Tuesday, September 21, 2010

المتاهة

اصدقائي انتظر رايكم في هذه الخاطرة الشعرية زلكم خالص ودي

***************

الدنيا

متاهة كبيرة .. واحنا ماشين فيها

من غير اي اتجاه

من غير دليل ولا بوصلة .. مالية قلوبنا الكسرة

حياري في طريق الآه

بنرقص في سيرك واسع ..

عرايا بمليون دافع

بنمشي على السيلك مرة

ونكون بلياتشو تانية

ومهرج وفي التالتة

وهنكون إيه في الرابع

وحاجات كتير واخدانا ..

وحاجات اكتر عميانا

وفي كل لحظة سؤال

وعقيم رحم الاجابة

وندور ندور ندور

ونركض كما الخيول

بندور على نور

والنور في طريق مجهول

وطويل ليل الحيارى

وبنتغير في السكة

وندوس حاجات كتير

نقول عايزين الفرصة

ونلاقى الحجج قناطير

ولما نلاقي الكنز

يملا قلوبنا الفرح

نلاقي الكنز وهم

ترجع افرحنا جرح

ونسأل فين المصير

ونرجع تاني تاني

لطريقنا الأولانى

غرباء عن نفسنا

وعن كل المعاني

نبكي والجرح ينزف

وماحدش بينا داري

أو شايف بس رافض

يساعد او يواسي

ونلاقي الدنيا الواسعة

اضيق من ثقب ابرة

مش قادرة تحتوينا

ولا بتقدر مشاعرنا

ونتوه اكتر فيها

واكتر مع نفسينا

وندعي دعاء وحيد

يارب الرحمة بينا

يارب الرحمة بينا

9 comments:

donya said...

انت ناديت دنيا


وانا جيت علي طول


طول عمرك كلامك حلو يامصطفي

هههه

* تحياتي

richardCatheart said...

يااااااااااااااااااااااه

كتبت رحله يا اخى

كل واحد هايشوف نفسه فيها

تسلم يا درش

كيــــــــــــارا said...

اديك قلتها

يااااااااارب الرحمه بينا

جميله ياابن منطقتىىى

dr.lecter said...

ومالدنيا الا مسرح كبير او محل اختبار للبشر
مبقيتش عارف لازمتنها ايه اصلا
بنعاني فيها معاناه السنين

أحــوال الهـوي said...

مصطفي حبيبي
ازيك

خلينا ناكل عيش جنبك
انتي مستولي علي كل الادبيات

انا ماسك في حته واحده و انت ما شاء الله قصه موجود مقال ما يضرش
شعر اهلا و سهلا سيناريو شرفتنا


انت اقطاعي و الا راس مالي

تحياتي

salwa said...

السلام عليكم اح مصطفى
لنمشي بنور الله و ليس لنا سواه
ادراج رائع و شفاف و يحاكي الواقع
تسلم الايادي
سلام

د. ياسر عمر عبد الفتاح said...

تاني هقولك يا درش
إنت محتاج تدرس شعر

عمار مطاوع said...



السلام عليكم
ماشاء الله

مدونة اكثر من رائعة والله

اردت فقط ان اسجل مروري من هنا

مدونتي هنا



شهووووده said...

خاطرة جميلة ومؤثرة.. سلمت اناملك