قصيدة إليها .. انتي فين

انتي فين
كل ما اروح المكان اياه
بدور عليكي مش بلاقيكي
انتي فين
ياللي في لحظة واحدة سكنتي القلب
وشغلتي البال
وحلمت بيكي العين
انتي فين
انا شاب زي الفل والله
مش حمل بهدلة
ولما شوفتك ماعرفش ايه اللي جري لي
نسيت مين انا
ارحميني
ارحمي شاب كل مشكلته في الحياه عشقه للجمال
لما يشوف ضحكة حلوة ينبهر
يروح في الف احتمال
وانتي مش بس احلي ضحكة
دة انتي احلى نسمة
دة انتي القمر بذاته
والقمر جنبك يطلع ايه
دة عيل صغير يشوفك يستخبى ويقف انتباه
خليني اشوفك حتى من بعيد لبعيد
خلي العين تسلم وبلاش سلام بالإيد
شوفتي عملتي فيا ايه
رجعتيني خمسين سنة لورا
ايام احمد ومني
وانا شاب عصر الديجتال
وفل وقشطة واوك يا مان
خلتيني مش عارف اقولك ايه
انا اللي شاعر وظيفته الكلام
مش عارف اقولك ايه
وكل الكلام يا حبيبتي معاد
واكيد انتي سمعتيه
اناعايز اشوفك
عايز اسلم عليكي واكلمك
لاء مش سلام بالعين
سلام بالقلب وسلام بالأيد
مش هضعف زي المرة اللي فاتت
واسيبك تفلتي مني
وكل الناس تعرف مشاعري ناحيتك إلا انتي
انا عارف انك حقيقة مش اوهام
وان دة مش خيال شعراء ولا احلام
واني شوفت القمر بعنيا
ولولا اني خجول شوية
كان ممكن يبقي بينا احلي كلام
خليني اشوفك بس مرة تانية
واوعدك مش هضعف ولا هتردد
هتقدم واقولك على اللي بيا
انك احلى بنات الدنيا
واني من ساعة ماشوفتك بفكر فيكي ومش عارف انام
بس اعرف انتي فين وانا اروحلك
وحتى لو في القمر هطلعلك
صدقيني دة كلام حقيقة مش بكذب
هأجر سفينة واوصلك
بس اعرف انتي فين
انا مستنيكي ماتتأخريش
وبنادي عليكي ماتبعديش
مستني مطر هواكي يروي عطش قلبي
مستني حنان حنينك ينور ضلام عمري
كل الحاجات الحلوة اللي جوايا مستنياكي
زهرة شبابي وحنان قبلي واشتياقي ليكي ولهفتي
وحضني اللي بيحلم بيوم تسكنيه
حتى الشاعر اللي جوايا مستنيكي
ومحضرلك احلى كلام .. لاء مش كلام
احلى مشاعر ممكن يقولها حبيب لحبيبته في يوم
مستنيكي ..
وحرام عليكي تعملي فيا كدة
وفين تلاقي حد يحبك كدة
وتعالي بقي
لانك وحشتيني
ولأني بحبك
بحبك ومش هقولك كلمة تانية

يوم التدوينة البيضاء

تضامنا مع مدوني تونس .. لا لكبت الحريات في تونس وفي اي مكان

منتظر الزيدي شعرا عند البسطاء

تحديث مهم جدا

انا ياجماعة مسحت بوست الهجرة

مسحته بمزاجي وكامل ارادتي الحرة ومن غير اي ضغط من حد

مسحتها لأن صاحبها مسح المدونة كلها ولاني دلوقتي ببدأ صفحةجديدة من حياتي ومش عايزالماضي يأثر علي المستقبل اللي فارد ايده ليا

ياريت يا جماعة محدش يكلمني عنها تاني لأنها خلاص صفحة وانطوت للأبد

......................

يارب يا جماعة تكونو بخير وصحة وسعادة

البوست دة يمكن يكون اسرع بوست نزلته من اول انشاء المدونة

وانا بقلب في النت لاقيت علي موقع محيط

http://moheet.com/show_news.aspx?nid=201228&pg=1 خبران شعبان عبد الرحيم بيجهز للأغنية جديدة عن ضرب البطل منتظر الزيادي لبوش بالجزمة

ولما قرأت الكلمات عجبتني جدا وحبيت اشركم معايا فيها انا لستمن محبي شعبان ولكن كلمات اسلام شدتني قوي فتحية له:

خلاص مالكش لازمة .. يا بوش يا بن اللذينه
تستاهل ألف جزمة على اللي انت عملته فينا
والله وجه اليوم يا واطي ووشك إتفضح
وشافوك الناس مطاطي من جزمتين شبح
الجزمة كانت مفاجئة .. تمام زي الزيارة
والدنيا بحالها فرحت والناس فضلت سهارى
يا قلوب كتير حزينة قومي ياللا اتبسمي
شوفي بوش وهو خايف والجزمة بتترمي
بصراحة ما قدرش أغشك وأقول زعلت عليك
ياريتها جت في وشك وخزقت عينيك
صدام اللي دبحته في أول يوم العيد
أهو ربك خد بتاره وفي نفس المواعيد
تحية عشان منتظر وتحية لجزمته
فرحنا في بوش أخيراً على آخر خدمته

بجزمتين في وشك هتسيب أمريكا على نارك
ويا عيني مش هتلحق يا بوش تاخد بتارك
في ناس كتير بسببك في الدنيا متبهدلة
بتقول يا ريتها كانت صاروخ أو قنبلة
العالم ده كله شافك وبالسعادة حس
والجزمة زي الكورة وداخلة في المقص
مليون شهيد وأكتر في الجنة فرحانين
ربك كبير وقادر يهد المتفرعنين
ضيعت شعوب كتيرة من هنا ومن هنا
بصراحة مش خسارة فيك جزمة معفنة

*****************

هتلاحظو يا جماعة ان رغم بساطة الكلمات( لتناسب ذوق مستمعي شعبان) إلا انها صادقة وخارجة من القلب ودي اكتر حاجة عجبتني فيها

كمان عجبني قوي في التعليقات رقم 33للأخ منالسعودية قال فيه

(وتلك الايام نداولها بين الناس تمثال صدام انضرب بالجدمه بس بوش هو اللى اترمي بالجذمه حد قدر يرمي صدام وهو عايش بالجذمه مااات اسد)

نختلف او نتفق على صدام ولكنه في الحقيقة مات وهومتماسك جدا حتي في لحظة الشنق

**************

كان فيه في التعليقات بردو قصيدة حلوة قوي للأخ اسمهmohamed55يبدوانه مصري يعيش في السعودية كان قايل فيها كلام جميل قوي .

يازايدي قلت لا

بسم الله الرحمن الرحيم

اهداء الى الشعب العربي الحر,وتحية لشرفاء الشعب العراقي,وتحية خاصة للبطل الشجاع "منتظر الزايدي" 15/12/2008

*********

يا زايدي قلت لأه وصلت رأينا

مصري وعراقي سوري جمعت شملنا

الجزمة صوتها لسة بيرن فودننا

يا جزمة ليه بعدتي الوش من هنا

قرفانة تقربيله طب العلم هنا

تسلم ايدين لابسها ده دا اللي فنفسنا

بالجزمة مش رصاصة قتلت عدونا

قتلت كل حجة لخوفنا وضعفنا

عرفت كل ظالم دا سلاحنا فرجلنا

صحصحت فينا حاجة مدفونة فقلبنا

دي فرحة بعد عيدنا خلدتها لنا

دا رأي شاب عربي ورأينا كلنا

رسالة لكل حاكم الكيل طفح بنا

*********

في ناس بتقول ده همجي وانشق عننا

احنا العرب نسالم وبوش جاي عندنا

والجزمة مش طريقة ده سود وشنا

دا نقوله اللي زيك كثير قوي عندنا

مليون شهيد عراقي ضحايا لسلمنا

ابو غريب ده صوره مالية النت عندنا

روح شوف شباب عراقي مقتول هنا وهنا

وان شاب متقتلشي بعاره عاش وسطنا

والست دي لو امي ده شرفنا وعرضنا

والطفل ده لو ابني ازاي هنعيش هنا

روح خش أي موقع معرفتش قولنا

السلم عند قوة دي وصايا نبينا

*********

يا بوش بوشت هيبتك بدخولك أرضنا

أخذت حق لينا قتلت شعبنا

ظلمت ناس كثيرة فعراقنا وقدسنا

الجزمة مش خسارة دي فمتحف عندنا

دي مكافأة مش كبيرة دي أقل ماعندنا

والله انت حقك كل الجزم هنا

تاخذ مكان في وشك ده ختم حبنا

الكلب مش شتيمة ده بيحمي أهلنا

ده الكلب لو سألته هيزعل مننا

هيقول دانا الشهامة أنا هاعترض هنا

لو كان الكلب بوش دي اهانة لكلبنا

واحنا اللي منوفقشي نهزأ كلبنا

وصلنالك رسالة يالا امشي من هنا

*********

هيعذبوك يازايدي ويهزو فرحنا

وتخش سجن عالي وضباط هنا وهنا

قلوب الناس معاك ومعانا ربنا

متخافش بس وادعي ده قدر مكتوب لنا

لازم شوية تصبر والناصر ربنا

ده الحق ثمنه غالي وانت المثل لنا

ربك قوي بجلاله هيجبر كسرنا

والظلم وقته ساعة ويهده ربنا

والنصر يبقى لينا

*********************

اكيد بعد الكلام دة اللي قال كل حاجة رغم بسطاته ووجود بعض الكسر في الوزن والأخطاء في الكتابة (والتي تعمدت ان انقلها كما هي ) ماينفعش حد يقول حاجة تانية

ربنا يقرب النصرويجعلنا اهل له

واخيرا دمتم بكل الخير والود

الحلُّ الأمثلُ..قصة قصيرة جديدة

تحديث مهم جدا

تحية إلى منتظر الزيدي الرجل الذي اثبت انه مازال في العرب رجال حقيقيون

الذي اثبت لكل الدنيا ان حذاءه اقوي من كل اسلحة العرب وغيرهم .. تحية لمنتظر الزيدي الرجل الذي فعل في وقت اكتفي فيه الكثيرون بالكلام..وياليتها كلمات تفيد

فآه يا منتظر فكم انتظرناك

- على هذا اللينك طرائف ساخرة جدا على موضوع ضرب بوش بحذاء منتظر .. اقصد قنبلة منتظر

http://moheet.com/show_news.aspx?nid=201094&pg=1
كل عام وانتم بخير يا اصدقائي

كل عام وانتم في سعادة وحب وقلوب صافيه هانئة لا تحمل حقدا او ضغينة للأحد

كل عام وانتم في تقدم ونجاح مستمر

بمناسبة الأحتفال بعيد ميلاد المدونة يسعدني ان اعيد نشر هذه القصة

والتي كما اخبرتكم كانت بمثابة تميمة الحظ بالنسبة لي في عالم التدوين فبعد ان نشرتها اصبحت بحمد الله مدونا له قراء كثيرون بل اصبح البعض يدخل ليسألني على الشغل الجديد .. الشئ الطريف انني بعد ان نشرت قصة اخري بعدها كانت التعليقات ماتزال تأتي عليها

اعيد نشرها واتمنى ان تعجبكم

ومرة اخري كل عام وانتم في خير وحب وسعادة وتوفيق

.........................

الحل الأمثل

عدتُ من عملي في مساء ذلك اليوم منهكا .. كان أقصي ما أتمناه أن آخذ حمـَّـاما باردًا ، وأتناول العشاء الفخم الذي وعدتني به زوجتي في الصباح .. ولكن
زوجتي خلفت الوعد .. إذ إنها أخبرتني وهي تحاول أن ترسم على وجهها علامات الأسف أنها لم تطبخ لأن أمها اتصلت بها فذهبت إليها ، وظلت معها طوال اليوم .. وطلبت مني أن نشتري طعاما جاهزا ، مع وعدٍ حقيقيٍّ منها أن ذلك لن يحدث في المستقبل . كنتُ متعبا ولم أشأ أن أصنع معها مشكلة أختم بها يوما كان مليئا بالمشاكل .. فطلبتُ الطعام ، ولكني شعرت بالحسرة وأنا أدفع ستين جنيهًا في أربع ساندوتشات وزجاجتي مياه غازية .
- آه ... كانت الستون جنيهًا كافية أن تصنع وجبة فخمة لشخصين -
لم يمر أسبوع بعدها حتى وجدتها تكرر نفس الشيء .. وكانت الحجة هذه المرة انشغالها مع ابنة خالها لشراء مستلزمات الزواج .. وسكت للمرة الثانية بعد أن أقسمت أن هذه هي المرة الأخيرة .
إلا أن زوجتي سرعان ما حنثت في قسمها .. ففي الأسبوع التالي كررت نفس
الأمر مع اختراع حجة جديدة .. قرأت في عينيها وهي تتحدث أنها باتت تستمرئ
هذا الأمر – الذي يكلفني أكثر من طاقتي – لم أستطع أن أصمت ، صِحتُ في وجهها أنني لست متزوجا لكي آكل دوما من الشارع ، كما أن المرتب لن يكفي أن نشتري كل أسبوع أربعَ ساندوتشات تكلفنا أكثرمن ستين جنيهًا .
في هذه اللحظة أخذت تبكي ، وتنعي حظها السييء الذي أوقعها في رجل
بخيل – كما وصفتني – يستخسرفيها عشاء من الخارج كل أسبوع .. في ذلك الوقت لم يكن هناك أي مجال للمناقشة معها .. فتركت البيت وذهبت لأتناول العشاء في الخارج .
- كان يجب أن يكون هناك حلٌّ رادعٌ مع هذه المرأة .. فكرتُ أن يكون المواجهة وبالفعل ففي الشهر الذي يليه أعطيتها مصروف البيت ناقصا حوالي النصف
وعندما سألتني عن السبب اخبرتها أن ذلك هو ثمن شراء وجبات الطعام من الخارج .. فهي لم تعد تطبخ في البيت .. كنت أريد لحظتها أن تتحدث ونتواجه
وننهي هذا الأمر .. ولكنها صمتت وقالت عيناها في هذه اللحظة ما حدث بعد ذلك .
إذ إنها أصبحت تتطبخ طعاما لا يؤكل ، وفي كل مرة تعتذر ببرودها القاتل المعروف .
- فكرت بعدها أنه يجب أن يكون هناك حلٌّ أمثل بعيدا عن المواجهة ، والعند اللذين لن يُجديا معها .. فكرت طويلا ثم ظفرت بالحل الذي بدأت على الفور في تنفيذه .
- ففي اليوم التالي عندما ذهبتُ للعمل قمتُ بإنشاء إيميل لفتاة وهمية أسميتُها (إنجي) أرسلت إليها من خلاله - هي وبعض زميلاتي في العمل التي لا تعرفهم بالطبع وذلك حتى لا تشك في الأمر كله – رسالة على لسان إنجي هذه أسميتُها
(نصيحة إنجي لكل بنات جنسها ) .. قلت فيها : ( إنها امرأة تبلغ من العمر الآن ثلاثين عاما كانت متزوجة من رجل فاضل .. كان يضعها بين عينيه ، ويفعل كل ما في وسعه من أجل إسعادها .. كان جميع من حولها يرون أنها تعيش في منتهى السعادة ، ولكنها للأسف لم تحافظ على هذه السعادة وأضاعتها من بين يديها .. إذ إنها بدأت تتمرد عليه ، وتكلفه أكثرمن طاقته ، وعندما كان يتحدث معها كانت تغضب وتخاصمه ، واستمر الأمر كذلك حتى وصلت به إلى طريق مسدود أدى إلى الطلاق .. وهي الآن تعيش وحيدة وهي مازالت شابة صغيرة تتذكر الماضي وتندم عليه .. في الوقت الذي تزوج فيه هو بأخرى بعد الانفصال عنها وكل أخباره التي تصل إليها تقول إنه يعيش حياةً سعيدةً وإن زوجته تضعه في عينيها فهي لا تريد أن تكون نسخةً ثانيةً منها .. ولذلك فقد قررت أن تستخدم النت لتخبركل بنات جنسها بقصتها حتى يتعلمنَ منها ولايكررنَ نفس أخطائها)
- عندما عدت إلى البيت في مساء ذلك اليوم وجدتُ زوجتي على غير العادة تستقبلني وهي في أبهى صورة .. تستقبلني استقبالا حافلا حميمًا مثلما كانت تفعل أيام الخطوبة وأيام الزواج الأولى .. وقد أعدت عشاءًا فخمًا لم تعده منذ شهور طويلة ، وتجلس معي وتضاحكني وقد عادت ذلك الملاك الذي تعرَّفت عليه منذ سنوات وأحببته وارتبطتُ به .
وبعد العشاء ذهبت لتعد الشاي ... أحضرته وجلست بجواري ، ثم مدت يدها
وأدارت جسدي نجوها ، وضمت يدي بين يديها في دفء لم أعهده منها منذ كثير :
- طارق هل مازلت تحبني ؟
اصطنعتُ الدهشة وأنا أسألها :
- لماذا تسألين هذا السؤال الآن ؟
ردت في إصرار واضح :
- فقط أجِـب سؤالي .
- نعم أحبك .
صمت لحظة ثم أكملتُ :
- ولكنك ...
امتدت يدها على فمي لتقاطعني :
- أعرف أني منذ فترة أفعل أشياءًا تغضبك ولكني أريدك أن تسامحني .. أريد أن نبدأ صفحة جديدة منذ هذه اللحظة ، وأعِدُكَ أنني لن أفعل بعد ذلك أي شيء يغضبك
قلت في لهجة عتاب مريرة :
- وعد مثل وعودك السابقة ؟
ردت في لهفة ممزوجة بالأسف الواضح :
- لا ، وعد حقيقي .
صمتُ لحظة ثم أكملتُ :
- طارق أنا أحبك .. ليس لي أحدٌ في هذه الدنيا إلا أنت ، ولا أريد أن أخسرك وأخسر هذا البيت الذي تعبنا سويا في بنائه .
ابتسمت لها في هذه اللحظة .. وفهِمَت هي معنى ابتسامتي .. وملأ الفرح وجهها وارتمت بين أحضاني .
في تلك اللحظة ظهرت على وجهي ابتسامة لها معنى آخر لم ترَها زوجتي وصِحتُ بيني وبين نفسي فرحًا :
( بركاتك يا إنجي )

(تمت)

كل سنة وانت طيب يا درشاوي + تاج العيد

كل سنة يا اصدقائي وانتو طيبين ويارب تكونو جميعا بخير

النهاردة تالت يوم العيد من يومين يبقي انا كدة كملت سنة تدوينة كاملة بالحساب الهجري

ففي العام الماضي وفي اول يوم العيد وبعد ان رحل اقاربنا دخلت على بلوجر وبدأت اول تدويناتي ورغم إن الأنسان بطبعه مش بيحب يحس انه بيكبر لكني فرحان إني معاكم وبكبر وسطكم ودي فرصة اني اتكلم معاكو شوية على قصتي مع التدوين طبعا انا اتجهت للتدوين علشان انشر قصصي واشعاري وابداعاتي من حق اي مبدع ينشر ابداعه للناس وبما انه مكانش فيه فرصة للنشر الورقي فكرت في النشر الألكتروني دة

كنت بكتب في بعض المنتديات لكني كنت محتاج مساحة خاصة ليا اكتب فيها لحد ماتعرفت على التدوين ... اتعرفت عليه خلال مدونة غادة عبد العال ماكنتش اعرف انها مدونة كل اللي اعرفه انه كان موقع بنت بتتكلم فيه عن عرسانها وكل لما بدخل فيه بموت على نفسي من الضحك لحد ماعرفت ان دي اسمها مدونة وبدأت التتدوين

( وبالمناسبة دي بشكر بنت مصرية اللي استفدت جدا من النموذج اللي كانت مصمماه لمعرفة التدوين )

- كنت فاكر اني لما انزل اول بوست هلاقي التعليقات بقي بتنهمر عليا زي المدونات الأخري لكني فضلت حوالي 3 او 4 شهور ماحدش بيدخل عندي غير اعداد قليلة جدا منهم (رئيسة حزب الأحلام اللي بشكرها جدا وبقولها كل سنة وانتي طيبة وبخير )

اللي كانت من اول الناس اللي دخلو عندي رغم اني كنت بدخل مدونات كتير واسيب تعليقات هنا وهناك لكن ماحدش كان بيدخل.. مابدأتش اتعرف غير بعد مانشرت قصتي الشهيرة ( الحل الأمثل ) بدأت التعليقات تنهمر عليا وكأن المدونين فجأة التفتو لمدون اسمه مصطفي ريان لدرجة انها وصلت ل 32 تعليق طبعا العدد دة بالنسبة لواحد كان اخره 3 ولا 4 يعتبر انجاز كبير جدا لكن اللي كان بيميز القصة دي انها خلتني اتأكد إني بكتب حلو لدرجة ان الناس كلها افتكرت ان دي قصة من الواقع واني بحكي عن نفسي رغم إن بطل القصة اسمه طارق ورغم اني كنت مستمتع باللعبة دي لكني اضطريت اقول للناس اني عازب ولسة مش متجوز ولا حتى خاطب

-لكن لوفي سؤال التدوين اعطاني ايه ؟ طبعا فرصة اني انشر ابداعاتي وقصصي واعرف رأي القراء فيها

- كمان قدرت اتعرف على نماذج مختلفة من الشخصيات والتفكير

- كمان عرفني على ناس جميلة جدا باعتز جدا بمعرفتها وصداقتها وعلى سبيل المثال لا الحصر صديقتي الغالية والعزيزة جدا صفاء جلال واخي تايه في وسط البلد واخي وليد (عارفة مش عارف ليه ) واخي الذي اعتزل التدوين آدم وضي القمر وكاميليا اللي دايما بيقولو عني كلام اكبر مني بكتير ومحمد غالية واحمد علام وخالد وتنفيس مالكش فيه ومحمد ابراهيم وخمسة فضفضة واحمد سووو واحمد العجوز ومفقوعة مرارتي من حماتي ودعاء مواجهات وجارتي وبنت منطقتي العزيزة مولان ومحاسن صابر اللي ساعدتني من غير ماتعرفني معرفة شخصية واخي المهاجر وسمر المنوفي وحسن ارابيسك والأديبة الجميلة رباب كساب وابراهيم عادل وصبرني يارب وكوكب آبي واحمد سمير وناس كتير تانيين

- لكن لوفي سؤال التدوين اخد ايه مني ؟ فهو اخد وقت طويل كان بيروح مني في القرأة علشان كدة انا بقول لكم وبقول لنفسي اننا لازم ننظم وقتنا ومانخليش التدوين يسرق عمرنا ولا ياخدنا من ذلك الساحر المسمي كتاب

كل عام وانا وانتم بخير وسعادة وتقدم دائم

.................................

تاج العيد

التاج دة وصلني من العزيزة سالي ( حاجات جوايا )

1- ماذا يمثل لك العيد ؟ وما أكثر شئ يبهجك في مظاهر العيد

العيد فرحة طبعا واكتر شيء بيفرحني فيه اجتماع الأهل مع بعضهم البعض

2- اوصف لنا طقوسك في العيد .. من ليلة العيد لآخر يوم ؟

ليلة العيد بصوم واتفرج على مناسك الحج في عرفات بروح اول يوم اصلي واستني قرايبي بعدها بخرج مع اصحابي

3- احكي لنا أطرف موقف حصلك في العيد ؟

صراحة مافيش شيء معين اقدر احكيه يمكن كنت خارج مع اصحابي نروح سيتي ستارز سواق الميكروباص كان مشغل شريط اغاني كله نكد ( دقيقة حداد واعتبره قلب وراح وكل يوم نتلاقي) وانا مش قارد اتحمل جرعة النكد المكثفة دي اخر مازهقت طلبت منه يشغل اغاني تانية قلتله كل سنة وانت طيب احنا في العيد ) قالي ياراجل عادي خلينا ننكد شوية كمان في واحد صاحبي مرة بعد صلاة العيد بعد ماعيدنا على بعض قالي تعالى بقي روح معايا علشان اديلك شريط عذاب القبر .. قلتله يا راجل حرام عليك عذاب القبر ايه في العيد

4- بتحرص على تهنئة الأهل والأقارب والأصدقاء بالعيد .. ولا مش بتهتم ؟؟

اهلي بيجولي .. بهني اصحابي

5- مين أول حد تزوره أو تكلمه في التليفون /الموبايل عشان تهنيه بالعيد ؟

مش حد معين

6- إيه الفرق بين العيد الحالي .. وعيد (أيام الطفولة )؟

ايام الطفولة كان في انطلاق اكتر

7 - كلمنا عن ذكرياتك في العيد

ذكريات حزينة ابويا الله يرحمه مات اول يوم العيد الصغير سنة 2000وبدل ماروح السينما ( كأي مراهق لم يبلغ عامه التاسع عشر بعد ) روحت القرافة .. اكتر من حد عزيز عليا مات في العيد بلاش موضوع ذكريات العيد دة علشان مانقلبش المواجع

8-تفتكر الحياة من غير عيد .. هتفرق كتير ؟؟؟

اه طبعا العيد فرصة للألتقاء الاهل اللي اغلب الوقت مش بيقدرو يشوفو بعض العيد فارق جدا طبعا

9- إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟

( بعدد خطوات نبينا من مكة للمدينة يجعل العيد سعيد عليكم وعلينا ) جاتلي من بنت خالتي

10- احم احم .. لسه بتاخد عيدية ؟؟ من مين ؟؟ وبتديها لمين ؟

باخد آه من امي وجدتي وخالاتي واخوالي .. لكن لسة مش بادي لأن ولاد اولاد خالي لسة صغيرين ربنا يكرم ويكبرو وانا اتجوز واخلف وادي للعيال كلهم

11- إيه رأيك في التاج ؟

حلو ومختلف

12- تحب تمرره لمين من المدونين ؟ اذكر على الأقل 10

اي حد يحب يجاوبه يتفضل

عيون عطشى .. الجزء الثاني ( المفاجأة)

قبل القرأة

لو كانت هذه زيارتك الأولى من فضلك اقرأ الجزء الأول حتى تعرف سير الأحداث

................................

عندما وصل للخمسين شعر ان بداخله طاقة كبيرة كما لو انه عاد شابا في العشرين حاول كثيرا ان يسيطرعلى مشاعره الثائرة ويوقف جماحها ولكن إلى متى ؟ولماذا يعذب نفسه ويكبت رغباته ولديه زوجته حلاله
وهو عائد ليلا اشترى كباب وكفتة وصينية بسبوسة بالقشدة وقميص نوم وردي .. هو في الحقيقة لم يكن قميص نوم كان خيوط رفيعة قليلة تحاول جاهدة ان تتماسك ...عندما رأه على الموديل لم يتمالك نفسه تخيلها فيه ولم يكن هناك حل سوى ان يشتريه
عندما عاد سألته الأبنة الكبرى عن ذلك الذي بداخل الحقيبة
فجذبها من يديها واجاب في ارتباك
- اوراق الشغل
بعد العشاء دخل الحجرة وضع ( قصافة الأظافر ) في جيبه ثم خرج وسألها عنها طلبت من الأبنة الصغرى ان تذهب وتبحث عنها قبل ان تقوم رد في اصرار
- قلت لك تعال انت
قامت واغلق الحجرة ولم يهتم بضحكات البنات على هذه اللعبة المكشوفة
ولم تمضي ثواني معدودة حتى سمعو صوتها الزاجر يصرخ فيه
- لقد جننت بـالتأكيد بدلا من ان تشترى كتاب دين ينفع في الأخرة تشتري قميص نوم
- ...........
- قلت لك اتركني
لتخرج بعدها غاضبة تجلس معهم
ويخرج هو ورائها مرتديا ملابس الخروج نظر لها نظرة ادمت قلب البنتين ولكنها لم تأبه ولم يبدو عليها اي تأثر حتى بعد ان اغلق الباب ورائه في عنف
لم يعد إلا بعد الثالثة فجرا وجدها كأن شيئا لم يكن تستعد لصلاة الليل والفجر
لم يحدثها ولم تحاول هي اغلق الحجرة على نفسه وذهبت هي بعدها لتنام مع البنات
- المرة الثانية كان في عيد زاوجهما
طلب منها ان ترتدي ملابس زاهية وتضع بعض من الزينة
- اليوم عيد زواجنا لا تنكدي علينا فيه
ففعلت ما طلب في سخط
وفي مكان الأحتفال جاء الجرسون بتورته فخمة على شكل قلب مقسوم لنفصين في كل نصف اول حرف من اسميهما ويحفه بشكل دائري جملة ( كل سنة وانتي معايا )
بعدها اخرج من جيبه علبة مصاغ بها هديه ذهبية فاخرة
- كل سنة ونحن مع بعضنا البعض
ردت في حنق
- بكم اشتريت هذه ؟
رد مندهشا
- لماذا ؟
- فقط اجبني
- بثلاثة الاف جنيه
- وكم كلفت هذه الحفله ؟
- 500 جنيه
ردت في حسرة
- يا رجل حرام عليك 3500جنيه كان يمكن ان اذهب واعتمر بهم .. هداك الله
صدمه رد فعلها كان بداخله كلام كثير ولكنه فضل الصمت
عندما عادا للمنزل داعبها ولكنها ردت في حسم
- غدا الخميس سأصبح صائمة .. اريد ان انام للأصلي القيام واتسحر كما انني متعبه ولن استطيع ان اغتسل الأن
قام من جوراها وكل خجله بداخله تتملكها الغضب ذهب للفراندة اخذ يدخن بشراهه اما هي فقد تبعته عيناها ثم عادت لتنام في هدوء
استمر الأمر هكذا حتى انفجر البركان
في اول ايام العيد خرج الأبناء ولم يبقى سواهما في البيت
شعر ان بداخله قوة عشر رجال قوة كافيه لهد اقوى الجبال
- ( الضاني دي بتعمل عمايل في الواحد يا )
كانت تجلس تقرأ في الصالة غير عابئة ببرنامج التلفزيون .. وقف عند باب الحجرة وسألها عن كتاب عذاب القبر
ردت فرحة
- اخيرا بدأت تهتم .. على الكومود بجوار السرير
- بحثت عنه ولم اجده
- حسنا اجده لك واخذ ثوابك
عندما وقفت بجوار السرير ضمها بلهفة إليه
- يا اخيرا وجدتك
وقبلها وجذبها نحو السرير
قبل ان يقبل الثانيه
ابتعدت عنه في غضب
- لم تكن تبحث عن الكتاب إذا
جذبها إليه ثانية
- ابحث عنك وانت بجواري
صدته في عنف وقامت غاضبة
اعتدل وجذبها من يدها

- تعال هنا
نزعت يدها في غضب
- قلت لك اتركني
قام في غضب
-انتي زو جتى وهذا حقي .. هذا أهم من كل القيام والصيام الذي تفعلينه .. لن يقبل اصلا منك وانا غاضب منك وانت تعصيني
ردت في تحد حاد
- هذا عندما تكون شاب صغير اما وانت عجوز على اعتاب الموت فالأمر يختلف
صاح في غضب وهو يضرب كفا فوق الأخرى
- ليس هناك فائدة لن يجدي معك اي شئ .. لن يجدى معك اي شيء
ارتدى ملابسه وخرج وظل طوال اليوم التالي لا يحدثها وعندما لاحظ الأولاد سألوها فأرادت ان تدارى الموضوع
في اليوم التالى ارتدت القميص واغلقت الباب
- ها انا امامك هيا خذ حقك الشرعي
رد في ضيق ساخر
- انا زوجك لست كلبا ترمى له عظمة ليفرح بها .. انا اريد زوجة من لحم ودم .. اريد مشاعر واحاسيس اريد قلبا ينبض ويدق ليس صنم بارد او لوح ثلج
ثم مد يده للجلباب ورمى به في وجهها
- ارتدى ملابسك فانا لا اريدك الأن
واعطاها ظهره وانصرف
وارتدت هي الجلباب وخرجت اكملت جلستها كأن شيئا لم يكن .. بل كانت من داخلها فرحة فقد انزاح عنها عبأ ثقيل لم تكن ترغب في حمله

(إلى هنا انتهى دورالكاتب)

المفاجأه

انني اريد منكم ان تشاركوني الرأي في كيفيه اكمال الأحداث .. ولكني اريد نهاية جديدة غير ان يتزوج عليها السكرتيرة او ابنه عمته الأرملة الجميله .. او انها تقف يوم امام المرآة فتجد انها مازلت صغيرة وانها يجب ان تراجع نفسها حتى لا يضيع البيت منها .. لأن كل تلك النهايات محفوظة ومعادة وانا ريد منكم ان تساعدوني في ايجاد نهاية جديدة مختلفة ومبتكرة

في انتظار مشاركتكم وافكاركم

..............................

هدية بعد القرأة

http://www.MegaShare.com/536915

على هذا اللينك بعض القصص التي جمعتها لكم لعبقري القصة القصيرة وفارسها وشاعرها الكاتب العربي السوري الكبير زكريا تامر .. ذلك الرائع المختلف في افكاره وطريقة سرده اقرؤوها وتمتعو بها واعو لي

عيون عطشي (1)

قبل القرأة

لاحظت في الفترة الأخيرة ان الموضوعات الجادة والساخنة بدأت تشغل حيز كبير من المدونة وبدأت تفقد دورها الأساسي الذي انشئت من اجله وهو ان اقدم فيها مصطفي الأديب والشاعر المبدع

ولذلك قررت انه ان شاء الله ابتداء من هذت البوست سوف اركز على الأعمال الأبداعية من القصص والأشعار والرباعيات التي اتمنى ان تنول اعجابكم .. ولكن بالطبع لن يخلو الامر من بعض المناغشات المختلفة.

...................................

اهداء

إلى صفاء (كناري) ووليد (عارفة مش عارف ليه)

ذكرتموني بأنني لم اعد انشر قصصا في المدونة ( وانتم الأن تعرفون السبب)

فإليكم اهدي ماطلبتموه مني

........................

عيون عطشى

_____________

لم يكن يتوقع ان يحدث كل هذا وفي هذا الوقت القصير
بدأ الأمر منذ سنتين عندما توفى ابن صديقتها ذوالعشرين ربيعا وكانت هي في منتصف الأربيعنات وهو على مشارف الخمسين .. حزنت عليه حزنا كبيرا وتوقع هو ذلك فقد كانت تعتبره ابنها الرابع .. وتوقع ايضا ان حزنها سوف يقل مع مرور الأيام وسوف تعود إلى طبيعتها ولكن الذي حدث هو مالم يتوقعه .. بدأت تكثر من حضور الدروس والندوات الدينية .. والجيبات التي بالكاد تغطي الركبتين بدأت تطول حتى وصلت للأخمص القدمين ثم تبدلت لعبائات ثم فوق العباءة ايشارب وبدأت العبائات تتسع والإيشارب هو الأخر يطول ويتسع .. اختفت شرائط وسيديهات فيروز وعبد الحليم من تسجيلها وحل بدلا منها يعقوب وحسان واختفت كتب نزار واحسان والسباعي وحل بدلا منها كتب عذاب القبر وعلامات يوم القيامة .. اشتركت بعدها في معهد ديني .. كانت تذهب يومين في الأسبوع ثم اصبحن اربع ثم اصبحت تخرج كل الأيام ولا تعود إلا بعد العشاء تاركة شئون المنزل للشغالة علم بعدها ان اليومان الأخران كانت تذهب فيهما لحضور الدروس في منزل احد الصديقات او في مسجد النادي .. بدأت تكثر من الصيام ..اثنين وخميس ثم الثلاثة ايام القمرية ثم اصبحت يوما ويوم ظن ان هذا الأمر سينتهى بعد رمضان إلا ان ذلك اصبح عادتها
قل وزنها كثيرا بعد ذلك وظهرت الشحوب عليها فقد كانت لا تزيد عن لقيمات قلائل
- ثم بدأت تحتك بمن حولها ..بدأت بتغير محطات الأغاني والأفلام للقنوات الدينية

وبعد ان كان يشاهد هيفاء وهبي ونانسي عجرم اصبح يشاهد رجالا ذو لحى طويلة يصرخون ويحللون ويحرمون .. اعترض في البداية ولكنها ردت بأجابة قاطعة
- هل تريد ان تترك كلام الدين وتشاهد الخلاعة والنساء العرايا .. يا رجل حرام عليك
حاول ان يفهمها انه فقط يعترض على الصراخ والتشدد في كل شيئ ولكنها لم تستجب
فصمت ايثارا للسلامة واصبح يشاهد كل الأغاني والأفلام على اللابتوب الخاص به.
ثم بدت تحتك بالشغالة في البداية طلبت منها ان تتوقف عن الغناء المستمر اثناء العمل
ثم امرتها بارتداء الحجاب .. اراد ان يخبرها انه من المستحيل ان ترتدي الحجاب 16 ساعة في اليوم ولكنه لم يفعل حتى لاتتهمه بأن عينيه تلهث ورائها
ثم بدأت تحارب مع الفتيات للأرتداء الحجاب
- مازلن صغيرات بعد
- انهن على مشارف العشرين
- الأمور لا تأخذ هكذا لابد من الأقناع
فردت في حدة قاطعة
- الحجاب فريضة وليس فيه اقتناع
ثم بدأت تحتك بالولد
- كيف تسمح لهن ان يحدثوك هكذا في التليفون
- انهن زميلاتي في الجامعة وكل يوم اقابلهم واتحدث معهم
- ( الله يخرب بيت التعليم اللي خلى النسوان تختلط وتحتك بالرجالة بوظوا الجيل ولا عاد حياء ولا ادب )
ثم حدثت الطامة الكبرى عندما تحدثت احداهن وردت هي عليها ونهرتها كيف تكلم ولد غريب في التليفون وكيف يسمح اهلها بذلك
بعدها ثار الولد عليها وثارت عليه وبذل هو مجهودا كبيرا لكي يطفئ هذه النيران
ثم بدأ المؤشر يتجه بقوة إليه
بدأت بالسخرية من اهتمامه الزائد بنفسه وارتدائه موديلات والوان فاتحة لا تناسب سنه فرد بسخرية اكبر انه مازال صغيرا اما إذا كانت تري نفسها قد كبرت فهذا شأنها وحدها
ثم تطور الأمر عندما طلبت منه ان يطلق لحيته
- اللحية فرض كما انها ستعطيك احتراما يناسب سنك
فرد بحدة غير مألوفة
- إذا اردت ان ( تتدروشي ) فأنت حرة في نفسك اما امور الجنان هذه فلا تنطبق علي
ثم بدأ الأمر يتطور حتى وصل إلى الذروة ............
.

.

. يتبع في الحلقة القادمة ان شاء الله

..............................................

بعد القرأة .. هدية جامدة

بمناسبة عودة القصص للمدونة على هذا اللينك بعض القصص لعبقري القصة القصيرة يوسف ادريس .. اتمنى ان تعجبكم هذه الهدية وتستمتعو بها كما استمتعت بها انا

http://www.4shared.com/get/13948300/b9c5f9c8/Edrees_stories.html

حتى لا تضمر اعضاؤنا

تحديث مصراوي اهلاوي

الف مبروك لمصركلها مش الأهلي بس الفوزبكأس افريقيا وعقبال كل سنة

مبررررررررررررررررررررررررررررروووووووووووووووووووووووووووووووووك

يا

اهلللللللللللللللللللللللللللللللللللللللللللللللللللللللللللللللللللللللللللللللللللللييييييييييييييييييييييييييييييييييييييييييييييييييي
قبل القرأة
ان شاء الله ابتداء من البوست القادم انتظرو القصة التي ستكون مثار حديث الناس في البيوت والمقاهي والمواقع والمنتديات ... القصة التي ستحمل الكثير من المفاجأت
لقارئها وكاتبها ايضا ..... القصة التي سيتمكن الجمهور للأول مرة في صنع احداثها

في تجربة جديدة على الادب الحديث
انتظرو بكل لهفة وكل رغبة وكل شوق وكل حب

انتظرو ... عيون عطشي
________________________

( العضو الذي لا يستخدم يضمر ) اول مرة تعرفت على هذه الجملة في كتاب

رحاب بسام ( ارز باللبن لشخصين ) عندما قرأتها شدتني اخذت افكر فيها فوجدت انها صحيحة وانها تنطبق على ابسط الأشياء حتى ادقها فأنت إذا لم تهتم بتنظيف شعرك وتصفيفه ستجده بعد فترة اصبح هشا وإذا لم تهتم بتنشيف جلدك وأن تضع عليه من فترة للأخري بعض من الجلسرين المرطب سوف تجده بدأ يتشقق ويصنع لك كثير من المشكلات خصوصا في ايام الشتاء هذه .. وحتى في العلاقة الحميمة بين الرجل وزوجته لو ان احدهم اهمل في هذه العلاقة سوف تجد بعد فترة ان حياتهم الأجتماعية مليئة بالفتور والملل والمشاكل الكبيرة للأسباب تافهة وكل منهم اصبح يبتعد عن الأخر ويتصيد له الأخطاء فتلاحم الجسد هو اقرب طريق لتلاحم الروح وستجد كل منهم يحاول ان يشبع هذه الرغبة بعيدا بشكل او بآخر
انظر إلينا نحن الشباب الذين اصبحنا في منتصف العشرينات وبداية الثلاثينات وقد اصبحنا مهددين بضمور اعضائنا ليس فقط بسبب المشكلات الأقتصادية الطاحنة ولكن ايضل للأننا نصر ان نكبل انفسنا بضغوط ما انزل الله بها من سلطان
اعرف شابا عمره 24 عام تخرج لتوه ويعمل محاسبا في احد شركات الأدوية تقدم لفتاه فسأله والدها عن الشبكة قال معه 5000جنيه وقالت امه وانا سأساعده ب 2000 إلا ان الرجل اشترط شبكة ب 10000جنيه مثل ابنه عمتها وعندما اخبره الشاب انه لن يستطيع دفع هذا المبلغ في الشبكة رد الوالد( اللي ماعندهوش مايلزمهوش وهي مش اقل من ولاد عمتها ) فانصرف الشاب مكسورا وحزنت الفتاة عليه فقد كان كل منهم يميل للأخر إلا انهم لم يملكون إلا الصمت
- رجل اخر اعرفه ظل سنوات طويلة يبحث عن عروسة من الكتالوج فهو يريد مقاس خطوتها كذا وطول شعرها كذا ومساحة مرفقيا كذا ومساحة خصرها كذا
كان يرى ان هذه مواصفا قياسية وهويرديها في شريكة حياته .. رأي نساء كثيرات من عائلات كبيرة ومراكزهم محترمة ولكنه رفضهم فهذه خطوتها ضيقة وهذه ممتلئة من الخلف وهذه كذا وهذه كذا
- وشخص اخر لديه ابنته الكبرى عمرها الأن 33 عام تقدم لها من 3 سنوات شاب معيد في الجامعة حصل على الماجستير ويستعد لمناقشة الدكتوراة ولكنها رفضته لأن ابوه عطار قالت للأبيها ( مش معقول يبقي حموات اخواتي مستشار ودكتورجامعة وانا حمايا عطار ) وعندما اخبرها ان اي مهنة شريفة ليست عيبا وان هذا العطار لديه ابن دكتور في الجامعة وانها كبرت في السن ردت بكلمة قاطعة ( اعتبرني مجنونة وقاعدة معاك في البيت ) فصمت الأب على مضض خصوصا انها تعمل ومستقلة عنهم ماديا
كل هذا ونحن نقول اننا شعب متدين ونريد ان نطبق اوامر الدين والدين لم يأمر بهذا

ابدا بل قال ( من جائكم من ترضون خلقه ودينه فزوجوه ) وقال ( فازفر بذات الدين )
لم يقل ابن لواء او مستشار ولم يقل ذات خطوة كذا وخصر كذا ولكن يبدو اننا نقول شيء ونفعل عكسه
- ما اريد ان اقوله ببساطة ان الحياة ملئية بالمتاعب فليس هناك داعي ان نزود هذه المتاعب علينا لا يكن كل همنا ان نختار عروسة بالكتالوج او مثلما حدثتني صديقة عزيزة ( ان الست ماتبقاش لاقية حد يبص في وشها ولما يتقدملها راجل محترم تتطلع فيه القطط الفاطسة )
لابد ان نسهل الأمور على انفسنا ونطبق ديننا - وهو كله يسر - تطبيق فعلي على انفسنا
قبل ان نستيقظ ذات يوم نجد ان اعضاؤنا قد ضمرت لأن العضو الذي لا يستخدم يضمر .. آه والله العظيم يضمر
…………………………………..
مداعبة برئية مع ليلي

____________
على هذا اللينك
http://www.moheet.com/show_news.aspx?nid=188502&pg=1

ان فتاة انجليزية تدعي راندي عمرها 25 عام مارست الجنس مع اكثر من الف )
رجل وان اول مرة مارست فيها كان مع صديقها وكان عمرها 17 عام ومنذ ذلك الوقت انفتحت شهيتها - دون اغلاق - للجنس وانها اضطرت في الفترة الأخيرة للأستخدام الأنترنت للوقوع بضحايها وانها تتعالج منذ فترة طويلة ولكن دون أي فائدة فهي حتى اثناء جلسات العلاج تبذل مجهودا كبيرا في السيطرة على نفسها حتى لا تمارس مع الطبيب المعالج وهي ليس لديها كشفا بأسماء ضحايها – التلى لا تهتم كثيرا بأشكالهم - فهي ليست ساقطة هي فقط مجرد امرأة تشبع رغباتها)
- طبعا الموضوع مش محتاج تعليق مني انا بس بهديه للأخوات بتوع ليلي اللي دايما ظالمين الراجل ويتهمنوه بالتحرش وانه فلاتي بالفطرة يجلس مع واحدة وهو يفكر في اخري
- علشان بس يعرفو قد ايه هما ظالمين الراجل وقد ايه هو كائن برئ رقيق وديع مرهف المشاعر والأحاسيس يتعرض دوما للظلم والاضطهاد ولا يجد من يدافع عنه
وانا مش جايب حاجة من عندي العينة بينة اهو .. احنا ماعمرناش سمعنا عن راجل مهما كان مارس مع -125- امرأة في السنة الواحدة .. دة غير عدد مرات الممارسة مع كل واحد ( مش اقل من 6 ولا 7 مرات احسبوها انتو بقي تتطلع قد ايه )
اناعايز اقول لكل ليلي رفقا بهذا المخلوق الوديع المتحرش به المسمى رجل
وفي النهاية لا املك إلا ان اقول لنا الله نحن معشر الرجال
......................................
حكمة البوست
اللي بيحبنا مايضربش نار عندنا
.............................

واخيرا دمتم بكل الود

تاج السعادة + قصيدة لفتاة المترو ..الوحش الأحمر

قبل القرأة

قرأت في موقع مصراوي أن محافظ القاهرة اجتمع بالأستاذ جلال الشرقاوي واتفق معه على اعطائه فرصة شهر لعمل الأحتياطات التي تريدها هيئة الدفاع المدني وفي نفس الوقت سوف تعطيه المحافظة قطعة ارض لبناء مسرح جديد لأن المسرح الحالي يمثل خطرا على معهد الموسيقى .. السؤال هل ستشارك الحكومة في تكلفة المسرح الجديد ومن الذين سينفق على العاملين في المسرح في خلال فترة البناء واين كانت الحكومة طوال هذه السنوات الطوال جدا -32- إذا كان المسرح حقيقا يمثل خطرا وهل امة تفكر بهذه الطريقة يمكن ان تنجح او تتقدم ؟

................................

بنوتة زي القمر تشيلني جوة عنيها

وابن طيب لذيذ يعطف عليا وعليها

وصحة من غير مرض وسعة في الرزق

دي جنة الدنيا اللي قلبي مابيحلمش إلا بيها

- الرباعية اللي فاتت تمثل باختصار نظرتي للسعادة التي مرر لي اخي الكريم محمد غالية تاجها

والأن بعد ان قرأتم الموجز إليكم التفاصيل

السؤال الأول:ماهى السعادة من وجهة نظرك؟

اني اكون راضي واحس بسلام داخلي بيني وبين نفسي وبيني وبين الأخرين

السؤال الثانى: كيف تصل إلى السعادة؟

لو عملت اللي عايزه من غير ماغضب ربنا متهيألي اكون وصلت ليها

السؤال الثالث: هل السعادة وهم أم أنها حلم صعب؟

ليست وهما او حلما صعب كل يوم بتعيشه وبتحقق فيه احلامك بتحقق السعادة بس خلي عندك هدف وثقة في ربنا ونفسك انك هتقدر تحقق احلامك وهتلاقيها ان شاء الله

السؤال الرابع: هل السعادة طريق للنجاح ؟وضح؟

آه طبعا لما تكون سعيد هتكون نفسيا احسن ومقبل على الحياة اكتر فهتقدر تنجح اسرع

السؤال الخامس: ماهى أكثر اللحظات التى شعرت فيها بالسعادة؟

مش لحظة معينة او شئ محدد .. يمكن لما نجحت في الجامعة واخدت اعفاء الجيش وارتحت من مشاوير الهايكستب كنت فرحان لكن في الأغلب لما بكتب قصة او قصيدة وبتعجب الناس بكون فرحان قوي

السؤال السادس:هل ممكن أن تحقق كل شىء؟

لو حطيته في دماغك ممكن .. لكن بردو ربنا مش بيدي الأنسان كل حاجة في حاجات بتكون خارجة عن ارادتك

السؤال السابع: السعادة تجعلك تقبل على الحياة أم لا؟

آه طبعا

السؤال الثامن: هل أحسست يوما انك وصلت لقمة السعادة؟

يمكن دلوقتي لاء بس ان شاء الله الأيام الجاية في حاجات انا ماشي فيها ربنا يكرمني وتتحقق ساعتها هحس اني اسعد انسان في الدنيا

السؤال التاسع: لماذا تمر أوقات السعادة بسرعة؟

لأننا بنكون مستغرقين فيها فمش بنحس بالوقت

السؤال العاشر: هل ترى السعادة فى التدين؟

آه طبعا

السؤال الحادى عشر: هل أنت متفائل وعندك أمل؟ وضح؟

بحاول .. زي ماقولت في حاجات ماشي فيها ربنا يكرمني وتتحقق واعلن عنها والناس كلها تفرح معايا

السؤال الثانى عشر: إذا شعرت بالحزن ماذا تفعل؟

بدعي ربنا يشيل عني الحزن

السؤال الثالث عشر: هل يستمر معك الحزن فترة ام ينقضى فى الحال؟

بيقعد وقت لكن مش كتير

السؤال الرابع عشر: ما رأيك فى الأفراد المتشائمين؟

ربنا يسعدنا ويسعدهم

.....................................................

قصيدة لفتاة المترو

يوم الثلاثاء اللي فات وانا نازل من المترو في التحرير لاقيت القمر نزل من السما وعدى من جنبي سرحت بعيني معاه ولما اختفي لاقتني بكتب القصيدة دي ... منتظر رأيكو فيها

(الوحش الأحمر )

وحش ولابس احمر عدى بالصدفة جنبي

اول ماشوفته بعيني رق ودق قلبي

رايح فين يا جميل وسايبني هنا وحدي

وازاي بغمضة عين قدرت تخطفني

طيب سيب حتى التليفون

ولا إيميل يريحني

اطمن منه عليك

واسمك بتفرحني

آه يا برود اعصابك

اخدت قلبي معاك

وماشي وسايبني