Thursday, January 8, 2009

رباعيات ..حزينة شوية

تحديث 2
يعتب علي صديقي اهتمامي بالسيناريو ومحاولتي للكتابة في الأعمال الدرامية
يقول ان الدراما ستاخذني من الأدب وان قليل من الخبز مع الادب يكفي
واليوم مات الأديب الكبير يوسف ابو ريا بعد صراع طويل مع المرض كان يمكن ان يكون اقل وطأة لو ان الحكومة (الغير محترمة ) سارعت بعلاجه على نفقتها- كماتفعل مع الكثير ممن لا يستحق - إلا انها تلكأت وماطلت رغم مناشدة زملائه الكتاب والأدباء الكبار حتى مات الرجل رافضا ان ياخذ شيئا منها بعد ان اعطاها عمره وشبابه وفكره
- صديقي عفوا لن اخذ بنصيحتك فلا اريد ان امد يدي للأحد ... ولو كان الأدب سيجعلني في مثل هذ المصير فليذهب للجحيم
رحم الله الفقيد الكبير واسكنه فسيح جناته والهم اهله الصبر والسلوان
وحسبنا الله ونعم الوكيل في هذه الحكومة الغبية الفاشلة
..........................
تحديث مهم جداجدا جدا
فاضل على الحلو تكة
..................................
اهداء
الي اخي وليد (عارفة مش عارف ليه)
اعرف انك تحب هذه الرباعيات فاسمح لي ان اهديها لك
(1)
شافوني الناس بضحك قامو حسدوني
قالو فرحان ومزقطط وحلوة الدنيا في عيوني
ياللي بتحسدوني مش كنتو الأول تسألوني
ضحكي مش فرحة سخرية من كتر احزاني وهمومي
(2)
قابلت صاحب ليا ماقبلتوش من زمان
وكنت عايز اجري اخده بالأحضان
لكنه سلم عليا بمنتهي الفتور
انا مش زعلان منه .. ماهو دة حال الزمان
(3)
القضية يا حبيبتي انه اصلا مافيش قضية
القضية إني بايع وانت كمان بايعة القضية
القضية إني هسيب وانتي كمان قلبك هيغيب
واني عمرى ماكنت ليكي ولا انت عمرك هتكوني ليا
(4)
نفضت للمدرسة والأبلة المتنرفزة
لاجل إني اشوف عنيكي وجمالك المعجزة
لكن لاقيتك واقفة بتضحكي مع غيري
لملمت في صمت جراحي ورجعت للمدرسة
(5)
انا حبي ليكي مش بس كلام
انا حبي فعل وعيون ماتنام
لكن انتي قاسية وقلبك اناني
ومهما بعمل دايما ألام
(6)
عيني على بنت اسمها مرمر
الشكل زي القمر والدم شهد مكرر
وسالتها يوم مالك .. الحزن ساكن ملا محك ليه
قالت وصلت لتلاتين وفارس الاحلام لسة ماجاش وتقدم
(7)
بعد العيد يا حبيبتي ما بينفتش كحك
بعد لما نسيتي وهجرتي ازاي هنرجع تانى لبعض
انا مش انا ولا انت انت
اتغيرنا ومش قدامنا دلوقتي غير البعد
(8)
فكرت في كل كلمة يا حبيبتي قولتيها ليا
لاقيت اللي عايزاه مني بجد صعب عليا
صعب اخطبك واسافر وانتي تستنيني
ولا ابقي حاسس بيكي ولاتبقي حاسة بيا
(9)
انا وانتي مقضيناها دايما كدة مسيدات
والعلاقة مابينا زي مانكون اخوات
وانا عايز اقولك كلمة صريحة مريحة فصيحة
ماتيجي نفضها سيرة وننسي كل اللي فات
(10)
كل واحد فاكر نفسه روميو وبيغني علي النسوان
وكل واحدة فاكرة نفسها جوليت ودة فارس الاحلام
عالم عبيطة ودماغها فاضية
مش عايزين يصحوا من الأوهام
(11)
انا والعذاب وهواك عايشين لبعضينا
قولي اعمل ايه وياك في قصة هوانا الحزينة
بتحبني ولا دي اشتغالة و وهم
واركز معاك ولا انسي ليالينا
(12)
اشمعنى يعني الميل اللي هيفتح ماكل حاجة مابتفتحش
واشمعني يعني حبي ليكي هيكمل ماكل حاجة مابتكملش
وكل حاجة في اي حاجة بكل حاجة
بتلف وتروح وتيجي وفي الأخر مابتتحققش
(13)
لما يبقي هم الناس كورة في رجلها
يبقي شيئ طبيعي تتسرق ارضها
وتقف في طابور طويل في اخر الأمم
وتاخد فوق دماغها وينتهك عرضها
(14)
انتي عارفة ان الجواز محتاج مصاريف
وانا شاب لسة في اول حياتي والحياة تجديف
وانتي عايزة وعايزة وعايزة وحقك دة
وانا هعمل ايه وانا لسة .. طيرجناحه
ضعيف
(15)
لوكنتي ياعين هتبكي على كل شيئ راح
هنعيش العمر كله في ألم وعذاب وجراح
لكن هقولك كلمة وخديها مني نصيحة
انسي امبارح دة بكرة مليان بالافراح

45 comments:

بنت الغربة said...

رباعيات حزينه قوى -بس واقعيه قوى
ماعدش دلوقتى فيه حب جامد زى زمان
وماعدش فيه واحده عايزه تضحى وتبدأ مع واحد من الصفر
لان الوضع فى مصر تحت الصفر
ربنا يكون فى عون كل الشباب اللى عايز يتجوز
عموما - فاكر لما قلتلك انى هاعمل زيك وابعت ايميل لجوزى زى اللى بعته لمراتك
بقالى شهر تقريبا بابعته ...وبرضه مافيش فايده ولا حتى بيرد عليه اصلا
بس انا مش هايأس وهابعت تانى
تحياتى

mostafa rayan said...

بنت الغربة
اهلا بيكي
ماعرفش ايه توارد الخواطر الجامد دة في نفس وقت كتابتك للتعليق هنا عندي كنت انا بعلق عندك
لو بصيتي عندك دلوقتي هتلاقيني لسة ماشي
تحياتي ليكي ولتعليقك ولتوارد الخواطر وللتدوينتك اللي بجد زي العسل

-
انتي بعتي قولتي لجوزك ايه؟
بصي لو الموضوع دة بجد لازم تتصرفي بحكمة
ربنا ييسرلك الأمور

آه وكفى said...

لا بس جامدة اوي ومعبرة اوي رغم حزنها واصلا وليد شخص جميل يستحق كل جميل

KHALED said...

انت اتكلمت عن حاجات كتير قوى يا مصطفى عملت كوكتيل فى الخلاط

تعبير صادق منك ياصاحبى
ارق تحية

mostafa rayan said...

آه وكفى
منوراني دايما
وطبعا وليد بني ادم جميل قوي ويستاهل
كل الخير
لككل التحية

- Khaled
يارب الكوكتيل يعجبك يا جميل
ومبروك العودة

حروف said...

بجد رباعيات جامدة واحليما قرات
انا حبي ليكي مش بس كلام انا حبي فعل وعيون ماتنام لكن انتي قاسية وقلبك اناني ومهما بعمل دايما ألام
شافوني الناس بضحك قامو حسدونيقالو فرحان ومزقطط وحلوة الدنيا في عيونيياللي بتحسدوني مش كنتو الأول تسألوني ضحكي مش فرحة سخرية من كتر احزاني وهمومي


بجدبجد احلي تعبير ربنا يوفقك يارب
دمت بالف خير

!!! عارفة ... مش عارف ليه said...

مصطفى

قد لا تتخيل ما فعلت بي كلماتك

اصابني الوجووم من هذا الإهداء

أرجو أن أكون أستحقه

وأشكرك من أعماق فؤادي يا مصطفى

أه والله

هرووح بقى اقرا الرباعيات واجي

سلام مؤقت

!!! عارفة ... مش عارف ليه said...

الله يا مصطفى

أيه الجمال ده

والله يا بني انت انسان مش عادي

بجد بجد بجد موهوووووووووووووب

ربنا يكرمك والله

عارف يا مصطفى

بحس إن الرباعية من دول

زي ما تقول كده بخبرة سنين عاملة زي الامثال الشعبية كل كلمة لها معنى وموزونة بميزان حساس

والحزينة منها بتنشع ألم

والمبهجة منها حروفها بترقص قدامك


وتحية للرقيقة نورة
على كلامها اللطيف


ربنا يحميك من كل مكروه
ويحقق لك كل احلامك

اخوك
وليد

من غير عنـــوان said...

رباعيات جميله زززسهله الوصول للقلب

أمنياتي

قلب ينبض بالحب said...

اولا رباعيات رائعة صحيح بيغلب عليها الشجن الا انها بتعبر عن كتير من الواقع ، وانا اسفة اني مش كنت عارفة اشيل تأكيد الكلمة لاني مكنتش بعمل دخول بقالي فترة للمدونة واديني شيلتها واسفة اذا كانت بتزعجك

Kiara said...

ياللي بتحسدوني مش كنتو الأول تسألوني
ضحكي مش فرحة سخرية من كتر احزاني وهمومي

*********

رباعياااااااات جاااااااااامده

تسلم ياجاري العزيز

Anonymous said...

- حروف (دلو مرة ثانية وجرح ثاني سابقا)
كل سنة وانتي طيبة ويارب تكوني بخير وفرحان ان الرباعيات عاجبتك
تحياتي الكتيرة ليكي

- وليد الجميل قوي
تحياتي ليك يا قمر
عارف انت السبب في فكرة الرباعيات دي
لما نشرت القصيدة وانت قلتلي ان الرباعيات بتدخل القلب بدون حواجز فكرت ان البوست الجاي يكون رباعيات واهديها اهداء خاص لك
بس سامحني يا صاحبي لو كانت حزينة شوية
وكون انك شايفها بتمثل خبرة السنين وحكمة الأمثال الشعبية دة اكبر نجاح ليا
خصوصا لو الأشادة دي جت من حد متذوق جيد وفاهم في الفنون زيك دي بجد شهادة اعتز بيها
دمت بكل الخير يا صديقي العزيز الغالي

- من غير عنوان
كلامك شهادة اعتز بيها
تحياتي لك ودمت بخير

- قلب ينبض بالحب
اهلا بيكي يا عزيزتي الجميلة
وفرحان قوي ان الرباعيات عاجبتك
وانتي ماغلطيش علشان تعتذري
فبلاش اسفة والكلام دة
الموضوع ابسط من كدة بكتير قوي
لك كل التحية ودمت بكل الخير

- كيارا
جارتي العزيزة
عارفة دي اكتر رباعية بتعبر عني في البوست دة
ساعات كتير بنضحك علشان نداري همومنا لكن اللي حوالينا مابيحسوش بدة
لك كل التحية ودمت بكل الخير
يا بنت منطقتي

رؤية said...

جميلة
احيانا بتكون اجمل الاهداءات
كلمات


تحياتى لك

Anonymous said...

رؤية
اشكرك
ولكن مارايك في الكلمات نفسها
لك كل التحية

عاشــــــ النقاب ـقــــة"نونو" said...

وعجبي
حزينة بس حقيقية
تحياتي

mahasen saber said...

دايما مبدع كده يا مصطفى

الرباعيات جميله وموجعه فيها وجعك والمك الداخلى

انا وصلنى الميل ومتتخيلش سعادتى ازاى بيك صدقنى ربنا هيكرمك وهتشوف بكره تقول محاسن كانت قالت كده

dramaqueen said...

رباعياتك جميلة اوى
موهبتك جميلة اوى
ربنا يوفقك دايما

salwa said...

السلام عليكم
"انسي مبارح دا بكرة مليان بالافراح)
ما اضيق العيش لولا فسحة الامل
كلام جميل
شكرا لك
سلام

mostafarayan said...

- عاشقة النقاب
اهلا بيكي بعد غياب
فرحان انها عاجبتك
تحياتي لك ودمت بكل الخير

- محاسن صابر
اه يا محاسن انا نفسي بكرة دة يجي
بس يجي وانا صغير علشان اقدر استمتع وافرح بيه
نورتيني وربنا مايحرمني منك ابدا يا صديقتي الغالية

- دراما كوين
انتي الأحلى
نورتيني يا جميلة

- سلوي
صديقتي البيروتية الجميلة
اهلا بيكي وشكرا للأطرائك وفعلا لازم نحلم ان بكرة احلى
دمت بكل الخير

تايه في وسط البلد said...

معبرة جدا والله والصدق يطل من بين الكلمات

انت لو كنت صبرت علي النص شوية كان هيبقي قاتل لكن مش يمنع ان فيه حاجات رهيبة زي

نفضت للمدرسة والأبلة المتنرفزة
لاجل إني اشوف عنيكي وجمالك المعجزة
لكن لاقيتك واقفة بتضحكي مع غيري
لملمت في صمت جراحي ورجعت للمدرسة

Anonymous said...

تايه في وسط البلد
حبيبي منور يا نجم زي العادة
بس انا مش فاهم معني كلامك لو كنت صبرت على النص شوية
فهمني دي يا صاحبي
لك كل التحية يا جميل

Anonymous said...

مصطفى أخى

كالعادة وليس لى حكم على الشعر العامى

أعجبنى المضمون
وان كنت لم استسغ الشكل

ولكن ليس الحكم لى

دمت مبدعا

تحيتى

الجواز و سنينه said...

مصطفى
و الله يابنى انت ممتاز
و عجبنى اوى شويه حاجات منها
نفضت للمدرسة والأبلة المتنرفزة
لاجل إني اشوف عنيكي وجمالك المعجزة
لكن لاقيتك واقفة بتضحكي مع غيري
لملمت في صمت جراحي ورجعت للمدرسة
و ده كنت بتعمله و انت فى كى جى تو
اعترف
معلش ماكونتش متابعه اليومين اللى فاتوا علشان كده ماكونتش بعلق

dodda said...

حلوه اوى الرباعيات


لما يبقي هم الناس كورة في رجلها
يبقي شيئ طبيعي تتسرق ارضها
وتقف في طابور طويل في اخر الأمم
وتاخد فوق دماغها وينتهك عرضها


ودى اكتر واحده عجبتنى
رغم الالم الالم الالم

rovy said...

ما شاء الله
يا جمال رباعيتك يا مصطفى
معبره و متنوعه و قريبه من القلب
و جميل قوى انك بتهديها لوليد
حقيقى هو انسان قوى و يستحق كل الخير

دمت مبدعا
تحياتى

mahasen saber said...

مش فاهمه حتة التكه دى بس يا رب يبقى خير
وابقى زى ما فهمت انها خير
نقول امين

Anonymous said...

المحارب المتيم
اخي الفاضل
انت دايما بتنورني وان شاء الله اكتب قصيدة فصحي قريب واعرف رايك فيها
منور يا جميل دايما

- الجواز و سنينه
منورة واهلا بيكي بعد غياب
وعايزك بقي تتباعي باستمرار ان شاء الله في تطورات قادمة يارب تتحقق وتعجبك

- dodda
يمكن تكون اكتر حاجة عاجبتك بسبب الظروف اللي بنمر بيها
ربنا يفك الكرب ويصلح الحال
اهلا بك ودمت زائرة كريمة للمدونة


- روفي
اهلا بيكي بعد غياب
فرحان ان الرباعيات عاجبتك وفعلا وليد انسان جميل
ويستحق كل الخير
اهلا بيكبي دايما

- محاسن صابر
التكة هي الحلم اللي ان شاء
الله هيتحقق قريب قوي
ربنا مايحرمني منك ابدا يا محاسن ولا من اهتمامك و سؤالك الدائم عني
دمت بكل الخير والود

صفــــاء said...

.
ايوة كدة يا درش

ايه الروقان دة يا معلم

لا رباعيات معموله بمزاج عالى اوى

وبعيد عن رنه الحزن اللى فيها

لكن برضه رايقه وجميله
.

Anonymous said...

صفاء
فينك يا جميلة
ليكي وحشة بجد
ويارت ماتعمليهاش تاني وتغيبي وتقلقينا عليكي كدة
على فكرة في قصيدة شعر في البوست اللي قبله اسمها ( انتي فين ) انا حابب اعرف رأيك فيها
دمت بكل الود يا صديقتي الغالية والعزيزة جدا

اهو ده عيبه said...

حلوة قوى وتحس انها من الواقع اللى عايشينه
حزينة صحيح بس حقيقية لان للاسف مبقاش فيه حاجات كتير تفرح

تحياتى لك

مهرة سالم said...

السلام عليكم...
ماشاء الله رباعيات هايله..
وتعبر عن واقع الحال..
......
دمت بإبداع..

جسر الى الحياة said...

حلوة يا مصطفى الرباعيات كلها بلا استثناء لان كل رباعية لها طعمها وفكرتها الخاصة...صدقنى المشاعر زمان غير دلوقتى انا زمان بالنسبة لى من 15 سنة مثلا كان الحب حاجة مختلفة وان اتنين يرتبطوا عن حب ده كان الدنيا وما فيها ...الله يكون فى عون الشباب بس برضة البنات لازم تساعد شوية فى استرجاع المشاعر اللى فقدت فى ظروف غامضة
دمت بحب ومودة

zainab said...

مصطفى

ماشاء الله عليك

بجد رباعيات جميله جدااااااااااااااا

واقعيه رائعه

حاولت أختار منها أجزاء لكن لاقيتها كلها عجبانى

فى انتظار الجديد

تحياتى

mostafa rayan said...

اهودة عيبه
معاكي حق يا داليا .. مابقاش فيه حاجة تفرح وانكنا لازم نتمسك بالأمل


- نهار
نهارك فل يا جميل
وشكرا لكلامك الحلو عني

- جسر للحياة
اهلا بيكي وياريت الناس كلهاتفهم كلامك دة
دمت بكل الخير

- م / الحسيني
المقاطعة فعلا سلاح فعال
وان كنت احب اعرف رأيك في موضوع البوست

-
zainab elmosalamy
ربنا يخليكي يا زينب
بالنسبة للجديد فانا زيك منتظره بردو بفارغ الصبر
ادعيلي بقي يحصل
لأنه اتاخر قوي
دمت بكل الخير يا اختى الفاضلة

شمس النهار said...

يانهار ابيض
البوست ده عايز اجازه بدون مرتب عشان الواحد يعلق عليه
بالنسبه لكاتبنا الكبير رحمه الله
يكفيه انه ما بشرف لم يمد يده لاحد والعمر واحد والرب واحد
مين الحلو اللي فاضل عليه تكه الله واعلم المهم انه يكون يستاهل
اما الرباعيات
لطيفه جدا
ليه حق صديقك يحبها

zainab said...

مصطفى
يارب نشوف لك جديد قريب

بس معلش يا مصطفى انت شايف ان
الفلوس ممكن تعوض عن التكافؤ العلمى
طيب يا مصطفى انا بسأل من منطلق ان لو الشاب وده غالبا بيحصل بيكتسب من مهنته ألفاظ مش كويسه أو صفات مش كويسه
ممكن تؤدى إلى فشل العلاقه
فهمتنى يا مصطفى
و يسعدنى زيارتك لى فى مدونتى الأخرى (نور الحياة)
وهذا هو الرابط
www.norelhaya.blogspot.com

mostafa rayan said...

شمس النهار
اهلا بيكي ياجميلة
رحمك الله الفقيد الكبير
- الحلو اللي فاضل عليه تكة الحلم اللي بحلم بيه من زمان قوي وهو بجد يستاهل كل التعب اللي تعبته علشانه
ادعيلي بقي انه يتم ويتحقق والتكة تتحصل ادعي من قلبك يا شمس النهار من قلبك جامد قوي
تحياتي ليكي ودمت بكل الخير

- زينب المسلمي
زينب بصي لازم نتفق على مبدأ طالما الحب موجود بين الطرفين دة هيسهل كل شيء
بخصوص سؤالك الفلوس مش كل حاجةولكنها شيء مهم في الحياة وفي الزواج على الأخص
- اما سؤالك التاني
يا زينب الموضوع دة يتوقف على اخلاق الأنسان نفسه وصدقيني في ناس كتير قوي من اللي احنا بنبصلهم بعين الأحترام والتقدير اخلاقهم في الحقيقة زي الزفت
لو ربنا اكرمك وحبيتي تنشري كتاب ممكن تروحي دار النشر تلاقي صاحب الدار قاعد بيشرب خمرةوبيلف سجاير حشيش هو وكاتب مهم من الناس اللي انتي بتحبيهم وتبقي انتي مستغربة قوي بس هو دة العادي ممكن كمان تلاقي الستات نازلين بوس واحضان في الرجالة ودة عادي جدا بردو او تلاقي راجل بشنبات يقف الصقر عليها بيولع سجاير لواحدة ست او تلاقي في ندوة الكاتبة بتبوس الناقد وكل دة عادي بردو واهم دول ناس بيشتغلو في ارفع شيء في حياة الأنسان مجال الكتابة والنشر وممكن تسمعي منهم الفاظ قذرة جدا ويتكلمو عن حد غايب باحقر الصفات
مش شرط الألفاظ الوحشة في الوسط المهني صدقيني المهنين احيانا كتير بيكونواحسن على الأقل دول وقت الصلاة بيروحو يصلو لكن ممكن تلاقي دول بيتناقشو في اساسيات الدين
الكلام كتير وانامش عايز اطول عليكي
ربنا يكرمك وييسر لك كل الخير

zainab said...

السلام عليكم

بص يا مصطفى أكيد فيه فى كل مجال
الحلو و الوحش
كل قاعدة لها شواذ
بس فى بنات لو اتجوزت واحد أقل منها فى المستوى التعليمى تحس ان زوجها أقل منها وده أول سلالم الفشل
وخاصة لما يكون مافيش حب بين الطرفين
أنا فهماك يا مصطفى على الرغم من انك استخدمت كلمات معلش يعنى بتحرج

تحياتى

Anonymous said...

زينب
انا فاهم قصدك ممكن تكوني بتتكلمي على جواز الصالونات التقليدي مش اللي بيكون وراءه قصة حب كبيرة بين الطرفين
بس حتى في جوازالصالونات لازم يكون في على الأقل قبول وإلا ايه اللي يرغمني اتجوز حد مش قابله
ممكن يكون كلامك من الناحية دي صح
- بخصوص الالفاظ المحرجة ممكن تكوني كدة بس دة الواقع اللي شوفته بعيني
- وشوفت ألعن منه كمان في الوسط دة-
- على فكرة شكلك حد طيب قوي ونضيف من جوة حاولي تحافظي على نفسك كدة وماتخليش الحياة تغيرك
لككل التحيةودمت بكل الخير

وردشان smilyrose said...

بجد اول زيارة

بس بجد رغم عشقى لرباعيات جاهين

الا اننى وجدت واقع من حياتنا

اسلوب جميل ايها الثائر

وبعدين يابنى اول زيارة

تخليها حلقة راديونية ولا تليفزيونية

حلو المصطلحات دى هه

اسلوب جميل

smilyrose

روح الحب الصادق

mostafa rayan said...

smilyrose
اهلا بيكي ومنورة المدونة
فرحان ان الرباعيات عاجبتك
بس هي تشبهني انا وبأسلوبي انا مش بحاول اقلد فيها اي احد
اما بقي الحلقات الرديونية والتلفزيونية .. اطمني ان شاء الله جاية في القريب العاجل جدا
اخوكي درشاوي عنده مفاجأت هتكسر الدنيا
في انتظارك دايما
تحيياتي ليكي ودمت بكل الخير

صمت المشاعر said...

ماشاء الله رباعيات جميله اووي وبتعبر عن واقعنا دي اول زياره للمدونه بس واضح انه اسلوبك فيها رائع

mostafa rayan said...

صمت المشاعر
ربنا يخليكي ويكرمك
خليكي متابعة للمفاجأة

مواطن مصري said...

مدونة جميلة

Anonymous said...

مواطن مصري
انت الاجمل
دمت بكل الخير يا اخي