Sunday, February 7, 2010

وسط لفيف من اجمل احبابه الرئيس السابق يوقع في معرض الكتاب على اعترافاته

"الحمد لله الذي بنعمته تتم الصالحات"
اصدقائي الاعزاء
كان امس السبت يوما مميزا ورائعا بالنسبه لي وبالنسبه للرئيس السابق ..ففي الامس تم توقيع مجموعتى القصصيه اعترفات رئيس سابق في معرض الكتاب بين مجموعة متميزه من الحضور من الكتاب والمدونين والقراء الكرام الذي اعتز جدا بهم
كان على رأس الحضور الكاتبه الجميله ساميه ابو زيد صاحبه كتاب (59ليست اقل من60) والتى دائما ما تشجعنى على الكتابه والاستمرار وحضر ايضا الكاتب الصحفى والروائي احمد كفافي والذي صدر له مؤخرا روايه ( حبيبي اون لاين) وحضر ايضا الكاتب والمدون الجميل شريف الكردي صاحب كتاب (لست إلا بعض من اوراق) وحضر ايضا المدون الجميل احمد ( مدونه ابو حميد)وكان نوراتى الحفله ووردتهما صديقتى الجميلتان صفاء جلال (مدونه مقتطفات) وصديقتى الجميله ميرا شعبان (مدونه امرأه بعقل رجل) البنوته الجدعه التى دائما ما تكون معي في كل المناسبات .. بالأضافه لعدد اخر من الحضور الجميل الذي اسعد حضورهم روحي وقوى قلبى ثم ذهبنا بعدها لحفله صديقى الجميلين احمد الصباغ وسحر غريب الذي صدر لهم هذا العام الكتابين الساخرين (الضرب في الميت وتعيش وتاخد غيرها) ومن هنا اقول لهم الف مبروك يا شباب ويارب دايما النجاح والتوفيق
وهذه يا اصدقائي صور الحفل
واخيرا اشكر كل الحضور الجميل واقول لهم كم اسعد حضوركم قلبى وشعرت بينكم اننى بين اهلى واقاربي فلكم منى يا احبابي كل الموده والاخاء























21 comments:

mostafa rayan said...

اردت ان اكون اول المعلقين هنا لاشكر مرةاخرى كل احبتى الذين شرفونى بالحضور وجعلو اليوم ملئيا بالبهجه والسعاده

Tamer Nabil said...

الف الف مبررررررررروك مصطفى

لو اعرف كنت جيت


تتعوض مرة تانية

انا قريت كلامك عن اللقاء ورغم انى ماروحتش بس معاك فى ما قولت عيب اوى بجد ما يحدث من البعض فى الخفاء ضد الاخرين

ربنا يهدى يارب

مع خالص تحياتى

reem said...

الف الف مبرووووووك

بجد انا كنت عاوزه اوى كون موجودة امبارح

بس مش عرفت اجى بسبب البرد اللى عندى

وبجد ربنا يوفقك ويكرمك ودايما من نجاح لنجاح

وبجد انت انسان اخلاقك عالية وتستاهل كل خير

كنت اتمنى اتعرف عليك اكتر واتكلم معاك اكتر في لقاء نادى الزراعيين بس انا مشيت بدرى ومش عارفه اصلا اذا كنت عرفتنى ولا لأ

ومبروك لاحمد وسحر ويارب دايما كدا متجمعين على الحب والخير وفي الافراح

mostafa rayan said...

تامر نبيل
الله يبارك فيك ياتامر
وان شاء الله تتعوض في المرات الجايه واشوفك ونقعد مع بعض كتير
لك كل التحيه والود يا اخى

- ريم
الله يخلكي يا ريم ومتشكر قوي لكلامك الحلو ده عنى
وسلامتك من البرد ربنا يشفي عنك
وان شاء الله نشوف بعض في لقاءات اخرى ونتكلم مع بعض كتير قوى
تحياتى لك يا ريم ويارب دايما في نجاح وتقدم

نور الدين said...

الف مبروك يادرش
ومعلش والله ياصديقى انا مقدرتش اجى وشكلى مش هروح المعرض اصلا السنة دى ولما اشوفك ابقى افهمك بقى

ويارب السنة الجاية نجيلك وانت بتمضى كتابك الجديد وكل يوم فى مزيد من الخير صديقى
...
نورالدين محمود

شمس النهار said...

الف مبروك يامصطفي

عقبال نوبل في الادب

سلامي

mostafa rayan said...

نور الدين
الله يبارك فيك يا جميل
وربنا يتقبل دعواتك
لكل كل التحيه والود يا اخى العزيز


- شمس النهار
الله يبارك فيكي يا شموسه يا جميله
تحياتى لك دوما

حنان سعيد said...

الف الف الف الف مبروك
يامصطفى
وعقبال كده كل سنه ان شاء الله
وياريت كنت اعرف كنت جيت اكيد
وخصوصا ان يومها كنت هناك
بس خير ان شاء الله في الرات الجايه
:)

salwa said...

السلام عليكم اخ مصطفى
الف مبروك سعيدة بهذا الخبر
و يا رب الله يوفقك دائما ومعك حق الفتنة اشد من القتل
لك اطيب التمنيات
سلام

Darsh Basha said...

ازيك يا مصطفى

انا سعيد جدا بمقابلتلك
وانا لو كنت اعرف ان حفل توقيعك كان يوم السبت كنت جبت الكتاب بتاعك علشان توقعهولى

بس يالا حصل خير

والف مبروك ويارب تبقى متألق كمان وكمان

فاتيما said...

انا زعلانة جدا من نفسى يا مصطفى لأنى معرفتش معلومة حفل توقيه كتابك دى غير متأخر و الا كنت لقتنى عندك دون أدنى تاخير

انا بعتذرلك بجد
و الف مبروك عليك و علينا

و عقبال كل الكتب الجاية
و اللى لازم و لابد هحضر حفلات توقيعها إن شاء الله

الف مبروك يا صفصف

waleed said...

الف مبروك يا مصطفى

وإن شاء الله إلى مزيد من التوفيق

وبإذن الله سيتحقق لك ما تتمناه

لروحك الجميلة التي من الله عليك بها


وليد

!!! عارفة ... مش عارف ليه said...

الف مبروك يا مصطفى

وإن شاء الله إلى مزيد من التوفيق

وبإذن الله سيتحقق لك ما تتمناه

لروحك الجميلة التي من الله عليك بها


وليد

mostafa rayan said...

حنان سعيد
الله يبارك فيكي يا حنان وان شاء الله تتعوض المرات الجايه ونشوف بعض في اقرب فرصه .. وطبعا هنتظر رأيك عن الكتاب .. لك كل التحيه والود

- سلوى
صديقتى البيروتيه الجميله .. بجد انا بحب اسمك ده قوى
الله يخليكي يا سلوى ويارب يقدرلك كل الخير

- درش باشا
الله يخليك يا جميل وياعم انا اللي فرحان بمقابلتك قوى .. بس يا صاحبى خبر الحفله كان مالى الفيس بوك واظن انك من اعضاء جروب الكتاب يعنى اعتقد وصلتلك الدعوه .. يلا مش مشكله تتعوض المرات الجايه تتعوض المرات الجايه .. لك كل المحبه يا اخى

- فاتيما
اهلابيكي يا جميله في بيتك ومكانك
يا فاتيما انت كأنك جيتى واكتر كمان
وانت مش محتاجه اقولك انا قد ايه بحبك وبعتز جدا بمعرفتك
ان شاء الله تتعوض في المرات الجايه
لك كل المحبه والود يا صديقتى العزيزة


- وليد
الله يكرمك ويخليك
لك كل محبتي وودي يا اخى العزيز الفاضل

norahaty said...

مبروك ياأستاذ مصطفى
حفل توقيع الكتاب
الاول لك وعقبال
الكتاب ال1000
بس كنت حابة
تكتب أسماء
من بالصور
معك لأجل ما
تعّم الفائدة وكأنى
كنت معكم بالضبط.مرة
تانية مبرووووووووووووووووك

mostafa rayan said...

نورهاتى
اهلا بك والله يبارك فيكي وان شاءالله تكونى معانا في المرات القادمه
في الصورة الاولى
انا وصفاء جلال والاستاذ العزيز شريف الكردي
والثانيه انا واستاذه ساميه ابو زيد والناشر استاذ يحي هاشم
والصورة الثالثه مع استاذ ابو حميد
والاخيره من حفله الصباغ فيها انا مع اسلام ديو (مسئول مجله ميكانو الالكترونيه) واحمد الصباغ وسحرغريب ومعنا صديقتناالمدونه الجميله ميرا شعبان

الشعب لابد له من حكومه تشكمه said...

مبرروك يامصطفى,والله والله كان نفسى بجد اقدر اجى ليك ولسحر وللصباغ,
بس للاسف عندى شويه حجات خلت صعب انى اجى من المنصوره,
بس صدقنى والله كان نفسى اجى ابارك ليكو وخصوصا انى كمان متكلمتش معاك كتير للاسف .
مبروك مره تانيه.

mostafa rayan said...

الشعب لابد له من حكومه تشكمه
ازيك يا شيماء يا جميله
ولا يهمك يا ستى كأنك جيتى واكتر
ان شاء الله نشوف بعض كتير قوي في مناسبات جايه كتير ونقعد ونتكلم كتير كتير كتير
لك كل الود والتحيه يا شيماء يا جميله

عايش... ولكن !!!! said...

مبروك عليك
وعقبال اللى جاى ويكون افضل

عايش... ولكن !!!! said...

مبروك عليك
وعقبال اللى جاى ويكون افضل

mostafa rayan said...

عايش ولكن
الله يبارك فيك
لك كل التحيه