Thursday, January 14, 2010

احتياج ورغبه

في زحمه الفيس بوك مفتقد الحميميه اللي لاقتها هنا
عايز ارجع اكتب هنا ومش عارف اكتب ايه ؟ محتاج ادخل جو التدوين من تانى

11 comments:

dr.lecter said...

ياريت يامصطفي ليك وحشه بجد

!!! عارفة ... مش عارف ليه said...

انا كمان بقول أنت فين

وانت عايش بقى على الفيس بووك

ماشي يا درش

اللي ملوش قديم

ملوش جديد

والأصل هنا

وإحنا عرفناك من المدونين

مش من الفيس بوكيين

امسك قلمك واكتب أي حاجة

مش مهم ... المهم تكتب وبس

وطنك هنا يا مصطفى


وليد

salwa said...

السلام عليكم اخ مصطفى
المهم التواصل
و لك اطيب التمنيات بالتوفيق
سلام

z!zOoOo said...

السلام عليكم

ازيك يا مصطفي يارب تكون بخير

حمد الله علي السلامه

علي فكره عايز اقولك علي حاجه

فيه واحد وانت تعرفه بقوله مش بتنزل موضوعات ليه عندك

قالي الفيس بوك غطي علي التدوين

قلتله لا مش صحيح

قلتله زي الجرايد والتلفزيون

كل واحد فيهم وليه جمهوره

وفيه ناس بتتابع الاتنين

التدوين ليه مذاق خاص

جو تاني خالص

ثم التدوين عفنا بناس حلوه كتير زي الاتنين الي فوقيا دول

:D

ينفع ينفع تعرفنا هنا وتسيبنا وتروح هناك

كلمه اخيره هقولهالك

ماتنساش إن مدونتك كان صاحبه فضل عليك وعلي كتابك

ياريت ما تقساش عليها

وتسيبها وحدها مظلمه

:(
ده مجتمعنا السحري

ماينفعش نهجره

:)

مستنينك من تاني يا مصطفي

إكتب اي شيء إنت حاسه دلوقتي

لحد ما مخك يجمع وتنظم فكرك

وتعود إيدك

وكلنا في إنتظار وجودك وزيارتك

:)

تحياتي

MǿиY El-Shreef said...

وايه اللي حايشك طيب

ياريت ترجع تاني هنا

نور الدين said...

ازيك يادرش وحشتنى جدا والله وافتقدنا نلاقى اسمك منور فى بوست جديد
إنت فعلا ياعم مطنش التدوين وزى ما وليد قال الاصل هنا واحنا عرفناك هنا
ياسيدى انت بس ابدأ وهتلاقى الف حاجة تكتبها
اكتب قصصك ..مقالات ..خواطر ..
إحساسك
اى شيء
المهم تبدأ بس وربنا يوفقك يامصطفى
دمت بكل الخير صديقى العزيز

..........
نورالدين محمود

نور الدين said...

عن اذنك يادرش كلمة للاستاذ وليد اللى قافل التعليقات كان نفسى ااقوله انه يستاهل فعلا يجى فى مصاف المدونات والمدونيين لانه انسان نادر وجميل

ادام الله الود ياوليد وعايزين نشوفك ياسيدى على الياهو حتى

معلش بقى يادرش
بس دى مدونة اخويا مصطفى بقى
والبيت بيتى

mostafa rayan said...

dr.lecter
الله يخليك يا جميل وان شاء الله يكون العود احمد .. احمد مين ؟ انا مصطفى
هههههههههههههههههه
كل حبتى لك يا جميل


*************
عارفه مش عارف ليه
عودي يا هميس احمس بيندهلك
قصدي ارجع يا مصطفى التدوين بيناديلك وصحابك القدام بينادولك
بيتك هنا.ارضك هنا. ماتغبش تانى عننا
هههههههههههههههههههههههههه
حبيبي ان شاء الله نرجع تانى
كل محبتى لك يا جميل

****************
سلوي الجميله
الله يكرمك ولك كل محبتى وودي

***************
زيزو
اخى الجميل
طبعا كل كلامك صح
بصرف النظر عن الكتاب التدوين ادانى فلارصه اكبر لنشر موهبتى وان الناس تتعرف عليا واعرض موهبتى على قدر اكبر من القراء
كفايه اني اتعرفت فيه على حد جميل زيك
لك كل محبتى يا جميل

***************
مونى
الفيس بوك ابن الايه سرقنى من هنا
لكن لازم اقاومه لازم اثبت لنفسي انى اقوى منه
الفيس بوك بيجي عليه زوار كتير لكن هنا حتى لو العدد اقل في خصوصيه وحميمه انت جايه لمصطفى او لفلان لذاته عكس الفيس اللي بتروحي ومش عارفه هتفتحي تلاقي مين كاتب ايه
كل تحياتى لك يا مونى يا صديقتى الاهلاويه الجميله

************
نور الدين
حاضر يا جميل هبدأ وربك يكرم ويوفق
بالنسبه لوليد فطبعا هو حد جميل قوي وما افضل المدونين كمان
وطبعا البيت بيتك وانت مش محتاج تستاذن منى
لك كل محبتى يا اخي العزيز

صبرني يارب said...

لو شوفتك على الفيس بوك هاكعبلك

ايه ده بتبعينا عشان تبقى فوس بكاوي

وايه يعنى ما انا باروح الفيس بوك اكنس وارش مايه واسلم على الناس واجي هنا تاني برضه

بلاش كددددددددده بقى

عموما اتحايل علينا شويه بقى

Tamer Nabil said...

اية ياصاحبى

مالك

اكتب اى حاجة مهما كانت

هو التدوين فى الاصل حروف وكلمات نكتبها ونتشارك فيها كلنا

فى انتظار جديدك

ربنا يوفقك ويكرمك

مع خالص تحياتى

شمس النهار said...

انا قلت قبل كده ان الفيس لؤ ده مش هو

هنا الجو الطف تحس انه في الصيف طراوه وفي الشتا دفا

ونار جهنم علي اللي يتعدي حدوده

بحس اننا اسره واحده جنب بعض
برغم الفئه القليله المندسه

::))

ارجع ياعم واكتب اي حاجه هنستحملك ابننا هنرميك يعني

سلامي