Wednesday, September 30, 2009

رأي وليد وسؤال من عندي

يقول لى دائما صديقى العزيز وليد الزهيري
انى هبقى كاتب كبير قوي وهيجي يوم يفرج اولاده على اهداء كتبى له ويقولهم الكاتب الكبيرده صاحبى
سؤال لوليد ولأي حد شايف كده هو اليوم ده هيجى امتى ؟

12 comments:

!!! عارفة ... مش عارف ليه said...

إن شاء الله

قريب أوووي يا مصطفى

صدقني أنت على الطريق الصح

والموضوع محتاج لشوية صبر

وشوية جهد كمان اكتر من الصبر حبتين

وبإذن الله يبقى الحلم صورة وصوت


المؤمن بموهبتك
وليد الزهيري

salwa said...

السلام عليكم اخ مصطفى
كل من سار على الدرب وصل
المهم المثابرة بصدق
باذن الله تتحقق امانيك قريبا
سلام

نور الدين (محمد الجيزاوى) said...
This comment has been removed by the author.
نور الدين (محمد الجيزاوى) said...

صديقى العزيز مصطفى
.....................
ايه ياعم اللى انا قريته دة يبنى انا شايف فيك مثال حى على المثابرة والجهد خصوصا بعد ماعرفتك عن قرب
وصدقنى يادرش انا اخر حد ممكن ينافق وانا شايف فيك عزيمة لا توجد عند الكثيرين وانا على رأسهم
وانت تمتلك فطرة خصبة وشخصية ثرية والطريق لم يبدأ بعد حتى ينالك اليأس بمخلب أو يعضك بناب
يا سيدى الرسول عليه الصلاة والسلام عاش 23 سنة لحد ما قدر يشوف امته اللى بيحلم بيها وهى بتتكون ولنا فيه اسوة حسنة
وانت لسه شاب صغير والطريق بييجى واحدة واحدة عمرك سمعت عن مبدع ارتقى إلى قمة الهرم فى قفزة واحدة كل مبدع نال نصيبه من الاحباط وعدم الإلتفات لأبداعه
لحد ما بييجى اليوم والقلم الجيد يفرض نفسه
نصيحتى ليك يادرش مارس القراءة بشكل عميق دة مش معناه انى بقول انك غير قاريء لا والله
لكن دى نصيحتى لنفسى ولأى حد بحبه والله شاهد انى بعد لقائنا صارت لك مكانة فى قلبى
وإن شاء الله قريب جدا هتكون افضل مما تتمنى حتى
بس ابقى افتكرنا بقى ياعم برواية ولا حتى قصة قصيرة
اجمد ياولد وخد نفسك وواصل طريقك واوعى عينك تغمض عن هدفك لحد ما تقفل عليه ايدك
..
اخوك
..........
نورالدين محمود

قوس قزح said...

ان شاء الله قريب
انا عايزة اقولك ان مفيش مرة جات سيرتك الا واتقال بعدها الولد ده بيكتب حلو اوى و له مستقبل
و الكلام ده من اكتر من حد

هو بس كل شىء بيحتاج وقت ولازم نتعب فيه شوية و يمكن ده علشان نحافظ عليه و نقدره و يجى يوم نكون فيه حاسين بغيرنا و نساعدهم


ان شاء الله ربنا يعمل لك كل خير و يرضيك به

mahasen saber said...

سواء قريب او بعيد ان شاء الله هيجى

وساعتها انا كمان هفرج بيرو كتابك اليى هاخد عليه توقيعك

وهفرجه لكل الناس بكل حب كمان

ربنا يوفقك ويكتبلك كل الخير يا مصطفى انتا تستاهل كل الخير اليى فى الدنيا

mahasen saber said...

عارف البانر اليى قلتلك عليه
انا مش عارفه احطه ممكن تاخد الباسوورد وتحطه انتا
لانه بجد هيشرفنى وينور مدونتى

كتاب اخويا الصغير يا ناس

Unknown said...

إن شاء الله
تصل يااستاذ
مصطفى بأذن الله
ثابر وكافح وربنا معاك.

تايه في وسط البلد said...

ياااااااااااااااااه

فرجه قريب يا درشاوي

انت بس تاخد بالك من شغلك وتحسنه وتجوده وتغرقه في الاحساس ومش تبعده عن مشاكل الناس وقبل كل ده وبعده تكون مؤمن بالله وعدله في اظهار المواهب الحقيقية والعمل الجاد ولو بعد حين

ياللا يا وحش حضر للكتاب للجديد

KHALED said...

ربنا يكرمك يا مصطفى و تحقق أمنياتك كلها بس ماتستعجلش
اقرا كتير كتر نصيحة منى مهمة ليك
إقرا أدب غربى و عربى و متنوع علشان دماغك و تفكيرك يبقى غنى

وكل عام وانت بخير

dr.lecter said...

صبرا قليلا

زي مقالك وليد وبعد كده هتفرح لما توصل للي انت عايزه

صفــــاء said...

مش هعلق يا مصطفى
مش هعلق ولا هقول كلمه واحدة
رأى انت عارفه
ومستقبلك ومستقبل موهبتك فى أيد الله سبحانه وتعالى
ثم فى أيدك