المكان - امام مدخل العمارة
يدخل استاذ عربي وهو مدرس لغة عربية في منتصف العمر
- يحمل طلبات المنزل في شنط
- يجلس امام البوابة (عويس) البواب
- هو شاب (صعيدي متفرنج)في منتصف العشرينات يرتدي بنطلون جينزوكوتشي على الصديري الفلاحي ويربط العمة ويرتدي سلسلة وحظاظة ويمضغ لبانة
يجلس امام اللابتوب
عربي:سلام عليكم يا عويس
عويس: (أوه مستر عربي يو كان تيل مي أوسة)
عربي: وما الذي أوسك يا فتى؟
عويس: ده النيك نيم بتاعي على الفيس بوك
عربي: حتى انت يا بن ابن بهانة اصبح لك اكونت على كتاب الوجوه؟
عويس: اوفكورس مستر عربي الواحد لازم يعمل اب ديت للنسخة وإلا يسقط
عربي: آهٍ لو كنت عندي في المدرسة لعملتلك فورمات في طابور الصباح ولأضحكت عليك كل الطلاب
عويس: الحمد لله ان انا مش عندك في الشبكة
عربي:طب يلا شيل معايا الطلبات دي ياحسن الماستر بتاعي تعملى اجنور
عويس: سوري مستر عربي انا بلعب دلوقتى لكن انت ممكن تشوفلك فاعل غيري يشيل معاك الطلبات
عربي (غاضبا): اتوكنسلنى توكنتنيو في الجيميز والله لرفعك من العمارة دي خالص
عويس: ماتقدرش انا متصطب هنا وواخد وضعي
-يدخل الكابتن ابو كورشية وهو مدرب كرة قدم
- يرتدي الترينج وكاب ويضع سفارة في رقبته
ابو كوريشة : في ايه خير يا مستر عربي
عربي: يرضيك كده يا كابتن ابوكوريشة اقول للوغد دة (يشر نحو عويس) يشيل معايا الطلبات يقولى بلعب جيميز
(يصفر بالصفارة)
ابوكوريشة : لا يا اوسة انت كده عملت فاول جامد قوي تستحق عليه الكارت الاصفر
عربي : لا.. لابد من الأحمر
ابوكوريشة : معلش يا مستر عربي خلى قلبك ابيض
عربي: ابيض ايه يا كابتن ده بيخسر دايما
ابوكوريشة : لا ماهو اخد كورس العلاج الاحمر وبدأ يستعيد نشاطه
- ينظر عويس نحو اللاب ويبدو عليه الضيق
عويس(غاضبا): عاجبكم كدة اهو الماتش خلص
ابوكوريشة : وعملت ايه
عويس:خسرت 3
تدخل( نانسي) هى شابة جميلة ترتدي فستان احمر وتحمل في يدها حقائب بها طلبات
- ينظر الجميع نحوها بأعجاب
- عربي يهمس لأبوكوريشة
عربي : مين الوحش الاحمر ده
ابوكوريشة : دي نانسي اللي ساكنة في السابع
عربي : هذه موزة جامدة طحن
ابوكوريشة : انها قذيفة عابرة للقارت
- تقنرب نانسي منهم
نانسي : هاي يا جماعه
ابوكوريشة : هاي عليكي يا نانسي
عربي : هاي ونص
نانسي:عويس ممكن تساعدنى وتشيلى الطلبات دي ياحسن تقيلة قوي
عويس : عينيى اشيل واطبطب وادلع كمان
يحمل عويس الطلبات في سرور
- تشير نانسي لهم بيدها وتمشي
نانسي : باي
ابوكوريشة: عاش يا وحش
ويسيرعويس خلفها
- ينظر عربي وابوكوريشة نحوهما
عربي: انت مش بتقول انها ساكنه في السابع
ابوكوريشة:آه
عربي: ورغم كده الندل شال لها الطلبات وماقالش حاجة
ابوكوريشة:مش بقولك الوحش الاحمر دايما يكسب
عربي: شاطر شاطر
7 comments:
بركاتك يا ست نانسى
و الاهلى حديد
حلوة يا مصطفى
آه
بخصوص البوست السابق
كانلى تعليق وحيد
بس اول ما قريت الزجل دا
طوالى
تعليقى
ف هيئة سؤال برىء
بيقول
ما كان يديها قلمين أحسن ؟؟؟!!
فاتيما يا جميلة ازيك يا قمر
يارب تكونى بخير وفي احسن صحةوحال
بجد انا فرحان قوى ان البوست عجب خصوصا ان ديتقريبا اول مرة تقرألي حاجة كوميدية
ده كمان لينك سكتش تانى بعنوان الخطايا 2010لو كان وقتك يسمح احب انك تقرأيه ويارب يعجبك
http://mostafarayan-shabesaer.blogspot.com/2010/03/2010_10.html
فاتيما
آه
بخصوص البوست السابق
طبعا ماينفعش ياخدها قلمين لان دة يتنافى مع الخط الرومانسي الذي ينتهجه الشاعر .. انت مش واخد بالك انه لبس القميص الوردي وكان شكله زي القمر واشترى بوكيه ورد من المفتخر وراح في المعاد مظبوط فمش معقول يبقى بكل هذا القدر من الرومانسية وبعدين يسكعها قلمين رغم انها مستهترة وجاية متاخرة ربع ساعة بحالها بس طبعا الشاعر قلبه كبير ومقدر ..رومانسي بقى تقولي ايه
كل محبتى وودي لك يا اختى الجميلة الغالية
يا فستينك يا نانسي
المهم يا درش انت جبت لون الفستان اللي باحبه
رغم اني من القبيلة البيضاء
و المشكلة انك دمك خفيف حتي لو اقحمت الكورة و اسقاطاتك الاهلويه
انت سيناريست رائع حولت الكلمات الي صور ظاهرة جليه
طبعا ما اقصدش نانسي
تحياتي
أ-عصام
وماله يعنى لما الجلية تبقى نانسي هو فيه احلى من نانسي
هههه
تحياتى وحبى ليك يا صديقى واخي الجميل
جامدة موووووووووت
الوحش الأحمر دي
بجد تحفة يا درش
ماشاء الله عليك :)
Post a Comment