Saturday, March 17, 2012

رسالة ملتهبة الأواصل إلي كامليا ...زجل كوميدي


(1)

وحدك كامليتي الاثيرة من دون كل البشر

انتِ اللي بهفو إليها كما العصافير للشجر

انتِ لوحدك حبيبتي واللي ساكنة القلب

وفين هتلاقي زيي مافيش يا بنت الكلب

(2)

انتِ نيران المحبة وانتِ لهيب الشوق

وانتِ الجنة ونعيمها ونفسي منها ادوق

وليه ترضي تكوني اخر مسمار في نعشي

دة انا حبي ليكي كما حب الاكيل للمحشي

(3)

وبحبك يا كامليا حب الاخوان للعسكر

حب عيال مبارك لابوهم اللي اتأنطر

وعلشانك لو تعوزي ممكن ابقي سلفي

وحرام عليكي كدة عِندِك هيقطع خلفي

(4)

وبكتب يا كامليا في عنيكي بحور اشعار

المنخل* والقيرواني** بقيت ادونيس ونزار

ومعقولة كل دة كله ومش قادرة بيا تحسي

انتِ عميا البعيدة ولا صنم منشي

(5)

ودة خلاصة كلامي واخر اللي عندي

بهديلك بستان شبابي وجنة احلامي ووردي

ولو تقبلي الهدية هتبقي انتِ الفايزة

يا تبقي حمارة وغبية وتستاهلي ضرب الجزمة

_____________

*المنخل اليشكيري: شاعر جاهلي شهير من اشهر قصائده قصيدة فتاة الخدر(راجع كتاب اجمل 20 قصيدة حب في الادب العربي لفاروق شوشة)

**الحصرى القيرواني:هو ابو الحسن على بن على الحصري ولد في القيروان عام 420 من الهجرة ومن اشهر قصائده قصيدة يا ليل الصب متى غده(راجع المصدر السابق)

7 comments:

Tamer Nabil Moussa said...

زجل زى العسل يامصطفى

اخبارك اية؟

مع خالص تحياتى

mostafa rayan said...

الله يخليك يا تامر مبسوط اوي انه عاجبك
انا تمام وبخير الحمد لله

الموجى said...

خناقه حلوه بس هى المطاوى هتطلع امتى

وليد الزهيري said...

وحشني يا درش

ووحشني كمان الجو بتاع مدونتك

وأشعارك وربعياتك وقصصك

إن شاء الله نلتقي قريبا على خير يا درش

حلو الجو بتاع كامليا ده :))))

Entrümpelung said...

Succès ... S'il vous plaît noter les nouveaux sujets toujours

Umzug Wien said...

Vielen Dank .. Und ich hoffe, Sie Mved Entwicklung und Schreiben von verschiedenen Themen :)

entrümpelung wien said...


Vielen Dank ... Wo neue Themen?