Sunday, April 12, 2009

الظهور التلفزيوني الاول لدرشاوي

تحديث مهم جدا
بعد انتهاء الحلقة ... مستني رأيكم وياريت لو حد قدر يصوور الفقرة يقولي مشكورا
*************
الحمدلله الذي بنعمته تتم الصالحات

ان شاء الله يا جماعة غدا الاثنين وفي تمام الساعه التاسعة مساءا سوف يتم الظهور التلفزيوني الاول ليا ولاعترافات الرئيس السابق ولابداعات الشاب الثائر وذلك من خلال برنامج الانسانية اليوم في قناة الانسانية
وطبعا كلكم لازم تتفرجوعلى البرنامج
طبعا مش هقولكو زي اصحابي خدو ساتر والحاجات دي لكن اتفرجو وشوفو كويس قوي ومستني رأيكم وبجد يارب البرنامج والحوار يعجبكم

واخيرا بشكر اختي العزيزة محاسن صابر لمسعاها لعمل الحوار.. محاسن انتي اخت جميلة بجد
ملحوظة مهمة : ياريت يا جماعة لوحد منكم قدر يسجل الفقرة اكون شاكر قوي له
واخيرا

" ربي كم انت كريم "

48 comments:

mostafa rayan said...

مستني رأيكم يا جماعة ضروري لازم تشوفوالبرنامج

د. ياسر عمر عبد الفتاح said...

نشوف البرنامج؟
إنت بترهج صح؟
أنا هروح أقعد جنب التلفزين من دلوقت
يا باشا النايل سات كله هينور بكره إن شاء الله

بس تسعة دى الصبح ولا بليل؟
ربنا يوفقك يا مصطفي
إنت تستاهل كل خير

mostafa rayan said...

اخي دكتور ياسر
اشكرك يا جميل على فرحتك اللي باين انها من قلبك
ان شاء الله الساعة 9 بليل
تحياتي وحبي ليك يا جميل

mohamed ghalia said...

بالتوفيق إن شاء الله يامصطفى

mostafa rayan said...

محمد غالية
ربنا يخليك يا جميل بس لازم تشوف الحلقة
وتقولي رأيك خصوصا ان دى اول مرة لاخوك

اسامه عبدالعال said...

مبروك يامصطفى تستاهل كل خير
تحياتى

مصطفي ريان said...

اسامة عبد العال
ربنا يخليك يا صاحبي
بس لازم تشوف البرنامج
ومنتظر رأيك عنه

علي جاد said...

مساء الخيرات يا ريان
برغم خوفى من اسمك إلا اننى لم امنع نفسى من أن أكتب اليك تعليقى وهو باختصار شديد أمنياتى لك بالنجاح والازدهار فى زمن ضاعت فيه المواهب بين طواحين الظلم والاستبداد والفساد اللى من كتر انتشارة أصبحنا واخدين عليه ومصاحبينه .. بالتوفيق يا أخى
أتمنى التواصل معك ووجودك على مدونتى
... تشرف

مصطفي ريان said...

على جاد
يا اخي اطمئن انا ليس لي اي علاقة بالريان صاحب استثمار المال الشهير
ولكن اتمنى ان يكون لي علاقة بالريان الذي يدخل منه المؤمنون الجنة يوم القيامة
اتفق معك في كلماتك ولكن يا اخي بيدك ويدي سوف نفتح بابا نعبر منه نحوالنور وسننتزع فرصتنا من فم السباع
تحياتي لك يا اخي وفي انتظار رأيك في حلقة الغد ان شاء الله وقدر

MǿиY El-Shreef said...

مبرووووك يامصطفى

فرحتلك من قلبي بجد

ان شاء الله يكون الكتاب معايا اول مانزل مصر

وبالنسبه للقناه هي مش عندي

بس اوعدك هعمل سيرش

لو لقيتها اكيد هتفرج واقولك بكره الف الف مبروووك

ربنا يوفقك ياسييدي

مصطفي ريان said...

موني شريف
الله يخليكي
منتظر رأيك بقي
تحياتي ليكي وكل الاهلوية

smilyrose said...

ربنا يوفقك دايما يا مصطفى

انت انسان كويس وتستحق كل خير

ويارب ااقدر اجى بدرى من شغلى واشوف الحلقة
او اسجلها

اقولك ناخد اجازة

احنا عندنا كام اخ كويس


دول معدودين على الاصابع

ربنا يوفقك

smilyrose

وردشان

روح الحب الصادق

mostafa rayan said...

سمايل روز
اشكرك على كلامك الحلو دة ربنا يخليكي
وان شاءالله تيجي من شغلك وتلحقي البرنامج
تحياتي لك ودمت بكل الخير

شمس النهار said...

مش عارفه القناه دي عندي والا ل
بس هقوم حالا اعمل سيرش وابرمجها علي الدش عندي وان شاء الله نشاهد البرنامج واكيد هيكون لطيف بأذن الله
ماعندكش فكره بكون سعيده ازاي لما حد من المدونيين الموهوبين يتعرف ويطلع في الاعلام ويشتهر
ربنا يوفقكم جميعا
ومحاسن شخصيه جميله ونعم الصديقه
انا مسمياها حوريه وهي فعلا حوريه

إيناس حليم said...

مبروووووووووك يا مصطفى
التلفزيون هينور

بس ايه قناة الانسانية دي؟؟
:$

مصطفي ريان said...

شمس النهار
ربنا يخليكي يا شمس
ومنتظر رأيك عن البرنامج
وطبعا محاسن مش محتاجة ان حد يتكلم عنها

- ايناس حليم
ربنا يبارك فيكي يا ايناس
دي قناةجديدة وبيشتغل فيها ناس مشهورة في الاعلام زي علاء بسيوني
دعواتك بفى
تحياتي ليكي

mohra said...

مش هاقول مبروك الا اما اتفرج الاول

mostafa rayan said...

مهرة
وانا منتظر رأيك وان شاءالله واثق انك هتقولي احلي مبروك
تحياتي ليكي دايما

Khaled said...

مبارك يا درش و عقبال الثقافية

الدرعمي said...

يا درشاوي يا جااااااااامد ; مبارك ظهورك التلفزيوني الأول و بإذن المولى نشوفك على البي بي سي كمان و نسمع قصصك في الإذاعات كلها ونقرأ قصصك في المجلات والجرائد الثقافية كلها @ وفقك الله @

الدرعمي said...

يا درشاوي يا جااااااااامد ; مبارك ظهورك التلفزيوني الأول و بإذن المولى نشوفك على البي بي سي كمان و نسمع قصصك في الإذاعات كلها ونقرأ قصصك في المجلات والجرائد الثقافية كلها @ وفقك الله @

alshared said...

مبروك يا درشاوي
أنتا تستاهل والله كل خير

salwa said...

السلام عليكم اخ مصطفى
بالتوفيق و ان شاء الله سنرى البرنامج
لك اطيب التمنيات
سلام

رؤية said...

ربنا معاك باذن الله
ومبروووووك

تحياتى

كيــــــــــــارا said...

انا هعمل سرش وهحاول اسجلها وارفعها ربنا معااااااااااك ابببن منطقتى

نونو عاشقة النقاب said...

الف مليون مبروك
تستاهل كل خير يا مصطفى

ضــى القمــر said...

الف مبروك مقدما يا مصطفى

وان شاء الله اشوف البرنامج

ولنا عودة بعد المشاهدة ان شاء الله .

بجد بجد خطوة رائعه

يارب دايما تكون خطواتك من نجاح لنجاح

بنت الغربة said...

الف مبرووك يامصطفى..
ولو انى ماشفتش البرنامج بس انا فرحانه بيك قوى ..بجد انت فعلا قدرت تثبت نفسك وتوصل لجزء من طموحك....ربنا يكملك على خير فى حياتك كلها..وياريت لو سجلته تعرض شويه منه على البوست اللى جاى..وعلى فكرة انا مش لاقيه كتابك هنا فى دبى خااالص....يارب لما انزل مصر الاقى نسخه منه..
تحياتى يادرش

mostafa rayan said...

خالد
الله يبارك فيك يا جميل وانشاء الله احتمال اطلع على الثقافية قريب قوي
تحياتي ليك

- الدرعمي
حبيب قلبي ربنا ما يحرمني منك ابدا با جميل وان شاء الله هحاول انزل الفقرةعلى اليوتيوب والفيس بوك وهنا
هحاول اشوف حد سجلها


- الشارد
الله يخليك ياجميل

- سلوى
ربنا يبارك فيكي ومنتظر رأيك

- رؤية
الله يبارك فيكي
بس انتي ايه رأيك في الحوار

- كيارا
منتظر رفعك يا بنت منطقتييييييييييييييييييي


- عاشقةالنقاب
ربنا يكرمك ومنتظر رأيك في الحلقة


- ضي القمر
ازيك يا جميلة
منتظر عودتك ورأيك في الحلقة


- بنت الغربة
هي الحلقةهتتعاد الساعة 2 الظهر النهاردة
وان شاء الله هجاول ارفعها
تحياتي لك

!!! عارفة ... مش عارف ليه said...

الف مبروك يا درررررررررش

إن شاء الله بالتوفيق دايماً

وربنا يسدد خطاك على طريق الخير


خالص مودتي وتحياتي

اخوك
وليد

صفــــــاء said...

أسفه والله يا درش بس النت كان فاصل من عندى ومعرفتش باخبارك الجميله دى
مبروك والمصحف يا درش انت تستاهل كل خير وربنا العالم
ربنا يوفقك ويكرمك
مبروووووك يا درش
أرفع اللقاء بقى على اليوتيوب عشان كل اصحابك والمعجبين بكتابتك يقدرو يشوفوة
.

nona said...

مبروك يا مصطفى
كانت حلقة كويسة
ويارب دايما التقدم

مصطفي ريان said...

!!! عارفة ... مش عارف ليه
حمد لله على سلامتك يا اخي وربنا يبارك فيك وفي عمرك
تحياتي لك


- صفاء
ربنايكرمك يا صفاء
المشكلة مش عارف اجيب تسجيل للحلقة
بس هحاول اجبيها
تحياتي ليكي


- نانو
الله يكرمك وكويس انها عجبتك
تحياتي لك

قلب ينبض بالحب said...

ربنا يوفقك يادرش ويحقق الكتاب ضجة كبيرة يارب يارب لانه فعلا كتاب بيعبر عن ادب الشباب قوي دمت بكل الخير

assafo anaroze said...

سيدي اول زيارة و مش حتكون الاخيرة
*********
ممكن اعرف فين حتعمل اللقاء ده عشان استمع له
ان كان هناك رابط لمؤلفك اعترافات رئيس سابق اتمنى ترسله لي
ممكن
مودتي

مصطفي ريان said...

قلب ينبض بالحب
صديقتي العزيزةبدريةربنا يخليكي ولا يحرمني منك ابدا
وطبعا انتي ركن قوي جدا من اركان الدعاية لاعترات الرئيس السابق
تحياتي ليكي ودمت بكل الخير


- assafo anaroze
اخي الفاضل
اللقاء كان على قناة الانسانية يوم الاتنين الماضي وانا بحاول اشوف حد سجله علشان انزله على الفيس بوك واليوتيوب
اما اعترافات الرئيس السابق فهو كتاب ورقي ليس له نسخة على النت وماقدرش اعمل كدةعلشان ما يتحرقش وزي مانت شايف انا بحاول اعمله دعايةعلى قد ماقدر
لكن يمكنك ان تجد منه بعض القصص منشوورة هنا علة صفخات المدونة
تحياتي لك
ودمت بخير

نهــــــــــار said...

السلام عليكم...
أولا مبروك ظهورك التلفزيوني ...
وثانيا أتمنى إنه كيارا تجيب لي التسجيل ...
وبعدها حعلق براحتي ...
......
تمنياتي لك بكل التوفيق
....
دمت بخير

كيــــــــــــارا said...

للاسف انا مش لاقيت القناه خالث مع اني نزلت القمر كله

كيــــــــــــارا said...

انا كان نفسي فعلا اسجلها بس للاسف مش لاقيت القناه :(

mostafa rayan said...

نهار
اهلابيكي بس للاسف كيارا ماصورتش الحلقة
يلا تتعوض المرات الجاية
تحياتي ليكي

كيارا
ولايهمك يا بنت منطقتي تتعوض المرات الجاية
تحياتي ليكي

z!zOoOo said...

السلام عليكم

ازيك يا مصطفي أسئل الله ان تكون في تمام الصحه والعافيه

مبارك خروج الكتاب الي النور

ومبسوط لأن مدون شاب وجميل بدأ يسطع في سماء الأدب

ربنا يوفقك يا مصطفي ويحقق كل أحلامك

في رعايه الله

تايه في وسط البلد said...

للأسف انا متأخر هذه المرة ايضا

كم اتمني لو يكون احدهم قد سجل هذه الحلقة

عموما انت ذو نفس صافية يا مصطفي وتستحق كل نجاح وخير

ربنا يسدد خطاك

اخوك

Soooo said...

ايه ده ايه ده ايه ده
ده انا جاي بعد الكحك بعيد .. قصدي جاي بعد العيد بكحك .. يوووه
المهم انت ايه اخبارك يادرش
وان شاء الله ربنا يوفقك كمان وكمان يابرنز

عايزين نشوفك ونحتسي الفيسكافيه البلاك سويا ياعم





سلاموووووووز

مصطفي ريان said...

z!zOoOo
باشا منوريا جميل
بس هوالكتاب لسة ماصدرش ان شاء الله يصدر قريبا من غلبي بقيت بشتغل فيه بطريقة الفنكوش
ادعيلي بقي

- تايه في وسط البلد
كم كنت اتمنى انا ايضا ذلك
لا عليك يا اخي
المهم انك منور الحياه يا جميل

سووووووووووو
ازيك يا صاحبيييييييييييييي
ماشي يا صاحبي قولي فين وامتى وانا اجيلك
بجدواحشنيييييييييييي قويييييييييييييييييييييي
تحياتي وحبي ليك يا صاحبي

salwa said...

السلام عليكم اخ مصطفى
اسفة جدا هذه القناة ليست ضمن
اشتراكي بالساتلايت
ارجو ان تكتب لنا ادراج عن الحلقة
سلام

بنوتة مصرية said...

هالووووووز
انا هتجنن اصلا انا نزلت تردد قناه الانسانية من النت بس مش اشتغلت خالص
ياريت حد يقولى على الرقم بليز
ربنا يوفقك يادرش

مصطفي ريان said...

سلوى
اهلا بيكي يا صديقتي العزيزة
حاضر ولكن لعل الادراح القادم يكون خبر اجمل
تحياتي لك


بنوتةمصرية
معلش القناة لسة جديدة
تحياتي لك

مرجانة said...

الف مبروك بجد فرحت جدا جدا ليك يا درش
رغم اني للاسف مشفتش الحلقة لاني دخلت متاخرة عن علانك لظهورك في القناة
خسارتي كبيرة لكن ظروف الويندوز
والانترنت اللعينة
معلش مانت هتتعود عالشهرة ومش هنعرف نكلمك ياعم
تحياتي