Saturday, July 25, 2009

الرئيس السابق يزور مقهى الثقافيه ... هتنور الكافيه يا كبير

" الحمد لله الذي تتم بنعمته الصالحات "
يظهر يا جماعه هيكون فيه استلطاف كبير بينى وبين قناه النيل الثقافيه فبعد ان تمت استضافتى فى برنامج الاجنده سوف يتم استضافتى يوم الاثنين القادم ان شاء الله فى برنامج ( ثقافيه كافيه ) الساعه السادسه مساءا - فى معاد كويس اهو مش بدرى
ولا الناس فى اشغالها - ولكن هذه المره لها طعم مختلف حيث
سيكون معى اصدقائي سحر غريب واحمد الصباغ فى حديث عن مجله ميكانو التى نشترك فيها واتولى انا مسئوليه القسم الادبى وبالطبع سوف يتم الحديث عن مجموعتى (اعترافات رئيس سابق)
منتظر رأيكم ويارب الحلقه تعجبكم

8 comments:

Kiara said...

الف الف الف مبروك علي النجاحات دي يابن منطقتى


انت تستاهل كل خير

!!! عارفة ... مش عارف ليه said...

الف مبروك يا كبير

وإن شاء الله في توفيق دائماً

لك ولمجموعتك الأدبية وإن شاء الله يكون لي نصيب حضور حفل توقيع الطبعة التانية

ومزيد من التوفيق لميكانو
بإذن الله لأن فريق العمل أكتر من رائع
والتناغم بين أعضاءه سمة واضحة

الف مبروك مرة تانية يا درش

أخوك
وليد

The illusionist said...

الف الف الف مبروك على النجاحات والابداعات
ربنا يكرمك يا رب

بسم الله ما شاء الله عليك

ربنا يزيدك

z!zOoOo said...

السلام عليكم

مصطفي باشا ايه الاخبار

يارب تكون بخير

الف مبروك ويارب من نجاح لنجاح ودايما في تألق وتميز

بس ليا عندك عتاب بس قولي إنك مش هتزعل

قولت ؟؟

طيب بص يا سيدي

بما إنك أخ عزيز ومدون جميل

مش هتزعل لما هقولك اني بقيت اجي عندك هنا وأتخنق

ليك كتير يا مصطفي بتتكلم عن كتابك

انا طبعا مايخصنيش وأكيد من حقك إنك تفرح

لكن هي المدونه ديه مالهاش حق عليك

مش هي الي كانت معاك في كل نجاح

انا شايف إن الواحد لما بينجح

بيزود شغله احسن ما يقعد سنين يتكلم عن نجاحه الي لو فضل يتكلم عليه هيقف عنده وهيبقي اول

وأخر نجاح

فأنا عشان فعلا بعتبرك اخ عزيز بقولك النصيحه ديه

وياريت ما تكونش زعلت مني

وأتمني ارجع اشوف مدونتك منوره بموضوعاتك الجميله
وترجع تمتعنا

دمت متألقا ناجحا

سعيدا بنجاحك

وأتمني من الله أن يوهبك مزيد من التميز والتقدم والنجاح في حياتك كلها

وعذرا للإطاله

تحياتي

salwa said...

السلام عليكم اخ مصطفى
اعتذر لغيابي انا كنت اجازة
و رمضان كريم على الجميع يا رب
و سعيدة جدا باخبارك و الله يوفقك
سلام

Hossam said...

Hello
سلام عليكم
بجد اول زيارة ليا بس ما شاء الله عليك شكلك شخصية جامدة جدا وبجد مبسوط انى عرفتك
تقضى وقت جميل ادام كاميرا ثقافية كافية انشالله
تحياتى

Darsh said...

الف الف مبروك يا ابودرش

انت تستاهل اكتر من كده كمان و الله

انا هحاول اوصل للكتاب

ربنا يوفقني بقى

Anonymous said...

مبروك اولا
أنا جيت اقول
كل رمضان و انت بخير
تحياتى