Monday, July 21, 2008

هل تكوني انت تلك المرأة الأسطورية .. قصيدة جديدة

تحديث 2
بمناسبة فوز النادي الأهلي بكأس السوبر
عايزاقول للأهلي ألف مبروك يا كبير
ومبروك خاصة جدا للمعتز بالله اينو
اكيد الهدف هيثيت اقدامك في التشكيل الرئيسي للفريق
-ارخم حاجة في المبارة كانت معلق القناة لتانية ايمن الكاشف
سؤال لمسؤولي لجان اختيار المعلقين انتو
بتجيبو الناس دى منين ؟ ارحمو من في الأرض يرحمكم من في السماء
ملحوظة : غريب ان يكون في نفس اليوم حالة حزن وحالة فرح
ناس بتبكي وناس بتضحك .. ناس بتعزي وناس بتتلقي التهنئة
ونفس الناس اللي كانو بينعو الفقيد الراحل في الصباح هما نفسهم اللي بيهنو الفريق الفائز في الليل .. دي الحياة
تحديث مهم جدا
انتقل إلي رحمة الله المخرج الكبير يوسف شاهين الرجل اللي كان بيحب مصر بجد وعاش طول عمره يدافع عن حرية الأنسان .. طبعا يوسف شاهين مش محتاج اني اكتب عنه لا انا ولا غيري لأنه اكبر من اي كتابة .. انا بس عايز اطلب من الناس اللي كانت معترضة على تسفير الحكومة له لفرنسا ايام مرضه وفضلت تقول دة مش عارف ايه انها بس تتطلب له الرحمة لأنه بقي بين ايد رب كريم .. رب رحمن رحيم غفور ودود رؤوف وهو اكيد ارحم عليه مننا كلنا
يوسف شاهين الجميل رحمك الله وادخلك فسيح جنته فلقد عشت عمرك كله تدافع عن الأنسان وعن عشقك الساكن في اعماق قلبك المسمى مصر والله لو اللي بيحكومونا احبوا مصر ربع حبك لها لكنا الأن في مصاف اكثر الدول تقدما ورقيا
مرة تانية ربنا يرحمك ياشاهين
اولا : وحشتوني جدا خالص وبجد الأيام اللي فاتت ماقدرتش ادخل لأن الجهاز كان متعطل ولكن الحمد لله المشكلة اتحلت ..ادعولي بقي ما يتعطلش تاني
ثانيا :اخيرا يذاع الأن على قناة النيل للدراما مسلسل نزار قباني فيبدو انهم اخيرا استجابو لصوت العقل واذاعوه بعدما عرض على الفضائيات والقنوات العربية كثيرا وطبعا مش محتاج اقول ان المسلسل جميل قوي وانكم ياريت تتفرجو عليه
عايز اقول بالنسبة للعناصر الفنية فالسيناريو حلو قوي ومكتوب بشاعرية تماما مثل قصائد نزار، كما انه يظهر نزار الأنسان العادي الذي يصيب ويخطئ ويغضب ويحزن ويفرح لا يظهر الشخصية وكأنها ملاك من السما مثلما يحدث عندنا والتصوير والأضاءة واسلوب الأخراج حلوين قوي انا حاسس اني بتفرج على مسلسل اسباني او مكسيكي ايضا اختيار اصالة لغناء التيتر واختيار القصيدة وتلحينها جاؤا موفقين جدا
كمان الممثلين كلهم حلوين قوي - اداء وشكلا - خصوصا اللي طلعو في الحلقات الأولي نزار الطفل كان جميل قوي واخته كمان بنوتة حلوة قوي قوي .. جميلة اخر حاجة ... بصراحة زي القمر وملهاش حل ... بصراحة يا جماعة الشوام حلوين قوي
وكما يقول الحكيم : اللي يتجوز سورية يعيش عيشة هنية
وبمناسبة الشعر منتظر رأيكم في هذه القصيدة ويارب تعجبكم
هل تكوني انت تلك المرأة الأسطورية

لماذا لا تصعدي الي جسدي وتنامين مثل الوردة الناعمة الملساء
لماذا لا ترتاحين في احضاني مثل حمامة بيضاء وديعة
لماذا لا تمطري شفتي قبلات
وتلتصقين بي مثل الغريق الذي يريد النجدة
لماذا لا تزكمي أنفي بعطرك النفاذ
وتضحكي في وجهي تلك الضحكة الساحرة المطمئنة النابضة المشعة
أنا مرهق ومتعب من سماع الأخبار
فكل الأخبار مقلقة مزعجة مخيفة مملة
قتل وارهاب واعتقال وسحق بلا رحمة ولا شفقة
وأنا وحيد اسمع كل هذه الأشياء وحدي
يكاد الخوف أن يقتلني
لا احد يمد يده يساعدني
لا احد يريد أن يأخذني إليه
ومن هذا المستنقع البغيض ينتشلني
أنا اريد احد يسمعني
يضمني إليه ويمسح في حنان علي شعري
يقبلني قبلة طويلة تريحني
وتزيح الحزن من داخلي وتسكن الفرحة
اريد احدا يربت علي كتفي ويحتويني ويقدرني
اريد احدا لا يضيق بجنوني
يسمح لي أن انطلق معه بلا تحفظات
احد لا اخجل من أن اظهر امامه عاريا
اتخلص معه من كل شيئ يقلقني ويطوقني
احدا اقول معه ما اريد
لا اخجل من ان اتلفظ امامه بألفاظ يراها البعض قبيحة
وأنا اراها كاشفة وصريحة
احدا اسمعه اشعاري
ويقرأ قصصي وكتابتي
اظهر امامه كما أنا
ولا اخجل من ان يعرف نواقصي وعيوبي
احدا استطيع معه أن أنطلق كالأطفال
واحلق كالفراشات
واغرد كالعصفور
واعزف علي جيتاري كل الألحان التي احبها
واغنيها بصوت عالي ويغنيها معي
أنا لست اريد مجرد جسد افرغ فيه شهوتي
اريد حبيبا اريد صديقا اريد كاتما للأسرار
اريد اخا لي
فهل تكوني أنت كل هذه الأشياء
ام ستقف حدودك عند مجرد الجسد وتفريغ الشهوة
انا اعرف أن هذه الأشياء جميعها لا تجتمع إلا في كائن اسطوري
فهل تكوني أنت هذا الكائن
ام ستهربين من هذا الرجل المجنون
جميع من حولي يصفوني بالجنون
وأنا اري أني مختلف
واري أن هذا الجنون الذي يتهموني به هو سر عظمتي وسر بقائي
وأنني لو تخليت عنه سأصبح مثلهم
حمار في الصباح وثور في الليل
كل ما اجيده في هذه الدنيا الأكل والمعاشرة
والحقد علي الأخرين
جميع من حولي يتهموني بالجنون
ويقولون أنني ابحث عن المستحيل
فهل تثبتين لهم أن المستحيل ممكن
وأن زمن المعجزات لم ينتهي بعد
لو لم تستجيبي لي فلن ألومك
لن اكلفك اكثر مما تحتملي
لن اغضب او اثور
فأنا اعرف أننا لا نعيش في المدينة الفاضلة
وأنه من العبث أن اطلب من البشر أن يكونوا ملائكة
ولكني عندي امل أن تكوني أنت ملاكي الذي يمشي علي الأرض
عندي امل أن تكوني أنت حوريتي التي هربت من الجنة لتأتي إلي
فهل تكوني أنت تلك المرأة الأسطورية
ام أنني اهزوا
واحلم بالمستحيل في زمان غبي قاسي عقيم
لا يعرف تحقيق المعجزات ولا يعرف قهر المستحيل
ملحوظة مهمة بعد القرأة
.............................
هذه القصيدة كانت اول قصيدة انشرها في المدونة اعيد الأن نشرها .. ليس فقط لأني اراها تستحق ولكن ربما لأنها أنا

46 comments:

محمد حلمي مخلوف said...

قصيده جميله يا مصطفي وان كان فيها بعض الجمل الجاهزه التي اعتدنا سماعها
اخيرا (اهزوا)اعتقد انك تقصد اهذي مش كده

canary said...

بص يا مصطفى يا اخويا
انا ولا قولت عليك انك متخلف او انك رجعى وكمان مقولتش انك عايش خارج نطاق الزمن
ولا حتى قولت انك بتكره النسوان عشان انت مش القديس بطرس يا عم الحج كل الرجاله بيحبونا الا لو كانو لامؤخذة
انت بس ليك شويه افكار عاوزة تتنفض وتتحدث ودة شئ انا مش قلقانه منه عشان عارفه انه هتيجى واحدة فى يوم ما وتعيد برمجتك كلها وهيبقى على قلبك احلى من العسل والتفاح اللبنانى يا بتاع الشوام انت
اما بقى بالنسبه للقصيدة فهى مش قصيدة اوى هى اقرب لخواطر وكلنا مشندلين عيشه مدوناتنا خواطر
بس انت خواطرك جريئه شويه ومعظمها افكار شخصيه ورغبات ليك فعلا
كمان كل راجل بيتمنى انه يكون اكتر من مجرد ثور لأمراته كما ان كل أمرأة بتتمنى تكون اكتر من مجرد بقرة لراجلها
شوفت بقى خليتنى قولت ايه؟قلبنا التعليق قعدة على الرصيف على الله تكون مبسوط

mostafa rayan said...

محمد حلمي مخلوف
منور يا جميل

- كناري
حمدلله على سلامتك يا قمر شوفي انت النت عندك كان عطلان وانا النت كان شغال ودايس لكن الجهاز اتعطل وسوفت المازربورد واقع لكن الحمد لله على تصليح الأتنين ربنا يديمهم نعمة علينا
بس ليا سؤال : هو مين القديس بطرس دة.. هو مدون صديق يعني
بالنسبة للست اللي هتعملي اب دايت
دي عايز اقولك حدانا في البندر الست بتمشي تبع جوزها وليس العكس
- المفروض يعني - هههه
موراني بجد يا كناريتي الجميلة

منه مرتجى - عازفة الأوتار said...

مصطفى
كلمات جميلة
لا تخلو من التأثر بشعر نزار فى خلطه للأجواء المحيطة بمكتوب عشقه

دمت بكل ود و خير

Anonymous said...

ورود واشواك
اشكرك على مرورك

نور الدين (محمد الجيزاوى) said...

عزيزى تلك اول زيارة لك
اعجبنى لغتك
لكن لى ملاحظة هذه المدونة لا علاقة لها بالشعر
الشعر لا بد له من الوزن والقافية حتى لو كان شعرا حرا
لكن ممكن اعتبرها تاوهات نفس او رغبات نسجت خيوطها عبر سطورك
اسمع بين سطورك صرخة مدوية بين الرغبات والامانى
......
كن بخير دائما
...........
نور الدين محمود

Anonymous said...

نور الدين محمود
سعيد بزيارتك وبتحليلك وانتظر زياراتك القادمة
دمت بخير يا اخي

دعاء مواجهات said...

انت نفسك فى المرأة الأسطورية دى

وانا بقى نفسى فى هذا الرجل الأسطورى

زى ما قولت أسطورية

اى انها لاتوجد سوى بالأساطير

ولا مكان للأساطير فى زماننا هذا

تحياتى لكتابتك الجميلة

وشكرا تانى على اهتمامك برجوعى

تعالى بقى شوف البوست الجديد


بيس

alshared said...

درش

كلام جرئ

بالتأكيد فيه كتير نزار قباني
تقريبا لو حد جابلي القصيده دي في ورقه وقالي دي بتاعة مين هاقولوا النص الأولاني نزار قباني اللي كاتبه ولو كان فيه كلمة نهد كانت بقيت قصيده نزاريه جميله

أكيد أنك لن تجد هذه المرأه الأسطوريه يجب أن يكون هناك بعض التنازلات

دمت مبدعا

تحياتي

mostafa rayan said...

دعاء مواجهات
منورة

- الشارد
ازيك يا صاحبي
بص كون انك شابفها شبه لزار فدي حاجة تفرحني نزار شعره كان بيخرج من القلب علشان كدة كان بيدخل القلب لكن بجد انا مش بقلده او بقلد غيره وان كنت بالطبع متأثرا به مثل الكثيرين غيري
- سيبك من كل دة انت منور يا جميل

رندا said...

عجزت عن وصفك بريشة فنان
وعجزت عن وصف كلماتك التى
كلماتها رنان
اراك تفوقت على صورة الانسان
وبعقل و شوق وحنان
وقلبة ينادى بروعة الولهان
اتمنى ان تضئ لك الاكوان
وتاتى اليك محبوبتك على يد فنان
فترسم خطوط العشق والهوى
على قلبك الحيران

وتفصح وتقول لك انك اجمل انسان

بوست هايل بجد
صدقنى دموعى اصبحت قريبة
اكثر مما كنت اتخيل مع بوست
مثل البوست الى كلة حب وامل وحنان

انتظر فهى قادمة اليك تناديك تبحث عنك مثل ماتبحث عنها
لعلكم تجدون بعض فى زمن من الازمان

اتمنى ان يكون سريع جدا يارب

كل التقدير والاحترام

رندا

Anonymous said...

راندا
كلماتك اكببر بكثير من اعبر عنها بكملة شكر
لست اعرف ماذا يجب ان اقول
ولكنك بألتأكيد تشعرين بما اريد قوله
دمت بخير يا صديقتي الغالية الجميلة

ادم المصرى said...

قصيده رائعه فعلا بجد توحفه ربنا يباركلك يصحبى

Anonymous said...

ادم المصري
القصيدة حلوة
بس اكيد انك انت الأحلي
منور يا صاحبي

zOzO said...

قصيده حلوه بجد
واحساسك حلو اوي
تسلم ايديك

Anonymous said...

زوزو
انتي الأحلى يا قمر

تايه في وسط البلد said...

درشاوي
كيفك يا حبيب قلبي
فعلا احنا محتاجين منك تطلع الكنوز القديمة في المدونة وتعيد نشرها

القصيدة جميلة وتضرب مناطق في منتهي الروعة

تحياتي يا جميل

dina said...

بص يا شاعرنا..هو انا بشوف مسلسل نزار فعلا و عاجبنى اوى التترات و القصايد و اداء الممثلين و كدا انما انا مش عارفة ليه حاسة ان فى سنة افورة فى الاخراج و فى الاداء...عندى الاحساس دا مش عارفة من ايه
بس هو فعلا مسلسل حلو اوى
تحياتى

Anonymous said...

دينا
طيب دةرأيك عن الشاعر نزار
ماذا عن رأيك في قصيدةالشاعر مصطفي ريان
مستني رأيك يا دينا

yoyo said...

فى اول زيارة ليا لمدونتك احب اهنيك بجد على اسلوب الرائع فى الكتابة واختيار الكلمات وكمان التشبيهات اللى بتستخدمها هايلة يجد
والبوست كلماتها رقيقة بالفعل بتعبر عن مشاعرك واحاسيسك

تقديرى واحترامى لمدونتك الرائعة

تحياتى
يويو

مدحت محمد said...

جميلة القصيدة ياصاصا

وجريئة شوية للى يركز


تحياتى ومودتى

مدحت محمد said...

مصطفى دى مدونتى الجديدة

اتمنى ابداءالراى فى فكرتها
http://romantic-messages.blogspot.com/

بنت مصريه said...

انت عندك كبت يا مصطفى
معلش بس الكلمات بتاعتك اوحتلى بكده
مصطفى عشان ربنا يحبك بلاش الكلام ده
لانه فيه بعض الكلمات ممكن تكون حرام
وتوحى بأيحاءات كده مش هيه يعنى
انصحك نصيحه انك تبتدى تدور على عروسه وتكمل نص دينك
لان كلامك ده مش مريحنى والله

بنت مصريه said...

هو نذار اثر عليك ولا ايه ما كنت بعقلك يابنى

abo salah said...

بعد السلام عليكم

رائع يا مصطفى

القصيدة جميلة

بس طلبك صعب وأنت نفسك اطلقت عليها اسم الأسطورية

أشكرك على زيارتك الكريمة لمدونتى المتواضعة

وأتمنى دوام التواصل بيننا

وتحياتى

alzaher said...

لا أزال أذكر ما قاله لي فنان صديق
لا يوجد ما يسمى بشيء جميل
بل نحن من نجعل الأشياء جميلة
نحن من نضفي الجمال على من نحب أو ما نحب
لعل حبك لهذه السيدة الأسطورية
هو ما جعلها أسطورية في نظرك

mostafa rayan said...

تايه في وسط البلد
كلامك دة اكبر مني بكتير
شاكر ليك رقتك ومشاعرك الرقيقة

mostafa rayan said...

يويو
كلامك وزيارتك ماتعرفيش قد ايه مفرحني
اهلا بيكي دايما في مدونتك

) مدحت محمد
انت الأجمل يا قمر

بنت مصرية
اولا : انت منورة
ثانيا : انا مش شايف ان القصيدة فيها اي كلام حرام ولو فيها لو سمحتي قوليلي عليها وانا اخد بالي في المرات القادمة
ثالثا : بالنسبة للكبت فممكن اكون مكبوت سياسيا واجتماعيا زي ناس كتير لكن جنسيا لا اعتقد
رابعا : بالنسبة لنزار
الجيل كله متأثر بيه بس بجد وانا بكتب القصيدة هو ماكانش في بالي على الأطلاق انا بكتب نفسي مش حد تاني
خامسا: انت منورة

) ابو صلاح
انت الأجمل وبجد البوست اللي انت كتبته كان حلوقوي
وممكن نتعاون مع بعض في سيناريوهات مشتركة لو انت حبيت


الزاهر
كم اتمني ان اجد تلك المرأة الأسطورية لعل وجودها يغير الكثير في تفاصيل حياتي
ولكن السؤال: هل هي موجودة بالفعل ؟
نوزرتنيييييييييييي

استراحة محمد said...

قصيدة جامدة يا مصطفى وتتميز بالجرأة وواضح فيها التأثر بأسلوب نزار قبانى
الله ينور يا درش
تحياتى دائما

Anonymous said...

استراحة محمد
انت الأجمل يا قمر

Ahmed El-Agouz said...

اولا انت مش محتاج اني اقول لك انت موهوب الكلمات رائعة ربنا عطاك نعمة ربنا يتمها عليك

وانا بدعي ربنا انه يحقق امنيتك واكون واحد من اللي هيفرحوا معاك
العجوز

Unknown said...

مبروك للاهلى
ولى لانى اهلاوية ههههه
وخسرت مصر يوسف شاهين بعد ان قدم عدد من الافلام التى اثرت فى تاريخ الحركة الفنية
لكن هى دى الحقيقة الوحيدة المؤكدة الا وهو الموت
اما عن مسلسل نزار قبانى فهو فعلا
مسلسل جميل وتيم الحسن ادى الدور بجمال
انا شاهدت المسلسل من سنوات وكان عمل رائع

تحديث ثرى وغنى بالاحداث
فرح موت نقد

Anonymous said...

نهر الحب
منورة
بس انتي ماقولتيش رأيك في القصيدة رغم انها الموضوع الأساسي للبوست
انتظر رأيك
ومرة تانية نورتنيني

Anonymous said...

احمد العجوز
سعيد جدا بزيارتك
وبدعي وراك امين
نورتني وفرحتني

Anonymous said...

مصطفى

اولا

الف مليون مبروك للاهلى

والى رحمة الله المبدع يوسف شاهين

ثانيا

القصيدة فعلا رائعة وضح فيها صوت نزار قبانى القوى
ولكني عندي امل أن تكوني أنت ملاكي الذي يمشي علي الأرض
عندي امل أن تكوني أنت حوريتي التي هربت من الجنة لتأتي إلي
فهل تكوني أنت تلك المرأة الأسطورية

حقق الله كل امانيك

تحياتى

mostafa rayan said...

المحارب المتيم
شاكر ليك زيارتك واطرائك ربنا يوفقك يا عرفة

دكتور بهــدوء said...

لسه مخلص امتحانات
اعذرني عن انقطاعي لفتره
مش قصيره
بجد غصب عني


ده اولا
ثانيا
هل ممكن ان تجد كائنك الاسطوري
فعلا اريد ان اجد اخرا لي
ولكن اعتقد ان زمن الاساطير قد ولى

دعاء مواجهات said...

؟؟ازيك يامصطفى

مبروك ياعم للأهلى

وياارب الجهاز ميعملهاش تانى

البوست الجديد نزل ويهمنى رأيك

بيس

canary said...

كورة ايه وهباب ايه جاتكو القرف

Empress appy said...

حلو القصيده يا مصطفى
تعليقى على الباقى انت عارفه كويس
اعذرنى قلبى حزين قوى

maha zein said...

امممممممممممممم
اولا انت تبت حجات كتير اوي
وتحديثات كتير في نفس البوست
توهتني صراحة
ثانيا حلوة الخواطر دي
لكن جريئة حبتين
اه جريئة حبتين
بخصوص نزار مش بحبه ولا بطيقه
ولا يوسف شاهين
عندهم جراة تخدش الحياء
يمكن تختلف معايا
بس بجد
انا لا افضل الجراة في الكتابة
بس ده لا يخلو من ان اسلوبك كان حلو
وصادق
تحياتي ليك

mostafa rayan said...

دكتور بهدوء
ربنا يوفقك وتحصل على اعلى تقدير
نورتني

- دعاءمواجهات
حاضر هروح اشوفه
نورتيني تاني

- كناري
- كرة ايه وهباب ايه جاتكو القرف-
تقصدي مين بكلامك دة ؟

- آبي
كلنا حزانا ورغمكدة في ناس حتى مش هاين عليها تقول الله يرحمه
نورتيني

مها زين
اولا : انتي منورة الدنيا كلها
ثانيا : التحديثات كانت كتير لأن الظروف المحيطة فرضت كدة غير ان في حاجات تانية لم اتحدث عنها مثل برأة ممدوح اسماعيل
ثالثا : طبعا انتي من حقك تشوفي القصيدة زي ماانتي عايزة بس بجد انا شايفها عادية جدا ومش جريئة ولا حاجة وكمان فرحان قوي لأنك شايفها صادقة قوي دة اجمل تعبير جالي عنها
ثالثا : انتي شايفة ان شاهين جريئ جرأة تخدش الحياء .. طيب ايه رأيك في خالد يوسف ؟
رابعا : سيبك من كل دة انتي منورة الدنيا كلها بجد

canary said...

اقصد الكورة واللى بيلعبوها واللى بيدفعو فلوس لشويه الصيع اللى بيلعبوها واللى بياخدو من مزنيه البلد الخربانه اصلا عشان يدوهم ومش انت خالص فى كل دول
ارتحت بقى يا عم الفنان

mostafa rayan said...

كناري
انا اندهشت لما لاقيتك داخلى شمال قوب كدة قولت هي كناري قلبت عليا مرة واحدة ليه وانا مزعلتهاش في اي حاجة
بس واضح انك مخنوقة شوية
صلي كدة على النبي وروقي
العيب يا كناري مش بس على اللي بيدفع لكن على اللي بيتفرج وبيعطل مصالحه علشان الكرةويقولك حاجة بنطلع فيها غلبنا
او يتهور ويطلق مراته علشان الفريق اللي بيحبه خسر او يفركش جوزاة واحدة بيحبها علشان هي اهلاوية وهو زملكاوي
لو قلت هقولك كتير يا كناري لأن انا كمان بتخنقني حاجات كتير في المجال دة
نورتي يا قمر

كاميليا بهاء الدين said...

مصطفى

ومين قال لك انى مش قرأت القصيدة دى .. أول ما نشرت البوست قرأتها

مصطفى ...

انت فى هذه القصيدة
نــزارى النزعة
:D

القصيدة طبعا روعة
مش محتاجة كلام

يانزارى إنت ..
:D

تحياتى واحترامى

mostafa rayan said...

كاميليا
كلمة واحدة بس ممكن اقولهالك
انتي عسل مكرر