخصوص بقي مات كافر وكدة فانا عايز هودلوقتي بين ايدين رب كريم رحمن رحيم يتجاوزعن السيئات فاحنا ماينفعش نحكم ان مصيره جهنم لأننا مش هندخل في حكم ربنا ممكنقوي يتجاوز عنه ويدخله الجنة برحمته
زي ماقولت مايمكنش غير نطلبلهم الرحمة جميعا
- عايزاقولك حاجة اخيرة بردوالجواز مودة ورحمة وسكن دة اللي لازم يكون بين الراجل ومراته للأنه غير كدة تصبح الحياة جحيما لاتتطاق دة اللي المفروض نحرص عليه في اختيارنا ونفعله بعد لما نتجوز
كمان الراجل والست شيئ واحد ماحدش فيهم يقدر يستغنى عن التاني لأن دي الفطرة البشرية
- ارجو انك تكوني تفهمتي وحهة نظري
دعواتي لك ولي بحياة زوجية سعيدة