Wednesday, October 28, 2009

يا أًُمه ضحكت من جهلها الأمم

لا حديث الان يعلو فى مصرنا الحبيبه على حديث مباره الجزائر وكأننا سنحرر القدس
او نستعيد الاقصى او نخرج امريكا من العراق عندما نفوز بهذه المباره . قد يقول قائل
لا بأس فالكره تفرج عن الشعوب ولكن عندما تتحول الكره إلى افيون يخدر الناس فهذه جريمه بحق شعب كامل .. عندما نرى اقزام الكره تفتح لهم كل الابواب ويحتفى بهم اكثر من علماء الامه ومبدعوها ومخترعوها فهذه كارثه يجب ان يحاسب فاعلها وبعنفhttp://www.moheet.com/show_news.aspx?nid=312336&pg=4
على هذ اللينك تصريح لحازم الهوارى عضو مجلس اداره اتحاد الكره بأنه سوف يطلب من الرئيس مبارك اقامه تمثال للحضري فى ميدان التحرير ( اهم ميادين مصر واحد اهم ميادين العالم اجمع ) فى حاله تأهلنا لكاس العالم ... هل رأيتم سطحيه واستفزاز وغياء اكثر من ذلك! تمثال من اجل الحضرى .. من اجل مباره كره وافاضل مثل يوسف ادريس ومجدي يعقوب واحمد وزيل والعقاد وعبد الحميد جوده السحار وغيرهم وغيرهم لم يفكر احد فيهم ولا في تكريمهم ثم يسأل البعض لماذا نحن من دول العالم الثالث ولماذا لا نتقدم رغم ان الاجابه واضحه للعيان ولا تحتاج للشرح ولاتعليق هذا التصربح يدمى القلب يجعلك تبكى دما بدل الدموع فأن تشعر انه لا امل وان من يقود الشعب هذا هو مستوى تفكيرهم تجعلك تتاكد ان النهايه السوداء قريبه .. قريبه جدا بالامس القريب فاز خمسه من مبدعينا بجائزه من اهم جوائز الادب العربى جائزه ابو ظبى الثقافيه ولم يهتم احد . لم تقم الدنيا ولم تقعد لم يظهروا فى البرامج التلفزيونيه ولم تتسابق الجرائد لأجراء لقاءات معهم رغم ان هذا الحدث لو وقع فى بلاد اخرى لأقيم لهؤلاء المبدعين اكبر الحفلات ولكرمو اكبر التكريم ولطالب الكثير بأقامه التماثيل لهم فالأدب هو الذي يبقى فى ذاكره الأمه .. ونحن الان نتفاخر بيوسف ادريس ونجيب محفوظ وعلاء الاسوانى وغيرهم فعندما تذكر مصر تذكر هؤلاء ولا نقول فاروق جعفر او غيره
واخيرا اصدقائى الكًُتاب إذا كان هذا حال بلادنا فإما ان تهاجرو لبلاد تحترمكم وتقدركم او تغيرو نشاطكم لكره القدم
آهٍ يا امه ضحكت من جهلها الأمم

6 comments:

z!zOoOo said...

السلام عليكم

اولا ازيك يامصطفي

يارب تكون بخير

معلش ياباشا علي التقصير

بص هقولك علي حاجه

انا مره شوفت حوار زي كده بس كان ما بين مصر والسودان في ماتش برضه


ولقيت شتيمه وبهدله وحاجه اخر قله ادب

فقولت كلمه وفعلا انا عندي حق فيها

لما دايما بيقولولنا إن الرياضه بتنمي روح السلام والايخاء

وكمان بتنمي الروح الرياضيه وبتقرب ما بين الشعوب

وإحنا حتي الرياضه قلبناها حرب

وبعدين يهتموا بالمبدعين ليه

خلينا نهتم بالي كسب والي خسر وبدل ما حتي نشجع رياضه لا نقلبها حرب صحفيه وكلاميه

دا انا سمعت إن الجزاير منزله تصريحات زي الزفت عن المصريين

وأخر صيحه إنهم حرفوا في القرأن علشان يغيظونا

طبعا بصيغه الاسقاط إنهم ياخدوا كلام القرأن ويعملوه حوار

ويحرفوه عشان الكوره

ده تقريبا سمير زاهر كان شويه وهيسب دين عشان الحوار ده

يبقي إحنا فعلا أمه تستحق أن يضحك ويسخر من جهلها الامم ولا لا

ربنا يرحمنا من العالم ديه

يارب تكون بخير

وعذرا علي التقصير

تحياتي الحزينه

mahasen saber said...

صدقت يا درش بس تقول لمين...

احنا بنقدر الناس بشكل مبالغ فيه فيما ان فيه بشر خدموا المجتمع ده والامه العربيه بعلمهم وثقافتهم اكتر من اى حد تانى

بس تقول ايه

KHALED said...

إنتا ناسى إن الهرم مقلوب و الوطن مسلوب وإن دى حاجة طبيعية فى حالة زى دى

نور الدين (محمد الجيزاوى) said...

اخى الحبيب وصديقى العزيز مصطفى
والله يادرش كل اللى انت قلته عين الصواب همه فعلا بيخدرونا باللهو فى كل شيء تافه مرة اخبار سوزان تميم مرة مباريات الكرة ولم نجد نص اهتمام بالعظماء انهم ببساطة يريدون تخديرنا لأن سحق المخدر واستحلابه ايسر الف مرة مما لو كان يقظا
...
دام قلمك مبدعا بصيرا يا ا النفس الصادقة
اخوك
نورالدين محمود

donya said...

اول زياره هنا
عندك حق
ايه اللي بيحصل ده
ده لوهنلعب مع اسرائيل مش هيكون كده ابدا

يعني مش محموقين اوي كده ليه علي اللي بيحصل في المسلمين في انحاء العالم

ربنا مايحرمهم من الهبل

*تحياتي

صحيح المدونه هنا جميله جدا وعجبتني جدا

د. ياسر عمر عبد الفتاح said...

قرأت الخبر
ودمي اتحرق برضه

البلد دي تقريباً كده مش ناوية تطلع لقدام
دول ما هيه بتفكر بالشكل ده

شوف بقينا بنكره الجزائر ازاي؟
شوفت همه بيكرهونا ازاي؟

مع إننا وقفنا جنبهم في الثورة الجزائرية وساعدناهم
وهمه أول ناس ساعدتنا في حرب أكتوبر

لكن الكورة بوظت كل ده