Friday, August 29, 2008

مصر المبسوطة وهي في قطعة جاتوه


قبل القرأة
اعتذر عن تأخري في تغطية الحفل لتعطل جهازي وحتى هذا البوست كتبته اكثر من مرة لانقطاع الكهرباء
***********************
كنت اريد ان اتحدث في هذا البوست عن ابراهيم عيسي والدستور واحوال صغار الصحفيين كنت اريده بوست ضرب نار اختم به الموسم التدويني قبل التوقف في رمضان ولكن تأبي الظروف إلا ان يأتي بوستا رائقا ليكون مسك الختام
فهذا الأسبوع كان عيدا للمدونين ففي يوم السبت وعلى ضفاف النيل وفي احد تلك الأماكن التي مازالت تحترم ادمية الأنسان - ساقية الصاوي - احتفل المدونون بالكتاب الثاني الذي يجمع كتابتهم والذي يحمل اسم ( مصر في قطعة جاتوه ) والصادر عن دار اكتب
قبل ان اتحدث معكم عن جو الحفلة اريد ان احدثكم عن الكتاب ذاته فهو من حيث الطبع والغلاف والأخراج الفني افضل بكثير من الكتاب الأول وهذا مؤشر واضح ان القائمون على الكتاب اشخاص يهتمون بعملهم وانهم فكرو جيدا في اخطاء الأصدار الأول وحاولو تلافيها في الكتاب الثاني وهذا مؤشر خير ان الكتاب الثالث ان شاء الله سيكون افضل من الثاني ايضا
- شمل الكتاب تدوينات لأربعين مدونا معظمهم اقل شهرة من مدوني الكتاب الأول
الذي كان معظمه للأسماء الشهيرة في عالم التدوين مثل آبي واشرف توفيق والربان
- القارئ للكتاب سيلاحظ ان كتابات هذا العدد اكثر عمقا وتفهما واقترابا من مشكلات المجتمع المصري وهذا مؤشر نجاح ايضا ان التطوير لم يكن فقط في شكل الكتاب من الخارج بل – وهو الأهم – فيما يحتويه من الداخل فتحية لكل القائمين على الكتاب وهذا ايضا يؤكد للجميع ان المدونين ليسوا ( شوية عيال لاسعة ) ولكنهم مفكرون ولديهم معرفة كاملة بكل مشاكل مجتمعهم والأهم لديهم الرغبة في الأصلاح وليس مجرد الكلام وفقط
- نأتي للحديث عن جو الحفلة بدأت الحفلة في الساعة السابعة وتكلم القائمون على الكتاب عن الأصدارالثاني وتحدث ايضا بعض المدونين عن تجربتهم مع التدوين ايضا القي الشاعر اشرف توفيق قصيدة جميلة
- اما عن الذين رأيتهم في الحفل فقد رأيت مجموعة كبيرة مثل ابراهيم عادل واحمد الصباغ وابو خالد ودكتور حر ويوسف (زئيرالحب ) ويوسف (يوسفيات ) واحمد كمال ( رحايا العمر ) ودعاء مواجهات (واحسان وشفقة) وسارة ( يوميات سورسارة) وادم ( لكل الناس ) والفاتح اليعقوبي ومحمد مدحت ( ميدو في الأدغال ) والأخ الجميل قوي اسامة ( مصري وافتخر ) وعايزة اتكلم وبنوتة مصرية ومحمود ( بطوط حبوب ) والنجم الجميل قوي احمد سعودي ( سووووووو) وفي الحقيقة هو انسان جميل قوي والقعدة معاه لا ينشبع منها هناك اخرون بالطبع جاؤا ولكن هؤلاء من استطعت ان اتحدث معهم
ما اريد ان اقوله ان التقاء المدونين كان شيئا طبيعيا فبعد ان تلاقت الأفكار كان من الطبيعي ان تتلاقي الوجوه
- ما اريد ان اقوله ايضا انه احيانا اسم المدونة او طريقة كتابة الشخص فيها تعطي انطباعا عن شكله لدى القارئ قد يحدث بعض الأندهاش عند البعض عندما تتلاقي الوجوه للأختلاف الحقيقة عن الخيال وهذا الموقف انا شخصيا تعرضت له عندما عرفت احدي الفتيات اسم مدونتي فنظرت إلي نظرة استغراب
- ثائر ازاي يعني لاء شكل الثوار مش كدة
هي انطباع الثوار عندها مثل جيفارا شخص اسمر لحيته طويلة وشعره منكوش وملابسه غير مهندمة بالطبع حدثت لها صدمة عندما نظرت إلي فوجدت شابا شكله الخارجي مقبول يرتدي ملابس نظيفة ومهندمه وشعره (متسرح ) إلا انني تجاوزت الأمر و اجبتها ضاحكا
- لاء مانا ثائر بس على نضيف
اريد ان اقول اننا يجب ان نتجاوز هذا الأختلاف بين الواقع والخيال ولا يكون عقبة بين تعرفنا واندماجنا مع اصدقائنا
- اريد ان اقول ايضا انني طوال جلستي مع اصدقائي المدونين لم اشعر بأي غربة على العكس شعرت انني اعرفهم منذ وقت طويل حتى هؤلاء الذين لم اقرأ لهم قبل ذلك شعرت بجو من الألفة والحب يحيطنا ويجمعنا وهذا الشعور لم ألحظه على انا فقط ولكن شعرته على اخواني ايضا فكل منا يأتي وهو يسأل بحب عن اخيه هل حضرفلان وهل حضر فلان – انا شخصيا كان نفسي اشوف وليد (عارفة مش عارف ليه ) وتايه في وسط البلد ماجوش لكن ان شاء الله هشوفهم قريب ومش هيقدرو يقولو لاء –
- حتى لا اطيل عليكم فيوم الثلاثاء كان العيد الثاني للمدونين ففيه كان حفلة توقيع كتاب الشاعر والصحفي المدون الجميل اشرف توفيق مدونة ( اخف دم ) مبسوطة يا مصر والصادر عن دار مزيد وهو كتاب ساخر يناقش فيه اشرف بطريقته الجميلة احوال المصريين والواقع المعاش .... الحفل كان في مكتبة البلد في التحرير بدأ بحديث من اشرف عن الكتاب وانه يهديه للمواطن البسيط الذي يركب المترو في القاهرة والتوكتوك في المحافظات وتحدث ايضا مسؤل الدار الكاتب والمدون ايضا محمد كمال حسين عن سعادته بالتعاون مع اشرف وقد قابلت مجموعة كبيرة من المدونين والصحفيين ايضا فرأيت نهى محمود (كراكيب نهى محمود ) والصباغ وسووووو و(ميدو في الادغال)
و(بطوط حبوب ) ورأيت ايضا الصحفي والكاتب محمد هشام عيبه
اما مفاجأة الحفل فكانت غادة عبد العال ( عايزة اتجوز ) وفي الحقيقة
غادة يا جماعة انسانة جميلة قوي على المستوى الشخصي والحديث معها حديث جذاب جدا ولما اتكلمت مع مصطفي الحسيني – المدون ومسؤل الدا ر- اخبرني ان ذلك لن يكون الحفل الأخير وسيكون هناك مناقشات وندوات اخرى عن الكتاب
مبروك يا اشرف وعقبال الكتاب ال 100
ملحوظات مهمة جدا
- انا اكتشفت يا جماعة ان في ناس جامدة في عالم التدوين بتدخل عندي ولكن لا تترك تعليق مثل غادة عبد العال واحمد الصباغ الذي وضع اسم مدونتي في المدونات المفضلة عنده .. لهم ولكل من دخل وانا اعرفه او لا اعرفه او ترك او لم يترك تعليق انا بشكركم جدا جدا جدا

- إن شاء الله بعد العيد انتظرو مفاجأة من العيار الثقيل جدا جدا جدا
مفاجأة ان شاءالله هتكسر الدنيا
وتغيرها وتعيد ترتيب
الأشياء في هذه الحياه ... انتظروها
واخيرا.... كل سنة وانتو طيبين واعاد الله علينا وعليكم هذه الأيام بكل الخير واليمن
والبركات
***************************
تحديث مهم جدا
egysuperhero.blogspot.com
دة ياجماعة لينك مدونة جديدة اسمها ( بطل مصر الخارق )
شكلها هتكون مدونة جامدة ياريت تروحو تبوصو عليها

69 comments:

Mahmoud البطراوى said...

انا كمان كنت سعيد بلقائك

بجد
كل سنه وانت طيب وبالاف هنا

mostafa rayan said...

بطوط حبوب
انت منور يا نجم ان شاء الله دي اول زيارة لكن مش الأخيرة
وكل سنة وانت طيب وبخير وان شاء الله نتقابل دايما بالخير

AHMED SAMIR said...

كل سنة والمدونون مزدهرون واكثر قوة وترابط
تحيااااتي

Anonymous said...

A.SAMIR
اهلا بيك يا قمر وكل سنةوانت طيب

ضــى القمــر said...

من كلامك عن الحفل أتمنيت أنى احضر لقاء
آخر إن شاء الله

مقاله وصفت الكثيير يا مصطفى بجد ..

وعرفتنى بناس كبار فى التدوين ..

شكرا لك على ما كتبت

أجمل تحيه لك .. وفى انتظار المفاجأة بفارغ الصبر

كل عام وانت بخير

رندا said...

رمضان كريم عليك وعلى اسرتك الكريمة
تقبل الله صيامك وقيامك وغفر الله ذنبك

اراك ان شاء الله بعد رمضان

رمضان كريم

رندا

mostafa rayan said...

- ضي القمر
ازيك يا جميلة ان شاء الله المفاجأة تعجبك جداجدا جدا وان شاء الله تكوني
معانا واحنا بنحتفل بيها
كل سنة وانتي طيبة

- راندا الجميلة جدا
تقبل الله منا ومنكم
كل عام وانتي واسرتك الكريمة بألف صحة وخير وسلامة وان شاء الله المفاجأة تعجبك
وتكوني معانا

Empress appy said...

الاول سورى انى مجتش التانى كل سنه اونت طيب يا عم الثائر

Ahmed Kamal said...

أنا كمان كنت سعيد بلقائك يا مصطفى ، على فكرة انا فهمت معنى ثورتك لما شفتك :) و حاضيف موضوعك ده لقائمة تغطيات الحفل عندي

كل سنة و انت طيب

مصــــري said...

أخي مصطفي

أنا سعيد جدا بلقائك
كل سنة وانت طيب
واتمني أن تظل ثائراً حتي تـُثبت نفسك

أتمني أن نتقابل علي الدوام

أسامة

!!! عارفة ... مش عارف ليه said...

درش الثائر دوماً ودائماً

شوف يا سيدي أول حاجة احب اهنيك عليها هو اختلافك عن أي تغطية كانت للحفل
وأنت قولت اللي كنت بدور عليه عندهم ومع الأسف محدش اتكلم عليه وهو يا درش التطور اللي حصل بين العدد الأول والتاني
من حيث الشكل وده انت وضحته في جودة المنتج وتطوره الإيجابي
ومن حيث المضمون لاني فعلا مكنتش اعرف مين المدونين المختارين في العدد التاني وتنوعهم عن العدد الأول
يعني سعادتك ناقد معتبر يعتد به وده اللي كنت مستنيه منك والله

نيجي بقى لعدم حضوري والله يا مصطفى متتخيلش قد ايه كان نفسي اكون موجود حقيقي وكنت بتمنى ده لاني عايز اشوفك واشوف أحمد كمال وكل الناس الجامدة دي
ووالله كنت عامل حسابي اجي حتى لو انزل اجازة يومين احضر الحفل وارجع
إنما مفيش نصيب وده مش كان بأيدي يا مصطفى

وفي الختام
كل سنة وانت طيب يا درش

اخوك في الله
وليد

Ahmed El-Agouz said...

يا رتني كنت معاهم
بجد انا نفسي اتواصل مع هذة الاسرة بس مش عارف ازاي لو حد يعرف يا ريت يقولي ولان انا برغم اني دخلت في السنة التانية من التدوين الا اني لا اري في نفسي الشخص الذي يستحق هذا اللقب
وكل سنة وانتم طيبين
العجوز

mostafa rayan said...

ابي
وانتي طيبة وان شاء الله تكوني معانا قريب قوي قوي

- احمد كمال
وانا والله فرحان قوي اني شوفتك واتعرفت عليك
وان شاء الله نتقابل تاني

- مصري
منور يا جميل وان شاء الله هثبت نفسي قريب قريب قوي

- وليد الجميل قوي
منور يا قمر ويا عم زرونا دائماتجدو مايسركم وبالنسبة لنزولك مصر لاء ياعم ماتكلفش نفسك تذكرة طيران ومصاريف انت اولى بالفلوس دي
ان شاء الله لما تيجي اجازة وتنزل تبقي تقرأه
كل سنة وانت طيب

- احمد اللي مش عجوز
ايه ياعم ماتقولش على نفسك كدة انت مدون جميل قوي وكتاباتك لها معنى وهدف
وبالنسبة للمشاركة انت ممكن تبعت للأحمد مهنى او عايزة اتكلم او الصباغ الأعمال التي تريد نشرها استني بعد رمضان هيبدؤ يعلنو عن المشتركين الذين يرغبون في الأشتراك في الأصدار الثالث ابعتلهم وان شاء الله تلاقي فرصة جامدة لأنهم هيختارو مدونين لم يشتركو في العددين الأول والثاني
انا بردة ماشتركتش في الأصدارين دول بس ان شاء الله يكونلي نصيب في العدد الثالث

bastokka طهقانة said...

اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك

mostafa rayan said...

bastokka طهقانة
وانتي طيبة واعاده الله علينا وعليكي بكل الخير واليمن والبركات

Gannah said...

كل عام وانتم الى الله أقرب
وعلى طاعته أقدر
وكل عام وأنتم بخير
رزقنا الله العفو والمغفرة ودعوات لا ترد
لا تنسونى من صالح دعائكم
أدامكم الله لى صحبة طيبة
تحياتى
-----------------------------------
الف مبروك علينا كلنا الجزء التانى

Anonymous said...

والله انا كان نفسي احضر بس نظرا لاني كنت في نفس الوقت برا الحدود المعروفة 7 ساعات سفر يعني

فالموضوع كان صعب :)

لكن كلنا فخورين بالكتاب وربنا يوفق الجميع دائما :)

خمسة فضفضة said...

السلام عليكم ورحمة الله وبركاته

كل سنة وانت طيب يا مصطفي بجد حاسه انه فاتني كتير اوي عشان ماحضرتش الحفله بس هي الظروف بقي اللي ما سمحتش بكده

ملحوقه ان شاء الله في حفلات جايه

كل سنة وانت طيب رمضان كريم

Ahmed Al-Sabbagh said...

سعدت جدا بلقائك

كل سنة وانت والأسرة الكريمة طيبين وبخير

ورمضان كريم

بعودة الايام

اللهم بلغنا رمضان وانت راضٍ عنا

تقديرى ومحبتى

أحمد

mostafa rayan said...

جنى
كل سنة وانتي طيبة وربنايتقبل منا ومنكم صالح الأعمال

- جومانا حمدي
شكلك كنتي في مرسى مطروح على العموم ملحوقة في حفلات تانية وكل سنة وانتي طيبة

- خمسة فضفضة
كل سنةوانتي طيبة يا دكتورة وعمرة مقبولة وان شاء الله نشوفك على خير في مرات قادمة

- احمد الصباغ
ازيك ياقمر دة اول تعليق ليك هنا وان شاء الله مش الأخير
دة انا والله اللي فرحان قوي اني اتعرفت عليك لأنك بجد حد بيحب اصحابه ومخلص ليهم
كل سنةوانت طيب وربنا يتقبل منا ومنكم صالح الأعمال

Anonymous said...

سلام يا مصطفى,كيفك ؟
ما شاءالله التدوين المصري , فعلا وصل لدرجه حلوة كتير ... يعني كتب ولقاءات...فعلا شيء رائع
ما شاء الله... من اكتر لاكتر
ان شالله عنا بالاردن بوصل التدوين لمتل هيك :)

من كلماتك بس ممكن الواحد يحس بروعة الجلسة والاشخاص اللي قابلتهم ... وكلام الاشخاص المفكرين


ان شالله بيجي يوم وبتكون مدونتي اكتر من مجرد مذكر
يعني فيها حل لقضيه معينه متلك...ومتل كمان مدونين رائعين
الله يحفضكم... وكل عام وانت وكل لمصريين بالف خير يا رب
ينعاد عليكم رمضان بالصحة والعافيه

mostafa rayan said...

ايناس
كل سنة وانتي طيبة وان شاء الله يتحقق كل امنياتك ويكون مدونتك احسن مدونة في الدنيا
سلامي ليكي ولكل شعب الأردن الجميل

روابط said...

انا بقى متضايق جدا لأنى لم أحضر لقلء كهذا, لكن خيرها فى غيرها ان شاء الله

واضح طبعا يا عزيزى الثائر انى حضرت وأنت بتشطب عالموسم, لكن بنظرة سريعة أعتقد انها مدونة مميزة, سأحرص على متابعتها

متفق معك فى موضوع تكوين صورة لشخص من واقع كتاباته, أحيانا ما تأتى صادمة

تحياتى.. رمضان كريم

Anonymous said...

حازم سويلم
الجايات يا جميل اكتر من الرايحات
وكل سنة وانت طيب

canary said...

دة كمبيوتر قليل أصل مبيفتكرش العشرة

ان شاء الله بقى الكتاب القادم يكون فيه اسمك ونلاقى ابداعات جميله ليك

كل سنه وانت طيب وينعاد عليك

Anonymous said...

كناريتي الجميلة
كل سنة وانتي طيبة وان شاء الله يحصل قريب وتكوني معانا واحنا بنحتفل بيه

hui mu han said...

انت فعلا شوقتني للكتاب


وعقبال الكتاب المية

المدونات فعلا عملت حاجة وتستحق لفت النظر اللي حصل ليها

Anonymous said...

hui mu han
وانت منور الدنيا يا قمر
تحياتي ليك وكل سنة وانت طيب

yamen said...

الف مبروك يا عم مصطفي للمدونين جميعا

وكل سنة وانت طيب

تحياتي

Anonymous said...

yamen
الله يبارك فيك يا جميل
وكل سنة وانت طيب وتنعاد عليك الأيام بالخير

Mony said...

اولا كل سنة و انت طيب


ثانيا انا معاك في تفاصيل الحفل الاول و الثاني كأني كنت معاكم بالضبط

وصفتلي التفاصيل و كأني اري بنفسي
لدرجة اني فرحت بفرحك
و كأني انا اللي رحت و قابلت الناس ديه

طبعا ده حدث اكيد نفسي اكون فيه


بس حتي لو كنت اعرف مكان و ميعاد الحدث ما اعتقدش اني كان هيكون عندي الشجاعة اني اروح

انا فين و الناس الجامدة ديه فين
انا مكسوفة و الله لمجرد التفكير


عموما منتظرة المفاجئة بفارغ الصبر

و بمناسبة الشهر الكريم و الايام المباركة ديه اتمنالك تحقق كل اللي نفسك فيه

!!! عارفة ... مش عارف ليه said...

على فكرة يا مصطفى
أنا بجد اللي نفسي اتعرف عليك
وإن شاء الله أكيد اول فرصة مناسبة لو العدد الجاي إن شاء الله هشوفك وإذا مقدرش ليا اني اكون موجود يبقى اول اجازة ليا هطب عليك وإن شاء الله نبقى نرتب قعدة كده مع المدونين زمايلنا بإذن الله حسب ظروف كل واحد فيهما
وإلى لقاء قريب إن شاء الله


كل عام وأنتم بخير

اللهم تقبل منا صيامنا وقيامنا وركوعنا وسجودنا

رمضان كريم
وليد

Anonymous said...

mony
موني الجميلة اولا : كل سنة وانتي طيبة
ثانيا : قوللك اني وصفتلك الحفلة وكأنك كنتي معانا دة شيئ اكيد يفرحني جدا
اما قوللك انك ماكنتيش هتيجي وانك مكسوفة والحاجات دي فطبعا انا مختلف معاكي تمام الأختلاف لأن المدونين دول اخواتك ومافيش حد يتكسف من اخواته والله صدقيني هتحسي ان الجدار اللي بين الناس دة مالوش وجود خالص
ان شاء الله انتي معانا في الحفل الثالث وان شاء الله معانا في المفاجأة اللي بقولك عليها

- وليد الجميل قوي
بص ياقمر زي ماقولتلكك ماتكلفش نفسك مخصوص تذاكر سفر وحجز علشان تشوفني او تشوف حد من المدونين لأنك واسرتك اولى بالمصاريف دي لأني عارف كويس قوي ان قرش الغربة بيكون غالي قوي
خليك لما تيجي في اجازتك العادية وان شاء الله ساعتها تبقي تشوفني وتشوف الناس كلها
وساعتها ياعم انت اللي هتقولي
( مصطفي انت مالكش بيت تروحه ولا ايه )
من كتر ماهبقي قاعد معاك وانت زهقان مني
تحياتي ومحبتي ليك وكل سنة وانت طيب ويارب يتقبل منا كل الصالحات في هذه الأيام المفترجة

sara said...

كلامك عن الحفله شوقنى اني احضرها.
جميل اوي ان الواحد يقابل ناس بتفكر وتعبر عن نفسها وعن اللي حواليهاوقادره تتواصل مع زملائها بمنتهى الحب

Unknown said...

مرور للتهنئة بقدوم شهر رمضان وتمنياتى بان ننال منه الكثير ...لا تدع الفرصة تفوتك باغتنام هذا الشهر الذى فضله الله على باقى الشهور
ودعواتى لكم جميعا بقبول اعمالكم وعباداتكم وان نكون مع الرسول ان شاء الله ..سعيد بزيارتى ومرورى والى لقاء قريب لك كل التحية والتقدير

Anonymous said...

مصطفى كيفك؟؟
كل عام وانت بخير وينعاد عليك بالصحه والسلامه :)

Amgad said...

عقبال بقي لما نلاقي دعوة
منك لحضور حفل توقيع كتاب
ثوريات اعداد مصطفي ريان

منه مرتجى - عازفة الأوتار said...

بوست جميل و بداية مبشرة و حاجة تفتح النفس بصراحة

كنت اتمنى اكون من سكان القاهرة علشان احضر الحفل الجميل ده و اشوف الناس اللى بتعامل معاهم على صفحات الانترنيت وجها لوجه
و اتعرف على ناس جديدة و اقرب منهم اكتر


انا بشكرك على نقل احداث الحفلة
و فى انتظار المفجأة
بس ياريت متنساش موضوع ابراهيم عيسى لانه من الناس اللى حيرونى بجد و اتمنى الاقى نقاش صادق عنه بشكل موضوعى بعيد عن التحيز و الطائفية اللى سعات انا ذات نفسى بتتغلب عليا فى الحوار عن الانسان ده


دمت بكل خير و كل سنة و انت طيب :)

mostafa rayan said...

سارة
منورة ياقمر وان شاء الله تكوني معانا في الخفل الجاي

- محمد حسن توفيق
كل سنة وانت طيب واعاد الله علينا وعليك هذه الأيام بالخير

- انس
شكرا انك افتكرتني كل سنة وانت طيب
ويارب تنعاد عليك الأيام بالخير

- امجد
منور ياجميل وانا بجد بفرح قوي بزيارتك وبالنسبة للكتاب الخاص بي
ان شاء الله يطلع قريب وطبعا انت اول واحد متوجهة له الدعوة

- ورود واشواك
منورة يا قمر وكل سنة و وانتي طيبة
ان شاء الله اكتب في موضوع ابراهيم عيسى بعد العيد لأني بصراحة عايز اخد في رمضان اجازة من التدوين لكن ان شاء الله نرجع نكتب في كل مواضيع ضرب النار دي بعد رمضان لكن عموما عايز اقولك في مجال الأعلام والصحافة الكلمة الرابحة هي المصلحة ولا يهم تحقيق هذه المصلحة مع من الحكومة او الأخوان وامريكا المهم المصلحة
دعينا لا نحرق البوست وننتظر بعد مضان كل عام وانتي بخير وتقبل الله منا ومنك صالح الأعمال

قديسك مولاتى said...

تحياتى الى افكارك الثاقبة
وعقلك المتحرر
تحياتى وكل عام وانتم بخير

Anonymous said...

كل عام وأنت إلى الله أقرب

ومنه أخوف

وبه أعرف

وإلى دار كرامته اسبق

رمضان كريم

mostafa rayan said...

قديسك مولاتي
كل سنة وانت طيب يا جميل واشكرك على كلامك الحلو دة عنى

- المحارب المتيم
كل سنةوانت طيب وربنا يتقبل منا ومنكم صالح الأعمال

Anonymous said...

ربنا يوفقك يا مصطفى ويوفق كل المدونين
حكايتك عن لقائك بيهم خلت الواحد يتحسر انه بره مصر
واتمنى بجد يجى يوم اشوف ناس كتير بحب اقرالهم زى "احب اتجوز" وحسن الهلالى وفانتازيا والمصرى افندى وشملولى وغيرهم كتير بجد بحب اقراليهم واحب جرئتهم فى طرح المواضيع


ربنا يوفقك ويوفقهم ويوفقنا كلنا

وكل سنة والكل بخير رمضان كريم :))

Unknown said...

كل سنة و أنت طيب يا مصطفي ربنا يعيده عليك بالخير و اليمن و البركات

الموضوع طويل أوى الحقيقة ما قدرتش أقراه كله لكن لى عودة بأذن الله

Unknown said...

لكل أحبائي المدونين أرجوا زيارتي للتعرف على تفاصيل أفطار جماعي

حسن ارابيسك said...

درش
لن نوفيك حقك في هة التغطية الجميلة والوافية بخصوص الطبعة الثانية التي تكلمت عنها الحقيقة أنت أشرت الى نقاط مهمة وفوارق قيمة جداً عن الطبعة الأولى ولك كل الحق فهناك ناس جادون ومدونون جادون وكل شئ صح بيبدأ صغير هايجي عليه يوم وهايكبر
نحن في انتظار مواضيعك صواريخك القاتلة حاملة الرؤوس وعابرة القارات
كل سنة وانت طيب
تحياتي
حسن أرابيسك

Dr.Mohammed Gohary said...

يا خساره يا درش
كان نفسي أكون معاكوووووو

يلا بقاااااااا متعوضة

بكره الباطنة تخلص وأفضالكوووووو


تحياتي يا جميل

Lola said...

مصطفى جعلتنى اشعر وكأنى فى قلب الحدث معكم00حقا كم اشتقت لمصر00ذكرتنى بوسط البلد ورائحة الشوارع 00وحاولت ان اتخيل كل الوجوه معك00اتمنى ان يكون لى يوم ما مكان هناك0فعلا لا اظن لقاء كهذا يجب ان نفوته تلك لقاءات من لنوع الذى لا ينسي0لأنها تظل دوما فى الذاكره قابعه هناك للأبد0كل سنه وانت وكل اسرتك بخير ولك ان تستعد منذ الآن لزيارات كثيره لموقع ثورتك ايها الثائر المهندم المسرح الشعر ومذب الذقن اين انت من جيفارا واين جيفارا منك؟ حقا سعدت انا بمرورى من هنا واتمنى ان اتزورنى دائما انت ايضا ذاك امر افرحنى كثيرا واشعرنى بالزهو 0
لولا

Desert cat said...

كل سنة وانت طيب
ويارب دايما سعيد ومتفائل
تحياتى

mostafa rayan said...

حالة ملل
وانتي طيبة وطيبة وان شاء الله نتقابل في اقرب وقت
تحياتي ليكي

- عاليا حليم
وانتي طيبة هو طيب لأنه موضعين في موضوع واحد
بس كان لازم اكتب عنهم

- صديقي الجميل حسن ارابيسك
وانت طيب يا جميل
وبخصوص كتاب المدونين فالكلام عنه لسة مانتهاش

- محمود الجوهري
وانت طيب يا قمر
واحنا ياعم مستنينك بكل لهفة
ربنا يوفقك يا دكتور

- لولا
والله كلامك دة فرحني قوي ويا قمر انتي تيجي في اي وقت لأن المدونة من دلوقتي بيتك تيجي في في اي لحظة قصدي تنوريه وترشي عليه شوية فل وياسمين في اي لحظة
كل سنة وانتي طيبة يا قمر

Desert cat
ربنا يتقبل منك الدعوة دي
كل سنة وانتي بكل خير وصحة وعافية يا قمر

ليكوريكا said...

كل سنه وانت طيب يا ثائرنا النضيييييف جدا

ربنا يكرمكم يارب وتعملوا حاجه بجد تفيدوا بيها البلد دي

رمضان كريم :)

mostafa rayan said...

ليكوريكا
وانت طيب يا قمر ويعيد عليك الأيام بالخير

Anonymous said...

كل عام وأنت الى الله أقرب


ومنه أخوف

وبه اعرف

والى دار كرامته اسبق

لا تفوتى الواجب الرمضانى

وقفة محاسبة قبل رمضان

بص يا سيدى انا محضرتش الحفل

بس تتعوض

ومتنساش الواجب الرمضانى

prince4ever said...

تحياتي ليك ولكل المدونين يا اخ مصطفى...انت فعلا راجل بتكتب كويس جدا و كتاباتك محترمه
انا واحد من الناس اللي بتخش عندك كتير بس مبيسبوش كومينت عشان الكسل وكده...
بس انا رغم اعجابي الشديد بكتابتك..فانا برده حاسس ان الأنا عندك عاليه...اعذرني يا صاحبي انا قولتهالك قبل كده واسف لو بقولها تاني بس هي حاجه مش وحشه ابدا هي حاجه كويسه بس اسمع نصيحتي...سيب غيرك يحكم عليك و بلاش انت تحكم على نفسك
بس انت برده perfect
سلام

mostafa rayan said...

prince4ever
كل سنةوانت طيب يا جميل ورمضان كريم
وانا ياعم بفرح بزيارتك سواء تركت تعليق او لاء
اما بخصوص انك شايف الأنا عندي علياوالحاجات دي فانا عايز اقولك حاجة فرق كبير بين الغرورو والثقة في النفس انا الحمد لله واثق من نفسي جدا وعارف اني بكتب حلو وليا لغتي الخاصة اللي بتميزني عن الأخرين(ودةاللي قراء المدونة اكدوه ) انا لازم احس بكدة واكون مقنع بيه علشان اقدر اكتب حاجة تعجبك ولما تقرأها تقول الله عليك يا درش
دة ثقة ولازم تكون موجودة عند اي مبدع في اي مجال لكنها مش غرورو خالص الغرور هو بداية النهاية للأي حد اما الثقة فدي الطاقة اللي بتديلك قدرة على الكتابة والأستمرار
يارب تكون فاهم وجهة نظري
وكل سنة وانت طيب مرة تانية

mostafa rayan said...

المحارب المتيم
تقبل الله منا ومنك صالح الأعمال

šσяšαяαα said...

مصر المبسوطة؟
هحاول ابلعها بكوباية عرقسوس

بس تغطية شاملة متكاملة
اظهار ان المدونين هيقلبو مراسلين صحفيين
اروح الحقلى عضوية فى النقابة انا كمان:)

المهم بقى المفاجأة اللى قلت عليها دى

انا غييير صبووورة خااااالص

ممكن تقولهالى وانا هحاول امسك نفسى وماقلش لحد:)

mostafa rayan said...

- سارة يا جميلة
منورة الدنيا كلها
بصي البوست دة له تكملة ان شاء الله اكتبها قريب
اما بالنسبة للمفاجأة فهي حاجة تخصني واعتقد انها هتفرح الشعب المصري كله كمان اما كون اني اقولك عليها دلوقتي
فمش هينفع ... اتقلي علة الرز يا سارة
بس هي مفاجأة هتفرحك اكيد اكيد اكيد

رباب كساب said...

كل سنة وانت طيب يا مصطفى

منتظرة مفاجأتك

لك كل التحية

mostafa rayan said...

رباب يا جميلة
كل سنة وانتي طيبة بالنسبة للمفاجأة انا زيك بردة مستني
ادعيلي ربنا يوفقني فيها

amiragad said...

لكي تكتب عن الدستور لابد ان تحيا داخله او تحيا مع فريق العمل الخاص به
لا تسمع دون ان تحقق
لدي الكثير عن الدستور و نبقي نتكلم لو حبيت كل سنه و انت طيب و يارب دائما في تواصل

Anonymous said...

اميرة جاد
اهلا بكي وكل سنة وانتي طيبة
بخصوص ابراهيم عيس انا مش شايف ان في فرق كبيربينه وبين عبد اله كمال كلاهما وجهان لعملة واحدةهي تحقيق المصلحة سواء مع الحكومةاو امريكا والأخوان
دة رأيي اللي مقتنع بيه بصراحة
تحياتي ليكي ومنوراني دايما

عُمر said...

بالفعل انا ماشي في طريق التعافي وبأتعالج .. دي خواطر ما قبل التعافي .. وكويس إنك نبهتني أنا كتبت توضيح في آخر البوست .. وشكراً عالتنويه

mostafa rayan said...

عمر
اكمل الله شفائك
ودمت بكل خير

3ali said...

great effort man
nice blog
glad to know you ya 3am el tha2er

and by the way about "عندما انظر في المرآة " : you're speaking with my tongue

best regards

Anonymous said...

3ali
اخي على
انا سعيد جدا بزيارتك وبأن الكلام لمس حاجة جواك
كل سنة وانت طيب يا اخي الكريم

3ali said...

wenta tayeb
:)

Anonymous said...

اللهم يا سامع النداء
ومجيب الدعاء
امنح قارئها راحة البال والخاطر
ونجه من المخاطر
وكن له ساتر
وبلغة الفطر مجبور الخاطر

عيد سعيد عليكم
وكل سنة وانتوا طيبيين
مستنى تهنائتكم بعيد ميلادى على المدونة

اول ايام عيد الفطر

mostafa rayan said...

- المحارب المتيم
اللهم تقبل