Thursday, November 5, 2009

اعترافات رئيس سابق على النيل الثقافيه والأهرام المسائي .. الكبير بيتكلم

"الحمد لله الذي بنعمته تتم الصالحات "

ازيكو يا احلى اصحاب فى الدنيا يارب تكونو بخير وفى احسن صحه وحال
فى الحقيقه يا جماعه لو حبينا نضع عنوان للبوست ده فيكون بوست المفاجأت ذات العيار الثقيل لأنه حافل بمفاجأتين انا متأكد انكم هتقرحو بيهم زي مانا فرحان
الاولى : ان شاء الله هيتم استضافتى يوم الجمعه القادم 6-11-2009على قناه النيل الثقافيه فى برنامج ( ثقافيه كافيه ) الساعه الخامسه فى حديث مشوق وممتع عن مجموعتى القصصيه ( اعترافات رئيس سابق ) طبعا يا جماعه ان شاء الله انتو لازم تشوفو الحلقه وكمان هستنى مشاركتم ومداخلاتكم على تليفون البرنامج 25079758ومتهيألى ماحدش له حجه البرنامج يوم الاجازه وبعد الغداء يعنى ان شاء الله لازم تتفرجو وتشاركو معانا
وان شاء الله الحلقه تطلع حلوه وفى احسن صوره وتعجبكم .. بس يا جماعه لوحد قدر يصور الفقره اكون شاكر له قوي لأنه غالبا مش هعرف اخد منهم تسجيل لها وطبعا انا هحتاج التسجيل ده قوى

اما بقى المفاجأه التانيه : فهى نزول خبر عن الكتاب فى جرنال
( الأهرام المسائي) يوم الأثنين الماضي .. مش هقدر اوصفلكم ازاي انا فرحان بالتحقيق ده رغم إنه مش اول مره يتكتب عني فى الجرايد .. لكن المره دي لها طعم مختلف .. طعم كده برائحه الكبار لأنه جي من اكبر مؤسسه صحفيه واعلاميه فى مصر والشرق الأوسط ومن جريده الجميع يكن لها كل احترام وتقدير وبالمناسبه دي عايز اشكر الصحفيه الجميله هبه اسماعيل لأهتمامها بالكتاب وبنشر تحقيق موسع عنه فى صفحه الثقافه
واخيرا اصدقائي لكم منى كل محبه وتقدير

8 comments:

وردشان smilyrose said...

السلام عليكم

اخبارك

اول تعليق

وردشان smilyrose said...

هيييييييييه

حاجة حلوة مع البرد والسخونية اللى

مطلعين عينى دول

وردشان smilyrose said...

الف مبروك ويارب دايما

وان شاء الله هنكون معاك

ومش هنسيبك ويارب تلاحق على التليفونات


ههههههههههههههه

اختك وردشان

donya said...

مساء الخير
الف مبروك
وعقبال ماتطلع في العاشره مساء
بجد فرحت لك
لكن اجيب الكتاب ده منين
وان شاء الله هتفرج علي البرنامج واقول رايي

تحياتي

استراحة محمد said...

فخور باللى انت وصلتله وهسمع البرنامج اكيد
على اد ما انا بحب الكتابة بس ما كنش عندى روح الكفاح بتاعتك
بحييك على كفاحك

salwa said...

السلام عليكم اخ محمود
فرحت كتير بهذا الخبر
انت تستحق كل خير
و اعذر تقصيري ............
طبعا لاسباب
لك دائما اطيب التمنيات
سلام

!!! عارفة ... مش عارف ليه said...

ازيك يا مصطفى

مع الاسف مشوفتش الميل غير متأخر

ومعرفتش بالموضوع ده قبل يوم الجمعة:(

بس أكيد إن شاء الله يكون في حد سجل الحلقة أو تكون عرفت تاخد نسخة منها وتنزلها على النت بحيث نشوفها إن شاء الله

وبالنسبة لخبر الأهرام

أنت مش أقل منها يا درش

وإن شاء الله المرة الجاية نشوف متابعة موضوعك تخطى حدود القطر المصري

أنت تستاهل أكتر من كده والله

وربنا يوفقك للخير دايماً

أخوك
وليد

Omar said...

مساء الخير الف مبروك وعقبال ماتطلع في العاشره مساء بجد فرحت لك لكن اجيب الكتاب ده منين وان شاء الله هتفرج علي البرنامج واقول رايي تحياتي