في حضن الاسكندرية أتلاقو كل الاحبة

قبل القراءة

البوست ده يا جدعان فاتيماوي فلو لاقيتو فيه حاجة من روحها ماتستغربوش

**********

- احنا على الهوا يا بنى
- طب انزل بالتيترات

- إيه التيترات خلصت ..طب ادينى هوا

اصدقائي الغالين كنت دوما اسمع عن شغف الكتاب والشعراء بالاسكندرية كنت اعرف ان هذه البلد تملك سرا ما يجعلك تقع في هواها منذ اول لحظة ربما في خلال زياراتى السابقة لم اكن قد عرفته ولكن في هذه المرة بدأت اقترب من معرفته ..فالتاريخ الضارب في جذور اعماق الزمن والبحر واليود والهواء النقى والشمس الدافئة تجعل الذهن صافيا متقدا تتيح مساحة اكبر من التفكير والرؤية تجعل عدسة النظر عندك تتسع تعطيك مساحة لا محدوده من الهدوء والاتزان والراحة ولذلك ليس غريبا ابدا ان ينطبع كل ذلك على اهلها فتشعر بينهم انك تعرفهم منذ زمان بعيد ولذلك ليس غريبا ان تعرف ان كتابا كبارا مثل اسامة انور عكاشة -عليه رحمات الله -ووحيد حامد كانو يكتبون اعمالهم هنا في الاسكندرية وان الشيخ الجليل الشعراوي كان لديه شقه في الاسكندرية يذهب إليها بعد تصويرعدة حلقات من التفسير ليستعيد ذهنه ونشاطه ووليس غريبا ايضا ان تسمع من عالم جليل هو الدكتورسيد حسين العفانى: قوله انا سكندري الهوى.. فهذه البلد آثرة لكل المبدعين من كافة الاتجاهات والاطياف .

- ايه بتقول ايه بسط الكلام وخليها احمدي ..ماشي يابرنس نبسط

بصو يا جدعان اللي فات دة كله كان مقدمة للكلام عن رحلة اسكندرية اللي هي كانت بجد من اجمل ايام عمري انا وكل اللي شاركو فيها خصوصا من اهل القاهرة احنا في اليوم دة ادلعنا جامد قوي من اخوتنا الاسكندرانية لكن لو كان حد السبب الرئيسي في الدلع ده هو فاتيما اللي الكل كان رايح علشان يقابلها واللي هي لها مكانة كبيرة في قلوب المدونين كلهم وبصراحة احنا كلنا ادلعنا على حسها فلازم نوجه لها شكر مضاعف لانها بصراحة لو ماكنتش معانا ماكناش هندلع ولا هننبسط كده ..بدأ اليوم لما روحت قابلت خالد وفاتيما وشريف(هجايص) وضياء(بيوتفل مايند)في رمسيس واستقلينا الميكروباص للاسكندرية وهناك قابلنا انجي(هات من الاخر)واحمد علىAccording To Ali قدام مكتبة الاسكندرية وروحنا على قلعة قايتباي وهناك قابلنا مارو(قلب القطه )وكان معاها جوزها الاستاذ محمد وابنها وبنتها وبعض المدونين الاخرين وبعد جولة في قلعة قايتباي روحنا نستريح شوية في مطعم الزعيم لكن قبل مااسيب المشهد ده عايز احكيلكو عن لقطة مهمة حصلت لها علاقة بالكلام اللي قلناه في الاول واحنا بنستعد علشان نطلع الدور الاول من القلعة كان في مجموعة من الاجانب نازلين انا وضياء تلقائيا وسعنا لهم السكه لكنهم فاجأونا ونزلو من السلم ناحية اليمين .انا وضياء ماخدناش بالنا ان السلم ناحيتين.. زحمة القاهرة ودوشتها وخنقتها بتأثر على تفكيرك عكس البراح والهدوء اللي هناك اللي بيخلى ذهنك اكثر هدوءا وبيخلى الافق عندك يتسع والاحتمالات تكتروتزيد
بعده قابلنا دودو عاشقة الرومانسية وحنين القلب وحنان الشافعى واحمد (طعم البيوت) واستاذة نانو (القدر وانا) وكان معاها ابنها وبنتها
وخرجنا التربيزات برة وقعدنا نحتفل بعيد ميلاد فاتيما ..دودو كانت محضرة تورتين فواكه وشيكولاته وفضلنا نغنى ونهيص في الشارع واعتقد بردو ان ماحدش هينسى اللقطة دى ..كان في ست طيبة قوي عمالة تبص علينا من الشباك وكان معاها احفادها ولد وبنت صغيرين الست زي مايكون استغربت من الناس اللي بتغنى وتهيص في الشارع دي
-هو في حاجة يا اخوانا
- لا يا حاجة دة احنا بنحتفل بعيد ميلاد صاحبتنا دي
-طب كل سنة وهي طيبة

انا قلت لحنين ايه رايك لو نديها حتة من التورته وفعلا ادينها حته وقلنالها تبعت الولد الصغير ياخدها الست زي مايكون استغربت او حصلها بعض الاحراج لكن لما لاقتنا بنتحايل عليها اخدت الموضوع عادي وبدا الاحراج يروح من عندها

- انتو طابخين إيه ياحاجة النهاردة

- محشي

-محشي ايه يا حاجة

فضلة خيركو ورق عنب وكرنب

- طب غدانا عندك النهاردة يا حاجة

- انتو تأمرو يا ولادي يلا اطلعو

-لا يا حاجة مش هينفع دلوقتى علشان لسه واكلين تورته بس هنروح ونرجعلك

- وانا هستناكو

ايه يا جماعة دة هو لسة في حد كده الست دي فكرتني بمصرالجميلة مصر النقية يمكن هي لما فضلت تسمعنا ماكانش بدافع التصنت علينا ولكن بدافع الفضول الستاتي بتاع ناس زمان الجميلة دي غير كمان اننا اغراب وعاملين تحت بيتها مركز احتفالات فكان طبيعي يكون عندها فضول ايه الناس دي ..كمان في اكترمن لقطة شوفتها فكرتنى بمصر الجميلة اللي كانت من عشرين سنه قبل ما تتزحم قوي كده وتتفرنج ويطلعلنا محلات وشوارع واكلات مش عارفينلها اصل ولا فصل منظر العربية اللي الحصان بيجرها ومنظر العربية اللي الراجل بيجرها فكرونى بذكريات قديمة جميلة كنت بشوفها قي بيت جدتى في الدرب الاحمر قبل ما يتهد في الزلازل

بعدها جه صديقنا وليد الدوغري ولالولا فاطمة الزهراء

بعدها روحنا اخدنا مركب علي البحر وبجد كانت ساعة من اجمل ساعات حياتى.. انك تحس انك طايرفي الفضاء الواسع مافيش بيوت ولا حواجز ولامناظر وحشة بتضايقك او تعصبك كل حاجة حواليك تدعو للفرح والانطلاق زي ما الولد سواق المركب قال: هنا مافيش احزان ..وفعلا مافيش احزان طالما انك موجود بين حبايبك اللي شايلينك على كفوف كفوف الراحة ..بعدها روحنا اتغدينا وطلعنا بعدها عند سيدي المرسي ابو العباس وركبنا مراجيح ..ايه مستغربين ليه؟ ايوة ركبنا مراجيح رجعنا اطقال تانى او صحينا الطفل اللي جوانا ..الطفل النقي اللي ماتلوثش لسة بالحياه ومشاكلها والمقالب والخداع اللي بتحصل بين البشر ..كان احساس جميل قوي لما ركبنا المرجيحة اللي بتطير قي الهواء احساس انك طاير مافيش حاجة منعاك او حداك او موقفاك في مكانك وفضلنا نغنى اغنيه ضحك ولعب وجد وحب ..عيش ايامك عيش ليالياك خلي شبابك يفرح بيك ..

صحيح يا جماعة لو مافرحناش دلوقتى واحنا قادرين نفرح هنفرح امتى؟ اسباب الفرح ممكن تكون بسيطة قوي مش لازم يعنى علشان يكون عندك ملاين .بس وانا في المرجيحة جالى شعور الطائر اللي بيكون مرتفع عن كل شيء حواليه حاسس وهو في السما انه اقوي من اي شيئ واعلى من اي شئ ومش محتاج لأي شيئ اصل هو فوق في السما قريب من ربنا ..طب اللي بيبقي قريب من ربنا ده هيحتاج لايه إذا كان هو عنده كل شيئ ..افتكر كان في سؤال في تاج بيمر على المدونين لو ماكنتش بشر تحب تكون ايه؟

كان ردي احب اكون طائر قوي يفرد جناحه في السما ويطير .. طائر من الطيور البرية اللي مابتاكلش البايت ولا الميت عايز اكون طائر حر.بعدها اتكلمنا انا وفاتيما في النقطة دي قلتلها ان صلاح جاهين رغم كل الاشياء اللي مارسها (كتابة الشعر والاغانى والمسرح والاوبريت والفوازير والسيناريووالكتابة للاطفال واعداد البرامج والكاركتير ورئاسة التحرير والتمثيل والانتاج ) سألوه مرة انت عملت كل الحاجات دي ايه الشيئ اللي كان نفسك تعمله قالهم كان نفسي اكون راقص باليه سألوه باستغراب اشمعنى قالهم اصله بيطير في الهوا وانا نفسي اطير ..وانا راكب المرجيحة كنت حاسس انى فارد جناحاتى وبطير ..انا عارف انى طولت في النقطة دي بس مش مهم ..

بعدها كنا لازم نرجع فودعنا الاحباب واستقلينا الميكروباص إلى القاهرة العامرة

افتكرت لحظتها لقطة يحيي الفخرانى في خرج ولم بعد وهو راجع مصر وبيصرخ : جايلك يا مصر جايلك يا احمد يا عدوية ..او بلغة زمانا جايلك يا سعد ياصغير او يا بو الليف.
انا انبسطت قوي في الرحلة دي انبسطت بكل الناس اللي كانت موجودة وطبعا على رأسهم فاتميا اللي زي ماقلت لها محبه في قلوبنا كلنا وبسببها ادلعنا كل الدلع المبالغ فيه ده وعايز اقولها كل سنه وانت طيبة يا فاتيما ويارب يحققلك كل امالك ويرسم السعاده عليك.. هي دايما بتقول على نفهسا وهي معانا( انها امراءة افسدها التدليل) بس يعنى لو احنا مادلعناكيش انتى طب ندلع مين؟ الصح بقي اننا نقول (فاتيما امراءة ماخلقت إلا للتدليل ) ربنا يسعد كل ايامك ..وطبعا عايز اشكر كل اهل اسكندرية اللي كانت فرحتهم بينا لا توصف كلهم احتفلو بينا مش بس شالونا على كفوف الراحة لاء دة جوة عينهم

ولو كنت نسيت اسم ولا حاجة فسامحونى الاحباب كانو كتير اكبر من ذاكرتى التى فعلت بها القاهرة الافاعيل ولكن بالطبع الكل يعرف مدى حبى واعتزازي بالجميع ومدى فرحتى عندما اكون بينكم فكما يقول القائل : المرء قليل بنفسه كثير بأخوانه وانتم خير اخوان لي ويكفي انى جعلت اهداء كتابي الاول لكم فأنتم اول من قرأ لي وها انتم الان تعطرون ايامي بعطر السعادة والفرح ..احبكم واتمنى ان اكون معكم دوما

_______

*: بالنسبة للصور عايز اشكر اخي العزيز خالد همس الاحباب الذي التقطها لي .

********

بعد الفراءة

اريد ان ان اقول رأي في موضوع طرحناه اثناء رحلة الذهاب هو توقف بعض المدونين عن التدوين بعد الزواج.. انا رأيي ان سبب التدوين الرئيسي عند اكثرنا هو ان وصول صوتك للاخر.. بعد الزواج تجد من يشاركك الحياه يسمعك وتسمعه يتفق ويختلف معك اي انك تجد قارئ امام عينيك وليس خلف الشاشة ولذلك من الممكن ان تفقد شهيتك للتدوين.. بعد الانجاب وكثرة مشغوليات الحياة قد ينشغل الزوج بعض الشي عن زوجته ( باللهث وراء لقمة العيش )فتقل مساحة الحديث فتلجأ المرأة للتدوين وتبادل الأراء خلف حاجز الشاشة .هذا رأيي وقد يختلف البعض معه ولكن اختلاف الرأي لا يفسد للود قضية

لكم كل محبتى وودي يا اصدقائي الغاليين جدا

النظرة الناطقة ..قصة قصيرة جديدة

قبل القراءة:

مبروك للاهلى الفوز على الارانب البيضا وياريت بعد كده مايبقوش يملو الدنيا صراخ وعنجهيه فارغة على الفاضي ويتأكدو ان الاهلى هو الكبير وهيضل طول عمره الكبير وهيفضل نادي الانتصارات والبطولات ..مرة تانية مبروك يا اهلنا ومنتظرينك تفرحنا بالكأس بعد الدورى

***********

النظرة الناطقة*

لم استطع ان اتمالك نفسي من الأنغراق فى الضحك وأنا اصافحها رغم نظرات الدهشة الصارخة على وجه ذلك الذي اصبح زوجها. كُنت أريد أخبره في هذه اللحظة عن تفاصيل ذلك المنبهر به المُسمى جسدها, والذي طالما صرخ من فرط اللذة وأنا ازرع بين جنبيه راياتى .. كنت أريد أن افشي له بأسراره ، وبكيفية فك شفرته، واعطيه خريطة طريق تضاريسه واحذره من تلك الحسنه الكبيره المختبئه فى ممر بين النهدين ، وأدله على أنها تصل لمنتهى لذتها لو أنه داعب .....
ولكننى صمت عندما رأيت فى عينيها تلك النظره الناطقة التى ترجو مني السكوت .

________

*: كنت قد اشتركت بهذه القصة في مسابقة ساقية الصاوي للقصة القصيرة جدا ولكنها لم يحالفها الحظ في الفوز فأردت ان انشرها هنا لتأخذ حظها من القراءة.

___________

بعد القرأة

عزاء واجب للكابتن شوبير في وفاة المغفور له والده ..رحم الله الفقيد وادخله فسيح الجنه وألهم كل الاسرة الصبر والسلوان

رباعيات في حب سوريا

1

قمورة سورية وعيونها عسلية

تضحك وفي ضحكتها سحر وجمال الدنيا

ماتيجي تتجوزينيى..على شرط تدلعيني

ولا يوم تلوي بوزك وتقلبي مصرية

2

مصر وسوريا اخوات من سالف الأزمان

وتعالى يا حلوة نأكد وحدة الأوطان

تسكنى بيت حلوان وانا اسكن بيت حلب

ونخلف بهية ونزار وكمان حنان

3

قمر من سوريا فجأة دخل علينا الكافيه

كل الشباب انتبهت..فضلت تبص عليه

وقالولي اكتب فيها شعر

قلت الشعر عاجز عن وصف اللي احنا فيه

4

وحش سوري جامد قاعد مع شاب مصري

وكان جمالها زايد ..ده كان بشكل حصري

وقلت لصاحبى استنى.قالى هتروح فين

قلت اسأل لو ليها اخت هل ممكن تتجوزنى

5

كريز شفايفك نادى ..وانا عايز ألبي الندا

مش هقدراقف في مكانى ياسورية اكتر من كده

وانا مش قديس لا راهب ومافكرتش ولا عايز

انا عاشق بقلب شاعر بيخطفنى الجمال

وانتى جمالك ساحر وايه اكتر من كده

6

داري جمالك عنهم يا اللي جمالك بزبادة

مكر الحريم قتال وجمالك فوق العادة

لو كان على الرجال نظرة وخلاص هتعدي

لكن آه من الحريم ونفوسهم الكيادة

7

مش قلت انا قبل كده بلاش اللبس ده

ولبس الخروج طويل وواسع ونازل كده

وجمالك ده مايبنش غير عليا أنا بس

وحدي اقطف ورد الشام من هنا وكمان من هنا

واحد عايز يروح رحلة لجهنم .. اضحك مع اعضاء نادي الزمالك

اصدقائي هذا البوست ايضا من اوائل ما نشر هنا اعيد الان نشره لاطلعكم على نموذج غريب من البشر وايضا للتأكدو ان من اعضاء نادي الزمالك من لا يقلون جنانا ولاغرابة عن رؤسائه

*********

(ملحوظة مهمة قبل القراءة : ما سأخبركم به في هذا البوست حقيقيا فلاتندهشوا لو انكم قرأتم ما لا يمكن ان يصدق)
اخبرتكم في البوست السابق انني عندما ذهبت لنادي الزمالك ظللت انتظر ساعات طويلة اثناء ذلك الأنتظار حدث شيئا لا اظنني يمكن ان انساه او ينساه احدا ممن حضر هذا الموقف فعندما كنا نجلس في قاعة الانتظار دخل علينا رجل كبير في السن من اعضاء النادي صلي الظهرثم نظر إلينا ونحن نجلس سألنا انتوا جاين علشان شغل النشاط الأجتماعي رددت انا : نعم فقال : عايزنكم بقي لما تتعينوا تطلعونا رحلات فرردت باسما : امرك احنا نتعين ونطلعك كل الرحلات اللي انت عايزهاثم سألته محاولا كسر حدة فترة الانتظارالطويلة : بس انت عايز تروح رحلة لفين ؟ تخيلوا اي مكان يمكن الذهاب إليه ولكن انا واثق ان خيالكم لن يصل ابدا للمكان الذي اراده الرجل قال : انا عايز اروح رحلة لجهنم قلت مستغربا: ليه كدة متخليها رحلة للجنة احسن فقال بكل ثقة : لا اصل الجنة دي مضمنونة لكن الواحد عايز يشوف شكل جهنم عامل ازاي فقلت ومازال الأستغراب يملأني : لا مين اللي قال انها مضمونة فرد : لا انا ضامنها وبعدين مش احنا كلنا هندخل جهنم مش ربنا بيقول : {وإن منكم إلا واردها}
قلت : لا المقصود هنا الصراط .. اللي هيعدي من عليه بسلام يدخل الجنة واللي هيسقط والعياذ بالله يدخل جهنم
فرد بكل ثقة : لا لا انت كلامك مش مظبوط فرددت منهيا لهذا الموقف : خلاص يا عم روح انت جهنم لوحدك انا مش عايز اروح الرحلة دي .. فنظر الرجل إلي شذرا وانصرف قد يقول بعضكم ان الرجل كان يمزح معي ولكن ما اريد ان اؤكد عليه انه كان يتكلم جديا هذا الأمر حقيقيا يدفعنا إلي التأمل والتفكير نحو فكر الكثير منا نحو الجنة والنار او نحو الله سبحانه .. البعض يتعامل مع الجنة والنار وكأنها اسطورة من الأساطيراو كأنها شيء مضمون مثل صاحبنا هذا والبعض يتعامل مع الله وكأنه واحد صاحبه والذي يقرأ بعض المدونات- التي هي تعبيرعن فكر اصاحبها – والتعليقات عليها يجد اشياء تكاد تطير العقول عن علاقة هؤلاء بالله او افكارهم عنه ولولا ان يكون ذلك جهر بالسوء من القول لقلت لكم امثلة مما قرأت ( ولعلكم تعرفون الكثير منها )

إن هذا الأمر يختلف تماما عما كان عليه الصحابة الكرام فابو بكر الصديق وهو افضل الخلق بعد الانبياء والمرسلين كان يقول : لو ان لي قدم في الجنة والأخرى في الخارج لم اضمن الدخول لا اضمن مكر الله, والفاروق عمر وهو من هو افضل الخلق بعد ابو بكر الصديق كان يقول: لوانه جاء يوم القيامة وقيل كل الناس سوف تدخل الجنة ماعدا رجل لخشيت ان اكون انا هذا الرجل, وكان يقول: ليت امي لم تلدني, وكان يقول: ليتني حشيشة من حشائش الأرض, وعندما حضرته الوفاة اخذ يبكي فأخذوا يذكروه بأمجاده في الأسلام ليهونوا عليه فقال : وددت لو انجوا ليس لي ولا علي, وعندما طلبوا منه ان يرشح ابنه عبد الله للولاية - كان عبد الله صواما قواما معلما ومربيا وراويا للأحاديث – إلا انه قال: كفي لها بحمار واحد من أل الخطاب. والكلام عن خوف الصحابة والتابعين وخشيتهم من الله يطول ثم بعد ذلك يأتي واحد في وقتنا هذا يقول الجنة مضمونة ما اريد ان اقوله لكم ان المؤمن في سيره إلي الله سبحانه يسير علي جناحي الخوف والرجاء الخوف الذي يدفعه ان يبذل اقصي طاقته في العبادة ليفوز برضا الله والرجاء في ان يشمله الله بكرمه ومنه ويتقبل منه عبادته ويغفر له ذنوبهلا ان يقول بكل ثقة الجنة مضمونة إذ ماهو الموقف لو ان الله لم يتقبل منا؟ اسأل الله لي ولكم القبول والغفران والنجاة والتوفيق في الدنيا والأخرة.

اخطاء مرتضى منصور الكبرى

هذا البوست كان من اوائل التدوينات التى نشرتها هنا اعيد الان نشره بمناسبة فضائح مرتضى منصور الحالية والتى يبدو انها لن تنتهي وايضا لاحكى لكم عن تجربة شخصية مع شخصية لا تتورع عن فعل اي شيئ

**********************
(مرتضي منصور .. عندما يعلو صوت الحنجرة علي صوت العقل طبيعي ان تفقد كل شيء)

منذ ان بدأ اسم مرتضي منصور يظهر علي الساحة وانا انطباعي عنه انه انسان طموح جدا - ربما اكتر من اللازم- محب للظهور والتحكم في الأخرين حتي ظهر موضوع صفر المونديال وخرج مرتضي منصور يصيح في كل وسائل الأعلام بأنه يجب اقالة الوزير ومحاسبة المسؤلين الذين جعلوا سمعة مصر في الأرض اخذ مرتضي يتحدث وكأنه هوالوحيد الذي يحب مصر وانه هو الفارس الذي سيعيد لها مجدها بعدها ضم مرتضي ابراهيم سعيد للزمالك واخذ يدافع عنه وانه عرف اخطائه ويجب ان نقف بجواره ثم مالبث ان قام ابراهيم سعيد بفضيحته الشهيرة في مبارة المنصورة – عندما انتهك عرض اللاعب -وتحدث الرأي العام جميعه عن هذه الواقعة - والتي اراها اهم بكثير من فضيحة صفر المونديال – واهمية معاقبة ابراهيم سعيد الجميع تكلم ماعدا مرتضي منصور هوالوحيد الذي التزم الصمت رغم انه كان وقتها رئيسا للنادي لم يقل ويفعل الشيء الطبيعي الذي يجب ان يفعل في مثل هذه الظروف بان الاعب اخطأ وانه سيحاسبه ويحقق معه وكأنه موافق علي هذا الفعل الشنيع وقتها تأكدت ان مرتضي ليس فارس كما يحاول ان يقدم نفسه وان ما يفعله من اجل المنظرة والشوالأعلامي فقط بعدها وفي صيف 2005حدث اول احتكاك شخصي بيني وبينه اذا نشرت جريدة الأهرام في شهر مايو اعلانا لنادي الزمالك يطلب فيه تعين موظفين وكان من ضمن الأقسام المطلوبة قسم النشاط الأجتماعي وباعتباري دارس لعلم الأجتماع ذهبت علي امل الحصول علي وظيفة اي نعم انا غير راضي عن تصرفات مرتضي منصور ولكن الاعتقادات الشخصية شيء والعمل شيء اخرذهبت وملأت استمارة واخبروني انهم سوف يتصلوا بي وبعدها بشهرين وكنت انا قد نسيت الموضوع اصلا فوجئت بتليفون من مكتب المستشار مرتضي منصور – كما اخبرني المتصل
بأن هناك مقابلة مع مرتضي في النادي في اليوم التالي في الساعة الثانية بخصوص الوظيفة التي قدمت لهاوبالفعل ذهبت في اليوم التالي في الميعاد المحدد وهناك ادخلوني في حجرة في المبني الأداري بها حوالي 40 شاب وشابة جميعهم في العشرينات جميعهم ذهبوا علي امل الحصول علي وظيفة توفر لهم رزقا يغنيهم عن السؤال عرفت بعدها ان اليوم هو يوم مقابلة المتقدمين للنشاط الأجتماعي جلسنا ننتظر وقالوا لنا ان مرتضي علي وشك الوصول لمقابلتنا ظللنا ننتظر وننتظر حتي اصبحت الساعة 3.30 فقالوا لنا ان سيادة المستشار وصل وانه سوف يقوم بجولة تفقدية داخل النادي ثم يقابلنا ظللنا ننتظر حتي اصبحت الساعة الرابعة والنصف ونحن لم نتقابل معه بعد لحظتها صاحت احد الفتيات فينا نحن الشباب طلبت منا ان نذهب لنسأل عنه فنحن ننتظر منذ اكثر من ساعتين ونصف وقمت انا وسئلت ليس من اجل الفتاة فقط ولكن لأني انا ايضا اتخنقت من طول الأنتظار والجلسة اخبروني في السكرترية ان المستشار غادر النادي لأنه عنده جلسة في مجلس الشعب وبعدها سوف يقابلنا واللي عايز يستني يستني واللي عايز يمشي يمشي بعض الشباب اخذ الموضوع موضوع كرامة – في الحقيقة عندهم حق – ورحل وبقيت انا والأخرون من منطلق يعني هنروح نعمل ايه ادينا قاعدين في النادي ظللنا ننتظر حتي وصلت الساعة 6.30 اخبرونا ان المستشار مرتضي وصل وانه سوف يقابلنا في مكتبه صعدنا إلي مكتبه في الدور التالت وقفنا حوالي 30 شاب امام المكتب في طرقة ضيقة وادخلونا عليه خمسة خمسة بطريقة غيرادمية وكأننا حيوانات ولسنا بشرعندما دخلنا لم يتحدث مع الواحد منا اكتر من 30 ثانيةسألنا سؤالين ايه اللغة اللي بتجدها وهل انت عضو في النادي ولا لاء كدت في هذه اللحظة ان امسك في زمارة رقبته ولكني بالطبع مسكت نفسي .. كم من الغيظ الرهيب كان بداخلي لحظتها فاذا كنت انت تعرف انك لن تقابلنا قبل السادسة والنصف فلم اتيت بنا من الساعة الثانية وماذا يفيدك عندما نجلس نحن ننتظرك اكثر من اربع ساعات ونصف واذا كانت الأولوية لأبناء النادي لكي تكسب انت ارضا جديدة ويقال مرتضي بيشغل ولاد النادي فلما لم تكتفي بأعلان داخلي داخل النادي اوتكتب في اعلان الجريدة الأولوية لأبناء الأعضاءوبعدين بالعقل كدة يا عم الذكي لو انا معي اللألف المؤلفة التي ادفهعا اشتراك للعضوية هل كنت سأكون بحاجة لكي اعمل في النادي في وظيفة لن تزيد عن 500جنيه في الشهر – المرتبات في هذا الوقت كانت 350كما اخبرنا الموظفين اخبرونا ايضا ان مرتضي وعدهم بالزيادة –خرجت من النادي بالطبع وانا ناقم علي هذا الشيئ المسمي مرتضي منصورو علي سياسته الغبيةحدث بعدها سلاسل ازمات مرتضي الشهيرة الخناقة بينه وبين اسماعيل سليمثم خلعه للحذاء في مبارة الكأس امام نائب الرئيس وفصله من النادي الأهلي والخناقة بينه وبين حسن مصطفي رئيس اتحاد كرة اليد بالأضافة الي الشتائم المتبادلة بينه وبين خصومه علي شاشات التلفزيزن ودفاعه عن قضية نواب سميحةوعزله عن رئاسة نادي الزمالك وسحب الحصانة وعضوية مجلس الشعب منه ثم اخيرا د خوله السجن وخروجه منه ثم تصريحاته بأنه سيعود لرئاسة نادي الزمالك وعضوية المجلس وانه يدعوا كل يوم قبل ان ينام علي 50 شخص بـالأسم عندما نتأمل كل ذلك نجد ان مرتضي شخصية مركبة معقدة واثق من نفسه لدرجة الغرور يحب الظهور ولا يجد نفسه إلا تحت الأضواء هو يحب السيطرة علي الأخرين بل هو يري نفسه احسن من الأخرين او ربما افضل انسان يمشي علي هذه الأرض وهذه هي خطيئته الكبري التي جلبت له الخصومات والعداوات إذ لم تتغر علي وانت لست افضل مني .الخطيئة الكبري لمرتضي منصور ايضا ان صوت حنجرته دائما اعلي من صوت عقله مما يجعله يخسر كثير من معاركه ويكون دوما في موقف الضعف لان الحق لا يحتاج لصوت عالي للدفاع عنه لأنه قوي في ذاته هو يحتاج لصوت العقل لا صوت الزعيق والعصبية الشيء الأخير الذي يجب ان تتعلمه من درس مرتضي منصور انه هو ومن علي شاكلته اشخاص يجب عليك ألا تتعامل معهم إلا في اضيق الحدود فهؤلاء ينطبق عليهم المثل الشعبي الشهير

(يا نحلة لا تقرصيني ولا عايز عسل منك)

تحية فوز ومحبة للأهلى وجماهيره العظيمة + بؤجة الخير

امشي واروح على فين

هنا اهلى هنا ناسي

هنا الصحبة والملتقى

هنا اصلى واساسي

هنا داري ودواري

هنا بكتب حروف اشعاري

هنا بكون انا

انا هنا وماليش مكان تانى

مكانى في نادي القرن

أيا اهلي ما اعظمك من نادي

عزفو ولادك سينفونيه

ابهرت كل السامعين

سقفو كل الحاضرين

ياللي انت عديت كل الصعاب

بحرفتنك المعهودة

دائما انت مبهر وعظيم

انت الكبير يا اهلنا ومين

زيك في النوادي مين

بفتخر بانتمائي ليك

ومعاك في الشده والأفراح

حواليك ملمومين دايما

ومن نجاح لنجاح

ويقولوا بيضا يقولوا صفرا ..

يقولوخضرايقولو زرقا

مافيش بين الرايات رايه مرفوعه وخفاقة

غير رايتنا الحببة الحمرا

يا اهلنا يا اللي انا ساكن جوا جوا مننا

مش بس نادي بنشجعه

ده انت عشقنا وانت الفرحة اللي بتجمعنا

معاك من البداية للمنتهي

وهيمشي من بعدنا على نفس الطريق اولادنا

وبعد الولاد يجو الاحفاد واحفادهم

معاك لأخر حبة هوا تدخل جوة انفاسنا

****

بهذه الابيات انشد درع الدوري احتفالا ببقائه في بيته وداره بين اهله واصدقائه ومحبيه

عايز اقول مبروك لجماهير الاهلى بطولتهم المفضلة اللي اتحققت بفضل ولاد النادي مبروك على الاهلى البدري اللي اعطي الثقة في ناشئيه وكانو هم بالمقابل عند حسن الظن .. نعم هناك مشاكل في دفاعات الفريق ومازال اللاعبون لم يستعبو الطريقة الجديدة بعد ولكن على الجانب الاخر يجب ان نقدر ان الاهلى كان يلعب معظم مبارياته بالناشئين وان معظم كبار الفريق بين مصاب ومجهد وبعيد عن مستواه .. اذا اردنا تقيم التجربة بصورة منصفه نقيمها ابتداء من الموسم القادم فهذا موسم الزرع والقادم الحصاد وسيصحد الاهلى ان شاء الله حصادا طيبة خلال الموسم القادم ورغم كل ذلك

يجب ألا ننسى ان البدري حقق الدرع قبل نهاية الموسم ب 4 مباريات كاملة وهذا انجاز كبير يجب ان يشكر عليه .. تحية للأدارة التى وثقت فيه وتحيه له ولجهازه المعاون وتحية لكل اللاعبين وتحيه اكبر للجماهير العظيمة التى وقفت معه بكل وفاء كعادتها دائما

*********

عن بؤجة الخير

ما اجمل ان نكتب عن فرحة البؤجة مع فرحتنا بانتصارات نادينا الحبيب

امس الجمعه كان يوما جميلا بالنسبة لي ولكل من شارك فيه فقد التقينا في رحاب الخير بتوزيع الملابس على محتاجي منطقة اسطبل عنترولذلك كان اليوم محفوفا بروح جميلة من الحميمة الود لكل من شارك فيه بدأ اليوم عندما ذهبت الي الجمعيه قبل ان اصعد قابلت اصدقائى الكرام خالد ( همس الاحباب ) الذي بذل جهدا كبيرا في نقل الملابس والتنسيق مع اعضاء الجمعية وشريف ( هجايص) والاحمدان (ابو حميد)و(الارموطي) وضياء (بيوتفل مايند) صعدت بعدها لمقر الجمعيه وقابلت مجموعة اخري من اصدقائي واحبائي الذين اعتز بهم على راسهم اختى الجميلة فاتيما (روح قلب ماما) ود.علا(صيدلانيه طالعة نازله) وكانت بصحبة زوجها الرجل الجميل الخلوق د.اشرف واولادها الجميل سيف والعسولة شادن والاستاذة( البتول) وكان معها ابنتها وميرا (ميرامار) وبنت منطقتى مني سيلم (عالم مولان) بعد ذلك جائت ريم(رسائل بلا بريد)وداليا

(قوس قزح) ووليد (كينج توت) وزوجته. وبعد صلاة الجمعه ذهبنا وقضينا وقتا ممتعا في نادي المحامين وقابلنا مجموعة اخرى من اصدقائنا المدونين احمد سو ووليد

(هي وظروفها) ومنامينووعادل صليب ورغدة (طرقعه)

ثم انصرفنا جميعا بعد المغرب. كما قلت لكم كان اليوم ملئيا بروح المحبة والود بين الجميع واظن ان ذلك من احد مقاصد التدوين ان تتحول العلاقة من مجرد علاقة بين الشاشة لتمازج ارواح ولقاء في الواقع الحقيقي .. جمعنا الله دائما على المحبة والخير