Saturday, February 14, 2009

رباعيات جديدة

تحديث هام
هابي فالانتين داي لكل اصدقائي الغالين
يارب تبقي حياتكو كلها حب وسعادة وكل واحد مننا يلاقي نصفه الاخر اللي بيحلم بيه
واللي لاقاه تبقي حياتهم كلها حب ونجاح
***************************
قبل القرأة
اعتذر لكل اصدقائي عن التأخير في نزول البوست الجديد كل ما في الامر كنت عايز افرح شوية زيادة بالكلام اللي اتكتب عني في الاعلام ، لكن في الحقيقة المفروض الانسان يكمل حياته ومايقفش عند شيئ .. وكمان كان في خبر حلو كنت منتظر حدوثه وكنت عايز اعلن عنه لكن اتأجل
ولعل تأجيله خير
*******************
اهداء
لصديقي العزيز وليد : لأنه طالبها مني وانا ماقدرش اتأخر عنه
ولاصدقائي الغالين جدا صفاء وادم بمناسبة العودة للتدوين .. ويارب تعجبهم وتعجبكم
**************
(1)
انا مش شاب نايتي .. دة انا شاب جامد قوي
واعرف اجيب التايهة وامشي في طريق ملتوي
واذا كنت ابان قصادك طيب وابن حلال
مابينضحكش عليا ولا دراعي دة بيتلوي
(2)
لما تيجي تحب حد ماتحبهوش قوي
ولما تيجي تكره حد ماتكرهوش قوي
خلي بينك وبين الناس مسافة دايما
علشان لو في يوم انجرحت ماتتعبش قوي
(3)
اول بنت عرفتها كانت اسمها دينا
كانت شوية متختخة لكن كانت جميلة
واتفرقنا وبعد سنين قابلتها في الجامعة
ماعرفتهاش اصلها كانت شبه نينة
(4)
قطعت كل علاقتي بالشيئ اللي اسمه شات
وركزت معاك انت ونسيت كل اللي فات
وقلت ابدأ معاك حياة ودنيا جديدة
لكن لاقيتك زيك زي غيرك من البنات

(5)

عايش علي الدليفري واكل برة البيت
اصل مراتي فنانة ودايما برة البيت
ودي غلطة اكيد حلها
اتجوز واحدة تانية مابتخرجش من البيت
(6)
خلاص خلصتي كلامك طيب اسمعيني
عاشق وبجد عايزك تعيشي معايا سنيني
وإذا كان ليا ماضي زي جميع الرجال
نسيت انا كل الماضي اول ما شفتك بعيني
(7)
ساعات بحس اني مش شاب في العشرين .. وراجل عجوز جدا
وساعات بحس اني لسة طفل صغير .. واني ماكبرتش ابدا
وبين حكمة واندفاع وعند واقتناع
بعيش ايام حياتي واتمني الفرح دايما
(8)

من ظهرها مزة ومن وشها غفر

وانا قلت لصاحبي شكرا .. انا مش هعاكس دكر

صاحبي فضل يضحك .. وانا كنت عايز اشتمه

ولاقتني بضحك معاه ومافيش لزعلى اثر

(9)

يغور اللبن يا حبيبتي من وش القرد
دة انا عشت معاكي ليالى كانت صعبة وكرب
عايزة تمشي ماتمشي
وياريت حتى لو تمشي من دلوقت

(10)

مستروشة الملاغية .. وعنيكي غاليا عليا
ومادام مستروشاها خدي اكتر يانور عينيا
لكن بس انا خايف عرقك الصعيدي
يهب في لحظة ويقلب كل الدنيا عليا

(11)

لما نتجوز ياحبيبتي مش هتخرجي من البيت
ولا حد غيري يشوفك ولا زيد ولا عبيد
ولا للشغل رايحة ولا من الشغل جاية
عايزك ليا لوحديا دة انا قد ايه حبيت

(12)

واحدة زنجية وشاب ابيض زي اللوز
وفضلت انا اتخيل لحظات وشكل البوس
لذيذ النسكافيه بالحليب .. لكنه ساعات بيتعب
ويجوز اضحي باي واحدة .. لكن بصحتي ابدا لا يجوز

(13)

لو كنت لاعب كورة مش شاعر اواديب
مش كان اتغيرحالي وبقي مني القرش قريب
وبقيت حديث الناس ووسائل الإعلام
ايه يعني كاتب عظيم لكني خالي الجيب

(14)

كنا تلاتة اصحاب نازلين جامعة الدول
نستلقط مزة حلوة ونعيد ايامنا الإول
وبعد لما خلاص ظبطنا كل حاجة ... مشيت وسيبتهم
انا خفت تكون عيانة والصحة لا تحتمل

(15)

دخلت مراتي عليا وانابتفرج علي الدش
كانت قناة اوربية عليها نسوان اش اش
غضبت قوي الولية وطلبت الطلاق
وبعد محايلة طويلة وافقت ترجع تاني
علي شرط ما اصعبه .. لازم اشيل الدش

(16)

اتوبيس السياحة بيعدي وصاحبنا كان بيبص
علي واحد اجنبية تضاريسها واحد ونص
وكل حاجة باينة.. بتضوي كنور الشمس
لكن ماخدش باله من اللي جاي بسرعة
ومات صاحبنا في ثانية .. مات شهيد البص

42 comments:

صفـــــــاء said...

.
شكرا جدا يا درش على الاهداء الجميل
وشكرا اكتر على الرباعيات الاجمل

لما تيجي تحب حد ماتحبهوش قوي
ولما تيجي تكره حد ماتكرهوش قوي
خلي بينك وبين الناس مسافة دايما
علشان لو في يوم انجرحت ماتتعبش قوي

جميله دى يا مصطفى
صحيح لما تحب اوى ممكن تنجرح اوى وتتعب اوى .. بس دى مخاطرة لازم تاخدها ... مش يمكن فى مرة تلاقى اللى يحبك اوى ؟
بس الكراهيه ؟ مظنش قلبى يستحملها اصلا

الباقى طبعا جميل وكل واحدة ولو انها صغيرة الا ان فكرتها واضحه جدا
الى المزيد يا فنان
.

زهرة الجنة said...

كلمات جميلة جدا
ليه فكرة واضحه وسهلة التعبير

لما تيجي تحب حد ماتحبهوش قوي
ولما تيجي تكره حد ماتكرهوش قوي
خلي بينك وبين الناس مسافة دايما
علشان لو في يوم انجرحت ماتتعبش قوي

علي ما اعتقد ده بيكون نوع من الطباع
والمشاعر الصافية هو صحيح بتنجرح وتتعب قوي لكن مين عارف

mohamed ghalia said...

هايلة هايلة الرباعيات يامصطفى
دايما رائع
دمت بكل الود أخى

د. ياسر عمر عبد الفتاح said...

جميلة رباعياتك بجد
فيها حاجات كثير رائعة
بس أكثر حاجة بتعجبنى بجد
إننا لو قارنا رباعياتك دى باللى كتبتها زمان
هنلاقى فرق واضح
المطبات بدأت تختفى .. والكسرو بقت مش واضحة

شد حيلك .. يمكن بكره يبقى عندنا صلاح جاهين جديد

mostafa rayan said...

صفاء
دايما بتوشفيني كويس
ربنا يخليكي ليا ولا يحرمني ابدا منك ولا من رقتك دي
لك كل التحية والود

- زهرةالجنة
الحب مجازفة ولكن على رأيك مين عارف
ربنا يكرمنا باللي يستاهل حبنا
لك كل الود والتحية

- محمد غالية
ربنا يخليك يا محمد ويكرمك


د. ياسر
ربنا يخليك ويكرمك
وانا ادعوك لتقرا عملاقا اخر لم ياخذ حقه من الشهرة اسمه فؤاد قاعود
الراجل دة جامد قوي وستستمع بقرأته
لك كل التحية والود يا اخي

د. ياسر عمر عبد الفتاح said...

على فكرة أنا قريت لفؤاد قاعود شوية
بس بعد كلامك ده أكيد هقرأله أكثر إن شاء الله
أنا لما قلت صلاح جاهين كان قصدى الأشهر ..مش الأفضل

مصطفي ريان said...

د . ياسر
اخي العزيز
اهلا بيك يا اخي دايما
انا فاهم وجهة نظرك بس فؤاد قاعود دة حد جامد قوي تحس انه واحد مننا وبيتكلم عن حالنا شاعر بجد له بصمته الخاصة جدا ساخر وموجع وصادق وعايش الواقع قوي ... انا دلوقتي بستمتع بقرأة ديوانان له من منشورات وزارة الثقافة - الجزء الرابع والخامس من اعماله الكاملة - تقرأ ماتبقاش عايز تسيب الكتاب من ايديك حتى صلاح جاهين لما بيتكلم عنه بيقولك عنه ( اشعاره لها نبرة حادة مقلقة فهو حين يسخريصبح كالسياط وحين يبث مكونات قلبه تنفجر من داخله الينابيع الحارة والعواصف الثلجية وتمطر كلماته في النفس مطرا مر المذاق ومسكرا في آن فقلت له : هذا هو الشعر )
وبجد انا نفسي في يوم من الايام اصول لمكانة الناس دي .. تعرف انا بفكر ان الكتاب التاني ان شاء اببه يكون ديوان شعر في الرباعيات دي وقصائد الشعر الاخرى ولكن انا مستني بس لما المجموعة تنزل وان شاء الله بعدها ابدأ اسعى لنشر الديوان دة
ويارب دايما اكون عند حسن ظنك
كأنسان وكاقص وشاعر

لك كل التحية والود يا اخي

!!! عارفة ... مش عارف ليه said...

وبشكرك على الإهداء وكمان على الرباعيات اللي الواحد بيعمل بيها دماغ

ورأيي في الرباعيات أنت عارفه مسبقاً

وذكرته قبل كده اكتر من مرة
والدليل على إعجابي بها
هو طلبي اللي أنت لبيته بالسرعة دي وبدرجة أخجلتني :$

وبإذن الله يتحقق حلمك

وحلمنا كلنا فيك لأننا رأينا فيك

الإنسان والقاص والشاعر

وفقط بقي لك برائة الإختراع

وهي عن قريب إن شاء الله

وتجدد طريقك لما هو أبعد من التدوين

حتى تصبح أشهر شهير


سلام يا شهيرنا المفوض إن شاء الله :)

اخوك
وليد

مصطفي ريان said...

وليد
اخي العزيز
ايه يا عم الكلام الجامد دةوالله الكلام دة انا ماستحقهوش واكبر مني بكتير وربنا يجعلني عند حسن ظنك فيا
ويكتب لنا كلنا النجاح لان نجاح اي شاب فينا هونجاح لنا كلنا
وياعم لو كانت الرباعيات هتخليك تكون مبسوط كدة وتقولي كلام حلو كدة انا مستعد اكتب رباعيات كل يوم
وانت فعلا لفت نظري لحاجة مهمة جدا ان الانسان مايتوقفش كتير قدام حاجة معينة مهما كان فرحان بيها .. لاء لازم يكمل ويشوف الخطوة الجاية ايه
لك كل التحية والود يا اخى

alshared said...

درشاوي

والله وحشتني رباعياتك

متميز دايما يا درش

وخلتني أبتسم كذا مره

مش عارف يا درش بحس في حتت كتير أني بقرا لعمي صلاح جاهين
:)

.....
دمت عزيزي بكل الود

مصطفي ريان said...

alshared
اخي العزيز
اهلا بيك يا جميل ودايما منورني
والله انا فرحان قوي اني قدرت ارسم على شفايفك بسمة
اما عمنا صلاح جاهين ممكن اكون متأثر
بيه - زي ناس كتير قوي 0 بس انا بكتب بطريقتي انا بكتب نفسي ومش بقلد حد
اما لو انك شايف اني بكتب حلو زيه
فدةشيئ يفرحني جدا
لك كل الحب والمودة يا اخي

المـــفـــــــقــــــــوعـــــة مــرارتـهــا said...

استااااااااااااذ
ورئيس قسم
تسلم ايديك
جد مش مجاملة

salwa said...

السلام عليكم
اضم صوتي لصوتك
و يارب كل واحد يسعد مع نصفه الاخر
جميل ادراجك
سلام

مصطفي ريان said...

المفقوع مرارتها
ربنا يكرمك ويارب اقدر اكتب حاجات حلوة اكتر وتعجبك
دمت بكل الخير

- سلوى
امين يا سلوى
لك كل الود والتحية

شمس النهار said...

البوست كله حلو من عيد الحب للأهداء والرباعيات جميله وخفيفة الظل

محمد ابراهيم said...

البوست حلو اوي يا درش
و عجبتني اوي الحتة بتاعت الملاغية و المعاكسة و اخر حتة
بجد اسلوبك هايل يا درش
كمل و ربنا يوفقك
و اسف علي التأخير بجد غصب عني مش بايدي
و ربنا يعلم
تحياتي
محمد

mostafa rayan said...

شمس النهار
ربنا يخليكي ويارب افضل عند حسن ظنك دايما

- محمد ابراهيم
انا متشكر قوي يا صاحبي انك حطيت غلاف الكتاب عندك .. يارب لما يطلع تعجبك القصص
وتنورنا في حفلة توقيعها
وانت يا عم تيجي في اي وقت مش محتاج تعتذر
فرحان ان الرباعيات عاجبتك
ويارب كل الشغل اللي جي يعجبك بردو لك كل الود يا اخي

جسر الى الحياة said...

جميلة الرباعيات كلها رسمت ابتسامة غابت منى فى زحمة الحياة... بس اكتر حاجة عجبتنى الرباعية رقم اتنين
لما تيجى تحب حد ماتحبهوش قوى
عندك حق لازم نبقى موزونين ما نميلش قوى فى الحب او الكره لان اللى بيأذى فى النهاية ارواحنا ومشاعرناوتفضل جوانا جروح ما بتروح ولو عدى عليها مليون سنة

دمت مبدع

عايش علي الهامش said...

هيه انا جيت تاني كنت فاكر انك هتخلص مني
بقي الواحد يروح يندفن بالحياه شهرين يرجع يلاقيك بقيت كاتب وكمان كبير ايه اعتبرني كنت بتعالج من الروماتيزم ياسيدي يعني الي وصل وصل ياعم الف الف مبروك يارب دايما كده
بس تعرف هتضطرني انزل الف نص الكوره الارضيه علشان الاقي كتابك ده بس وماله حبيبنا برده
مش عارف ايه حكايتك مع الوحوش مره
وحش احمر ومره واحده تضاريس واحده ونص بس بلاش سياحه ياعم لحسن شرطة السياحه هتروقك وخصوصا ان معدش ليك حجه صورتك منوره اه واسمك ملعلط
اه اه ايدي بتوجعني طيب هروح اكمل مراسم الدفن وابقي يلا وعلي راي شباب اليومين دول الي المفروض اننا منهم مذدات بقي هي بالذال ولا زين ولا سين وحياتك منا عارف
سلام يا درش

مصطفي ريان said...

جسر الى الحياة
اهلا بيكي يا صديقتي العزيزة
كل سنة وانتي طيبة وبخير

- عايش على الهامش
مبروك العودة للتدوين
وياعم مافيش شهرة ولا حاجة دة مجرد حوار عن المدونين
وان شاءالله تطلع انت كمان وصورتك تنور
يارب الكتاب يعجبك وماتخافش مش هتلف عليه ولا حاجة اول ما ينزل هنعلن عن اماكن بيعه في القاهرة والمحافظات
لك مني التحية والتقدير يا اخي

Heba Sayed said...

السلام عليكم ورحمة الله

بجد اشكرك على تشريفك لى بمدونتى المتواضعة

لكن زعلت جدا لان لما حضرتك علقت مش بالجيميل معرفتش ادخل هنا

لانى قلبت الدنيا على لينك مدونتك

دمت بخير

والبوست رائع كعادتك يا فندم

mostafa rayan said...

هبة سيد
اهلا بيكي وبزيارتك الكريمة من غير تعب ورلا حاجة اعملي سيرش على ( ابداعات شاب ثائر ) وهتوصليلي بكل سهولة

kalamfady said...

كلام فى الجوووووون

فتافيت said...

حلوة الرباعيات دية جدا

اسلوبك لذيذ جدا ومش معقد ولا مكلكع

عجبتني اوي بتاعة الدش تعاطفت مع الراجل انا اوي وصعب عليا

ياريت تبقى تشرفني في مدونتي

سلاااااام

دعاء مواجهات said...

اية ياعم الجامد الكلام الحلو دا بس

حلوة مش نايتى بجد عجبتنى

تحياتى ليك

mostafa rayan said...

كلام فادي
ربنا يخليك يا جميل

- فتافيت
ربنا يخليكي
ويارب اكتب حاجات وتعجبك دايما
انا روحت زورتك انتي بتكتبي حلو قوي
ربنا يوفقك

- دعاء مواجهات
ربنا يخليكي يا دعاء
دمت بكل الخير

كيــــــــــــارا said...

ازيك ياجاري العزيز انا عملت اشراف علي التعليقات عشان في واحد عامل اكونت باسم بحبك ياكيارا وعمال يقولي بحبك وكلام من دا وانه هيظهر شخصيته لما اوافق وعمال يثول بقي انه معجب وانه مش عارف ايه فاصحابي شويه يقوليلي تجاهليه وشويه يقولولي لا ردي عليه واخيرا استقريت اني احذف الكومنتات واعمل اشراف لحد اما اخلص منه لانه شويه وهيتعب بس انا عملتها عشان كدا

لو عامل تعقيب للكومنتات في البوست بتاع النشره كنت هتقرا كومنتاته وانا اصلا مش فاضيه لوجع الدماغ دا

ادي كل الحكاية

كيــــــــــــارا said...

عايش علي الدليفري واكل برة البيت
اصل مراتي فنانة ودايما برة البيت
ودي غلطة اكيد حلها
اتجوز واحدة تانية مابتخرجش من البيت

*************

جاااااااااااااااامده بجد بجد

هو البوست دا مش ظهر في الريدر عندي ليه :(((

Anonymous said...

.. سلام
درش رباعيات ممتازة .. بالتوفيق إنشاءالله، يمكن ييجى اليوم اللى فيه الصوت يوصل ويسمع صوتنا اللى عاملين مش سامعين .. يمكن يحسوا باللى إحنا فيه
عارف مشكلتنا إيه يا مصطفى فى البلد دى،إن الحبل فيها على الغارب..الكل بينهب،الكل بيسرق،الكل قاعد فى مكان مش مكانه
أنا يمكن خرجت عن الموضوع .. بس لأنى زعلان إن أنصاف المواهب يتفتحلها ألف باب وباب والمواهب الحقيقية مش لاقية ولو شباك .. وعجبى

على جاد said...

.. سلام
على فكرة أنا اللى زعلان من أنصاف المواهب اللى بعتتلك التعليق اللى فوق ده
بس نسيت أكتبلك اسمى
.. سلام

mostafa rayan said...

كيارا
وسع يا عم انت وهو لحدائق حلوان واهلها والناس الحلوة اللي منها
ولا يممك يا قمر وان كان بردو الراجل له حق يعجب بيكي مانتي نوارة الحدايق كلها
- بالنسبة للرباعية لو تعرفي يا اختى واحدة تانية امورة حبوبة وبنت ناس وتقدر الحياة الزوجية وبتسمع كلام جوزها ومابتخرجش من البيت قوليلي عليها لأن بجد الست الفنانةدي خنقتني قوي الواحد يا اختي بطنه وميزانيته وجعوه من اكل الشارع والبيت بقي يضرب يقلب و مش حاسس انه متجوز خالص
ههههههههه
- شوفي بقي حوار الريدر عندك وخله يطلعني
لك كل التحية والود يا بنت منطقتي الجميلة

- صديقي المجهول
طبعاانا كنت احب اتعرف عليك وتقدم نفسك
بالنسبة لكلامك انا متفق معاك فيه
صاحب الموهبة في مصر يجد صعوبة كبيرة حتى ياخذ فرصة وصعوبة اكثر حتى يثبت نفسه وصعوبة اكثر واكثر حتى يتقي شر نفسنة من حوله
فيضيع الكثير من وقته وتعبه دون ان يخرج مات لديه من موهبة
لك كل تحياتي يا اخي

mostafa rayan said...

علي جاد
اهلا بيك دائما يا اخي وفرصة جميلةاني اتعرفت عليك

كيــــــــــــارا said...

ياكزززززززززززوفى كل دا من ابن منطقتى

مس حارفه الريدر مش جابك بس لازمن ولابوووود
نثلح اومال ايه هو يقدر يزحل جالي الحزيز الغالى :)

وبالنسبه للباعيه في كتييييييربس الاهم القلب يدق اومال ايه عشان لو مش دق يبقي هتفضل بلده علي النواشف هيق هيق هيق

مصطفي ريان said...

كيارا
بنت مطنقتي الغالية جدا
اوك يا شوفي الريدر وردي عليا
وبالنسبة للحب فطبعا لازم القلب يدق ويحب ويكون مقتنع ان الحياة ماتنفعش غير مع الانسان دة
احنا بنتجوز علشان نعيش حياة احسن مع حد يحبنا ونحبه
ربنا يكرمنا باللي يحبنا ويستاهل حبنا
لك كل مودتي يا بنت منقطتشششششششششششششيييييييييييييييييييي

المحارب الأخير said...

السلام عليكم

رباعيات جميلة وان كنت مبحبش الشعر العامى

بس بتدل على انسان واعى بطبيعة اللى بيكتبه

تحياتى

mostafa rayan said...

المحارب الاخير
سعيد لزيارتك واهلا بك دائما هنا

لك مودتي وحبي

Danuniz said...

هيه انا جيت تاني كنت فاكر انك هتخلص مني بقي الواحد يروح يندفن بالحياه شهرين يرجع يلاقيك بقيت كاتب وكمان كبير ايه اعتبرني كنت بتعالج من الروماتيزم ياسيدي يعني الي وصل وصل ياعم الف الف مبروك يارب دايما كده بس تعرف هتضطرني انزل الف نص الكوره الارضيه علشان الاقي كتابك ده بس وماله حبيبنا برده مش عارف ايه حكايتك مع الوحوش مره وحش احمر ومره واحده تضاريس واحده ونص بس بلاش سياحه ياعم لحسن شرطة السياحه هتروقك وخصوصا ان معدش ليك حجه صورتك منوره اه واسمك ملعلط اه اه ايدي بتوجعني طيب هروح اكمل مراسم الدفن وابقي يلا وعلي راي شباب اليومين دول الي المفروض اننا منهم مذدات بقي هي بالذال ولا زين ولا سين وحياتك منا عارف سلام يا درش

Anonymous said...

Many celebrities are actually fascinated using the retro looks of these boots,
as an example, Oprah, Paris Hilton, Pamela Anderson and Kate Hudson etc.
If you might have no idea about whether a pair of boots you want are real or otherwise not,
it is advisable not to purchase them. Delicately wipe it employing a damp material,
will not brush it fiercely that includes a brush, don't melt away the shoes with boiled water, , nor use washing detergent and alkaline cleaning fluid to clean it in the same time.

Take a look at my web site シャネル 財布

Anonymous said...

Many celebrities are actually fascinated with all the retro looks of due to the fact, as an example, Oprah, Paris Hilton,
Pamela Anderson and Kate Hudson etc. If you have no idea about whether the boots you
want are real or otherwise not, it's advisable not to buy them. In addition, whenever you seem on the labels for your manufacturing site, you ought to bear in mind how the labels which exhibit "Manufactured in China" are authentic, and lots of others are counterfeits.

my blog post gucci

Anonymous said...

UGG Australia has produced some unique and fun
types in boots for females - Classic Stripe UGG Boots actually are
a perfect illustration of the. 5L models of the "Iridescence" allowance box, despite having well-designed counterfeit bright
Jiuzun base, so the cut apparent just appropriate bright reflects "Iridescence" the
cradle of the neon, for that account of Hennessy cheap
uggs Salon goes towards the a lots of admirable style.
In addition, if you seem in the labels for that manufacturing site, you need to bear in mind how the
labels which exhibit "Manufactured in China" are authentic,
and several others are counterfeits.

Feel free to surf to my web-site グッチ バッグ

Anonymous said...

Cheap Burberry Handbags These furnishings certainly are a good choice.
If you've no idea about whether boots you want are real you aren't, it really
is advisable not to buy them. What lots of people are finding are imitation, fake UGG Boots.



Feel free to surf to my web-site シャネル バッグ

Anonymous said...

There are various online auction sites which you can check out from time to time if
you wanted to get the best prices on your uggs. People of each and
every class and level can easily get these because their price is of every range.

Nevertheless, with super delicate ease and convenience, increased desire, and winter months season approaching, you
are able to still discover some great provides.


Here is my blog - http://www.saifuruivitonbuy.com