تحديث
تري هل بعد قرار العفو الذي اصدرة الرئيس عن ابراهيم عيسى هل سيستمر الأخير في مهاجمة الأول؟ ..هذا ما ستكشف عنه الايام القادمة .. ولكني اعتقد انها مفاجئة لم يكن احد يتوقعها .. مفاجئة تدل على ذكاء سياسي كبير من مبارك وضعت عيسى في كورنر ضيق جدا واظهرته هو في صورة الرئيس الحر المقدر والمدافع عن الصحافة والديموقراطية .. اكاد اسمع عيسى الأن يحدث مبارك في سره : ليتك لم تفعلها
.................................................
السلام عليكم
ازيكم يا احلى اصحاب في الدنيا
كل سنة وانتم طيبين ويارب يتقبل منا ومنكم صالح العمل
بصوا بقي بعد نجاح بوست الرباعيات لاقيت انه من الأفضل نبدأ بعد العيد ببوست رباعيات اخر قبل ان نبدأ في المواضيع الجادة التي اريد ان اتحدث معكم فيها
في انتظار رأيكم في الرباعيات وايضا مشاركتكم في استطلاع رأي بشأن اسعار الكتب يهمني ان اعرف تفكيركم فيه
وكل سنة وانتوا طيبين مرة تانية
(1)
انا مش شاب نايتي دة انا شاب جامد قوي
واعرف اجيب التايهة وامشي في طريق ملتوي
واذا كنت ابان قصادك طيب وابن حلال
ما بينضحكش عليا ولا دراعي دة بيتلوي
(2)
روحي يا شيخة بدعيلك ربنا مايحرمك مني
ويفضل درشاوي في قلبك وجوة عنيكي تملي
ازعل وتصالحيني .. واغلط وتسامحيني
واعرف اجيب التايهة وامشي في طريق ملتوي
واذا كنت ابان قصادك طيب وابن حلال
ما بينضحكش عليا ولا دراعي دة بيتلوي
(2)
روحي يا شيخة بدعيلك ربنا مايحرمك مني
ويفضل درشاوي في قلبك وجوة عنيكي تملي
ازعل وتصالحيني .. واغلط وتسامحيني
ولو غبت عنك ساعة تيجي وتسألي عني
(3)
بوسة من الشفايف وبوسة من الخدود
خليكي في حضني شوية دة انا شوقي مالوش حدود
والدنيا ايه غير لحظة هوانا وشوقنا
نتحدى سواد زمانا ونكسر القيود
(4)
انا ممكن اكون مش احلى شاب في الدنيا دي
واكيد كمان مش اغنى شاب في الدنيا دي
لكن اكيد اكيد اكيد
انا اكتر شاب بيحبك في كل الدنيا دي
(5)
بقالك خمس ساعات واقفة قدام المراية
ولبستي 100فستان وغيرتي 100 قصاية
وقولتي مليون مرة إيه الجمال دة
ماتنجزي بقي يلا عايز ألحق اللي ورايا
(6)
اول ماقولتي انك موافقة على الجواز
فرحت انا وشيلت كل السكس اللي على الجهاز
لكن لاقيتك بتلعبي بيا .. بعدت في صمت
ورجعت تاني اشوف الحياة من وراء الشاشة الأزاز
(7)
مش عارف ليه يا حبيبتي بحس انك نحس
وكأنك جاية وجايبة في ايديكي سوء الحظ
بقول ابعد وانساكي واغير عتبة هواكي
يمكن لما ابعد عنك يتفك عني النحس
(8)
انا كنت عايز اقولك لكني ماقولتلكيش
(3)
بوسة من الشفايف وبوسة من الخدود
خليكي في حضني شوية دة انا شوقي مالوش حدود
والدنيا ايه غير لحظة هوانا وشوقنا
نتحدى سواد زمانا ونكسر القيود
(4)
انا ممكن اكون مش احلى شاب في الدنيا دي
واكيد كمان مش اغنى شاب في الدنيا دي
لكن اكيد اكيد اكيد
انا اكتر شاب بيحبك في كل الدنيا دي
(5)
بقالك خمس ساعات واقفة قدام المراية
ولبستي 100فستان وغيرتي 100 قصاية
وقولتي مليون مرة إيه الجمال دة
ماتنجزي بقي يلا عايز ألحق اللي ورايا
(6)
اول ماقولتي انك موافقة على الجواز
فرحت انا وشيلت كل السكس اللي على الجهاز
لكن لاقيتك بتلعبي بيا .. بعدت في صمت
ورجعت تاني اشوف الحياة من وراء الشاشة الأزاز
(7)
مش عارف ليه يا حبيبتي بحس انك نحس
وكأنك جاية وجايبة في ايديكي سوء الحظ
بقول ابعد وانساكي واغير عتبة هواكي
يمكن لما ابعد عنك يتفك عني النحس
(8)
انا كنت عايز اقولك لكني ماقولتلكيش
خفت يا تصديني وبيا ماتحسيش
لكن عنيا قالت لعنيكي كل الكلام
ورغم وضوح كلامي بردة مافهمتيش
(9)
فكرت في كل كلمة يا حبيبتي قولتيها ليا
لاقيت اللي طالباه مني بجد صعب عليا
صعب اخطبك واسافر وانتي تستنيني
ولا ابقي حاسس بيكي ولا تبقي حاسة بيا
(10)
زهقت بقى من الوحدة ومن كوك دور وجاد
واشتقت للقمة حلوة ولست وللولاد
لحد يفرح لفرحي ويبكي معايا في حزني
ومافيش مانع بردة نمسك في بعض ساعات
(11)
(9)
فكرت في كل كلمة يا حبيبتي قولتيها ليا
لاقيت اللي طالباه مني بجد صعب عليا
صعب اخطبك واسافر وانتي تستنيني
ولا ابقي حاسس بيكي ولا تبقي حاسة بيا
(10)
زهقت بقى من الوحدة ومن كوك دور وجاد
واشتقت للقمة حلوة ولست وللولاد
لحد يفرح لفرحي ويبكي معايا في حزني
ومافيش مانع بردة نمسك في بعض ساعات
(11)
حاضن ايديهاهو وهي حاضنةايديه
وناسين كل الدنيا ويفكرو فيها ليه
نط اناقلبي من جوة وصرخ بأعلى صوت
وانا امتى يكون لي حبيب احضن واضم ايديه
(12)
بيني وبينك 10 سنين ودة فرق مش كبير
انا عندي 35سنة وانتي كمان 25
لكن بعد عشر سنين.. تبدأ انتي مشاكلك تظهر
وابدو انا كشاب في العشرين
(13)
وبلاش يا ابني تنسى انك نطفة مني
وياما سهرت عليك وياما نمت في حضني
واتحملت ياما علشانك حاجات كتير
فبلاش تقسى عليا لما يكبر سنى
(14)
شوفت البنت الحلوة قاعدة في حجر بابها
كان عمال يعاكسها بس دة على هواها
احلى حاجة في الدنيا ابنك
وبلاش يا ابني تنسى انك نطفة مني
وياما سهرت عليك وياما نمت في حضني
واتحملت ياما علشانك حاجات كتير
فبلاش تقسى عليا لما يكبر سنى
(14)
شوفت البنت الحلوة قاعدة في حجر بابها
كان عمال يعاكسها بس دة على هواها
احلى حاجة في الدنيا ابنك
تزرع الزرعة وتفرح بيها وترعاها
.................................................................
استطلاع رأي
انت كقارئ ايهما تفضل ولماذا
شراء كتاب مطبوع طباعة فاخرة ب20 جنيه ولا نفس الكتاب مطبوع طباعة جيدة ب8
جنيه
49 comments:
حلو الكلوكشن ده
عجبتنى نمرة اربعة اكتر واحدة
- عاليا
منورة
بس انتي ماقولتيش رأيك في استطلاع الرأي
انتي تفضلي ايه ؟
مصطفى
ايه ياعم الكلام الكبير ده
رغم انى مش بحب الشعر العامى قوى
بس كلامك بجد جميل
بس السكس يا مصطفى
ملقتش كلمة خفيفة
الاستطلاع
انا أفضل اشترى الكتاب أبو 8 جنية وإن كان معايا فلوس
مفيش مانع اشترى ابو 20
تحياتى
مش عارف اقلك ايه بس في حاجات عجبتني وحاجات لا وده طبيعي
بس انا حاسس من بين السطور انك بتعدي بظروف عاطفية صعبة شكلنا هنسمع خبر حلو قريبا ولوني مش عارف ايه هو وضعك دلوقتي يعني في حد متكلم عليك ولا لا مرتبت ولا ايه ههههه
علي العموم ربنا يسعدك يا مان
بخصوص الاستطلاع
لو بتتكلم علي نوع الطباعة اعتقد اني اشتري الفاخرة علشان تفتح نفسي علي القراءة بس ده لو كان السعر متقارب
بس بخصوص الحالة بتاعة الاستطلاع اعتقد اني هشتري الجيد لو كان جيد فعلا يعني مقبول اني اقراء فيه وميتعبش نظري لان انا مش ناقص ولبس نظارة وده لان السعر اكثر من الضعف
اما لو كانت الطباعة مش قوي يبقي هجيب ابو 20 جنيه واجوع بقيت الشهر
بيس يا مان
العجوز
مش عارف ليه يا حبيبتي بحس انك نحس
وكأنك جاية وجايبة في ايديكي سوء الحظ
بقول ابعد وانساكي واغير عتبة هواكي
يمكن لما ابعد عنك يتفك عني النحس
والله انت اللى فقرى ودمك زى العسل
لا ومبدع بجد يا فنان لكن الخوف من جرئتك شويه فى الابداع ودة بيخلى بعض الاخوة المدونين يهاجموك وبتحط نفسك فى وش المدفع بس ولا يهمك بجد ضحكتنى من قلبى
وبجد كلام جميل ومش مجرد كلام مترتب لا دة بيشرح واقع حقيقى
برافو يا مبدع
استطلاع الرأى : أنا بعزّ الطبعات الفاخرة معزّة خاصه وبفضل الطبعه الفاخرة وخصوصا يعنى انه
مفيش حاجه ب 20 جنيه دلوقتى ولا حتى الكتاب دة لو انت عندك كتاب طبعه فاخرة ب 20 جنيه ابعته اشوفه
سلامى
المحارب المتيم
ازيك ياقمر وكل سنة وانت دايما في خير واحسن حال
انت دايمابتحرجني برقتك دي
هي الكلمة بتعبر عن المعنى المراد مش اكتر وبعدين تفتكر ممكن نغيرها بكلمةزي ايه ... الجنس طيب ماهي نفس المعني
بس السكس بتشرح احسن المعني اللي عايز اقوله احنا بنقول في العادة افلام سكس مش جنس
لكن طبعا وجهة نظرك تحترم دمت بكل خير يا جميل
- احمد العجوز
كل سنةوانت طيب يا قمر
اللي مش عاجبك قولي عليه وقولي على النقط اللي ماعجبتكش فيه وانا اخد بالي منها
بخصوص جودة الطباعة المقصود بيها درجة بياض الورق ونعومته وفخامة الغلاف ومثل هذه الفنيات
لكن طبعا ام 8 جميلة وشغالة وماقالتش لاء
-- كناري
ازيك يا كناريتي الجميلة عاملة ايه يا قمر
اقولك ايه بس يا كناري يا اختي حكم النسوان دول اعتاب والبت عتبتها نحس يا اختى عاملة زي المغفور له المرحوم شرارة
بخصوص بقي اني بحط نفسي في وش المدفع فعندك حق وبدخل نفسي في معارك انا مش طرف فيها بس عادي ولا يهمك لازم تحاربي لحد ماتوصلي وجهة نظرك المبدع لازم يكون جرئ طبعا الجرأة ليها حدود بس هو كمان لازم يجازف ويحاول ومايخافش
المجازفة جزء لا يتجزء من الأبداع
بخصوص بقي الكتاب انتي تأمري بس يعني هو الكتاب بعشرين جنيه ومصاريف شحنه للمنيا اكتر من عشرين جنيه فازاي يعني
مبروك لأخوكي وعقبالك يارب
مرحبا مصطفى كيفك
بصراحه انا فعلا اسف اللي ما مريت عليك وعيدت عليك :)
كل عام وانت بالف خير
اما شغله الرباعيات هاي
هههههههههههههه فعلا حلوه
بالنسبه للأستطلاع مش مستعد اشتري لا هاد ولا هاد
مش من هواة المطالعه
اما لو احتجت الكتاب بستعير نسخه مطبوعه من حدا تاني :P
شكرا الك ويعطيك العافيه :)
مصطفى اولا كل سنه وانت طيب
والاجابه ابو 20 لان الكتاب تاريخ وبيفضل طول العمر وصدقنى ياما الواحد استرخص فى الكتب وندم اوى
بس واضح ان دماغك عايه اوى على الرباعيات دى
صباح الورد
حلوة الرباعيات
و بالنسبة للاستطلاع
الكتاب بيبان من عنوانه
و مظهر الكتاب بيبان قبل العنوان
انس
كل سنة وانت طيب يا جميل
بس لازم تحب القرأة والمطالعة القرأةتساوي حياة يا انس
دومت بخير يا صاحبي
- بطوط حبوب
صباحك ياسمين يا محمود
وكل سنة وانت طيب
- موني
شكرا لأعجابك بس انتي ماقولتيش بردةهتشتري اللي بكام
تحياتي ليكي ودمت بخير
رباعيات جميله
وكولكشن رائع
دمت بكل الود
أخوك
- الشارد
كل سنة وانت طيب يا جميل وتقبل الله منا ومنك صالح العمل
بس انت ليه ماشاركتش في استطلاع الرأي ؟
يهمني اعرف رأيك
ايه الرومانسيات دى كلها يا مصطفى
الرباعيات المرة دى بتدور حول نقطه واحده .. وهى العاطفه المتسرعه ..ههههههه
لكن بجد فيها اللى عجبنى جدااااوفيها اللى أستغربته منك شويه ..:)
بس ياريت متتأخرش بالرباعيات الثالثه أوى .. لأنك بجد كاتب متميز :)
وبخصوص الأستطلاع ..
فأعتقد أن الغالى دايما رخيص .
يعنى ممكن نقول الأرخص افضل واوفر ومنعرفش نقرأه وفى الحاله دى نرجع نشترى الغالى من تانى ..
يبقى من الاول نشترى الأفضل علشان تكتمل استفادتنا حقا .
بس قولى ليه الأستطلاع ده؟؟
انت ناوى تنشر كتاب لرباعياتك ولا ايه ؟؟
طيب ابقى عرفنا بس علشان ننفعك :)
أجمل تحيه لأجمل بوست ولأجمل كلمات
كل التقدير لك
ضي القمر يا جميلة
كل سنةوانتي طيبة وجميلة دايما
ياريت لوتقوليلي على اللي استغربتيه واسباب استغرابك
- بالنسبة للكتاب تفتكري احسن لو هنشر انشر كتاب للرباعيات ولاالقصص ؟
- وانتي في رأيك بتحسي مصطفي متمكن اكتر من الشعر ولا القصص ؟
- وتفتكري لونشرت الرباعيات هل هتلاقي مشتري من الأصل ؟
في انتظار اجابتك يا قمر ... قصدي ارشادك ليا فصدقيني الكاتب يحتاج القارئ اكثر من احتياج القارئ للأبداع الكاتب
وكل سنة وانتي طيبة
الكوليكشن ده رووووعة
أما بالنسبة للسؤال أنا شخصيا موافق يكون الكتاب بنص جنية لو تطلب الأمر طالما الكتاب شكله نضيف ويتقرأ ..لكن جودة الطباعة مش هتفرق كتير طالما شكل الحروف والكلمات واضحة ..ده طبعا اللى بيدور على المعرفة والإستزادة ، مش الناس اللى بتعمل المكتبة مجرد ديكور فى البيت
دمتم بكل خير..تحياتى
د/ رامي شهاب الدين
منور يا جميل
وطبعا من وجهة النظر الأقتصادية البحتة كلامك صح
تحياتي لك ودمت بخير
مصطفى
.. رجعت للرد الثانى
شكلنا هنرغى كثيير :) ..هههههههه
واجاوب على اول اسألتك ..
ايه اللى استغربته فى البوست وليه .؟
والله يا مصطفى بعض الكلمات فيها جرأة شويه .. ككلمه وكمان كفكرة فى حد ذاتها ..
وبعض الكلمات محستهاش زى ما حسيت الرباعيات الجزء الأول ..
لكن مش معنى كلامى ان كل الرباعيات محستهاش .. بالعكس منهم اللى عجبنى جداا .. زى
الرباعيه رقم 8 .. ورقم 11 ورقم 13 مثلا .
وسؤالك الثانى ..
بالنسبة للكتاب تفتكري احسن لو هنشر انشر كتاب للرباعيات ولاالقصص ؟
انا للاسف مقراتش ليك قصص . .لأنى عرفت مدونتك متأخر للأسف :(
لكن انت اللى تقدر تقول انت حابب ايه يتعرض للناس اكثر ..
لأن ممكن اقولك الرباعيات وغيرى حب اسلوبك اكثر فى القصص .
فالأمر يرجع ليك انت أولا واخيرا .
السؤال الثالث ..
وانتي في رأيك بتحسي مصطفي متمكن اكتر من الشعر ولا القصص ؟
اعتقد انى هرجع للسؤال ده لما اقرأ ليك كذا قصه .. كده انت اجبرتنى انى اعيد قراءة مدونتك من تانى :)
هههههههههه
السؤال الرابع .. حسه انى فى
امتحان ..هههههه
- وتفتكري لونشرت الرباعيات هل هتلاقي مشتري من الأصل ؟
لو نشرت إن شاء الله هتلاقى مشترى . .وانا اول واحده هنفعك .. لكن ابدأ بنسخ بسيطه .. علشان ما تكونش فى خساير ماديه كثيير .. هههههههههه
انا كنت صريحه فى ردى جداا والله ..
وانت بجد بجد كاتب متميز يا مصطفى .
أجمل تحيه لك ولجمال ردك الدائم على .
احترامى لشخصك الراقى
ضي القمر
كل سنةوانتي طيبة يا جميلةوانتي يا ستي ترغي زي مانتي عايزة وهو في حد بردة يزهق من كلام القمر .. ارغي وانا هسمع
وبكل اذان صاغية لأن زي ماقولتلك انتي مش بترغي اني بترشديني لنقط ممكن اكون انا مش واخد بالي منها
- بالنسبة للأرائك في الرباعيات انتي مختارةر باعيات انا شخصيا بحسها جدا اقولك سر انا لما بقرأها كقارئ مش الكاتب بحسها بتقطع قلبي بحسها خارجة من اعماق قلبي زي مابيقولو ودة معناه انك حد بيحس بقبله ودةشئ جميل
- بالنسبة للقصص فلازم تقرأي بعض القصص الموجودة ليا هنا ...
لو عندك وقت ارجعي وراء شوية هتلاقي قصصص زي هناك فرق والحياة السرية لنجلاء السيد وزوجة بنت اصول يهمني اعرف رأي قارئة متميزة مثلك في هذه الأعمال
- بالنسبة لأني انزل نسخ بسيطة الأول فسؤال انتي كنتي بتشتغلي في دار نشر قبل كدة ؟ لأن دةالمتبع في السوق بيطبعو ألف نسخة بتنزل 500 كدفعة اولي يجسوا بيها نبض المشترين بعد حفلات التوقيع والدعاية وكتابة الجرائد وبعد كدة ينزلو بال500 التانيين
كل سنة وانتي طيبة وياريت تبقي كل الصراحة رقيقة زي صراحتك دي اكيد كنا اتقدمنا كتير قوي على ماحنا عليه دلوقتي
دمت بكل خير واتمني يكون انتي اللي عندك صبر علشن تقرأي كل اللرغي بتاعي دة
تحياتي ليكي ودمت بخير
كل عام وانت طيب يا مصطفى
ربنا يعيده عليك بالخير
حلوة رباعياتك وخفيفة
دمت بكل الخير
نسيت الاستطلاع
لو النسخة الجيدة ها اعرف اقراها ها اشتريهاولو الفلوس خسارة فيها هاجيب النسخة الفاخرة طبعا
شكرا
السلام عليكم
والله رباعيات جاااااااامدة
تسلم لنا ويسلم قلمك
خالص تحياتي
درش
نزل بأحدث رباعياته
أصبحت رباعياتك علامة واضحة على صفحات المدونات
الحقيقة معظمها جميل بعضه من الحكمة وبعضه يحملك على الضحك من القلب
بخصوص الإستطلاع
ده راجع لظروفك ساعات وراجع لظروف الكتاب ساعات
ساعات ماتلاقيش في السوق غير الكتاب الردئ الطباعة فتشترية لشيقك في قراءته حتى ولو على ورق جرائد
وساعات تشتري الفاخر مضطر لأن مافيش غيره والغاوي ينقط بطاقيته
لكن أنا بصراحة أفضل الكتاب الفاخر عشان يعيش ويعمر لأن الكتاب الردئ ورقه سيئ جداً مايستحملش
تحياتي
حسن أرابيسك
لا أملك غير اني اقول
يا مصطفى ياجاااااااااااااااااامد
بالنسبة لتعليقك فى مدونتي
عايزة اجاوبك واقول انه طبعا غريب على البنت دي انها تفكر بالشكل دة لكن من منا لا تواتيه افكارا -ليس فكرة واحدة-مجنونة
لا ادافع عنها بل اردت توضيح دوافعها الا وهي
حاجتها للاطفال
اكتئابها من المجتمع
بس يا سيدي
ميرسي انك بتابع مدونتي
بالنسبة للاستطلاع
انا طبعا افضل شراء الكتب الرخيصة الثمن لان الطباعة والورق لا يهمني على الاطلاق المهم المحتوي وليس الشكل
تحياتي
ماما امولة
كل سنة وانتي طيبة وينعاد عليكي بالخير
- علاء سالم
نورت يا قمر بس انت ليه ماشاركتش في الأستطلاع .. يهمني رأيك قوي
- حسن ارابيسك
ربنا يخليك يا قمر
انا قصدي مش طبعة سيئة لكن قصدي جيدة وطباعة جيدة لكن بتكلم على درجة بياض الورق ونعومته ومثل هذه الفنيات .. فكما تعلمك هناك ورق مصري وهناك مستورد وكل ذلك يؤثر على سعرالكتاب
دمت بالخير يا جميل
- مرجانة
ازيك يا قمر ويارب ينعاد عليكي بالخير ... انتي من حقك تدافعي عن بطلتك دة مافهوش اي حاجة وانا وضحتلك وجهة نظري عندك من حق الكاتب ان يتحكم في شخصياته كما يريد دة حق اصيل له
تحياتي ليكي ودمت بخير
السلام عليكم
معليش نسيت أشارك في الإستطلاع وانا بأكتب التعليق
لو كان الكتاب مهم بالنسبالي وهاحتفظ بيه أفضل أحصل على نسخة طباعتها فاخرة
أما لو كتاب مش مهم يعني هاقراه مره أو هاقرأ منه حاجه معينه وخلاص فهافضل النسخة الجيده أو العادية
علاء سالم
اهلا بيك تاني وتالت يا جميل وشكرا للأهتمامك وتوضيح رأيك
تحياتي لك ودمت بكل خير
أفكارك حلوه و عميقه بس ما عجبتنيش الرباعيه بتاعت النحس يمكن علشان أنا مش مؤمن بموضوع النحس أصلا
الحقيقه انا بطلت أشترى كتب و أكتفيت بالكتب الموجوده على الاٍنترنت لسببين الأول أنها مش بتعمل زحمه فى المكان و التانى توفير النفقات بعد الاٍرتفاع الجنونى فى سعر الكتاب
و متشكر ليك جدا لتمنياتك لى بالشفاء ربنا يشفى كل مريض يا رب
مبروك لإبراهيم عيسى
وإن كنت أعتقد إن كلمته
لن تحجبها قضبان السجون
-----------------
طبعاً طباعة جيدة بـ 8 جنيه
--------------
كل سنة وأنت طيب يا مصطفى
------------
وبلاش يا ابني تنسى انك نطفة مني
وياما سهرت عليك وياما نمت في حضني
واتحملت ياما علشانك حاجات كتير
فبلاش تقسى عليا لما يكبر سنى
بدون تعليق
وليد
عمر
منور يا جميل واهلا بيك دايما
لكن يا عمر في كتب لازم نشتريهاوماينفعش نقراها من على النت
ربنا يتم شفاؤه عليك دمت بكل الخير يا جميل
- وليد الجميل جدا
بالنسبة لعيسى اعتقد انه ظاهرةصوتية ليس اكثر
وبالنسبة لتعليقك على الرباعية ... اطمن وصلني
كل سنة وانت طيب يا جميل ودمت بكل الخير
كالعادة متألق يا باشا
كلها جامدة بس اللي أثرت فيا آخر إتنين
.....................
بالنسبة لقرار الريس مأعتقدش إنه حيحسن صورته قدام الشعب بالعكس مفهومة إنها حركة خبيثة منه
وبالنسبة لإبراهيم عيسى ففعلاً يستاهل السجن لأنه مزودها حبتين تلاتة أربعة .. فاهم الحرية شتايم في خلق الله
ومأعتقدش إنه حيغير طريقته لأن حركة مبارك دي غاظته أكتر وحيحاول ينتقم
......................
الإستطلاع
طبعاً لو قدامي الكتاب اللي أنا عاوزه عالرصيف حأشتريه وحأسيب أبو عشرين جنيه لأني لما بأقرا في كتاب بأخطط فيه وأكتب تعليقاتي كأني بأذاكر
كمان ياريت حتى النضيف بيكون بعشرين جنيه
بس الفكرة هي إن فيه بعض دور النشر بتدخلها وإنت واثق إنها موش بتنشر لأي حد .. كمان الميزة إنك بتلاقي كل اللي انت عاوزه تقريباً قدامك بدل ما تقعد تدور عالأرصفة
أنا شخصياً متعود أشتري من دار الشروق
وخالص تحياتي
وتعيش وتكتب
...
نمره سبعه يكسب
لا جامده الحاجات دي عارف جامده ليه علشان انت بتتكلم فيها بطبيعيه وبدون ما تجري ورا الوزن بالحنتوفه يعني
فبالتالي بتقول اللي جواك بالظبط
بجد بجد انت دماغ
اه صحيح انا عايز الكتاب ابو تمانيه جنيه طبعا
سلاااااااااااااااااااااااام
عمر
منور يا جميل بص بالنسبة لعيسى متهيألي هيلم نفسه شوية
وبالنسبة لدار الشروق متهيألي ياعم في كتب تانيمش من دار الشروق وتستحق القراة
تحياتي ليك يا جميل
- الشنكوتي الكبير
والله انافرحان قوي بزيارتك دي
وان الدماغ عاجبتك منور يا جميل ودمت بكل خير
كل سنة وانت طيب
للاسف ما عرفتش اقرا ولا كلمة الخط عندك فيه حاجة مش مظبوطة
شفقة هانم واحسان بيه
وانتم طيبين
بس غريبة حكاية الخط دي انتو اول حد يقول كدة من جميع القراء
الخط عندي تمام ممكن تعملي ريفريش
وتقرأي
يهمني اني اعرف رأيكم
كولكشن عجيب بس الصراحة لذيذ
Desert cat
عجيب في ايه ؟
رباعيات كلها جامده
بجد والله
تسلم ايديك
بالنسبه للكتاب فاكيد اللي بــ 20 جنيه
لاني كل ماكان الطبعه حلوه بتشد الانتباه اكتر
واللي بيهتم بالقراه مش هتفرق معاه الفلوس
ولا رايك ايه ؟
زوز
منورة يا جميلة
وفرحان ان الرباعياتن عاجبتك وان شاء الله انزل جزء تالت قريب
بالنسبة للأسعارالكتب
طبعا اللي بيحب القرأة مش هتفرق معاه بس دة في حالة ان يكون الكاتب مشهورومعروف لكن في حالة انه لسة جديد متهيألي مش كل الناس ممكن تضحي بعشربن جنيه علشانه دة راي رغم اني المفروض ماقلوش
حلووو قوووي يا مصطفى
بقالي كثيييير ما عديتش عندك ، وأكثر ما علقتش
بس كنت عاوز أقول لك صغَّر الخط شوية ،،،،
كتابتك فعلاً حلوة ومتميزة
أكيد إنتا عارف إني مع الطبعة الجيدة اللي بـ 8 جنيه
هوا أنا هبروزه :)
تحياتي يا جميييل
ابراهيم معايا
منوريا جميل وياريت ماتطولش الغيبة تاني .. دة البيت بيتك يا ابراهيم
تحياتي ليك يا جميل
رباعيات تحفه واجمل نما فيها موضوع
...
النحس حلو قوىحد يقول لحبيبته نحس
بس تصدق انا بقالى فتره طويله مجتش عندك انا اسفه قوى وقوى قوى كمان
مش عارفه اعتذرلك ازاى عن الغيبه اليى من غير نميمه دى
انا اسفه يا مصطفى بس والله ساعات كتير بتوه ومباخدش بالى خالص فاسفه جدا
...اما موضوع استفتاء الكتب بص يا سيدى زمان كنت افضل الكتاب اليى مطبوع حلو واتبسط وانا بدفع فيه دم قلبى
حاليا بقه ومعايا بيرو افضل وبشده اى شئ يوفرلى فلوس عشان تلف تلف وتتصرف على بيرو بيه
فاعتقد ابو تمانيه جنيه طالما هيتقرى ويتفهم زى ابو عشرين يبقى خلاص..
مفيش مشكله...
mahasen saber-
انتي مش محتاجة لكل الاعتذارات دي انتي تيجي وقت ما تحبي
نورتيني واسعدتيني
ربنا يوفقك وييسرلك الامور
تحياتي لك ودمت بخير
متهيالى مش مهم شكل الطباعة ايه مهم الكتاب نفسه وبدل ما اشترى كتاب بعشرين جنيه اشترى نفس الكتاب ب8 جنيه وببقيه العشرين اشترى كتاب كمان
دمت بمحبة ومودة تحياتى
اما بالنسبة للرباعيات يا مصطفى حلوة بس اجمل واحدة حبيتها ... بلاش يا ابنى تنسى انك نطفة منى... وياما سهرت عليك وياما نمت فى حضنى...واتحملت ياما عشانك حاجات كتير...فبلاش تقسى عليا لما يكبر سنى
دمت بحب ومودة
جسر إلي الحياة
والله انا فرحان قوي بزيارتك دي وان المدونة عاجبتك انا قرأت تعليقك على الكولكشن الأول
وطبعا فرحان ان الرباعيات عاجبتك
وبشكرك على اهتمامك ومشاركتك في الأستطلاع
وطبعا مش محتاج اقولك ان المدونة مدونتك تيجيها في اي لحظة
تحياتي لك ودمت بخير
انا صاحب اول تعليق علي فكرة لكن الكومبيوتر ساعتها هنج ومعرفتش ارفع
كت كتبت ساعتها باشكر في الرباعيات الجديدة وباقولك اننا في الوقت الحالي نميل الي ان تكون الكتب رخيصة الثمن متوسطة التكلفة والاعداد.. وان كان هناك من المعدين مايستطيع فنهم ان لا يشعرك برخص الاعداد بل ولا ابالغ اذا ما قلت انه يعلي من قيمته في نظرك
المهم هو اين هذا الفنان؟
- تايه في وسط البلد
كل سنة وانت طيب ياجميل شوف انت اول ماكتبت التعليق كتبت انا الرد رغم اني كنت عايز اقفل وانام لكني دخلت تاني وكاني كنت حاسس ان البوست لسة فاضله واحد حبيبي لسة ماعلقش عليه
بص يا جميل هذا الفنان عادة بيكون موجود في الدور الصغيرة اللي بيشتغل فيها بيشتغل بروح الهاوي اللي بيكون عايز يطلع احسن ماعنده علشان اسمه يكبر في السوق
مش المحترف اللي بتغلب عليه الصنعة اكثر وبيكون الأمر بالنسبة له مش اكتر من مجرد شغل وخلاص كما هو الحال في الدور الكبيرة
دة رأيي ومممكن يحتمل النقاش
كل سنة وانت طيب يا جميل وتعيش وتكتب وتعلق
الهذا السبب خلقت
بالنسبة للكتاب فلا يصح هذا بعد ذاك
حياتنا
- حياتنا الزوجية
انا مش فاهم تعليقك
ياريت لو توضحه ولوحبيت تعلق هنا مرة اخري من فضلك تكتب تعليقات واضحة
مصطفي
Post a Comment