ازيكوا يا جماعة عاملين ايه يارب تكونو بخير
البوست دة انا بكتبه بمناسبة فوز مصر بكأس الأمم
البوست اللي فات كان فبل بداية البطولة وابديت فيه تخوفي من البطولة لكن في الحقيقة الاعبين والجهاز الفني كانوا قد المسؤليه وادوا اداء بطولي وفعلا هما استحقوا البطولة واسكتوا ألسنة كل الحاقدين وانا من هنا بقولهك ألف مبروك يا رجالة ومبروك يا حسن شحاتة ياجامد قوي
لكم يا جماعة لاوم نعترف ان البطول جائت نتيجة جهد الاعبين مش للأننا لا سمح الله عندنا منظومة كروية جيدة او في جدول واضح او محدد اتحاد الكرة عندنا عبارة عن مجموعة منتفعين مش اكتر كل اللي فيه مابيدوروش غير علي مصلحتهم وبس اما مستقبل الكرة والأهتمام بالناشئين
وتطوير الأحتراف وكل الحاجات اللي المفروض يهتموا بيها مابيهتموش بيها خالص بس تحقيق مصلحتهم والظهور في كل وسائل الأعلام
بدليل اننا لسة بنعاني من كل المشاكل اللي بنعاني منها من سنين لسة الدوري كل شوية بيتوقف ولسة ماعندناش جدول محدد للبطولات اللي هنشترك فيها ولسة نسبة الاعبين المحترفين قليل جدا ولسة نادي واحد هو اللي بيتصدر البطولة والباقي كله بيدور في فلكه لسة الأندية بتتصارع علي لاعبين كسر لسة مافيش اهتمام بالناشئين لسة مافيش استادات لائقة ببلد كبير مثل مصر لسة سلطة الأندية اكبر من سلطة الأتحاد .. لسة ياجماعة كل حاجة عندنا محلك سر والأتحاد الزاهري الشوبيري الموقر ماعملش اي حاجة لأنه يبدوا انه مش فاضي فبلاش ننخدع ونفتكر اننا بقينا التوت فروت بقي وان ماحدش قدنا
لكن رغم كل دة انا عايز اقول مرة تانية .. مبروك لمصر ولينا كلنا وشكرا يا حسن يا شحاتة ليك انت ورجالتك لأنكم قدرتوا ترسموا علي وجوهنا فرحة كنا محتاجين ليها قوي
