Thursday, December 25, 2008

قصيدة إليها .. انتي فين

انتي فين
كل ما اروح المكان اياه
بدور عليكي مش بلاقيكي
انتي فين
ياللي في لحظة واحدة سكنتي القلب
وشغلتي البال
وحلمت بيكي العين
انتي فين
انا شاب زي الفل والله
مش حمل بهدلة
ولما شوفتك ماعرفش ايه اللي جري لي
نسيت مين انا
ارحميني
ارحمي شاب كل مشكلته في الحياه عشقه للجمال
لما يشوف ضحكة حلوة ينبهر
يروح في الف احتمال
وانتي مش بس احلي ضحكة
دة انتي احلى نسمة
دة انتي القمر بذاته
والقمر جنبك يطلع ايه
دة عيل صغير يشوفك يستخبى ويقف انتباه
خليني اشوفك حتى من بعيد لبعيد
خلي العين تسلم وبلاش سلام بالإيد
شوفتي عملتي فيا ايه
رجعتيني خمسين سنة لورا
ايام احمد ومني
وانا شاب عصر الديجتال
وفل وقشطة واوك يا مان
خلتيني مش عارف اقولك ايه
انا اللي شاعر وظيفته الكلام
مش عارف اقولك ايه
وكل الكلام يا حبيبتي معاد
واكيد انتي سمعتيه
اناعايز اشوفك
عايز اسلم عليكي واكلمك
لاء مش سلام بالعين
سلام بالقلب وسلام بالأيد
مش هضعف زي المرة اللي فاتت
واسيبك تفلتي مني
وكل الناس تعرف مشاعري ناحيتك إلا انتي
انا عارف انك حقيقة مش اوهام
وان دة مش خيال شعراء ولا احلام
واني شوفت القمر بعنيا
ولولا اني خجول شوية
كان ممكن يبقي بينا احلي كلام
خليني اشوفك بس مرة تانية
واوعدك مش هضعف ولا هتردد
هتقدم واقولك على اللي بيا
انك احلى بنات الدنيا
واني من ساعة ماشوفتك بفكر فيكي ومش عارف انام
بس اعرف انتي فين وانا اروحلك
وحتى لو في القمر هطلعلك
صدقيني دة كلام حقيقة مش بكذب
هأجر سفينة واوصلك
بس اعرف انتي فين
انا مستنيكي ماتتأخريش
وبنادي عليكي ماتبعديش
مستني مطر هواكي يروي عطش قلبي
مستني حنان حنينك ينور ضلام عمري
كل الحاجات الحلوة اللي جوايا مستنياكي
زهرة شبابي وحنان قبلي واشتياقي ليكي ولهفتي
وحضني اللي بيحلم بيوم تسكنيه
حتى الشاعر اللي جوايا مستنيكي
ومحضرلك احلى كلام .. لاء مش كلام
احلى مشاعر ممكن يقولها حبيب لحبيبته في يوم
مستنيكي ..
وحرام عليكي تعملي فيا كدة
وفين تلاقي حد يحبك كدة
وتعالي بقي
لانك وحشتيني
ولأني بحبك
بحبك ومش هقولك كلمة تا
نية

37 comments:

خديجة عبدالله said...

:) أول تعليق

خديجة عبدالله said...

كلام حلو ومشاعر صافية
ربنا يرزقك بالزوجة الصالحة التى تكون قرة عين لك وحضرتك تكتبلها دواوووووووووين كمان :)

خديجة عبدالله said...

لعلها أول زيارة لكن أعتقد إن شاء الله أنها لن تكون الأخيرة
وفقك الله لما يحب ويرضى

عايش علي الهامش said...

انا الاول كنت حاسس انك بتحب بنت مدير امن الدوله او مباحث العاصمه
وانك غلبان وعمال تتاسف وخايف لمؤاخذه تتنفض بهزر طبعا

هل نعتبر ده تحت بند الهزج امممم مش عارف بس سيبك انت المهم المشاعر الصادقه والتعبير

بس كان فاضل شويه وتقولها ياكس لو انت رامه ان بنتيم فور والهارد عالي
متعيشي الدور

ده انت ديجيتال خالص يا درش

هبقي في مره هديك شئ مشابه مخبيه للزمن
بس مش حب قد ما هو تريقه

شكرا لك

Kiara said...

يابختهااااااااا صعب بجد نلاقي كدا

تحياتي ياجاااري العزيز الطفشان

mostafa rayan said...

خديجة عبد الله
اهلا بيكي
وانا فرحان ان القصيدة عجبتك وربنا يتقبل منك دعوتك الجميلة ويرزقني هذه الزوجة الصالحة ويفقني لما يحب
بارك الله لك وففقك للخير

- عايش على الهامش
حبيب قلبي
كل سنة وانت طيب يا جميل

- مولان
عندك حق صعب جدا تلاقي حب كدة بس هي فين ؟
انا مش طفشان انا موجود
ربنا يكرمك يا بنتي منطقتي ومايحرمنيش من سؤالك عليا ابدا

المـــفـــــــقــــــــوعـــــة مــرارتـهــا said...

ارجو ان يكلل هذا الحب بنهاية سعيدة لان الكلام ده حاسة فيه بالصدق ربنا يسعدك

mostafa rayan said...

- مفوعةمرراتي من حماتي
اهلا بيكي بعد غياب
نورتيني واسعدتيني

كاميليا بهاء الدين said...

مررت من هنا ..
فسمعت دقات قلب يشتعل حباً

مشاعر صادقة جدا
لذا اخذتنا السطور سريعاً حتى نهايتها

عامك سعيد يا مصطفى
تحقق فيه كل احلامك
ان شاء الله

كل الود

alshared said...

يا جامد يا درش

أيه يابني الجمال ده

جامده موووت


بيس يا مان

:)

.........

دمت بكل الود

خالتى بمبة said...

قصيدة جميلة واحلى ما فيها انها بسيطة وفي نفس الوقت معبرة

Empress appy said...

هى دى مش قصيده يا مصطفى اعتقد نثر او حاجه مش عارفه ليه بس هى مشاعر موجهه وحلوة

Ahmed Mohamed said...

صحيح الشوق بيعمل اكتر من كده
هيه قصيده اقرب الي جواب

تحياتي يا موصطفي

حروف said...

حلوةجدا يا مصطفي يارب يكرمك ويوفقك والمرة اللي جاية الاقيها ردت وقالتلك انا هنا
سلامي للك وكل التوفيق

Anonymous said...

عاجبك اللى بيحصل فى غزة دلوقتى

لو مش عاجبك وعايز تاخد موقف

تعالى عندى فى المدونة وشارك

غزة تصرخ

فهل سنجيب ؟؟؟

Anonymous said...

عاجبك اللى بيحصل فى غزة دلوقتى

لو مش عاجبك وعايز تاخد موقف

تعالى عندى فى المدونة وشارك

غزة تصرخ

فهل سنجيب ؟؟؟

تايه في وسط البلد said...

جميل وتلقائي ونافذ الي القلب مباشرة

احسن حاجة فيه انه سهل ممتنع

تحياتي يا مبدع

!!! عارفة ... مش عارف ليه said...

أنا مع آبي يا مصطفى في رأيها
بخصوص البوست ده
وهي تختلف قطعاً عن الرباعيات بتاعتك
ومش قصدي من حيث النظم
لأ طبعاً لان القالب مختلف بين الاتنين
إنما الرباعيات
معرفش حاجة كده زي ما تقول بتوصل على طول
وبتدخل حتى لو الباب مقفول
إنما عارف هي زي ما قولت
شاب ديجيتال
وهي في قالب ديجيتال
يعني ببساطة تتماشى مع روح العصر

---------------
طبعا يا باشا الشرف ليا
وشكراً على التنوية الخاص بـ "الحل الأمثل" وتعليقي عليها


القصة جميلة

والموضوع مثير لأنه بين نصين الدنيا
الرجل والمرأة والصراع الأبدي بينهم
وفي معارضين من هنا
ومؤيدين من هناك

ورد الفعل أقرب ما يكون برد فعل الجمهور مع الحاج متولي
جوز الأربعة

لانها قصة اجتماعية اوووي
وبتحصل في كل بيت

تحياتي
لحسن اختيارك
للشخصيات وسير الأحداث

أنا حر said...

مشاعر حلوة قوي بس محستهاش كشعر او قصيدة او حاجة وضحة غير مشاعر جميلة وده شيء حلو قوي
تحياتي

حسن ارابيسك said...

درش
مازلت أثق في أن بحر لاينضب من ألوان هذا الشعر الجميل اه واللهي جميل
الحقيقه الشعر بعيد عن الذهنية تماماً والإفتعال تحسه كلام بعيد عن أمي مساحيق وأدوات تجميل
كلام قبل كل شئ طالع من القلب
مازلت يادرش تملك لغة خاصه بك
لغة بسيطة
لغة شقية
لغة بعيده عن التعقيد
وده سرها بساطتها في مفرداتها
أعجبني جداً هذا المقطع

ارحمي شاب كل مشكلته في الحياه عشقه للجمال
لما يشوف ضحكة حلوة ينبهر
يروح في الف احتمال

جميلة جميلة جميلة
روعه واللهي يابني
تسلم ايديك
تحياتي
حسن أرابيسك

mostafa rayan said...

كامليا
كل سنةوانتي طيبة يا جميلة
وربنا يديم عليكي السعادة

-الشارد
انت الأجمل يا صاحبي
ربنا يوفقك ياجميل لكل الخير

- خالتي بمبة
ربنا يخليكي وانا فرحان انهاعاجبتك
دمت بكل الخير والسعادة

-آبي
هي ممكن تكون شبه قصيدة النثر شوية
بس المهم انها تكون عاجبتك
دمت بكل الخير والسعادة

- احمد علام
تفتكر ممكن الجواب يوصلها ؟
دمت بكل الخير ياصاحبي

- حروف (دلو مرة ثانية وجرح ثاني سابقا
يارب ترد
دمت بكل الخير وبالتوفيق في الأمتحانات


- المحارب المتيم
بارك الله لك

- تايه في وسط البلد
حبيب قلبي ربنا يخليك ياجميل وبجدانا فرحان انها عاجبتك
دمت بكل الخير يا جميل


- عارفة مش عارف ليه
حبيب قلبي
واضح انكمعجب اكتر بالرباعيات
على العموم اي كاتب يحب ان قارئ مثلك يعجب بكتاباته
وبخصوص القصة فأنا بجد كنت حابب اعرف رأي انسان واعي وجميل زيك فيها
دمت بكل الخير يا اخي

- انا حر
هي اقرب لخطاب مليء بمشاعر متدفقة
بس تفتكر ممكن هي تقرأه اوتعرف انه موجه لها
دمت بكل الخير يا جميل

- حسن ارابيسك
اخي الجميل حسن كلامك دة اكبر مني بكتير
بخصوص البساطة فانا اري ان البساطة هي مفتاح الدخول لقلب القارئ انا اعتب على كثير من المثقفين وشعراء الحداثة لأنهم يتكلمون بلغة صعبة جعلت الناس تنفر منهم فاصبحو بلا جمهور يحدثون انفسهم
وهذا هو سر المشكلةالثقافية التي نعيشها الأن ليس العيب في المستقبل ولكن في المرسل الذي لم يعرف كيف يصل لقارئه
خلتني اتكلم كتير يا حسن
بس بجد فرحان ان القصيدة عاجبتك وانك شايفها بسيطة وشقية وتتدخل القلب
صدقني دة اكبر نجاح ليا
دمت بكل الخير يا خي

Unknown said...

كلمات ملئية بالاحساس
والمشاعر المتدفقة
وفقك الله

ضــى القمــر said...

ماشاء الله على احساسك يا مصطفى
بحق احساس وصل لنا جميعا
واتمنى ان تفهمها حبيبتك
وادعو الله ان تراها قريبا جداااااا..
وبنفس المكان ..
وفى انتظار باقى روايه مصطفى و .....
اجمل تحيه لك يا اخى

KHALED said...

وانا شاب عصر الديجتال
وفل وقشطة واوك يا مان


هههههههههههههههههههههههههههههههههههههههههههههههههههههه

أية الإبداعات دى يا درش
انت قلبت الشعر إليكترونيك ولا اية
عموما حساسة و باين عليها من القلب
بس خد بالك من المكان إللى انت بتستنى فية لايكون من الحب متغير و انت مش عارف

الف تحية رقيقة من القلب الى العاشق الولهان

شاب نفسة يحقق حلمة said...

بوست رائع
مشاعرك صادقة وطالعة من القلب

تحياتي ليك

Anonymous said...

وانا كمان بضم صوتي لصوتك وبقولها يالا بقى تعالي ماهي لو تعرف ان الكلام الحلو ده كله ليها كانت هتيجي بسرعة ربنا يكرمك يامصطفي بالي تستحق الكلام ده وتقر عينك اللهم امين وكل عام وانت بالف خير بمناسبة العام الهجري الجديد

kmt said...

السلام عليكم ورحمة الله وبركاته

اول مرة اقرا حب بالشكل الكوووول دا
هههههههههه

بس ليه تكون رد فعلها دور عليها واتقابلوا في السكة بدل الطريق يطول امشي جزء وهي جزء ولم مكتوب تتقابلوا هايكون

اسعدني مرورك

تحياتي
الي اللقاء

salwa said...

السلام عليكم الاخ مصطفى
اولا شكرا على تشريفك مدونتي
ادراج رائع نابع من القلب
سلمت يداك
دام التواصل
سلام

زى الهوا said...

خليني اشوفك بس مرة تانية



كل دا وشفتها مرة واحدة ؟؟؟

جميل بحييك عليه , بس حذارى من الحب من طرف واحد

Unknown said...

دى أغنية جميلة جدا

كلامها راقى و خفيف فى نفس الوقت

تحياتى

mostafa rayan said...

نهر الحب
اشكرك على اطرائك
دمت بكل الخير والسعادة

- ضي القمر
ربنا يخليكي يا جميلة وادعيلي اني اشوفها وان شاء الله مش هسيبها تفلت مني

- خالد
حبيب قلبي ماهو دة اللي بيسمهو التجديد الشعري لازمنمزج السعر بروح العصر يا عم خالد
انا بدخل مدونتك بس ليه عمالها للقراء المدعوين فقط ؟
طمنا عليك ياعم

- شاب نفسه يحقق نفسه
ربنا يخليك يا جميل وكل سنة وانت طيب وبخير

- قلب ينبض بالحب
دعواتك بقي اني ألاقيها
وكل سنة وانتي طيبة وبخير

- kemet
اهلا بيك
مانا مش عارف هي فين علشان اجيبها وساعتها مش هحتاج اقول كل الكلام دة هيبقي وش لوش يا معلم
دمت بكل الخير يا اخي

- سلوى
ربنا يخليكي
وكل سنة وانتي بصحةوخير

- زي الهوا
عندك حق
حب من طرف واحد يبقي تعذيب وخنقة والعملية مش طالبة
كل سنةوانتي طيبة وبصحة وخير

- عاليا حليم
ربنا يخليكي على كلامك الحلو
بس دي قصيدة شعر مش اغنية يا عاليا
تحياتي ليكي ودمت بكل الخير

بنت الغربة said...

قصيده حلوة قوى وكلامك زى العسل
وخجول مين ياعم بعد الكلام ده كله
كل سنه وانت طيب

Anonymous said...

بنت الغربة
اهلا بيكي يا جميلة
قصدي خجزل اني اروح اكلمها
اصل ايه الفايدة الناس كلها تعرف وهي لاء
نورتيني واسعدتيني

Anonymous said...

وانا ماشية كده قلت ادخل الاقي الجديد مش لاقيت يالا شد حيلك عاوزين الجديد يا درش

Anonymous said...

قلب ينبض بالحب
اشكرك على تواصلك وسؤالك عني
ربنا مايحرمنيش منك يا صديقتي الجميلة

mahasen saber said...

ياه ازيك يا مصطفى يا مبدع

كلماتك وافكارك وكتاباتك جميله كالعاده
اخبارك ايه ووصلت لايه يا رب تكون قدرت تحقق اليى بتحلم بيه او حتى جزء

اعذرنى كنت مشغوله ومعرفتش اتطمن عليك

يا رب دايما فى افضل حال
ويا رب ربنا يكتب الدعوات اليى بدعيهالك تكون من نصيبك
انتا تستاهل كل خير

mostafarayan said...

محاسن صابر
كل سنة وانتي طيبةوبخير وربنا ما يحرمني منك ابدا