Friday, June 6, 2008

والله عمار شبابك يامصر

تحديث تاني مهم جدا :
علي غير العادة بعمل التحديث من فوق ودة لأهمية الأمر صديقتنا الجميلة جدا والرقيقة جدا كاميليا صاحبة مدونة (بستان زهرة الكامليا)
تجوزت يا جماعة ولازم كلنا نروح نباركلها ونقولها ألف مبروك
مرة تانية : ألف مبروك ياصديقتي الجميلة جمع الله بينك وبين زوجك في خير وحققا لكما كل الأحلام وجعل كل ايامكم سعادة
......................................................
ازيكوا يا جماعة .. عاملين ايه .. يارب تكونوا بخير
بصوا تفاصيل الفديو دة

هتلاقوا تفاصيله علي اللينك دة

ttp://www.elbadeel.net/index.php?option=com_content&task=view&id=17546&Itemid=83

انا لما شوفت الفيلم وقرأت التفاصيل قولت جملة واحدة بس والله عمار شبابك يامصر .. يارب يكون رأيكو من رأيي

حاجات مهمة جدا

1- لما تقرؤا التفاصيل لو سمحتو ركزو علي سلوك الناس الكبيرة اللي بتتهمنا دايما - احنا الشباب - بعدم الأنتماء وحب الوطن .. ركزو علشان تتأكدو بنفسكوا مين اللي بيحب البلد بجد ومين اللي مابيحبش غير مصلحته

2- انا جبت التفاصيل من المدونة اللي هتلاقوا عنوانها علي الفديو ياريت تبقوا تدخلو عليها لأنها بجد مدونة جميلة وفيها حاجات مهمة جدا

3- اليومين دول انا بستمتع بقرأة كتابي المدونين ومجموعة ( بحيرة المساء ) لأبراهيم اصلان و ( عزيزي 999)لمحمد هشام عبية وبقرأ بكل الحب والأستمتاع

( المسحوق والأرض الصلبة ) لأبراهيم عادل و( ارز بلبن لشخصين ) لرحاب بسام

بجد ياجماعة لو قدرتو تقرؤا الكتب دي اقرؤها مش هتحسو ابدا انكوا ضيعتو وقتوكو او فلوسكم

واخيرا .... دومتم بكل الخير والحب

تحديث :

اشتريت كتاب رحاب بسام يوم الخميس الظهر لاقتني بنتهى منه يوم السبت الصبح ... رحاب انتي عملتي فيا ايه ؟

29 comments:

حاجات جوايا said...

الحمد لله شباب مصر بخير رغم كل التحديات اللى بتواجههم
ربنا يقويهم ويقدرهم على ظروفهم الصعبة جدااااااااااااااا

دمت بخير اخى

mostafa rayan said...

سالي
اشكرك لتواجدك ومرورك
دمت بكل خير

!!! عارفة ... مش عارف ليه said...

على فكرة يا مصطفى بلال كان جه مع منى الشاذلي في العاشرة بس الكليب اللي اتذاع يومها كان صوت بس والكليب بتاعك دا صوت وصورة

إن شاء الله في يوم هيبقى حاجة زي ما توقعت له منى الشاذلي

مصر في رباط إلى يوم الدين إن شاء الله

بجد جسمي قشعر

سارة البحر said...

ربنا يحميه لمصر ويحمي لمصر كل شبابها اللي بجد اتظلموا اوي في ظل كل اللي بيحصل
ربنا يوفقنا ويهدينا جميعا
مرسي اوي يا مصطفى على الفيديوا ده

على فكرة انت ليك تاج عندي يا مصطفى
تحياتي الخالصه لك

Anonymous said...

والله عمار

ادى الرجالة ولا بلاش

وادى الشباب اللى بيخاف على بلده

تحياتى

للشاب ده وليك ولصاحب المدونة التانية

Anonymous said...

سلام مصطفى..كيفك
انا حاسة اني فوتت على حالي كتير اشياء بمدونتك
يلاا هيني رايحة اشوف شو فاتني

الله يخليك... وتزدهر مدونتك كمان وكمان

بس انا حاسة انو ما في بالي شي حرزان منشان اكتبه عمدونتي...فقررت يا بكتب شي حرزان يا ما في داعي اكتب اي شي ... يمكن لانه ما في عندي شي غير هالايام...؟
دير بالك عحالك... والله يقدرنا على دعمك..:)

mostafa rayan said...

عارفة ... مش عارف ليه
عارف بجد لو في شباب كتير في مصر كدة الحال كتن اتغير بس بلال وعمال المحلة والدمايطة والسوايسة اكبردليل ان مصر لسة بخير ولسة فيها رجالة
دومت بكل الخير

- سارة البحر
ربنا يخليكي وان شاء الله اجاوب على اسئلة التاج واشكرك انك افتكرتيني فيه

- عرفة الأسيوطي
منور واكيد مصر لسة بخير

- ايناس
دايما انتي منورة
عارفة لو بصيتي حواليكي اكيد هتلاقي حاجات كتير تستحق الكتابة
ربنا يوفقك يا قمر

mohra said...

يسعدنى دائما ان اجد شباب يملكون مثل تلك الشجاعه و هذا الفكر...اول مره اشوف الفيديو..شكرا جزيلا
كتاب رحاب فعلا من اجمل ما قرأت :)

Gannah said...

مصر فعلا حزينة وحزينة جدا و يا ريت بقى يفرجوا عنها لحسن فعلا التعليم زى الفل والديمقراطية موجودة و كله تمام يا ريس . صعب اوى الواحد يقول حاجة بعد كده بس تفتكلا الناس دى بتشوف ولا بتسمع الا نفسها؟؟؟؟؟؟؟؟؟؟؟؟؟؟؟؟

alshared said...

تحيا مصر

ويحيا شباب مصر

mostafa rayan said...

مهرة
منورةياقمر
رحاب كاتبة جامدة جدا

- الشارد
منور ياقمر ويارب تتوفق في امتحاناتك

mostafa rayan said...

- جانا
لما الناس تتكلم وماتخافش اكيد هيسمعو الكلام
عساكر الأمن ممكن يخوفوا 100ولا حتي 1000
لكن شعب كامل لاء
هما اضعف بكتير قوي مما نتصور واحنا اقوي بكتير قوي مما نتصور
- ارجو منكي ان تنتظري البوست القادم هناك فديو يدل علي كلامي هذا
دومت بكل الخير

Empress appy said...

ومين قال ان شباب مصر وحشين ما انت اهو احنا اهو بس فعلا هما مش كلهم ههههههههههههه
انت قاعد فى بحيرة الكتب دى من زمان يا بختك الا ما عندى وقت اخلص كتاب مدونات مصريه حتى

أميرة الهدوء said...

شباب مصر بخير
بس محتاجين لفرصة
يظهروا فيها
ويبينوا قد اية هما خايفين على بلدهم اكتر مابلدهم خايفة عليهم
حتى ولو بلدهم مش شايفة دة
بس نرجع ونقول ان البلد او الناس الى ممشيها هى الى عملت فينا كدة

تحياتى
اميرة الهدوء

مدحت محمد said...

طبعا وهيفضل بخير

ده سببه قول الرسول صلى الله عليه وسلم


اذا دخلتم مصر فاتخذو منها جندا كثيفا


ده دليل ان شباب مصر بخير


وبالنسبة لكاميليا ربنا يتمملها بخير يارب

صحفية روشة said...

النهاردة عيد ميلادى تعالو على مدونتى وسمعونى احلى هابى بيرث داى تو يووووووووو

rovy said...

اكيد يا مصطفى شبابنا بخير والدليل وجودك ووجود اللى زيك من الشباب اللى فعلا الواحد بيفرح بهم وبتحمسهم و انتمائهم حتى لو اختلفنا معاهم احيانا ممكن نختلف لكن المهم اننا احترمناهم و احترمنا ارائهم وتحدياتهم .
وفقك الله دائما
دمت بخير و سعاده
تحياتى
rovy

بنات صاحبة الجلالة said...

طبعا شباب مصر بخير وهيفضل بخير باذن الله وبيحبوا مصر بس يمكن بعض الشباب اللي اتخنق من البطالة والفقر والزحمة صحيح بيبقي عايز يهج منها ويسبها بس من جواه بيعشق ترابها
يكفي وجود شباب مثلك لسة الدنيا بخير

والف مبروك لكاميليا ولاافته حلوة منك اوي انك تنزل خبر فرحها عقبالك يارب وكل البنات والشباب يارب وكل واحد يحقق اللي في نفسه يارب

لك خالص التحية

Ahmed El-Agouz said...

لسه في امل طول ما فينا نفس
احنا جدعان
احنا رجالة
احنا ولاد بلد
احنا كويسين
امال ايه اللي واكسنا مش عارف؟؟؟؟؟
العجوز

mostafa rayan said...

آبي
نورتي ياقمر

- أميرة الهدوء
انا موافقك في رأيك دة
نورتيني

- مدحت محمد
نورت ياقمر

- صحفية روشة
كل سنة وانت طيبة

- روفي
طبعا شباب شباب مصر بخير
ربنا يحمينا ويوفقنا
نورتيني

- بنات صاحبة الجلالة
انا معاكي في رأيك
وبالنسبة لكامليا فهي تستحق كل الخير ربنا يوفقها في حياتها الجديدة

-احمد العجوز
يمكن كسلانين او محبطين او مخنوقين
لكن اكيد لسة بخير

Wish I were a Butterfly ... said...

أكيد شباب مصر بخير
بخير في تفكيرهم و مواهبهم و كل حاجة.طبعا مش كلهم لكن فيه خير كتير أوي في بلدنا فعلا.. و أكيد في يوم من الأيام هيظهر و ينور بلدنا تاني

أحسن الدنيا بقت ضلمة اوي :)

تحياتي

تايه في وسط البلد said...

هايل انك لقيت الكليب ده يا مبدع

انا اتمني لو كل شاب في مصر بس عمل كده ..بس

وخير الجهاد..كلمة حق عند سلطان جائر

مواطن مصرى نايم said...

بجد يا مصطفى
بلاقى طعم مختلف فى البوستات عندك
انت بجد رائع
سلامى لك

mostafa rayan said...

Wish I were a Butterfly
طبعا اكيد اليومجي قريب قوي علي ايدي وايدك وايد كل شاب بيحب البلد دي

- تايه في وسط البلد
كعادتك دائما انت منور ياصاحبي

- مواطن مصري نايم
فينك ياعم من زمان
منور الدنيا بحالها مش بس المدونة

عاشــــــ النقاب ـقــــة"نونو" said...

السلام عليكم
شبابنا زي الفل الحمد لله
بس الامكانيات الفرصصة
بارك لله فيك
تحياتي

mostafa rayan said...

الأخت الفاضلة عاشقة النقاب
طبعا شبابنا زي الفل ومصر طول عمرها ولادة
تحياتي لكي

FaceMoon said...

انا مش عارفة ارد على اى موضوع فيهم
بس حقول اخر حاجة واول حاجة
ربنا يشفى يوسف شاهين هو دماغة
عبقرية وفنان رغم افكارة الجنونية
اما عن كتاب رحاب فانا برضة زيك اشتريتة الصبح خلصتة باليل فيه افكار كتير حلوة وانا استمتعت بقرايتة
تحياتى

mostafa rayan said...

وجه القمر
ازيك يا قمر عاملة يارب تكوني بخير

mohamed ibrahim said...

اكتر حاجة عجبتني في حواره مع مني الشاذلي
لما قالتله انت كنت بتستهزأ برئيس الوزراء
قالها الكلام الي قلته كان علي لسان الوزراء كل يوم في التليفيزيون
و ده مش كلامي
يبقي الي بيستهزأ حد تاني مش انا
تحياتي
محمد