Sunday, May 2, 2010

تحية فوز ومحبة للأهلى وجماهيره العظيمة + بؤجة الخير


امشي واروح على فين
هنا اهلى هنا ناسي
هنا الصحبة والملتقى
هنا اصلى واساسي
هنا داري ودواري
هنا بكتب حروف اشعاري
هنا بكون انا
انا هنا وماليش مكان تانى
مكانى في نادي القرن
أيا اهلي ما اعظمك من نادي
عزفو ولادك سينفونيه
ابهرت كل السامعين
سقفو كل الحاضرين
ياللي انت عديت كل الصعاب
بحرفتنك المعهودة
دائما انت مبهر وعظيم
انت الكبير يا اهلنا ومين
زيك في النوادي مين
بفتخر بانتمائي ليك
ومعاك في الشده والأفراح
حواليك ملمومين دايما
ومن نجاح لنجاح
ويقولوا بيضا يقولوا صفرا ..
يقولوخضرايقولو زرقا
مافيش بين الرايات رايه مرفوعه وخفاقة
غير رايتنا الحببة الحمرا
يا اهلنا يا اللي انا ساكن جوا جوا مننا
مش بس نادي بنشجعه
ده انت عشقنا وانت الفرحة اللي بتجمعنا
معاك من البداية للمنتهي
وهيمشي من بعدنا على نفس الطريق اولادنا
وبعد الولاد يجو الاحفاد واحفادهم
معاك لأخر حبة هوا تدخل جوة انفاسنا

****
بهذه الابيات انشد درع الدوري احتفالا ببقائه في بيته وداره بين اهله واصدقائه ومحبيه
عايز اقول مبروك لجماهير الاهلى بطولتهم المفضلة اللي اتحققت بفضل ولاد النادي مبروك على الاهلى البدري اللي اعطي الثقة في ناشئيه وكانو هم بالمقابل عند حسن الظن .. نعم هناك مشاكل في دفاعات الفريق ومازال اللاعبون لم يستعبو الطريقة الجديدة بعد ولكن على الجانب الاخر يجب ان نقدر ان الاهلى كان يلعب معظم مبارياته بالناشئين وان معظم كبار الفريق بين مصاب ومجهد وبعيد عن مستواه .. اذا اردنا تقيم التجربة بصورة منصفه نقيمها ابتداء من الموسم القادم فهذا موسم الزرع والقادم الحصاد وسيصحد الاهلى ان شاء الله حصادا طيبة خلال الموسم القادم ورغم كل ذلك
يجب ألا ننسى ان البدري حقق الدرع قبل نهاية الموسم ب 4 مباريات كاملة وهذا انجاز كبير يجب ان يشكر عليه .. تحية للأدارة التى وثقت فيه وتحيه له ولجهازه المعاون وتحية لكل اللاعبين وتحيه اكبر للجماهير العظيمة التى وقفت معه بكل وفاء كعادتها دائما
*********
عن بؤجة الخير
ما اجمل ان نكتب عن فرحة البؤجة مع فرحتنا بانتصارات نادينا الحبيب
امس الجمعه كان يوما جميلا بالنسبة لي ولكل من شارك فيه فقد التقينا في رحاب الخير بتوزيع الملابس على محتاجي منطقة اسطبل عنترولذلك كان اليوم محفوفا بروح جميلة من الحميمة الود لكل من شارك فيه بدأ اليوم عندما ذهبت الي الجمعيه قبل ان اصعد قابلت اصدقائى الكرام خالد ( همس الاحباب ) الذي بذل جهدا كبيرا في نقل الملابس والتنسيق مع اعضاء الجمعية وشريف ( هجايص) والاحمدان (ابو حميد)و(الارموطي) وضياء (بيوتفل مايند) صعدت بعدها لمقر الجمعيه وقابلت مجموعة اخري من اصدقائي واحبائي الذين اعتز بهم على راسهم اختى الجميلة فاتيما (روح قلب ماما) ود.علا(صيدلانيه طالعة نازله) وكانت بصحبة زوجها الرجل الجميل الخلوق د.اشرف واولادها الجميل سيف والعسولة شادن والاستاذة( البتول) وكان معها ابنتها وميرا (ميرامار) وبنت منطقتى مني سيلم (عالم مولان) بعد ذلك جائت ريم(رسائل بلا بريد)وداليا
(قوس قزح) ووليد (كينج توت) وزوجته. وبعد صلاة الجمعه ذهبنا وقضينا وقتا ممتعا في نادي المحامين وقابلنا مجموعة اخرى من اصدقائنا المدونين احمد سو ووليد
(هي وظروفها) ومنامينووعادل صليب ورغدة (طرقعه)
ثم انصرفنا جميعا بعد المغرب. كما قلت لكم كان اليوم ملئيا بروح المحبة والود بين الجميع واظن ان ذلك من احد مقاصد التدوين ان تتحول العلاقة من مجرد علاقة بين الشاشة لتمازج ارواح ولقاء في الواقع الحقيقي .. جمعنا الله دائما على المحبة والخير

8 comments:

mostafa rayan said...

طبعا لازم امون اول حد بيعلق ويقول ال مبروك يا اهلييي

فاتيما said...

إيه دا ؟؟

انتا اهلاوى يا مصطفى ؟!!!

كبرت ف نظرى اكتر يا بنى

ايوه كدا و انا بقول الواد عاقل و راسى و اخلاق و نفسيته متزنة كدا ازاى ؟؟؟
اتارييييك اهلاوى يا بنى

انتا م الاحرار يا صفصف

الف مبروك يا عم
و عندك الف حق ..البدرى يستاهل التحية قبل أى حد ..و انا مستغربة عاوزين حد اجنبى ليه ما المصرى زى الفل اهو و لا هيوه غلاسة وتحكمات ف خلق الله و خلاص
متعرفش ليه عاوزين يحجموا
اى واحد مصرى اثبت كفاءة ؟؟
و كأنهم خايفين من اسمه يعلى و يكبر على حسابهم و كأنهم مش مستفيدين منه مثلاً !!!

عموما الف مبروك و عقبال كل سنة

اما عن البؤجة
فاليوم كان جميل فعلا يا مصطفى و انا مبسوطة انك قعدت معانا المرة دى للنهاية و مروحتش
و يا ريت كل مرة كدا
و يا ريت كمان تيجى معانا اسكندرية لو ظروفك سمحت عشان انتا انسان محترم و صحبتك طيبة
و وجودك بيفرق بجد

عقبال كل بؤجة
يا الطيابة ذاتها

همس الاحباب said...

الف مبروك للاهلى
وعقبال باقى البطولات
اما البؤجة فالحمد لله تمت بتوفيق من الله
وبوجود كوكبة من اصحاب القلوب المحبة للخير
جزاكم الله خيرا وجعله فى ميزان حسناتكم
ملحوظة صغيرة كينج توت اسمه استاذ وليد مش خالد على فكرة
تحياتى يا درش

mostafa rayan said...

فاتيما
طبعا يا فاتيما الاهلى نادي عظيم زجمهوره لازم يتحلو بمادئه ..ربنا يهدي الادارة بقى وتجدد للبدري الموسم الجاي علشان يكمل اللي بدأه
ان شاء الله اكون معاكو يوم اسكندرية
وربنا يجمعنا على الخير دايما
لك كل المحبة والود يا اختى وصديقتى الجميلة


*خالد
الله يبارك فيك يا جميل وان شاء الله نحتفل ببطولة كاس مصر وافريقيا والصعود لكاس العالم كمان
وان شاء الله نتجمعفي الخير دايماوخلاص يا عم تم تصحيح الخطأ
لك كل الود والمحبة يا اخي العزيز

ahmed_k said...

طبعا معروف أن الأهلي هو النادي الكثر إستحقاقا لدرع الدوري هذا الموسم
لست أقول ذلك لأني أهلاوي
ولكن إحقاقا للحق فهو الأقدر بالفعل بما يملكه من رصيد مواهب ورصيد اخلاق وتاريخ أن يكون خير ممثل للكرة المصريه
فمبروك ألف مبروك لنادينا الحبيب
وأما عن بؤجة الخير
ربنا يوفقكم دايما وتكونوا متجمعين في الخير وأنت يا مصطفى دوما ما تتواجد في مثل تلك اللقاءات الخيريه ولا تدع فرصة لعمل الخير إلا وتشارك وتساهم فيها بكل كيانك
فبارك الله فيك
وكلمه أخيره بجد وحشتني قعدتك

كيــــــــــــارا said...

والله كان يوم تحفه يامصطفى وبجد انت حد مش موجود دلوقت

سلامي ياابن منطقتىىىىىىىىى

z!zOoOo said...

السلام عليكم

العزيز مصطفي

يارب تكون بخير

مبروك للأهلي

ويارب دايما كل الايام تبقي افراح

وربنا يكرمكم علي بؤجه الخير

ويجعلها عاده يارب

ويزيد مجهودكم وإجتماعكم في الخير

معلش علي تقصيري

بس كان عندي ظروف

وانا عارف إنك هتقدر

:)

تحياتي

صفــــــاء said...

ايه يا بنى الأحتفالات دى والتعصب دة كله

وعموما مدام انت اهلاوى وفرحان قوى كدة

يبقى الف مبروك يا درش وإن شاء الله دايما