Wednesday, August 19, 2009

عدنا

يا ..بقالى كتير ماكتبتش هنا .. تلاقيكو نسيتونى ونسيتو المدونه
لكن صحيح هو ايه اللي خلانى ابعد طول الفتره دي؟ . مش عارف يمكن بعد مانزلت الكتاب حسيت انى ماعدش عندي جديد اقوله السبب اللي عملت المدونه علشانه خلاص اتحقق .. يمكن بدات اهتم اكتر بالفيس بوك لأنه كان جديد عليا فى استخدامه وكمان علشان اخبار الكتاب توصل لعدد اكبرمن الناس .. اويمكن لأنى فى الفتره الاخيره
جالى حاله ضيق وغضب من المدونات والتدوين كله لأنى لاقيت ان فى ناس كتيره بتألف وبتفتى وبتقول حاجات اقل مايقال عنها انها مصيبه سودا
اويمكن انا عندي شويه مشاكل شخصيه مأثره عليا والحياه مش وردي وردي معايا زي ماناس كتيرللاسف فاكره او يمكن كل الاسباب دي او يمكن حاجات تانيه .. مش عارف
بس كل اللي عايز اقوله كل سنه وانتو طيبين بمناسبه رمضان وبمناسبه العوده للتدوين

17 comments:

الدرعمي said...

يا عم كل سنة وأنت بكل خير و رمضان كريم و كمل جميلك بقى و انشر قصة جديدة من كتابات ما بعد الكتاب

mostafa rayan said...

الدرعمى
كتابات مابعد الكتاب قصائد شعر
ان شاء الله هنشر منها قريب
تحياتى لك

mohamed ghalia said...

كل سنة وانت طيب يامصطفى باشا

إيناس حليم said...

:) لا مش نسيناك ولا حاجة يا مصطفى
كل رمضان وانت بخير وبصحة وسلامة

alshared said...

درش
حمد الله علي السلامه

رمضان كريم

شمس النهار said...

اااازيك
عامل ايه يادرش
كده برضه تغيب عن المدونه
وتقول كده عيني عينك انك اخدت غرضك منها وخلاص:)
طبعا مانسيناكش خالص وكنت كل ماازور المدونه وانا مسافره استغرب جدا
وبعدين انت اكتب ماتحرمش اصحابك في البلوجر من الكتابه بتاعتك عشان همه ليهم حق عليك همه اول من قروا لك
ومالكش دعوي بالناس اللي بتفتي كل واحد حر في كلامه
وبعدين يادرش اذا كان الناس بتفتي وتفت في الدين
ماعلينا علشان مانغلطش في حد
كل سنه وانت طيب وماتغبش عنا بالبوستات الجميله

د. ياسر عمر عبد الفتاح said...

كل سنة وانت طيب يا درش
ننساك ازاي بس؟
بس بلاش إنت تنسي مدونتك لأي سبب من الأسباب

salwa said...

السلام عليكم اخ مصطفى
رمضان كريم و نورت بيتك
سلام

عمرو said...

كل سنه و أنت طيب و بألف صحه و خير ..
ربنا يجعله شهر خير و يمن و بركات ..
تقبل تحياتى و تقديرى ..

قوس قزح said...

غسل الله قلبك
بماء اليقين
و اثلج صدرك
بسكينة المؤمنين
و بلغك
شهر الصائمين

.. * * . * * .
.* . . * . . *
* . رمضان . *
. * .كريم. * .
. . * . * . .
. . . * . . .

كيــــــــــــارا said...

كل سنة وانت طيب ورمضان كريم

ســـــــمــــكة said...

محاولة لإعادة التدوين...
حبيت اسجل مروري :)

تايه في وسط البلد said...

رمضان كريم عليك يا درشاوي والسنة اللي جاية تكون اتحفتنا بتلاتة اربع سيت كوم من ابداعاتك

كل سنة وانت طيب

mostafa rayan said...

محمد : وانت طيب وبخير
ايناس : وانت طيبه وبخير
الشارد : الله يكرمك يا جميل
شمس : وانت طيبه ..حضر مش هغيب ان شاء
الله
د.ياسر : حاضر
عمرو : وانت طيب وبخير
سلوي :وانت طيبه وبخير
قوس قزح : الله يعزك ويكرمك
سمكة :تورتى
بنت منطقتى : وانت طيبه وبخير
تايه : وانت طيب ..انت عارف انى بحاول
على قد مااقدر .. ربك يكرم ويقدر الخير

!!! عارفة ... مش عارف ليه said...

كل سنة وأنت طيب يا درش

ده المهم

والحمد لله إنك بخير

ونعم ربنا علينا ان الدنيا مش دايماً الدنيا وردي وردي

علشان لما يجي الوردي نحس بيه وبقيمته

وفي حاجة بقى عايز أقولك عليها

إني مش عايز لما اشوفك تكون بمود الكآبة ده

لاني الحمد لله دلوقت في مصر وإن شاء الله هكون موجود يوم 5 سبتمبر في مستشفى أبو الريش في يوم الإفطار الجماعي للمدونين

وإن شاء الله أشوفك في اليوم ده ولو ظروفك سمحت

لأني فعلا متشوق إني اقابلك يا مصطفى
أه والله أنت

وإن شاء الله نرتب الموضوع ده سوا بإذن الله

وكل سنة وانت طيب يا كبير :)

رمضان كريم


أخوك
وليد

mostafa rayan said...

وليد
ان شاء الله اشوفك ياجميل واجبلك معايا
نسخه من الكتاب
كل المحبه لك يا اخى

z!zOoOo said...

السلام عليكم

درش الجميل ايه اخبارك

يارب تكون بخير

ايوه كده ياراجل ارجع نور المدونه من تاني

ارجع نورها بوجودك وكلماتك ونفسك الي مأنسنا :)

كل سنه وانت طيب يا مصطفي

ويارب كل رمضان وإحنا اقرب وأعبد لله ومغفور لنا

دمت اخي بكل ود

ورمضان كريم