Saturday, April 10, 2010

لما اجتمع الاحبة على الخير في حضن النيل

ازيكم يا احلى اصحاب في الدنيا يا رب تكونو جميعا في احسن صحة وحال
امس الجمعه يا جماعة كان يوم جميل قوي بالنسبة لي وبالنسبة لكل من شارك فيه
فقد كان يوم التقاء في الخير بين المدونين لشراء جهاز الاطفال لمستشفى ابو الريش
بدأ عندما قابلت صديقي وليد ( هي وظروفها ) وشريف (باشا) عند محطة مترو
السيدة زينب وذهبنا سويا لصلاة الجمعه بعدها ذهبنا للمستشفي وهناك قابلت مجموعه من اجمل واحب اصدقائي كان هناك فاتيما (روح قلب ماما)وداليا(قوس قزح) وبنت منطقتى الجميلة كيارا ( عالم مولان) وضياء ( بيوتفل مايند) والاخ العزيز خالد (همس الاحباب) والمدون الجميل محمد حسن كمال جاء بعدها عمرو ( واحد من الناس) ونوران ( بنت خيخة واي كلام) ومحمد ( ابو حميد) و(كيكي عو ) ومجموعه من مدونى كفرالشيخ واستطعنا بفضل الله تجميع مبلغ الجهاز المطلوب للمستشفى ثم ذهبنا بعد ذلك إلى نادي المحامين وقضينا وقتا ممتعا على ضفاف النيل وانضم إلينا الصديقين العزيزين احمد سو (عجوز وعندي 30 سنة )وريم (رسائل بلا بريد) . عايز اقول يا جماعة ان اليوم كان جميل قوي وكان اجمل ما فيه روح الاخوة والمحبة اللي كانت بين المدونين . ربنا يديم ما بينا المحبة والاخوة ويجعلنا دايما نجتمع على الخير
واخيرا .. لكم جميعا مني يا اصدقائي كل المحبة والود

21 comments:

كيــــــــــــارا said...

انت الاجمل ياابن منطقتىىىىىىى

وكل سنة وانت طييييييييييب

وكان يوم حلو بجد

mostafa rayan said...

والله ما حد جميل زيك انت يا كيارا
ربنا يوفقك دايما للخير يا بنت منطقتى الجميلة

كيــــــــــــارا said...

ربنا يخليك يامصطفى يارب

دا بس من زوقكك ياابن منطقتىىىىى

mostafa rayan said...

كيارا يا جميلة
ربنا ما يحرمني منك يا بنت منطقتى ويقدرلك كل الخير

قوس قزح said...

اليوم كان جميل بحضورك يا مصطفى
و اهو بقى 9 ابريل له مناسبتين حلوين
عيد ميلادك و تجمعنا على الخير
كل سنة وانت طيب و دايما مشارك بالخير

mostafa rayan said...

الله يخليكي يا داليا ويكرمك ويتقبل منا كل العمل الصالح
هو كان حلو بوجودك ووجود كل الناس الحلوة المحبة للخير
ربنا يجمعنا دايما على المحبة و الخير

فاتيما said...

كل سنة و انتا طيب يا مصطفى ى ى

و كل خير و انتا مشارك فيه يا عزيزى
انتا من الناس اللى لما بشوفهم
بحس ان الدنيا بخير و حلوة

بجد وجودك معانا بيفرق كتير
انشالله دايما معانا كل مرة

خالص ودى ليك يا طيبة الدنيا

mostafa rayan said...

الله يخليكي يا فاتيما يا جميلة
وبعدين لماانا ابقي طيبة الدنيا انتى تبقي ايه . الكلمة دي تتقال عليكي انت بس يا فاتيما
ربنا يوفقك ويقدر لك كل الخير

صوت من مصر said...

تعديل
ممكن اعرف مين محمد حسن كمال
حسن ده جه منين

أبو حميد said...

كنت منور القعدة يا مصطفى وكل سنة وإنت طيب
على فكرة أنا أحمد مش محمد

dr.lecter said...

ضياء احمد بعت لي دعوه بس معرفتش
اهم حاجه انكم روحتم وساهمتم

mostafa rayan said...

واضح يا جماعة ان حصل تداخل ولبس عندي في الاسماء وطبعا ده بوست مفترج والزعل مرفوع واللي يزعل مننا نقوله حقك علينا يا عمنا
---
محمد كمال
معلش يا كيمو يا خويا انا والله بردو ماعرفش حسن ده جه منين ؟ماتعرفش مين حسن ده يا محمد يا خويا


ابو حميد
والله يا بشمهندس انا فرحان قوى انى اتعرفت عليك وقعدت معاك كل سنة وانت طيب وبخير وسامحنى على الخطا الغير مقصود
في كل الحالات انت صاحبى الجميل

د.ليكتر
كانك كنت معانا يا جميل

E73 said...

ربنا يجمعكم عالخير دائما اللهم آمين

ghada mOhsen said...

وااااااااااء

إنا مش موجوده في البوست ده

شكلي كده زي مانسيت أنا ناس في البوست عندي ربنا ردهالي هنا هههههههههه

أنا صاحبة مدونة ( بستان أفكاري ) إللي كان معايا أختي وزميلتي رحاب صالح ( حياتي لكن مش حره فيها ) ... وكمان زميلتي رضا وزميلي أحمد من الكليه .. بتمنى تكون إفتكرتني
:)

بس بجد إتشرفت بمعرفتك .. وإن شاء الله نتقابل في الخير في لقاءات تانيه ..

وبجد اليوم كان حلو كتير بناسه إللي قلوبها مليان بالخير

تحياتي ليك مصطفى ...
... ;) ,,, ;) ...

همس الاحباب said...

درش باشا
كل سنة وانت طيب
ودايما منورنا فى اعمال الخير
انت شخص طباعك جميلة وقلبك صافى
سعدت بوجودك ومعرفتك جدا يا مصطفى
ربنا يديم المعروف بينا جميعا
تحياتى اخى العزيز

!!! عارفة ... مش عارف ليه said...

والله فكرتني بيوم جميل يا درش قضيته معاك قبل كده

بسم الله ماشاء الله
ربنا يبارك فيكم ويحفظكم من كل مكروه

ونفضل كده دايما في الخير سباقين

وعلى قلب رجل واحد

كيكى عوووووو said...

مقلتش ليه انه كان عيد ميلادك
عمتا ياعمونا كل سنة وانت بخير ومادام عرفت انك بتحب الاغانى الشعبية
احب اهديلك
انا مش عارفنى انا توهت منى انا مش اناااااااااا
انا اول مرة اكلم معاك هو انا اصلا يعتبر متكلمناش بس فعلا انا كنت حسة بألفه غريبة اليوم دةوعلى فكرة انت طيب اوى
وعشان الكلمتان دول
هاتلى شيكولاته كابرى حجم كبير ساااااااااااادة

عوووووووووووو

re7ab.sale7 said...

صباح الورد
مش هعيط زي غادة
بس اكيد انت اكتر حد اتكلم معايا وسألتني ليه سميت مدونتي حياتي لكن مش حرة فيها , بجد حسيتك مألوف ولاول مرة ف حياتي اتكلم مع حد بسرعة وتلقائية برغم اني بتكسف جدااااا وده مشكلة برغم اني كلية اعلام , حبيت اليوم بجد وبتمني نلتقي تاااااااني وتالت وعاشر

salwa said...

السلام عليكم اخ مصطفى
جزاكم الله كل خير
و جعله في ميزان حسناتكم
سلام

mostafa rayan said...

e73
الله يخليكِ ويكرمك
لك كل التحية دايما


- غادة محسن
الله يخليكي يا غاده وانا بجد فرحان انى شوفتك واتعرفت عليكي وان شاء الله نتقابل تانى في اللقاءات الجاية
تحياتى الكتير ليكي يا غادة


-همس الاحباب
الله يخليك يا خالد ويجمعنا على الخير دايما وانا اللي بكون في قمة سعادتى وانبساطي وانا معاكم


- عارفه مش عارف ليه
الله يكرمك يا جميل وان شاء الله تكون معانا قريب ونلتقى على خير
لك كل محبتى يا اخي العزيز


- كيكي عو
خلاص يا كيكي اديكي عرفتى بقي يوم عيد ميلادى اهوه يلا بقي عوضيهالى المرة الجاية بشيكولاته كبيرة بالبندق
ههههههههه
انا فرحان انى شوفتك وان شاء الله نتقابل تانى في اللقاءات الجاية ونتكلم مع بعض كتير قوى
على فكرة اغنيه انا مش عارفنى دي ليها معايا موقف جامد ابقي فكرينى اقولك عليه في اللقاء الجاي
لك كل التحية يا كيكي يا جميلة

- رحاب
صباحك انت اللي فل وياسمين يا رحاب
وربنا يخليك عل الكلمتين الحلوين اللي قلتيهم في حقى دول
وان شاء الله نتقابل تانى في لقاءات تانية ونقعد مع بعض ونتكلم كتير قوى
وبجد انا كنت مستمتع قوي بكلامنا مع بعض
لك كل التحيه يا اعلامية المستقبل الجميلة


- سلوي
صديقتى البيروتية الجميلة
ربنا يكرمك يا سلوى ويتقبل مننا كل اعمالنا الصالحة ويغفر لنا اخطائنا
لك كل التحية والموده

نهــــــــــار said...

الله يجمكم على الخير دايما
جزيتم خيرا