(1)
لبست القميص الوردي وروحت لأجل اقابلك
واخدت الورد في ايدي وقلت ده يلبقلِك*
وجاية متأخرة ربع ساعة بحالها
لاء مش موضوع المترو انا اللي دلعتِك
(2)
لو كنت قاسي معاكِ وبشكمك من الأول
والكلمة بقولها واحدة ومافيش مجال تتأول
ماكانش قلبك يجرؤ يفكر في التأخير
لكن مافيش مشكلة نبدأ تانى من الأول
(3)
وبس امنعي الدموع أنا مش هصدق دمعك
حتى الكلام ممنوع مش عايز اسمع غير صمتك
أنا بس اللي اتكلم وعليكي تقولي حاضر
واشاور تكوني جنبي مش لازم حتى اندهلِك
(4)
ومافيش درش ودرشاوي ولا روح قلبك ولا صافتِك
تقولي استاذ مصطفى دي اللي اسمعها منِك
راح زمن الرحرحة والجاي عهد جديد
شوفي الوش التاني ..شوفي فضاحة فعلِك
(5)
وأنا مش ظالم ليكي دة العدل والقسطاس
لو كنت غلطت معاكِ إنى ماحطتش اساس
قلت عليكي عاقلة واكيد هتصوني النعمة
لكني كنت واهم ومافيش في القلوب احساس
5 comments:
حلوة قوى يا مصطفى
عاوزة اقول تعليق اكتر
بس موضوع خالد الله يرحمه
سادد نفسى
هرجع تانى اكتب
بس بجد حلوة قوى
و دمها خفيف
و ايه حكاية الشام معاك؟!!
وش رافع حاجب
و مش فاهم حاجة
الله يخليكي يا فاتيما ومبسوط انها عاجبتك وهنتظر تعليقك التانى
بخصوص الوش اللي مش فاهم حاجة فانا بردو زيه مش فاهم حاجة فلما يفهم خليه يفهمنى
تحياتى ليك يا صديقتى الجميلة
السلام عليكم اخ مصطفى
روعو و بالصراحة نجحت بالزجل
كما نجحت باللغة الفصيحة
كلام رائع و تسلم يدك
سلام
هههههههههههههههه
لالالا يا مصطفى ايه ياخى القسوة دى
بجد زعلت ربع ساعه ياجدع تبهدل البنيه كده امال بقى لو قالتلك هاتلى 2 كيلو لحمه هاتولع فيها
شكلك كده واقع فى وحده لبنانيه بجد يلبقلك بقى وحجات
الكلام دمه خفيف
بس قاسى خليك حونين تكسب وبعدين البنانى طرى مايجيش بالشده
عايزة حد يستحمل
تبقى المصريه غسيل ومكوه زى الفل
تحياتى يا درش ويسلم قلمك
سلوى
صديقتى البيروتية الجميلة الله يخليكي وفرحان ان الزجل عجبك وان شاء الله اكتب حاجات احلى وتعجبك اكتر
لك كل التحية والود
مارو
2كيلو لحمة!انتي كده هتطمعيهم فيا بعدها تقولى عايزة تورتةايس كريم بعدها ودينى سلينترو ومش عارف ايه ومش هنخلص بقى
وبعدين اديكي شاهده اهو كلمتها مصري مش نافع لبنانى مش نافع طب اعمل ايه؟علشان بس تتأكدي اني مش غلطان معاها في شيء انا لبست القميص الوردي واشتريت ورد من المفتخر طب اعمل ايه تانى ؟
هههههههههه
كل تحيتى لك يا اختى العزيزة
Post a Comment