Wednesday, June 11, 2008

فيديومهم وتاج

  • تحديث 3... مهم جدا
  • يوسف شاهين يا جماعة عيان قوي ادعوله بالشفاء ... ممكن نختلف معه ومع افكارة لكن ماحدش يختلف ابدا انه فنان حقيقي وانه بيحب مصر قوي
  • ادعوله من قلبكوا ربنا يشفي عنه ... ربنا يشفي عنك ويقومك من محنتك يا شاهين يا جميل
  • تحديث 2
  • التحديث دة ياجماعة يستحق بوست لوحد ولولا اني لسة منزل البوست امبارح كنت كتبته في بوست جديد
  • انا ياجماعة النهاردة قصيت سهرة جميلة جدا في دار ميريت حيث كان يعرض الفيلم الروائي القصير ناس من الأيام عن قصة الأديب الكبير ابراهيم اصلان الرجل والأشياء الفيلم سيناريو و حوار باسم شريف واخراج عجمي السيد وشوفت هناك ناس بجد كنت سعيد اوي اني شوفتهم شوفت الشاعر الكبير جدا احمد فؤاد نجم
  • (اه والله العظيم شوفته وسلمت عليه وحضنته وبوسته كمان )
  • وكان معاه الأستاذ الكاتب الكبير جدا جدا جدا ابراهيم اصلان والمخرج الكبير مجدي احمد علي وقابلت كمان الروائي الجميل طارق امام والكاتب الصحفي محمد فتحي وخالد كساب محرر ضربة شمس بجريدة الدستور .. الوقت بجد كان ممتع قوي
  • واخيرا .... باسم الجميل اشكر لأنك اعطيتني فرصة هذه الأمسية الجميلة التي لن انساها
  • دة لينك مدونة باسم
  • ودة لينك مدونة طارق امام
  • tareqemam.blogspot.com
  • ياريت لوتدخلو عندهم
  • ...............................................
  • البوست دة ياجماعة جزئين فيديو وتاج
  • من غير مقدمات تعالو ندخل في الموضوع علي طول
  • الفيديو
  • 1- الفيديو دة ياجماعة اكبر دليل علي ان مصرلسة فيها رجالة بجد تقدر تقول
  • لاء للظالم .. اكبر دليل علي ان احنا اقوي بكتير قوي مما نتصور وغيرنا اضعف بكتير مما بيحاول يوحلنا بيه
  • اكبر دليل كمان علي ان الأمن البعبع اللي الحكومة بتطلعه في وشنا كل شوية ممكن يخوف 100 ولا 200 لكن شعب كامل لاء
  • فتحية لأبطال المحلة العظام الذين اثبتوا لنا وللعالم كله ان في مصر مازال هناك رجال شرفاء لا يتنازلون عت حقوقهم ولا يخشون الحاكم ولا يخشون كلابه
  • ملحوظات حول الفيديو
  • هذا الفيديو منقول من مدونة اخي ( الزاهر )
  • من اراد ان ينقله وينشره عنده فاليفعل ولكن يشر للمصدر
  • 2 - لو حد ياجماعة معاه ايميل رفعت السعيد او السيد ياسين او اي حد من اللي بيشتم في شباب الأنترنت اواي حد معارض للحكومة لو سمحتو يرسل له هذا الفيديو وفيديو بلال طالب جامعة القاهرة ( اللي في البوست اللي تحت دة )
  • ويكتب جملة واحدة
  • ( هذا مافعله الشباب ارونا مافعلتموه انتم ) او يبعتلي الميل وانا ابعتلهم الفيديو
  • ............................................
  • ثانيا : التاج
  • وصلني من صديقتي العزيزة (سارة البحر )
  • السؤال الأول :
  • أذكر خمس أحلام على الاقل .. تخص ماضيك وتحلم فيها بتغيير اشياء .. ماذا ستعدل وماذا ستترك ؟
  • بما ان اللي فات مات وانامش بحب اتكلم فيه فمافيش داعي نجاوب علي السؤال دة
  • السؤال الثانى .. اذكر خمس أحلام على الأقل تخص مستقبلك :
  • 1- نفسي اموت شهيد واكون في الفردوس الأعلي من الجنة وربنا يضحكلي يوم القيامة ويعطيني كتابي بيميني واكون جار لنبي محمد صلي الله عليه وسلم في الجنة
  • 2- نفسي احج واعمل محتاج الرحلة دي قوي - محتاج اتطهر واتغسل م جوة -
  • 3- نفسي ربنا يكرمني بزوجة بنت حلال تتحمل تقلباتي واندفاعي ودماغي الناشفة وتكون مش رغاية ومش بتحب النكد - متهيألي صعب الجزء التاني دة -
  • 4- نفسي اكون كاتب كبير ليا اسلوبي الخاص في الكتابة اللي مايشبهش لحد نفسي اخترع اسلوب حديث في الكتابة زي (فرويد) مثلا ماله طريقته في التحليل النفسي يكون ليا طريقتي في الكتابة مش كلاسيكية ولا واقعية سحرية ولا واقعية اشتراكية ... طريقة خاصة بيا يكون مثلا اسمها الطريقة الدرشاوية - نسبة ليا يعني -
  • كمان لو كتبت دراما - معظم كتاب الأدب كتبوا دراما بصراحة مش عارف ليه يمكن علشان الأدب مش بيأكل عيش وهو في الأول والأخر بني ادم وله احتياجاته - اكتب اعمال جميله وهادفة وراقية اللي يشوفها يقول الله عليك يادرش مايقولش - زي مانا مابقول علي اللي بشوفه دلوقتي - ايه الهبل دة
  • 5 - نفسي ربنا يكرمني واقدر اعمل مشروع خيري كبير يهدف لأطعام الطعام ..اسؤ حاجة في الدنيا الجوع .. الأنسان لما بيجوع بيتحول لوحش وبنسى كونه انسان وممكن يعمل اي حاجة علشان يسد الجوع دة
  • نفسي كمان اعمل دار نشر.. تنشر لكل شاب بيدور على فرصة من غير ما اخد منه فلوس - زي مابيحصل دلوقتي - بالعكس لو قدرت اديله فلوس اديله.. علشان يحس انه لما قعد علي المكتب وتني ظهره وخرج عصارة افكاره تعبه دة ماجاش علي الفاضي وانه ماغلطش لما ساب الكرة وجلس يقرأ وزي الكرة مابتدي كتير القرأة والكتابة بتدي اكتر .. اعمله حفلات توقيع والتلفزيون يجي يسجل ونعمل دعاية في
  • الجرائد وبوسترات للكاتب والكتاب - وطبعا دار النشر - .. لازم الكاتب في مصر ياخد حقه ربنا يوفقني اني اعمل دة علي الأقل لما اموت هلاقي حد يقول الله يرحمه

السؤال الثالث: أذكر شخصين على الأقل متواجدين فى حياتك حاليا .. كنت تود وجودهم قبل الآن بزمن ..

بصراحة مش عارف مافيش حد معين

السؤال الرابع :

أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا

ابويا الله يرحمه لأنه مات وهو صغير - ماكملش 54وانا كنت لسة 19 سنة ومالحقتش اتمتع بيه ... ربنا يرحمه ويرحمنا جميعا احياء واموات

السؤال الخامس .. تهدى التاج لمين ؟؟

لأي حد عايزيجاوب عليه

تحديث

ياجماعة انا لاحظت ان معظم التعليقات بتتكلم عن التاج وبس لو سمحتوا انا بردة عايز رأيكوا في الفيديو كمان .

38 comments:

eNAS said...

اللـــــه يحقق اللي في بالك
الانسان الطموح ربنا بيعطيه بحجم اصراره واعتماده على ربنا
امنيات حلوة ومنطقية ... رح يجي يوم وتكون اغلبها ف ايديك ان شالله تعالى
تحياتي ...

محمد حلمي مخلوف said...

ربنا يوفقك يا مصطفي
اهم شيء هو القراءة شبه اليوميه لازم الكاتب يكون مثقف يا مصطفي
وانت بتكتب كويس استمر وثابر
لا تيأس
وان شاء الله ربنا يكرمك
وحبيت اقولك حاجه اخيره
ان الادب مش بيطور في يوم وليله يا درش يعني مستحيل يكون في تيار اسمه الدرشاويه
تطور الادب بيجي علي مراحل طويله جدا وبيكون مرتبط بالواقع وبالظروف العلميه والثقافيه المحيطه بالكاتب
ربنا يكرمك وتجدد في الادب والاجيال اللي بعدك تكمل الطريق لحد ما يتكون التيار اللي انت عايزه

!!! عارفة ... مش عارف ليه said...

جميل يا مصطفى

وانت فعلا ماسك بالدرشاوية

ومتمكن منهما تماماً

بس على فكرة أحلامك أو أمانيك تنتمي لليوتوبيا ودا صعب اووووي يتحقق ، أنت محتاج لشوية واقعية يا درش

تحياتي لأديبنا الكبير

مياسي said...

أحلام جميله و شاعريه يا مصطفى

ربنا يحقق لك ياها و الأهم تنبسط فيهم

كاميليا said...

الحقيقة الفيديو صدمنى

فكرنى بمشهد سقوط تمثال صدام بعد الغزو

شيئ مؤسف ان الحكومة تضطر الشعب انه يعمل كده من فرط ضغطها واهمالها والتنكيل المواطن فى لقمة عيشه وحياته.

معلش مش قدرت اقرا التاج
هارجع تانى اقراه ان شاء الله


تحياتى واحترامى

شهرزاد said...

مصطفى
أحيي فيك هذا الطموح العالي
فأحلامك لا تقتصر على شخصك فقط
بل تتعداك إلى الآخرين
فأنت لا ترضى بما دون النجوم

تحياتي لك
وأمنياتي بتحقيق كل الاحلام

mostafa rayan said...

eNAS
منورة ياقمر وربنا يحققلنا كل الأحلام

- محمد حلمي مخلوف
ربنا يخليك ياصاحبي بخصوص القرأة فعايز اقولك ان فلوسي مش رايحة غير علي الكتب يمكن اكتر حاجة بحبها في حياتي هي القرأة وبخصوص تيار الدرشاوية فانا قصدي اني اكتب بطريقة خاصة بيا يعني لما تقرأ القصة تقول دي كتابة مصطفي ريان حتي لو ماشوفتش اسمي علي الغلاف من برة .. كتابة شبه ختم صباعي زي مامابيشبهش لحد هي كمان ماتشبهش لحد
- بس انت ماقولتش ايه رأيك في الفيديو -
نورت ياجميل

- عارفة ... مش عارف ليه
نورت ياقمر وكون انك شايف اني ماسك في الدرشاوية دي احلي تعلق سمعته ويارب اكون قده بصحيح
اما بقي موضوع اليوتوبيا في الأحلام دة مش عارف بس تفتكر لما تحلم انك تعمل دار نشر تنشر فيه لغيرك من الشباب بحيث انه مايتعبش زي مانت تعبت يبقي مش واقعية .. مش عارف بس دة حلم ربنا يقدرني عليه
مرة تانية نورت وانت بجد انسان جميل وانا فرحان قوي اني اتعرفت عليك ياقمر - بس ايه رأيك في الفيديو -

- مياسي
ربنا يكرمنا ياقمر جميعا ويحققلنا كل الأحلام

- كاميليا
كاميلا الجميلة عروسة المدونات وقمرها وشاعرتها المرهفة مبروك ياقمر وبالرفاء والبنين
وانا بردة زيك افتكرت مشهد صدام لما شوفت الفيديو دة

- شهرذاد
عارفة كلامك دة فكرني بمقولة لنزار قباني ان اموليد برج الحمل دايما بيحلمو بمسك النجوم وفعلا كتير من مواليده بقوا نجوم - نزار قباني وعلي الحجار ومارلين منرو - وغيرهم كتير
ربنا يوفقني واقدر امسك النجوم واساعد غيري يمسكها
نورتي ياقمر

mohra said...

عن الفيديو :الضغط يولد الانفجار و ما يحدث اقل من الطبيعى
اما عن احلامك ربنا يحققها لك كلها ان شاء الله

المـــفـــــــقــــــــوعـــــة مــرارتـهــا said...

بص بقي الصراحة حلوة برضه
الفيديوهات مش بتفتح عندي
بس انا عارفة اللي حصل في المحلة
دي كانت أنتفاضة
والحمد لله انها عدت علي خير
وربنا يسهل والحكومة تعرف اننا روحنا بقت في مناخيرنا منها
ولو ان المذكورة شكلها عندها أعاقة فكرية ومش ناوية تجيبها لبر معانا

mostafa rayan said...

مهرة
نورتي ياقمر

-المفقوع مرارتها
نورتيني بس غريبة حكاية انه مش بيفتح عندك دي انتي اول حد يقولي كدة
بص لوتحبي ابعتلك الفيديو علي الإيميل اوك ابعتهولك بكل سرور
تحياتي لك

!!! عارفة ... مش عارف ليه said...

هناك رأي للشيخ القرضاوي يتكلم فيه عن رغبتنا الملحة في الشهادة ويقول لماذا نخسن فن الموت ولا نحسن فن الحياة
من الممكن أن تقدم الكثير بحياتك أكثر مما تقدمة بعملية فدائية

اليوتوبيا أقصد بها احلامك في النشر
وقصدي هنا علشان تقدر تعمل كل دا من دعاية وتقديم منتج جيد جدا يقدر ينتشر ويكون له وجود في السوق
أكيد مش هيكون بدون مقابل
حتى علشان تقدر تستمر ويكون في أعمال تانية تقدر تقدمها

!!! عارفة ... مش عارف ليه said...

معلش يا مصطفى بعت التعليق من غير ما اخد بالي قبل مااخلص كلامي

المهم يا سيدي اكمل كلامي بقى

بالنسبة للفيديو اعتقد ان دي همجية
وبغض النظر انا معا أو ضد مش دا الحل بالاضافة إن دا رمز لهيبة الدولة
سواء نتفق معاه او نختلف

انما مش نهين نفسنا بالشكل دا

حقيقي كليب
محزن ومخذي لنا جميعاً

تحياتي

nonoymm said...

السلام عليكم
والله الفيديو يحزن
هو دة رمز بلدنا عمل ايه ووصلنا لايه ربنا يرده بقى ويرحمنا
بس يا ترى هو شافه ؟؟؟
ربنا يحقق احلامك يارب
تحياتي

mostafa rayan said...

عارفةمش عارف ليه
منور دايما يانجم
بص بخصوص الفيديو فاناعايزاقولك انا معاك ان الريبس هو رزم الدولة ومايصحش يتهان كدة بس لما يكون الرمز دة بيهينك كل شوية ومش محقق ليك اي حق من حقوقك عليه ومطلق وراك كلابه طبعا لازم تنفجر وتقوله لاء ... كتر الكبت يولد الأنفجار ياصاحبي والشعب دة بقاله 27سنة مكبوت
بخصوص النشر انا عايز اقولك اتن مشكلة الجيل الحالي من الأدباء الشبان اللي بيحلمو بفرصة للنشر انك لما تروح اي دور نشر ( زي ميريت اواكتب ) بيطلبو منك دفع فلو سعلشان تنشر المشكلة انك احيان كتير مش بيكون معاك ال1500او ال2000جنيه اللي بيطلبوهم منك رغم ان اعمالك ممكن تكون جامدة جدا فتطر انك تأجل حلمك دة لحد ماتحوش الفلوس دي
انا بحلم انه يكون عندي دار نشر انشرفيها -اعمالي طبعا - واعمال غيري من الأدباء الشباب من غير ماخد منهم فلوس واعملهم الدعاية اللازمة علشان الناس تعرف ان الكتب موجودة وتشتريهم وبكدة يتحقق المكسب للطرفين المبدع لأنه نشر وانا لأني ساعدت حد بيدور علي فرصة وانا لأن فلوسي رجعتلي مع مكسبها كمان اللي هيخليني استمر وانشر اكتر - يعني بردة التجارة والربح هيكونو اموجدين في المشروع لأن طبعا زي مانت عارف مافيش حد بيشتغل ببلاش -
نورت ياصاحبي وبجد انا فرحان انك متابع ومهتم ربنا يكرمك ويحققلك كل الخير

- الأخت الكريمة عاشقة النقاب
مش مهم يشوفه او لاء ( بس اكيد شافوا خصوصا ان الأمن كان واقف واكيد عنده خبر زائد ان الفيديو موجود علي النت وهو اكيد بيهتم وعنده ناس مخصوصة بتابع وتقوله علي الأخبا ركلها)
المهم ان الناس اتكلمت وكسرت حاجز الرعب اللي هو حاطه بينهم اللي حصل دة واللي حصل قبله دليل على قرب انتهاء هذا النظام
بالنسبة للأحلام ربنا يحققلنا كل احلامنا
نورتيني وشرفتيني

anas said...

مصطفى
والله اني اشعر بالفخر لوجود شباب بتفكر بمنطلق اسلامي وقلما تجدهم
احلامك راح تتحقق مادامها تعتمد على الاساس الخير..والمنفعة للناس

اعذرني لاني علقت على التاج بس

يعطيك العافيه :)

walaa said...

اولا نفسنا مصر تبقى كده هنغير حاجات كتيير قوى
ثانيا رحم الله والداك وادخله الجنه
انا كمان بابا ميت وكتير قوى بشتقله ونفسى اقغد معاه
وربنا يحقلك احلاامك يارب
تحياتى ولاء

ayman badr said...

هوه كل حاجة القاهرة القاهرة وباقى المحافظات مفيش نشاطات انت بتجرى ريقنا ليه يا عم مصطفى بتحسسنا بالعجز يعنى
ربنا يسعدك كمان وكمان بس افتكرنا وابعتلى دعوة فى اى لقاء اشوف ظروفى واحاول احضره
شكرا

mostafa rayan said...

أنس
ربنا يكرمك يا صاحبي ويحققلك كل احلامك
دومت بكل الحب والخير
- ولاء
ربنا يكرمك ياولاء ويحققلك كل احلامك وربنا يجمعنا مع كل احبابنا اللي راحو في الجنة
تحياتي ليكي

- حبيب قلبي
معلش بس بما ان القاهرة هي العاصمو فبيكونليها شويةامتيازات
وانا والله عرفت الأمر بالصدفة من مونة باسم شرف وان شاء الله لما اعرف حاجة هقولك
ربنا يكرمك ويحققلك كل احلامك
تحياتي ومحبتي لك

fawest said...

تعليق على التحديث الثانى

إبقى خلينى أشوفك
فى ميريت

أحسن تـستاهـل said...

مصطفى،، ازيك
بص يا سيدي
صلي ع النبي
انا شفت الفيديو ومش عارفة ليه مشاعري اتلخبطت
هو صح اللي هما عملوه
طب لما الدنيا كلها تشوف شعب بيعمل كده يقولوا علينا ايه
ما تفهنيش غلط
انا طبعا مخنوقة زي أي حد انما ده لما صدام اتمسك ووقعولوا تمثاله ولما اتعدم برضه اتلخبطنا
انت معايا؟ فاهم انا عايزة اقول ايه؟
مش عارفة ،، فكر كده تاني معايا اللي حصل ده صح؟؟

تايه في وسط البلد said...

فعلا انا كمان محتاج الميل لرفعت السعيد والسيد ياسين لنفس السبب

ولو ان من الاحسن نوزع الفيديو علي الميلات في مصر كلها

انا استعجل الصحوة
فعلا اتحرق شوقا للصحوة

mostafa rayan said...

فاوست
وانا كمان احب اشوفك واتعرف عليك
قولي هتكون موجود امتى
تحياتي ليك

- احسن تستاهل
عزيزتي قد نختلف او نتفق حول هذا الفيديو ولكن ألست معي ان الكبت يولد الأنفجار
والشعب دة بقالو 27 سنة مكبوت ومحكوم بالطوارئ والحرامية الكبار عاملين يسرقوا فيه والأفواه مكممة او مسجونة
حتي فرصة السفر للخارج اصبحت صعبة واصبحتي غير مرحب بك وغير مرغوب فيك من الدول الشقيقة والصديقة وحتي لما تغرقي في سفينة علشان رايحة تدوري علي لقمة العيش يتقال لاء ( دول مش شهداء دول ولاد ستين كلب ) والأسعار بتزيد والمرتبات بتتقص والشباب عاطل مش لاقي شغل ويقولك اصل هو اللي بيدلع مش عايز يشتغل ويكذبوا عليكي ويقولك وانتي صغيرة التعليم كالماء والهواء وبعد كدة يقولك لاء مش مهم التعليم ولا الجامعة المهم تبقي كسيب ومعاك صنعة طيب كانو بيكذبوا علينا ليه طول الفترة دي بشعارات كاذبة ومالهاش مستقبل فجأة بقيتي مش مرغوب فيك حتي في بلدك ويقولك القطاع الخاص هيشغلك والقطاع الخاص لو لاقيتي فيه فرصة يقولك لاء لازم خبرة خمس سنين علي الأقل طيب اللي مش معاه صنعة ومش معاه خبرة بس عايز يتعلم وياخد خبرة يعمل ايه يقولك مالناش دعوة يروح يموت ولا يدور علي تربة يتدفن فيه مايوجعش قلبنا معاه
اللي حصل دة اقل حاجة ممكن تحصل الناس شايلة كتير قوي قوي قوي
تحياتي ليك ودمت بكل الخير
( واضح انك اول مرة تدخلي عندي بس علي فكرة مش كل البسوستات كدة في تدوينات هادية ورايقة كتير وكمان في تدوينات رومانسية وكوميدية كمان
بس معلش حظك كدة اول مادخلتي لاقيتي ضرب النار دة )
تحياتي مرة تانية ليكي
تايه في وسط البلد
دايما منور ودايما بفرح بزيارتك وبجد الفيدو دة لازم يتنشر في كل المدونات ولو انت عارف ايميل حزب التجمع ابعتهلهم عليه علشان يعرفوا قد ايه هما صغيرين والشباب الاسع كبير كبير قوي
منور ياصاحبي ودمت بكل الخير

appy said...

الفيديو دليل على ان احنا فينا امل يا مصطفى

احلامك ربنا يحققها لك يا رب كلها واللى مش يتحقق اعرف ان ربنا عاوز لك الاحسن
واقعد اقرى كتب ليه وليك لان مش عارفه اخلص كتاب مدونات مصريه من يوم ما اشتريته يوم الحفله تصدق من غير ضحك هههههههههههههههه

WhItE HeArT said...

مصطفى

يارب تحقق امنياتك بجد ويارب تكون كاتب ليه شخصيته واعتقد ان الصفه دي موجوده بالفعل ومحتاجه تنميه

اما الزوجه اللي مش رغايه ومش بتحب النكد " الاتنين مع بعض مستحييييييل" ربنا يسعدك يارب

بالنسبه للفيديو هوه مشتغلش معايا الظاهر ان الكومبيوتر بتاعي بيخرف هحاول مرة تانية اوعدك

وفعلا واضح ان السهره كانت جميله كفايه ان تتكلم مع الفاجومي شكلي كده هحسدك

تحياتي

mostafa rayan said...

- آبي
منورة ياقمر
ربنا يحققلنا كل احلامنا
وبخصوص الكتب انا عايزك تجمدي كدة يحسن ازعل قوي بعد كدة لما ان شاء الله القصص بتاعتي تنزل في كتاب واقولك قرأتي ياابي تقولي لاء
ربنايوفقك يا قمر وتحياتي لإسلام

- WhItE HeArT
بالنسبة للفيديو حاولي تاني مهم قوي تشوفيه
وبالنمسبة للزوجة ربنا يستر بقي (رغايةو ونكدية مش هقدر استحمل )
بالنبسة للحسد فأنا متأكد انك بتتمنيلي كل الخير
وانا بردة بتمني ليكي ولكل الناس كل الخير
دومت بكل الخير

حسن محمد توفيق said...
This comment has been removed by the author.
حسن محمد توفيق said...

الاخ الفاضل
مصطفى
سعيد بزيارتك لمدونة اتحاد المدونين المصريين وسؤالك وجيه.. نحن لا نلزم احد بشئ نحن نضع امامك القوانين التى يحاكم بها ابراهيم عيسى مثلا وغيره من الصحفيين وانت لك ان تاخذ ما يناسبك من احتياطات ولن نتدخل فيما تكتب للتعبير عن رايك ولكن هل ترضى انت كمصرى او مسلم مثلا باحد يتطاول على الاسلام طبعا لا
كلنا ضدمن يتطاول على ثوابت الامة هل ترضى باحد يعمل على بث الفرقة بين اهلنا من اقباط مصر وبين اخوانهم المسلمين هذه مسلمات يجب على الجميع الوقوف ضدها..
اما عن حكاية البوستات المنقوله فى المنتديات ف للاسف ليست المنتديات فقط ولكن بعض الصحف ايضا وهذه ستكون من اولى مهامنا بعد اشهار الاتحاد رسميا للعمل على حفظ حقوق الملكية لكل مدونة
اما الان فلا تستطيع غير تسجيل مدونتك فى الشهر العقارى وبعدها يمكنك رفع قضية على من ينقل منك شئ
شكرا لك واسف للاطاله وارجو ان اكون قد رديت عليك الموضوع طويل بس هنا ليس مجاله
شكرا لك على صبرك على كلامى والى لقاء قادم لك كل التحية والتقدير
اخوكم
حسن محمد توفيق
من مؤسسى الاتحاد

احلام اليقظة said...

مش عارفة لية انا باصة على الموضوع من زاوية تانية
هوة لو انا الحاكم الظالم وشوفت الناس بتعمل في صورتى كدة كان هيبقى اية شعورى
انا مش بأحبط من اى محاولة للاصلاح
بس انا بشوف ان احنا فى مصر لسة مش عارفين نعمل ورشة عمل سليمة علشان نطالب بحقوقنا
وبنسيب الامور كدة زى ما تيجى
والحكام اتعودوا على كدة
وعارفين اخرنا
عصايا تلمنا وضربة كرباج تفرقنا
تقبل مرورى

alzaher said...

بمناسبة الحديث عن يوسف شاهين
تخيل ان شابين النهاردة في الشغل شمتانين فيه وبيدعو انه يموت
ولما ذكرتهم بمقولة "اللهم لا شماتة"
ردوا انه مسيحي وما تفرقش
!!!!!!!
مش عارف والله التعصب والطائفية دي هتوصلنا لفين
ربنا يشفي المبدع شاهين وكل مريض يا رب

mostafa rayan said...

الأستاذ الفاضل : محمد حسن توفيق
شاكر لك توضيحك ولكن احب ان اؤكد ان المدونة هي مساحة من الحرية الشخصية للفرد من حقة يعمل فيها اللي هو عايزه بصرف النظر عن رأي الأخرين في ان مايفعله ضد الأخلاق العامة او القانون
ايضا اؤكد ان قوانين الأتحاد سارية فقط علي اعضائه وليس من حقهم ان يفرضوا هذه القوانين علي غيرهم لأنه سيكون تدخل في الحرية الشخصية والتي لن يرضى احد بها
بخصوص التدوينات المسروقة وفقكم الله في هذا الأمر
سلامي وتحياتي لك

- احلام اليقظة
حسنا ماتقوليه ولكن ماهي الحلول الواقعية المقترحة التي تريها .. في انتظار ردك
ولك كل المحبة والود

- الزاهر
يا اخي التعصب والطائفية هيوصلونا للي احنا فيه دة من التردي والضعف
اللهم اشفي عبدك شاهين واشفي كل مريض
لك خالص محبتي ودومت بكل الخي

بنت مصريه said...

يا عم مصطفى يوسف شاهين
الرئيس امر انه يتعالج على نفقه الدوله
هههههههههههههه
بالزمه دا كلام
ملتيمليونير اذا مكنش ملياردير
يتعالج على نفقه الدوله والغلابه
اللى زينا يموتوا من الجوع والمرض مش مهم
وبعدين يا مصطفى مين قال انه مخرج

كاميليا said...

يوسف شاهين، شفاه الله وعفاه يارب
فهو فنان ، اعطى بضمير، ورفع اسم بلاده كثيرا
من الله عليه بالصحة والعافية وشفاه شفاء ما بعده سقما




3- نفسي ربنا يكرمني بزوجة بنت حلال تتحمل تقلباتي واندفاعي ودماغي الناشفة وتكون مش رغاية ومش بتحب النكد - متهيألي صعب الجزء التاني دة
........

رزقك الله بالزوجة الصالحة
التى تملأ حياتك سعادة وفرحة
وتكون مش بترغى ولا بتحب النكد
:D ولو انك مش متفائل من الحكاية دى بس ادعى وقول يا رب


......
4- نفسي اكون كاتب كبير ليا اسلوبي الخاص
......

ان شاء الله تكون كاتب كبير
لان اسلوبك بالفعل متميز وجميل


ربنا يحقق لك كلا الاحلام اللى حلمتها لانها نبيلة جدا
وجميلة وكلها حب فى الله وحب فى الخير

دمت بكل الخير يارب

تحياتى

mostafa rayan said...

بنت مصرية
اولا اهلا بيكي وانا بفرح جدا بزيارتك واظنك واثقة ومتأكدة من دة
بخصوص شاهين ممكن نختلف حول افكاره او حواليه كشخص ولكن هو كمخرج فهو مخرج جامد جدا كادراته وزواياه خاصة جدا
كفايةانه عمل صلاح الدين وجميلة بوحريد والأرض والمصير وكفاية انه ترك فيلم شفيقة ومتولي لمساعده في ذلك الوقت على بدرخان وقالهم هو هيكمل الفيلم احسن مني علشان يديله فرصته اعتقد ان قليل قوي اللي بيعمل كدةوبعدين هو دلوقتي مريض وفي حالة حرجة وماينفعش نقول غير ربنا يشفيه ويشفي كل انسان مريض

- كاميليا
انتي الوحيدة اللي مش بعرف ارد واقولها ايه دايما رقتك وذوقك العالي بيبقوا اكبر من اي كلام
ماقدرش اقولك غير فرحان قوي بزيارتك وربنا يتملك كل الخير

دعوة للحب said...

ازيك يا مصطفى
انا قلت انا كمان ازور مدونتك واتعرف على ارائك ماهو مش معقول ان حد يزورنى ومش ارد الزيارة .

اولا ربنا يشفية ويشفى كل مرضانا , ودة مش تعاضف معاة دة تعاضف مع المرضى نفسهم لانة معتقدش انة زودنا كتير ولا عكا اللى هو فتحها هيتم غزوها بعد وفاتة ومع احترامى وتقديرى لحضرتك بس انا مختلفة مع المخرج نفسة.
ربنا يجعل اوقاتك كلها امسيات تسعدك


بالنسبة للفديو انا برضة مش هعلق زى غيرى مش عشان اعمل زيهم لاء بس اناعندى وجهه نظر فى حكاية كره الناس للانسان دة بغض النظر عن انة رئيس لدولة.
تعالى معايا نشبهه الدولة بتعتنا دى لمجتمع صغير زى مثلا المدرسةاللى انا كنت بشتغل فيها_انا كنت مدرسةوسبت الشغل مش بقالى كتير_المشرفة اللى كانت رئيستى كانت طبعا مش محبوبة بحكم انها بتمثل السلطة وانها موجودة اصلا عشان تكشف السلبيات
الست دى تعبت ومسكت مكانها واحدة من زميلاتنا واتصرفت زيها تمام نفس اللى كانت بتشتكى منة عملتة تمام زى ماتكون الانسانة القديمة مش مشيت وان لسة موجودة ودة كان رايي دايما عشان احكم على حد حط نفسك فى مكانه وشوف حتعمل اية بس بلاش شعارات وكون على
ارض الواقع وكون صريح مع نفسك

وبالنسبة لامنياتك ربنايحقق كل احلامك انت عارف ان شخصيت الانسان بتبان من احلامة.
بس انا لو مكانك ههدى التاج لامى وابويا سبب وجودى تحية وعرفان ليهم مهما اختلفت معاهم هما ليهم فضل عليا

معلش طولت عليك واسمحلى اضيفك لقائمة المدونات اللى بحب ازورها لان كلامك عجبنى وانا سمعت النصيحة وحذفت تاكيد الكلمة

وتحياتى لامنياتك الجميلة

mostafa rayan said...

دعوة للحب
اهلا بيكي ودي اول زيارة وان شاء الله مش الأخيرة ويارب الزيارات تفضل دايمة ومتصلة بيننا وطبعا بشكرك جدا علي اضافة مدونتي عندك
بخصوص الفيديو طبعا رأيك له كامل الأحترام لكن اسمحيلي دة قياس مع الفارق طبعا من حق اي رئيس يحط القوانين اللي تحقق النظام في البلد لكن هل انتي شايفة اي نظام في البلد هل هو بيعمل اي حاجة من اللي المفروض يعملها ؟
متهيألي الناس ليها كامل الحق انها تضج وتتضايق وتعمل اكتر من كدة لأن الحالة بقت مذرية قوي والناس بجد تعبانة قوي
اما بخصوص التاج فأنا والدي زي ماقلت في التاج انه متوفي وامي صحيح ست متعلمة لكنها زي كتير من الأمهات مالهاش في الكمبيوتر وربنا يقدرني واقدر اسعدها وادخل الفرحة عليها
وبالنسبة للتطويل طولي زي مانت عايزة دة بيتك ومطرحك
دومت بكل الخير والحب

نونو said...

السلام عليكم
رسالتك وصلت وجاري البحث في ذلكبس عاوزة تشاور لي عليهم
حتى نفرد لهم موضوعات في الهدى ائتنا
ممكن تضيف ايميلي لارسال الروابط مع المتعاطفين مععاهم
جزاك الله خير على غيرتك

وعد العيون said...

الدرشاوية متغلغلة فيك يا بني
بس اهم حاجة الثقافة
اهم حاجة يكون ليك خلفية
هي دي اهم حاجة
لان الي تاعبني شوية اني مش عندي خلفية متينة
و عشان كدة محتاج اقوي نفسي شوية

تحياتي
محمد

وعد العيون said...

بس الفيديو و الله ليه دلالات مش حلوة ابدا
هو طبعا بيقول ان الشعب فيه ارادة
بس الناس برضه اتشطرت علي الصورة
حلني بقي علي ما ياخدوا بالهم من الاصل